رواية تزوجت ولم أدري الفصل الرابع 4 بقلم نورا

وصلوا البيت ونزلوا من غير كلام ودخلوا ومايان طلعت تجرى على فوق مالك ضحك عليها ومالك طلع وقالها ايه ده انتى هتقعدى هنا يلا على اوضتنا

مايان:اه هقعد هنا وبراحتى ومش هدخل الاوضه التانيه

مالك ببرود:خلاص خليكى عادى ودخل وسابها

مايان فرحت وقالت اصبر بس وقامت شغلت اغانى بصوت عالى وقعدت ترقص وتغنى

مالك سمع الصوت واتعصب مش عارف ينام وقام وقالها:انتى يا بت انتى وطى البتاع ده وشافها وهى بترقص وواقف متنح وهى مكمله ومش شيفاه شافته ووقفت وقفلت الاغانى وقالتله ايه ده انت ازاى تدخل عليا كدا من غير ما تخبط

مالك فاق وقالها بضحكه خبيثه:اولا انا لسه مدخلتش بس ادخل عادى عشان احققلك كلامك ودخل وبيقرب وهى بتبعد وكمل ثانيا انتى اللى فاتحه الباب وبترقصى ومعليه صوت الاغانى دا معناه انك عارفه انى هاجى واشوفك وهتعصب عليكى يبقى ايه

مايان بقت فى نص هدومها ومكسوفه اوى هى مكانتش هترقص بس اندمجت مع الاغنيه غصب عنها وقالتله بتوتر:طب طب ابعد بقا انا اصلا مكنتش هرقص وبعدين دا بيتى الاه اعمل فيه اللى انا عايزاه وانت متدخلش

مالك وبيقرب اكتر:لا دا بيتى انا واتدخل زى مانا عايز يا حلوه وبلاش تلعبى معايا قولتلك

مايان بتقرب وبتقوله:لا بلاش انت تلعب معايا عشان هتزعل واوى ويلا بقا اطلع بره اوضتى

مالك:انتى اتهبلت*ى يا بت انتى انا تقوليلى اطلع بره ومسكها من شعرها وقالها حسك عينك اسمعك بتقولى كدا ودا بيتى انا وانتى عايشه فيه عشان انا متجوزك غير كدا انتى ولا ليكى اى لازمه

مايان دمعت ومش عارفه تقول ايه مش عارفه تطلع الكلام وطلعت بره الاوضه ونزلت تحت تعيط فى حته جانبيه وسابته وهو ادايق انه قالها كدا بس اقنع نفسه انه مش غلطان

ودخل اوضته

مايان قعدت تعيط وبعدين لقت حد بيخبط مسحت دموعها وطلعت تشوف مين لقت واحد غريب متعرفهوش وقالتله مين حضرتك

الشخص واقف متنح فيها ومش بيتكلم

مايان بعصبيه:انت يا اخ انت مين بقولك

فاق وقالها انا سامر اخو مالك انتى اللى مين

مايان:انا وقاطعها مالك وهو نازل قالها بعصبيه:مايااان اطلعى على فوق فورا

مايان بإستغراب وعند:لا مش طالعه وراحت قعدت على الكرسى وقالتله ها هتعمل ايه

سامر اندهش اول مره حد يعارض مالك وابتسم ابتسامه جانبيه وسكت

مالك اتعصب بس حاول يداري عشان اخوه وكدا وراحلها وقال فى ودنها اطلعى حالا بدل ما اعمل حاجه اندم عليها وحسابك معايا فوق

هى خافت وطلعت بسرعه

مالك راحله وقاله: عايز ايه وايه اللى جابك هنا اصلا

سامر:تؤ تؤ تؤ فيه حد يكلم اخوه كدا يا مالك وبعدين مين المزه دى وشكلها مبتخافش منك ولسه هيكمل ضربه مالك بالبوكس وقاله:إياك إياك تجيب سيرتها على لسانك مره تانيه او تقول كدا تانى عشان هتندم وملكش دعوه غور يلا وقفل الباب فى وشه وقعد يكسر فى كل حاجه ومايان خافت جدا وعارفه انها غلطانه انها عملت كدا قدام اخوه وندمت واتوترت وقالت هنزل اشوفه واقوله اخر مره

