Uncategorized
رواية عنوان قلبي الفصل الثالث 3 كامل
رواية عنوان قلبي الفصل الثالث 3 كامل
 |
| رواية عنوان قلبي الفصل الثالث 3 كامل |
رواية عنوان قلبي الفصل الثالث 3 كامل
ابتسامه من مالك……
ابتسامه من اسراء وهيا بتقوله
– احم ،انا كنت جايه ااااا عشان ااااااا….
مالك بيبص ف عينيها برقه وهو بيهز راسه عشان تكمل كلامها…..
ولكن كانت نظره مالك ماكنتش نظره عاديه ، نظره لخطبت هرمونات اسراء ، ومشاعرها
خليتها تبلم وهيا بتبص ع مالك…لحد ما مالك قطع سرحانها فيه وهو بيقولها
– اسراء انتي كويسه ؟!
– ها ، ااااا ، اه انا كويسه ” لسه سرحانه ف عينيه “
مالك بيمسكها من ايديها وهو بيقولها
– اسراء ؟!
ف الحالات الي زي دي
اسراء بتلطش بالقلم ولكن مع مالك لما مسك ايديها ، كانت مبسوطه
حست برعشه بتسري ف جسمها لما مسك ايديها ، بتشيل ايديها بالراحه من مالك وهيا بتبلع ريقها وبتقول لمالك…
– اااا ، انا هروح الحمام واجي تاني….
– طب انتي كويسه ؟!
– ها ، ااااه… انا هروح بس الحمام واجي تاني….
– ماشي الي يريحك…
اسراء بتروح الحمام وبتغسل وشها بالميه وبتبص ف المرايه وهيا بتكلم نفسها
– اسراء انتي اكيد ماحبتهوش صح ؟!
– اكيد لا طبعا بس الواد قمر اوي
– اوي يخربيته ، احم ايه دا ،احنا بنقول ايه؟!
– بنقول اننا هنتجوزه
– انتي اتهبلتي صح، بقولك مش هتحبيه
– ماشي ، ينفع ابوسه بعد ما اتجوزه
– اسراء عيب كدا
– بوسه واحده وهو جوزي
– ماشي لو بوسه كدا عشان جوزك ماشي تمشي ، بس اوعي تحبيه
– استحاله
– احنا بس هنربيه
– ايوه صح
بتنسد ايديها ع الحوض وهيا بتقول لنفسها ف المرايه…
– بس شوفتي لما مسك ايدي
– ولا لما بص ف عينيا
– ولا لما قالي انتي كويسه
– هااااح قمرز يخربيت حلاوه امه
– تفتكري ابننا هيكون حلو زيه كدا
– اسراء عيب
– بقولك يعني لو…
– عيب بقى ، بتكسف انا….
بتطلع ميكب من الشنطه عشان تظبط نفسها ، وبتبص ع الفستان وبتقول ف سرها
– هو الفستان طب عجبه ولا اروح اغيره ولا ايه !
بتخرج من الحمام عشان تروح ناحيه مكتبه والابتسامه من الوش للوش ، لقت بنت مسكت ايديها وهيا بتقولها
– لو رايحه ناحيه مكتب مستر مالك ، انصحك ماتروحيش دلوقت، عشان ماتتضايقيش…
ب استغراب
– ليه يعني ؟!
– انا نصحتك وانتي حره…
اسراء مش فاهمه ف ايه وبتكمل مشي ناحيه المكتب ، ولما بتقرب من المكتب… بتسمع
– وحشتني اوي ياحبيبي
– وانتي اكتر اوي اوي
– هتعمل ايه مع البنت الي هتخطبها ؟!
– مافيش هتسلى بيها يومين وهسبها ، هو انا بتاع جواز
” صوت بوس “
عيون اسراء بتدمع
– عارف ان حضنك وحشن….
اسراء بتفتح الباب عليهم وعينيها مليانه بالدموع
مالك بيبص عليها ببرود ناحيتها ، والبنت الي كانت واقفه جنبه
– مين دي ياحبيبي ؟!
اسراء بتكتفي انها تبص بدموعها ناحيه مالك ، الي ما حاولش حتى يبرر ليها او حتى يداري الي كان بيعمله….
اسراء بتسيبه وبتتحرك وهيا بتعيط بره الشركه ومالك بحزن بيقول لنفسه
– مش بتحبها يامالك ، مش هتحبها يامالك ، انت فاهم…
لسه البنت كانت هتكمل انها تحضنه ، وسعها ب ايده وهو بيقولها
– معلش يارنا ، انا ورايا شغل …امشي دلوقت
– طب استناك باليل طيب ؟!
بعدم اهتمام بيرد عليها
– ماشي…
بتخرج من عنده ومالك بيمسك الموبيل وهو عاوز يكلمها ويقولها انه اسف بس بيتراجع تاني
اما اسراء ركبت مع السواق وهيا بتعيط لحد ما وصلها الفيلا بتاعتهم ونامت…
مالك ف الليل كان هتيجنن ويسمع صوتها ، او يشوفها ، هو نفسه مش فاهم نفسه ، مش فاهم ف ايه!!
– اتصل بيها ، لا لا…انا مش فارقه معايا اساسا…ايوه احسن حاجه اني اخرج بره والف ف اي مكان عشان انساها…
اتصل بصاحبه عشان عاوز يتكلم معاه واتفقو ع النايت كلوب
بيخرج بره وبيركب عربيته وبيروح هناك…
وبيقعد والاغاني شغاله وكذا بنت بتيجي جنبه عشان يرقص معاها ولكنه بيرفض وهو مستغرب نفسه ، صاحبه كان شافه من بعيد وشاف رفضه
– الله ، الله ، الله ، بقى الشاب الي خاربها ليل نهار ..يجي عليه الوقت وينهار!!
