رواية مغامرات ابناء العاصي الفصل الثالث عشر 13 بقلم كنزي حمزة

رواية مغامرات ابناء العاصي الفصل الثالث عشر 13 بقلم كنزي حمزة

رواية مغامرات ابناء العاصي البارت الثالث عشر

رواية مغامرات ابناء العاصي الجزء الثالث عشر

رواية مغامرات ابناء العاصي الحلقة الثالثة عشر

حضر الجميع وجمعوا في شقة الحج فضالي كما حضر الدكتور حازم زوج اسراء وصديق عاصي وحمزه وولده مازن ذو الثلاثة عشر
وجلس الرجال جميعا سويا جلس معهم الشباب بينما، جذبت الفتايات دانا التي اتت معهم مرغمه
وصاحت ليا: ههههههههه اخيرا جيتي الجماليه يا دانا
دانا: ماكنتش هاجي وحياتكم لولا بس خوفت زين وتيا يزعلوا، انا جيت عشان خاطركم انتوا بس يا تيا
روقيه بغيظ منها: وليه دا كله اللي يسمعك يقول ان حد هنا قاتلك قتيل
دارين: سيبك منها يا انطي، دي بت شعنونه
اسراء: والله وحشتيني يا دارين بقالي كتير اوي ماشوفتكيش
دارين: وانتي كمان والله يا حبيبتي وحشتيني والقمر بتاعتك دي كبرت وبقت عروسه ما شاء الله عليها، اسمك ايه ياقمر
اسراء: اسمها مي مش بقولك نستينا
غمزه: حد بردو ينسي مي العسل دي، الله مالك ياغزل قاعده ساكته كده ليه
غزل وهي تنظر الي ليا: هاه، مفيش حاجه يا غمزه، لتقترب ليا منها وتهمس لها
ليا: ماتخافيش عدي طلع يجيبه، انا مش طلعت عشان بابي فضل قاعد معايا ونزلنا سوي
غزل بزعل منها: خلاص يا ليا بس يا رب يرضي ينزل معاه بقي
لتراهم امامها هما الاثنان يدخلون وهو لازال وجهه غاضب
_متجمعين في الفرح دايما، ولكنه تصنم مكانه حين رأها وهي ايضا التفت مسرعه تنظر اليه بغضب لما استمعت لصوته وكأنها تلومه علي البعد
دارين: يارب يا حبيبي عقبالك ياعدي
اسراء: عدي تعالي يا واد سلم عليا
عدي: ربنا يخليكي يا طنط دارين ياعسل انتي، انما انتي اخ ياني منك انتي، اديني برستيچي شويه بقي يا اسراء، ليقبل راسها وهي تحتضنه
دارين: اخس عليك بقي هي اسراء وانا طنط لاء، انا زعلانه منك
عدي: هههههههه طب انا ممكن ادلعك كمان بس اوعي تقولي لسيادة العميد ليعلقني
لتمرح مي معه وهي تقول: كده طب انا بقي هفتن عليك لبابي وهقوله
ليقترب منها تحت نظرات الاخري عدي: اه يا لمضه مش هتبطلي طولة لسان
مي: لاء يا خويا مش هبطل وخصوصا اني زعلانه منك
عدي: ليه بس يا ميويا انا عملتلك حاجه يابت
مي: بت اما تبتك، فين الكلب الجولدن اللي وعدتني بيه من اخر الدراسه
عدي: يا سلام، عيني وهمس لها: بس ماترجعيش تقولي مش هاخده عشان شهاب هيزعق
مي بهمس: بس انت هاته وهنقول مازن اللي اخده منك
روقيه بحب : واد يا عدي انت بتقولها ايه يا واد
عدي: الله اصحاب مدرسه واحده وبنتكلم، ماتركزيش معانا بقي يا روكا
غمزه: ههههه انتوا مفيش فايده فيكم ابدا، طول عمركم كده تقعدوا تنقاروا في بعض
وقفت بجانبه وهو مزال وقف بجانب الباب لم يدخل بعد
غزل: مالك بس ياحبيبي حابس نفسك فوق ليه وزعلان كده ليه
عاصي: مفيش يا ماما، انا لا زعلان ولاحاجه، كل الحكايه اني كنت عايز انام شويه
غزل: تنام، طب اتفضل ادخل سلم علي الناس ولما نقرا فاتحة تيا والناس تمشي نبقي نتكلم
دلف اليهم وبدء يرسم الابتسامه علي وجهه بطريقه مصطنعه
عاصي: سلامو عليكم
مي: هههههههه اهو جيه بتاع البصل
تيا: بس يابت ماتقوليش علي ابن عمي كده
ده بتاع بطاطا
