رواية البنت غير الشرعية الفصل السابع والتسعون 97 بقلم ياسمين

رواية البنت غير الشرعية الفصل السابع والتسعون 97 بقلم ياسمين

رواية البنت غير الشرعية البارت السابع والتسعون

رواية البنت غير الشرعية الجزء السابع والتسعون

رواية البنت غير الشرعية الحلقة السابعة والتسعون

قالي بسمة هنا مانقدرش نفيدك خاطر معلاباليش كيما قتلك عمي جابها على أساس تقوم جداتي بعد مدة محمد شافهم مع بعض وحنا من صغرنا نحكو كلش لبعضنا كي قالي عسيناهم وتأكدت من هدرتو كي قلنا ليما نصيرة قاتلنا راها مرتو بصح متهدروش سكتنا بعد مدة قريب عام صرات سريقة فالدار وشكون نسرق بابا وراكي شايفاتو كيفاه داير مالا حاوز قاع الخدامة لي كانو عندنا وعمي غي هذاك الوقت كان فالخدمة راكي عارفة يجي من الشهر للشهر حتى كي جا ملقاهاش بصح معلاباليش إذا راح حوس عليها هذا قاع واش نعرف بصح الحاجة اي تأكدت منها هي صح انو والديك متزوجين خاطر ممبعد لي تزوجنا مرة بقيت نحكي معاه وقالي راني نادم بزاف ماعنديش الشجاعة كيما نتا كي تحب وحدة جيبها طول للدار متسمعش كامل بيهم موش كيما أنا تزوجتها بصح جبتها على أساس خديمة ليما خاطر خفت من خويا موش من سليمة ، قتلو حاجة

متهمنيش المهم منيش حاباتو يعرفني لاهو لا بناتو قالي وهوما واش ذنبهم قتلو صراحة خايفة نخسر أميمة ومزال مقدرتش نتقبل بلي ختي بغات ترقد مع راجلي ووصلتني للموت قالي في هذي عندك الحق علابالي مهيش ساهلة عليك بليز خلينا نشوفو بسيكولوغ قتلو منحتاجوش برك نتا خليني براحتي فريمو محتاجة نبقى وحدي قالي بسمة محال نخليك وحدك فالدار قتلو منيش نقولك روح بصح متهدرش معايا وهذيك قوللها متزيدش تجيني قالي بسمة والله منقدرش نخليك وحدك راح نتقلق كي نروح للخدمة قتلو ركب كاميرا كيما عوايدك ونضت رحت للبيت تكسلت وباقية نخمم ندي ونجيب حتى طلع الصباح نضت درت قهوة انا نشرب وهي جات قتلها هيا جابك ربي روحي نقيلي بيتي ونقيها مليح ناض يوسف جا شرب قهوة معايا قالي ضوك نهدر مع محمد على واش هدرنا باه تبقى الحكاية بيناتنا قتلو خايفة يكون قال لاميمة قالي لالا مزال مهدرش معاها قتلو مزية قالي وثاني ضوك نبعث يجو يسقمو الشومبرة قتلو صحا حقا الصالون سقمتو. قالي ايه صايي قتلو ديزولي سون فاغ قالي معليش علابالي هيا باي تهلاي في روحك وهذي خليها معاك غير يامات كي نشوفك ريحتي نرجعها لخدمتها صحا قتلو

معليش هو راح وانا جيت فالصالون قعدت شوية جات وصيتها على الخدامة لي ضوك يجو ورحت لبست ستيكيت روحي وخرجت عيطتلو قتلو رايحة غير هنا قالي علاش مقلتيليش كون انا ديتك قتلو مكنتش معولة نخرج هذا وين سكت قالي مطوليش وتليفونك خليه مفتوح قتلو صحا رحت لعمي الحاج حكيتلو كلش قالي يابنتي واش نقولك صعيبة بزاف بصح متغميش روحك عيشي حياتك وخليك منهم قتلو في هذي عندك الحق قعدت معاه شوية ورجعت لقيت زوج خدامة في البيت يسقمو فالشومبرة ولالة مولاتي تتزعبل وقاعدة عندهم ومخرجة صدرها لابسة فيزو باغي يطرطق عليها و بيل في صدرها قاع برا وكيلو مكياج عيطت عليها واش ديري نتي معاهم قاتلي اه مدام جيتي مشفتكش قتلها ايه جيت واش ديري هنا ونتوما جايين تخدمو ولا جايين تتمعشقو في داري قالي مدام لالا والله غير جبتلهم قهوة برك قتلها تتقوعري عليا ضحكك نسمع فيه من الدروج وواش هذي اللبسة موش قتلك متزيديش تلبسي هكا قاتلي مدام والله قتلها شوفي استحملتك فوق الحد ارفدي

دوزانك وطيري عليا منزيدش نشوفك هنا كي سي يوسف نتاعك يقولك روحي للمدام راها مريضة قوليلو خليها تموت ايا ديقاج منزيدش نشوف فيقورتك ردي بالك هي راحت وواحد من هذوك الخدامة قالي مدام والله اسمحيلنا حسبناها هي المعلمة استحملناها مقدرناش نهدرو معاها قتلو كملو خدمتكم رحت في بيرو يوسف باغية نطرطق زعما كي كنت موش مليحة مدارت والو هي وياه وزيد علاه راه يجيبهالي وقيلا كاش مابينهم عارفاتو خلاط ومحال يبدل طبيعتو وذوكا كيفاه نحي هذا الشك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)