مالك بيبصله بقرف وهو بيقوله
– يعني مش فاهم دا كوبليه اغنيه انت لسه مالفه مثلا ولا ايه؟!
– لا اصلي مستغربك…
– مستغرب ايه ؟!
– يعني انت بنت تيجي لحد عندك وانت ترفضها !!
– انا عمري ما عملت كدا ؟!
– عمرك يامالك ، احكيلي ايه الي حصل ؟!
– فاكر البنت الي كلمتك عليها اول مره وانت قولتلي اني اول مره اساعد حد او اهتم بحد
– مالها ؟!
– بابا عاوزني اخطبها !!
– اكيد طبعا رفضت
مالك بيسكت….
صاحبه ب استغراب
– لا مش معقول ، وافقت ؟!
مالك لسه ساكت
– انت حبيتها يامالك ؟!
مالك لسه ساكت….كان خايف من اجابه السؤال دا
– حبيتها يامالك !!
– لا انا ،انا ماحبتهاش ، انا بس عاوز ….
– حبيتها يامالك بقولك….
– لا ، انا بس عاوزها تعرف يعني ايه….
مالك بيسكت….
صاحب بيطبطب ع كتفه وهو بيقوله
– ويلكم تو ذا club
– ايه ال club دا ؟!
– دا club العذاب يامان ، بتلاقي نفسك من غير ما تحس بتغير ، وبتحب ، وبتسهر باليل
وبتسمع اغاني تامر عاشور لما تكون مضايق ، ومهرجانات لما تكون فرحان
– هو الموضوع بؤس اوي للدرجه دي
– نورت ياصاحبي القعده…
بيطبطب ع كتفه
– بس انا ع فكره ماحبتهاش…انا جي اثبت لنفسي اني مش بحبها وهروح مع اجمل بنت دلوقت واخربها
– ماشي يامان
– انت مش مصدقني صح ، انا هثبتلك دلوقت….
بيقوم ويلف راسه شمال ويمين، وهو بيدور ع بنت ، لحد ما بيلاقي بنت هو يعرفها وبترقص مع حد
مالك بيبرق….وبيتعصب…صاحبه بياخد باله وبيقوله
– ف ايه يابني وشك بقى كدا ليه…؟!
مالك مش بيتهم وبيروح ناحيه البنت الي كانت بترقص…
صاحبه كان ماشي جنبه وهو بيحاول يفهم منه
– يابني طب فهمني ف ايه!
بيروح لحد البنت وبيشدها ناحيته من دراعها وهو بيقولها
– ما انتي بتعرفي برضو ولاد اهو يا اسراء
اسراء بتنزل ايد مالك وبتوقف الراجل الي كانت بترقص معاه ب ايديها وهيا بتقوله
– ماتتدخلش انت دلوقت
مالك بعصبيه اكتر بيقولها
– والله !!! ، يعني هو مهم عندك ، وكل الي عشناه الصبح…
بزعيق بترد عليه
– ايه الي عشناه الصبح ،ها رد عليا تحب اجبلك البنت الي كانت ف مكتبك !!!
مالك بيسكت…
– طبعا مش لاقي رد….يامحترم….
– اسراء اتفضلي قدامي بعد اذنك ، عشان نتكلم
لسه بتزعق فيه
– مافيش كلام خلاص بينا ، الي بينا انتهى قبل ما يبدء يامحترم…
– لا فيه ، الكلام لسه مخلصش…
بيمسكها من ايديها عشان يخرجو بره
ولكن اسراء بتوسع ايديها وبتضربه بالقلم ع خده جامد وسط ذهول من كل الناس الي حواليها وهيا بتقوله
– القلم دا كان المفروض تاخده الصبح ياحيوان….
مالك بيبص عليها بحزن لدرجه انه صعب عليها وكانت عاوزه تاخده ف حضنها وتقوله انا اسفه
مالك حط ايده ع خده الي اتضرب عليها وهو بيقولها بحزن….
– انتي صح ، كل الي بينا انتهى ….
وبيسبها ويمشي….
بعد ما بيمشي اسراء عينيها بتدمع وصاحبه بيقولها
– انتي ليه عملتي كدا !!!
– عشان يبطل يلعب ببنات الناس….
بحزن بيقولها
– بس هو بيحبك ع فكره….
بعصبيه ولسه عينيها بتدمع
– انت كداب انت كمان….
– مالك لو مش بيحبك ماكنش وافق ابدا ع انه يخطبك….او انه يغير عليكي عشان بترقصي مع حد تاني!!!
بتسكت شويه كانها بتقول صح دا كان بيغير عليا بس بترد عليه
– وافق عليا عشان ابوه طلب منه كدا!!
– انتي فاكره انك اول بنت ابوه يطلب انه يتجوزها ؟!
بلهفه بتقوله
– قصدك ، قصدك ايه ؟!
– بصي انتي مش اول بنت ابوه يطلب من مالك انه يتجوزها والا هيحرمه من الورث
بيسكت شويه قبل ما يقولها
ولكنك اول بنت مالك يوافق عليها ف حياته كلها….
عينيها بتدمع اكتر واكتر وبحزن وهيا بتقوله
– يعني ، يعني مالك الي زعلته من شويه دا ، طلع بيحبني !!!
بيرد عليها بحسره…
– كان بيحبك بقى !
بحزن بترد عليه….
– كان بيحبني ؟!
– كان بيحبك….!!!
يتبع..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عشق أولاد القناوي للكاتبة شهد رفعت.