لتصيح دانا متعمده اغاظه من اهملها وكأنها غير موجوده: بطلي رخامه يا تيا ده عاصي خالص trejante
عاصي: ازيك يا دانا عامله ايه
دانا: كويسه خالص، ازيك انت
عاصي: الحمد لله عقبالك
دارين: وانت كمان ياحبيبي عقبالك
لتصيح مي بمرح مره اخري: هههههههه عاصي يتجوز ودي مين اللي ترضي تتجوز بتاع البطاطا ده
عاصي وهو يقزفها بوساده صغيره من علي الاريكه: اكيد مش انتي يا بتاعت الجرجير انتي
ليا: ههههههههه بتاعت الجرجير حلوه يا مي
مي: كده يا هبله، بتضحكي علي صاحبتك، ماشي عدي اللي هياخدلي حقي منك صح يا عدي
عدي: لاء لو عايزاني اخدلك حقك سخنيني شويه كمان كده انا لسه ماسخنتش
مي بسرعه:خدلي حقي منه واخلي اسراء تعملك رز بلبن من اللي كنت بجيبه ليكم المدرسه
عدي: اوبا، رز بلبن اسراء لاء مابدهاش بقي انا كده هاقوم اطحنه ليكي، لينقض عليه وسط نظراتهم وهم يضحكون
عاصي: طول عمرك ندل هاتبيع ابن اخوك عشان مي وطبق رز بلبن
عدي: يابني دا رز بلبن ومن ايد اسراء أنا أصلا بفكر اشاركها ونفتح محل
ظل يلكمه وهم يضحكون جميعا الا هي، ظل وجهها عابس وجلست بجانب والدتها وهي تشيح النظر عنه بغضب
***********ه*************
_ايه يابني انت وهو الدوشه اللي انتوا عاملينها دي: صاح بها زين وهو خارج لهم من غرفة الصالون وممسك بين يديه مازن ابن اسراء
مازن: دول اتجننو باين ولا ايه
عاصي: الحق يا زين الواد عدي اتهبل وشكله عايز يبوظ الليله
زين وقد قضب ما بين حاجبيه: ليلة مين دي يا حيوان انت وهو اللي تبوظ، انا عندي استعداد دلوقتي اكتفكم انتوا الاتنين واحبسكم عند الكلاب، ال يبوزوا الليله ال، وانتي تعالي يا بنتي عشان ابوكي عايزك جوه، امسك يدها وجذبها اليه وسط نظراتهم وهتف امامهم
_مبروك يا حبيبتي، هاقرا فتحتك دلوقتي ويوم الخميس هانكتب الكتاب، احمرت وجنتيها، بدت مثل جمرتان متوهجتان واحنت رأسها للأسفل لتداري ابتسماتها عن رصاصيتاه
مازن: يانهار ابيض، انتي وشك احمر اوي كده ليه يا تيا، لو زعلانه هاقول لأنكل عاصي وبلاش زين يخطبك
زين: روح ياض اقعد جنب مامتك، انتي زعلانه ال يا حبيبتي
لم تتكلم وزاد خجلها امام الجميع، كادت ان تسقط بين يديه وهو يجذبها، ليدخل بها الي والده والجميع من خلفهم لتصيح به غمزه
غمزه: براحه عليها يا زين وبطل تكسفها بقي
زين: عيوني لها يا ماما، وهمس لها: ماتخافيش لو وقعتي هاشيلك في عيوني
تيا بهمس: اسكت خالص عشان كلامك ده هيخليني يغمي عليا
زين وهو يدخل بها الي والده: ههههههه بعد الشر عليكي يا قلب زين
ليصيح والدها فيه
عاصي: انت من دلوقتي هتكلبش فيها كده، سيب بنتي ياض
زين: وحياتك عندي كلها ٣ ايام بس ومحدش هيقدر يقولها تاني
حمزه: مستغربين ليه ياجماعه، هو هيجيب الجراءه دي من بره، طالع لابوك ياواد
احمد: نعم قصدك ايه يا حمزه
ليصيح حازم: هههههههه مايقصدكش انت خالص يا سيادة العميد
عاصي: جبتلي الكلام يا بن ……. العاصي، تعالي يا حبيبة ابوكي اقعدي جامبي هنا وسيبي الواد ده، كادت ان تذهب الا انه شدد علي يدها واجلسها بجانبه مره ثانيه
زين: ماينفعش يعني تقول اللي انت عايزه وهي قاعده هنا وخد حبيبتك قعدها جامبك عادي، اتفضلي يا ماما أقعدي، واقفه ليه يا حبيبتي
عاصي: سيب البت عشان لو قومت من مكاني هانهي كل حاجه ومفيش جوازد التلاته دول حبايبي انا يابن………
