رواية من قلب الظلام الفصل العشرون 20 بقلم منة الله محمد

رواية من قلب الظلام الفصل العشرون 20 بقلم منة الله محمد

رواية من قلب الظلام البارت العشرون

رواية من قلب الظلام الجزء العشرون

رواية من قلب الظلام الحلقة العشرون

نور :
دفع لحد علشان يته’جم عليا لإن انا بالنسبة لبابا كنت بس وسيلة بيرضى بيها شعوره أن أخوه الصغير أحسن منه ، و كل الإهتمام والحب و الخوف الزيادة بس لأنه كان شايف بكده أنه أحسن من أخوه كان شايف أنه خوفه عليا وحبسه ليا انو كده أب أحسن من أخوه و فى يوم الست إللى بابا كان متجوزها عرفى جتله البيت و هددته أنها ها تقولى كل حاجه وأنها جايه علشان عايزه تاخدنى معاها ،
ماما قالتلى أنه وقتها بابا اتجنن خالص ودخل فى حالة هستيرية غريبه وكان ديما يقول أنه ها يعمل أى حاجه المهم أنى أفضل معاه
Flash back//
عماد :
مستحيل مستحيل يا حنان أسيب الست دى تعرف نور أى حاجه مستحيل أسبها تاخد نور ، لو نور راحت معاها و أكرم عرف لا مش ممكن أسيبه يكون أحسن منى تانى .
حنان :
ايه الكلام الغريب إللى انت بتقوله ده؟! بجد هو ده إللى فارق معاك ؟! اكرم يكون أحسن منك انت لازم تعرف أن نور دى بنتى انا ولو أى حد حاول ياخدها منى انا أكلوا بسنانى . انا إللى ربيت نور 18 سنه و طول عمرها انا هيا أمها كانت فين الست إللى ولدتها لما نور تعبت وانا إللى سهرت جنبها ولا لما مشيت أول خطوة ليها كانت فين من عمر بنتى أصلا .
عماد :
محدش ها ياخد نور منى يا حنان أبدا ولو اضطريت أعمل أى حاجه انا مستعد أوصل لأى حد بس نور لا .
عودة للحاضر//
نور :
وبعدها بابا فكر فى الخطة المقرفة دى ، وكان مفكر انى لو حصل معايا حدثه زى دى الست دى ها تبعد عنى لإن هيا مش حمل بنت مدمرة بالشكل دا .
زياد :
انت بتهزرى أكيد يا نور الكلام ده مالوش معنى غير أن عمى مختل عقلى لإن التصرفات دى مستحيل تطلع من شخص عاقل أبدا .
نور :
للأسف فى دى كمان معاك حق
حسام :
انا كده تهت قصدك ايه يا نور ؟! يعنى والدك فعلا كان مختل عقلى.
نور :
فعلا كان مختل عقلى بابا وهو عنده 19 سنه تقريبا بدء يعمل تصرفات غريبه و جدى و جدتى أخدوا بالهم منها زى أنه بدء يبقا عنيف و ديما بيكره أخوه أو أى حاجه ليها علاقة بيه وكل يوم كان الموضوع ده بيزيد أكتر وبعد سنتين جدى قرر ان الجواز هو الحل لمشكلة بابا و اتجوز بابا وماما حنان فعلا
و الكلام ده ماما عرفته بالصدفة بعد سنه من الجواز بس الموضوع مافرقش معاها كتير لإن بابا كان بيتصرف كويس معاها بس بعد ما جدى و جدتى ماتو ماما قالتلى أن بابا ماكنش زعلان ولا الموضوع كان فارق معاه أصلا ولما سألته عن السبب
حنان :
عماد انت ازاى مش زعلان على موت أهلك ولا فارق معاك أصلا ؟! دا انا إللى عرفتهم من 3 سنين بس زعلانه على موتهم ؟! و خصوصا انهم ماتو بطريقة وحشه قوى .
عماد :
أزعل ليه أحسن حاجه انهم ماتو أهو أرتاح منهم ، طول عمرهم بيحبوا أكرم أكتر منى و علي طول الإهتمام كله لأكرم اما أنا رمونى .
حنان :
ايه الكلام الغريب إللى انت بتقوله ده ؟!
انت ناسى أن أخوك من يوم ما اتولد و هو كان عنده مشاكل فى القلب و على طول تعبان طبيعى انهم يهتموا بيه .
عماد :
لا مش طبيعى انا ابنهم الكبير كان لازم يهتموا بيا أنا .
انا مش عارف أكرم ده محظوظ كده ليه يعنى البيت ولع وهما ماتوا جواه بس هو كان بره و فضل عايش ماكان يموت معاهم و يريحنا .
نور :
ماما قالت إن وقتها وهيا اتأكدت أن بابا مش بس بيكره أخوه لا وكمان أهله و عرفت أن الطريقة الوحيده لإنها تخلى بابا يساعد عمى أكرم هيا أنها تحسسه أنه لما يساعده هو كده أحسن منه و يوم ورا يوم فضلت الفكره دى تكبر فى رأس بابا و إنه لازم يكون أحسن من أخوه و بدء يكون فى سباق وهمى فى رأس بابا إنه لازم يعمل كل حاجه أحسن من عمى .
زياد :
مش معقول الكلام ده دا ايه العيله الجميله إللى عندنا دى ؟!
نور :
لسه الصعب جاى