مايان نزلت ومالك لمحها على السلم وقالها بعصبيه:غورى من وشى دلوقتى بدل ما اذيكى

مايان خافت وقالتله:انا انا عارفه انى غلطانه وجايه عشان

مالك بعصبيه ولسه بيكسر فى الحاجه قالها:غورى مش عايز اسمع صوتك ولا اشوف وشك دلوقتى

مايان خافت وفى نفس الوقت خافت يإذى نفسه وقربت منه ولسه هتحط ايدها على كتفه قام

استوب دا سامر اخو مالك الصغير عنده21 هو ومالك علاقتهم مش كويسه ولسبب هنعرفه بعدين وهو بعضلات وعيونه بنى واشقر

نرجع تانى كانت هتحط ايدها على كتفه ضربها حتت قلم وقعها على الأرض وهى خافت وبتبعد وهى على الأرض وهو بيقرب وقالها:انتى ازاى تعملى كدا ازاى تعارضى كلامى انتى اللى جنيتى على نفسك ولسه هيقرب منها قامت بسرعه وقالتله:انا بعترف انى غلطانه بس دلوقتى انا مش غلطانه ومش كل الناس تحت امرك ومش هسمع كلامك ابدا وحتى لو اتجوزتنى مش هقبل بالجواز ده وهطلق منك غصب عنك انت انسان انانى وانا اصلا مش عايزه البيت ده ولا عايزه اعيش معاك انا لا يمكن اسكتلك بعد كدا وانا عارفه قيمه نفسى كويس مش انت اللى هتقولى انا ليا لازمه ولا لا لأنى مطلبتش رأيك وهتطلقنى يعنى هتطلقنى وجريت على فوق على السلم ودخلت وقفلت الباب عليها وقعدت تعيط واخدت قرار وقالت هتنفذه

مالك ادايق وجدا وان اول حد يعارضه وميخافش منه كدا ورجع لجموده تانى وشكله كدا مش ناوى على خير

عند عيله مايان

قاعدين على الغدا وبيتكلموا

زوجه راشد هناء:الحمدلله خلصنا من البت دى وارتحنا دا الله يكون فى عونه مالك مش كنت جوزته حد من بناتنا يا حج دا البنات بيجروا وراه

راشد:انتى متعرفيش حاجه يا هناء هو اه غنى وضابط واى بنت بتتمناه بس طبعه صعب ومكانش هيريح اللى هيتجوزها وزمانه هيوريها الويل

وعد بنته بحقد:لا يا بابا انت متعرفش دى مش سهله وممكن يقع فى حبها ويعيشها فى هنا

راشد:واحنا مالنا ادينا خلصنا منها وخلاص

وعد فى سرها بس انا مش هسيبها فى حالها ابدا وابتسمت بشر

مالك راح يخبط على مايان وقالها:انزلى حالا اعملى الاكل والبيت كله ارجع الاقيه متظبط ولو معملتيش كدا متلوميش الا نفسك ومشى

مايان كانت سامعه وساكته وقالتله:انا اللى هكسر غرورك ده يا مالك وهخليك تحبنى ومش هتطولنى بس اصبر عليا وقامت تعمل اللى قررت تعمله و…

عند مالك وصل القسم وقعد وحط ايده على وشه

دخل عليه صاحبه عاصم

عاصم نفس عمر مالك وفرفوش وهادى عيونه سمرا وقمحى وعنده عضلات

دخل قاله:ايه يابنى مالك كدا فى ايه

مالك شال ايده وقاله:مفيش عملت ايه فى قضيه المخدرات اللى قولتلك عليها

عاصم:لسه بنشوف مين الراس الكبيره وبنتابع الحوار لان اللى ورا كل ده واحد عارف هو بيعمل ايه كويس ومش سهل

مالك:يعنى ايه مش سهل على نفسه يا عاصم احنا لازم نخلص من الموضوع ده فى أقرب وقت ونعرف مين بيطلع الشحنات دى كلها قبل ما الموضوع يكبر تمام

عاصم:تمام يا مان بس انت بس ادينى شويه وقت هخلص الحوار

مالك:تمام اه كنت هقولك حاجه فيه حوار كدا رقم عايز اعرف هو مين

عاصم:رقم ايه وفى ايه

مالك:هقولك بعدين بس خد الاول اعرفلى كل المعلومات عنه وقولى

عاصم خده وقاله تمام خمس دقايق وكل المعلومات تبقى عندك

مالك قاله تمام وفجأه….