احمد: امممم طبعا الشتيمه دي راجعه عليك انت، قومي ياتيا اقعدي جنب بابي يا حبيبتي وكفايه طولة لسان منه بقي
ضحك الجميع علي ما قاله احمد وجلست تيا بجانب والدها وجلست اختها علي الجانب الاخر منه
عاصي وهو يقبل رؤسهم: حبايب بابي دول يا ناس، بصي يا تيا لو انا وزين كل واحد مننا محبوس في حوض أزاز والحوض ده عمال يتملي مايه كل شويه وتقريبا احنا الاتنين هنغرق وانتي الوحيده اللي معاكي مفاتيح الحوضين، بس ماينفعش تفتحي غير لواحد فينا، هاتفتحي لمين ؟
اندهشت هي مما قاله والدها وعم الصمت الغرفه بأكملها والجميع ينظر اليه بدهشه، الهذا الحد يحب ابنته، هل يمكن ان يختبرها هذا الاختبار ليقطع هذا الصمت اخيرا صوت الجد
الحج فضالي: اللي انت بتطلبه من بنتك ده صعب اوي يا عاصي
عاصي: لاء يا ابا مش صعب ولا حاجه، انا عارف بنتي كويس، ردي يا تيا هاتختريني انا ولا الحلوف ده
زين: بعد حلوف دي اكيد هتختارك انت
تيا: انا فعلا هاختارك انت يا بابي
عاصي: ليه يا تيا هتختاريني انا ليه
تيا: عشان انت في كل صلاه ليك بتدعي ربنا يطول في عمر جدو ويديله الصحه ولما بوده سألك في مره ليه على طول بتدعي لجدو، قولتله ان الابن ممكن يتعوض والزوج ممكن يتعوض لكن الاخ و الاب لاء، دول اللي مش ممكن يتعوضوا، والقت نفسها بين زراعيه وادمعت عيناها وهتفت
تيا: ربنا يخليك لينا ياحبيبي
عاصي: ويخليكي ليا ياحبيبتي انتي واختك واخوكي ياقلب ابوكي ويخليلي زين ابني الكبير سندي في الدنيا، ظهري اللي بتسند عليه واللي يشهد ربنا قدامكم كلكم اني هاسلمه حته من قلبي بنفس راضيه وانا مطمن عليكي معاه عشان هو قبل ما هايكون زوج ليكي، كان اعظم اخ ليكم كلكم بحبه وخوفه عليكم انتوا السته من اول عدي وعاصي لحد طمطم الصغيره
زين وقد ركع امامه علي ركبتيه: وانا عمري ماهخذلك ابدا ياحبيبي يا ابويا وقبل يديه امامهم جميعا
احمد: طب اظن انت كده راضي جدا يا عاصي بتربيتك، نقرا الفاتحه بقي
عاصي بمرح: هههههههه طبعا راضي، ابوك شكله غيران يا زين هههههههههه
احمد: ههههه انت بتقول فيها، طبعا غيران دانت واخد الكل في حضنك الا ماحد عبرني بكلمه حتي
ليصيح عدي بمرح: الحق اقرا الفاتحه يازين قبل ما ابوك يقع مع ابوك ههههههههههه
حازم: ههههههه حلوه ياض عدي
حمزه: طب يلا بقي نقرا الفاتحه علشان زين كده خلص كل الصبر يا جماعه
زين: انت بتقول فيها، اه وربنا وقف عبدالرحمن الصغير امامه وصاح في والده
بوده: بقولك ايه يا بابي ماتخليني انا كمان اقرا الفاتحه انا وطمطم، انا وهي حافظنها علي فكره
رنت ضحكاتهم جميعا وتمت قراءة الفاتحه وفاجيء زين تيا وهو يلبسها خاتم جميل من الماس الفيروزي لون عيناها واتفق الجميع ان يتم كتب الكتاب بعد ثلاثة ايام وقبل انتهاء أجازة زين وصعدوا الشباب جميعا فوق سطح المنزل ليجلسوا مع بعض
جلس زين واخذ بجواره تيا التي كانت سعيده جدا ولكنه عاتبها بالقول
زين: بقي كده يا ندله، ابوكي يقولك هتختاريني انا ولا زين، تقوليله انت يابابي
تيا: هو انت زعلت، طب بزمتك لو كان سألك انت وانا اللي كنت في الحوض المقفول، كنت هتختار مين
زين بدون تردد: انتي يا حبيبتي بس ده مايمنعش اني كنت هكسر الحوض بتاعه ولاحظي انا هكسره مش هافتحه
تيا: خلاص ماتزعلش، هبقي اكسرلك الحوض بتاعك هههههههههه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)