رواية أنت مرادي الفصل الثامن والعشرون 28 بقلم علا عبدالعظيم

عند ملك و مراد كانوا صحيوا و خرجوا ..

ملك : انا عاوزه اكل برتقان..

مراد : برتقان اي دلوقتي ، قولي سمك ولا جمبري .

ملك بإصرار : لا يا مراد انا عاوزه برتقان و دلوقتي .

مراد : برتقان ، برتقان يلا يا ستي.

ركبوا العربيه وفضلوا ماشين لحد ما وصلوا عند بياع فاكهه .. نزل مراد اشترى برتقان و رجع العربيه ..

ملك : هات هات بسرعه .

مراد بضحك : براحه في اي !

ملك : نفسي فيه اوي يا مراد .

مراد بإبتسامه : كلي يا حبيبتي بالف هنا .

ملك وهي بتقشر البرتقان: الله يهنيك ، تاخد واحده ؟

مراد : لا مش عاوز كلي انتي .

ملك : طيب يلا نروح عشان عاوزه انام .

مراد : انتي غيبوبه يابنتي !

ملك : اه إذ كان عاجب .

مراد و هو بيدور العربيه : عاجب ياستي عاجب.

في بيت محمود و عبير ، كانوا جهزوا الاكل و مريم جهزت و فجأة الباب خبط

مريم : عمر وصل عمر وصل .

عبير : يا مدلوقه

مريم وهي بتفتح الباب ، جوزي يا ماما .

عمر : السلام عليكم ..

كلهم : عليكم السلام .

عمر : اي الريحه الحلوه دي !

مريم : انا اللي عامله الاكل..

عبير : يخربيت الكدب .

عمر بضحك : انا اصلا عارف انها بتكدب بس سارح بيها .

مريم : ياسلام ياخويا..

عمر : وسعي بقا عشان جعان .

محمود خرج من الاوضه

عمر : ازيك يا عمي ..

محمود : انا كويس يا حبيبي انت عامل اي .

عمر : بخير الحمدلله.

محمود : حجزت القاعه ؟

عمر : ايوه ، في معادنا أن شاء الله .

محمود : أن شاء الله.

بدأوا في الاكل و كانت مريم بتحاول تضحك عمر ب اي طريقه لانها عارفه هو قد اي مضغوط بسبب موضوع فرحهم اللي قرب و هو مكنش جاهز لكن هو عمل كدا عشانها وكمان هو من اول ما عرفها وهو بيطلعها من مشاكل و بيوقع في مشاكل بسببها.

و في المستشفى .

هادي : عاوز أسألك على حاجه ..

اسماعيل : أسأل يا حبيبي .

هادي بتردد : ا اي علاقتك بـ رانيا ؟

اسماعيل : رانيا كانت صاحبة امك وجوزها كان ميت وهي صغيره و بصراحه كانت عجباني ولما امك ماتت طلبت ايدها لكن هي من حبها في امك مرضتش توافق و مش كدا لا هي سابت اسكندريه كلها و اخدت بنتها معاها.

هادي : قصدك هدير ؟

اسماعيل بإستغراب : ايوه هدير ، انت تعرفها ؟

هادي اتنهد بحزن : دي الوحيده اللي حبيتها وكسرت بخاطرها لما عرفت أنك كنت عاوز تتجوز امها.

اسماعيل بجديه : لا يابني لا هي ملهاش ذنب ولا هي ولا امها ، الغلط كان مني انا بس .

هادي : طب اصالحها ازاي ؟

اسماعيل : روحلها و اطلب ايدها.

هادي : امتى ؟

اسماعيل : دلوقتي حالا.

هادي : طب وانت ! هسيبك لمين ؟

اسماعيل : روح بس انا بقيت كويس ..

هادي : خلي بالك من نفسك.

اسماعيل بفرحه و أخيراً ابنه خايف عليه : متقلقش عليا يا حبيبي.

هادي بسرعه : طب انا ماشي سلام .

اسماعيل بحب: مع السلامه . . ربنا يوفقك.

و عند مصطفى و روز  .. كانوا اختاروا كل حاجه تخص الشقه .

روز : كدا مش فاضل غير الفستان .

مصطفى بتعب: طب يلا لاني فصلت .

روز : حاضر ، في مكان هنا قريب .

مصطفى : تمام .

ركبوا العربيه وبعد شويه صغيرين وصلوا ..

روز : بس هنا يا مصطفى.

نزلوا من العربيه و دخلوا ، بدأت روز تختار هي و مصطفى الفستان .. مسكت روز فستان .

روز : اي رأيك في دا ؟

مصطفى : حلو اوي .

روز : هجربه .

دخلت روز و لبست الفستان و خرجت .. فضل مصطفى يبصلها ومش عارف ينزل عينه عنها ، كان الفستان ابيض طوله مناسب من قدام لكن من ورا طويل ومن فوق كان شبه متغطي وكان شعرها الأصفر  الطويل اللي زي الدهب مفرود وراها وببشرتها البيضه و عيونه الزرقه كانت شبه الاميرات .

روز : مصطفى يا مصطفى ..

مصطفى بسرحان : هاا.. بتقولي حاجه ؟

روز : انت نمت ولا اي .

مصطفى : لا لا صاحي .

روز : الفستان حلو !

مصطفى : اوي ..

روز : تمام هدخل اغير.

مصطفى : روز ..

روز : نعم !

مصطفى : انتي حلوه اوي .

روز ابتسمت بكسوف : مش هتأخر و طالعه .

مصطفى : خدي راحتك .

دخلت روز تغير وبعد شويه خرجت ..

روز : يلا ؟

مصطفى : يلا .

روز : مصطفى ..

مصطفى : اي يا حبيبتي.

روز : عاوزه اطلب منك طلب .

مصطفى : اؤمري .

روز بتردد : عاوزه اروح الملاهي .

مصطفى بيحاول يكتم ضحكته.

روز بطفوله : انت بتضحك عليا ؟ خلاص مش عاوزه اروح.

مصطفى بضحك : لا و على اي القمص دا يلا نروح.

روز بفرحه : بجد هتوديني ؟

مصطفى : ايوه هوديكي..

روز : امسك الفستان كدا و حاسب وانا مستنياك في العربيه ، متتأخرش .

مصطفى : حاضر .. طفله بتتجوز ؟ اول مره اشوف طفله بتتجوز.

و عند هادي كان وصل و راح لبيت هدير..

رانيا فتحت الباب .

رانيا : انت مين ؟