أمنيه :
مش معقول هو لسه فيه أسوأ من كده !
نور :
بعد ما عمى هرب من البيت بعد ما قت’ل حنين و خالتوا أمل ماما سمعت بابا بيتكلم فى التليفون
عماد :
خلاص يا زفت ماشى ها أجيب ليك فلوس زياده لا وعلى أساس انك خلصت الشغل صح ما انت اته’جمت على حنين بدل نور
حنان :
عماد ايه الكلام الغريب إللى انت بتقوله ده ؟!
وقبل ما بابا يرد و يقول أى حاجه ، سميه ( الست إلى بابا كان متجوزها عرفى واللى هي أمى الحقيقية) رنت على بابا
و هددته أنها جايه و ها تقولى كل حاجه ووقتها بابا خرج من البيت جرى وراح على عنوان بيت سميه ورجع وبعدها بساعتين وهو عمال يخبى القميص بتاعه بالجاكيت الى كان لابسه و لما ماما شافت القميص كان كله غرقان دم
حنان :
ايه الدم ده يا عماد ؟! انت كنت فين
عماد :
قتل’تها قت’لتها هههههههه
حنان :
قتلت مين ؟! أتكلم
عماد :
سميه انا قت’لت سميه زى ما قت’لت أهلى قبلها هههههه انا اللى ولعت فيهم انا إللى خلصت منهم كلهم هههههه لا وكمان استنى كلها أسبوع و أكرم يرجع ميت عرفه ليه ؟! علشان انا كنت بديه سم على جرعات هههههه انا اللى خلصت منهم كلهم انا .
حنان :
انت أكيد مجنون انا لازم أبلغ عنك
وقبل ما ماما تعمل أى حاجه بابا خبطها على راسها.
نور :
و انتم عارفين كل حاجه حصلت بعد كده
و فضل كل إللى فى الأوضه سكتين لفتره ونور بتعيط وقعده مكانها بصه على الحيطة مش بتتحرك ، لحد ما حسام هو إللى كسر الصمت إللى خيم على الأوضه
حسام :
نور انت لازم تكونى قويه يا نور انت لازم تتخطى كل ده انت دلوقت دكتورة شطره مش مجرد مراهقه عندها مشاكل نفسيه انت دلوقتي أكتر واحده فهمه أنك لازم تهدى انا مش هأقدر أشوف أختى الصغيره إللى قضت معايا كل السنين دى بتنهار تانى و ترجع لنفس الحالة إللى طلعت منها زمان بصعوبه .
ردى عليه يا نور .
بس نور كانت فى عالم تانى خالص و خلاص كل طاقتها كانت خلصت و حتى مش قادرة ترد .
حسام :
لو سمحتوا كلكم اطلعوا بره و سيبونى انا و نور لوحدنا .
و بعد ما كل اللى فى الأوضة طلعوا .
حسام :
نور انت لازم تتخطى كل اللى انت فيه دلوقتى انا عارف أنه أكيد صعب و إنه مستحيل حد يقدر يحس باللى انت حسه بيه دلوقت و أى حد مكانك كان انهار بس انا عارف انك قويه يا نور ، اوعى تسمحى لأى حد أنه يكسرك تانى اوعى تخلى أخطاء أهلك فى الماضى تسرق منك أيامك الجايه يا نور .
نور :
دى مش مجرد أخطاء يا حسام دى مصايب و انا والله طاقتى خلصت ، خلصت لدرجة انى مش قادره حتى أكره الناس دى .
مش قادره خلاص
حسام :
قولتيلى انى كذبت لما قلت إن المستقبل يستاهل فرصه بس انا لسه عند كلامى يا نور ، خلاص كل الأسرار إللى كانت فى حياتك خلصت كل الناس المؤذيه اللى كانت حواليكى ماتوا خلاص يا نور .
نور :
انت متأكد أن كل الأسرار خلصت خلاص ؟!
حسام :
ايوه متأكد يا نور
نور :
بس انا خايفه قوى و مش قادره .
حسام :
وانا معاكى يا نور و زى ما ساعدتك قبل كده ها أساعدك تانى .
وبعد كده مروان اعترف ودخل السجن وأمنيه عرفت أن كل اللى عمله مروان معاها كان لإنه كان عايز يتسلي بيها شويه وياخد منها شويه فلوس وبس أما بقا مروان حرق بيتى ليه و قتل بابا ليه ؟! فا لإنه كان مراقب البيت وقتها ولما شاف بابا فخاف أنه يقول كل حاجه فا حرق البيت ومات بابا بنفس الطريقة إلى قتل بيها أهله .
بعد ثلاث سنوات//
أمنيه و زياد اتجوزوا وخلفوا بنتين توأم و سموهم نور و حنين .
اما حسام فا لسه زى ما هو مشرف المصحة اللى انا شغاله فيها
اما أنا بقا عايشه انا وماما حنان فى الشقة بتاعتى و كمان انا فتحت عياده خاصه ليا بجانب شغلى فى المصحة .
و بصراحة مش عارفه انا قصتى انتهت نهايه سعيده ولا حزينه بس إللى أعرفه واللى انا متأكده منه
إن حياتنا مهما كانت صعبه ومليانه أسرار و مشاكل لازم نكملها للأخر و دايما نفتكر إن المستقبل يستاهل فرصه .

لقراءة باقي حلقات الرواية اضغط على : (رواية من قلب الظلام)