رواية غيبوبة القدر الفصل الثالث 3 بقلم رويدا القاضي

رواية غيبوبة القدر الفصل الثالث 3 بقلم رويدا القاضي

رواية غيبوبة القدر البارت الثالث

رواية غيبوبة القدر الجزء الثالث

رواية غيبوبة القدر الحلقة الثالثة

أنس: مرت السنين زي من رقد وفاق منى انخطبت مها تخرجت وبدت تخدم كل شئ مازال زي ماهو أنا فتحت ورشة بروحي 😌 درت استديو صغير 🏡 لكن الحمدلله
المهم مستقل بروحي لكن علاقتي بي سارة مازالت زي علاقة اي اثنين مايعرفوش بعض .
حاتم: لعند امتا تقعد ماشي بالعقلية هاذي حقها تشوفك يا أنس سنتين تغيرت فيها ملامح وجهك من شاب صغير الي راجل كامل .
خالد:🤣 قوله قصدي اللحية يامعلم علاش تلف بيها في اللفة الواسعة .
أنس: خليه قلت خلي يعبر على شعوره فاهمه 😏 شن يقصد غير قلت خلي ياخدها حصة التعبير اهيا.
حاتم: انا بنوقف القيد معاش خاطري نكمل توا بكل .
خالد: بعد ماقعدلك سنتين توا فقت وتبي توقف القيد 🤨 شن من لاعب في عقلك .
حاتم: وضع البلاد معاش يطمن نبي نخش للجيش ياراجل 🥺 ربي يستر على السنين الجاي شن يستنى فينا.
أنس: ايح البلاد وقفت غير عليك باش توقفها ريح روحك ياراجل .

حاتم: 😡 لو كل واحد فينا قال الكلام هذا خليك واثق 👌 انه البلاد رح اضيع انا لما فكرت نخش للجيش باش نحمي امي وامك وشارعنا ومدينتنا وبلادنا.
خالد: انس مايقصد شئ راهو مافيش حد بيكره بلاده هذا شئ مستحيل لكن لازم تكمل قرايتك دافع عليها
حتى بعلمك .
حاتم:😤 اما مش جاي باش ناخد رأيكم جاي نقولكم في قراري وبس.
أنس: مدامه هذا قرارك ربي يسهلك ياصاحبي مع انه تمنيت انك تكمل معانا .
حاتم: انا معاكم ديما علاقتي بيكم مش علاقة قرايا احنا خوتك .
خالد: باهي اسكت نحس في روحي قريب نبكي 🥺 شن هذا تقول تودع فينا.
أنس: باهي الليلة العشاء متعكم عندي في حوشي شن قولتوا.
حاتم: خلي حوشك نظيف قريب تروح بمرتك وتولى سلطان مش مصدق امتا نحضر عرسك .
أنس: شن للي بتخشه احسن منكم والله العشاء عندي وعلى حسابي وتم الكلام .
خالد: احسن حاجة قولتها من بكري كلمة على حسابي 😁 هذا الصح زعيم من يومك .
حاتم: انت عاد ع بطنك تنقز في بير.
خالد: البطن قبل الوطن هذا شعاري ياصاحبي .
حاتم:😱 والله واحد معتوه ومريض كان في منك عشرة بنفس تفكيرك راهي البلاد خشت في حيط .
أمينة: منى يافرخة سكري الهاتف وانت تقول ليك سنين
عليه الله لاتربحه للي اخترع الهواتف .
مها:😒 اخترع الهاتف باش يقصر المسافات لخدمة الناس وانتي تدعي عليه نوضي كسري رأسها وخوديه منها .
منى: اسكتي انت يامتعقدة هذا فاش فالحة غير التمحيش كيف عاد خدمتك انتم جماعة المحاماة.
أمينة: احترمي نفسك واعرفي كيف تتكلمي مع اختك للي أكبر منك هانت شهر ونفتكو من وجهك بكل .
منى: سلم بوي مدامه حي امتا مانبي ندف الباب برجلي ونخش بنتزوج مش بنرحل .
” خشيت صح ثاني لكن وانا جاية مكسورة حوشنا للي كبرت وتربيت فيه بديت نحس فيه تقول قبر⚰ بيحطوني فيه الله يسامحك ياصدام وخلاص ”
علاش انا هكي ايصير معاي شن درت في دينتي باش
نتعاقب عليه العقاب هذا.
استغفر الله خيرني هكي نفكر والله سبحانه وتعالى قال
{قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ}.
اللهم لا أسألك رد القضاء ولكن أسألك اللطف فيه .
خلي نرجع بيكم لسنين فاتت وانتهت .
علي: قللي أدبك ع أختك وقولي حوش بوي انجئ امتا مانبي من يقبلك بعدين 😁.
منى: ايه حتى انت يابابا دارتلك غسيل دماغ زي باقي العيلة .
أمينة: ربي يستر ع لسانك هذا وين بيرفعك بس انا نبي نفهم بري ضمي الكوجينة وانتى ساكتة .
منى: بنقلا انا ماهو لكن الهانم مها تتطلع تخدم وتترهف
وانا الشغالة.
أمينة: حق اسمعي يامها شن صار في قضية بنت خيرية
امها كل يوم تكلم فيا عليها.
مها: اسمعي ياماما بناتها راكبها الغلط من سبعها لعند رأسها وهاذي خيرية تكلم تبي تتطمن بس انا حكيتلكم
ع كل شئ ولا.لا.
أمينة:😱 غبر فيها هيا فرخة مطفوشة من يومها شن ديرا وأمها تتكلم ع فلانة وعلانة .
مها: انا حالف يمين اني مانحكيش تفاصيل أي قضية
اتجيني لذالك وفري الكلام يما مش رح نحكيلك .
علي: عندك الحق يابنتي هاذي اسرار عملك .
منى:تستاهلي هاذي مها للي كنتى دافعي عليها شفتي هذايكا أنا الدرويشة الكلمة للي نسمعها انجيك نحري بيها .
امينة: اقلبي وجهك من قدامي وانت مافيك شئ غير
الشماتة .
محمود: اسمعي انا طالع تبو حاجة ولا نتوكل على الله اموركم تمام.
حواء: شن تقول 😡 هبلت انت ستين الف حاجة ناقصة
وتقول نتوكل ع الله وين تبي ياحنا من للي قاطع قلبك .
محمود: ربي يهديك وخلاص نبي نفهم امتا تكبري وتعقلي تعبت وانا صابر ومتحمل ع ماهناك شى.
حواء: ياروحي هذا كله شاده في قلبك زيد طلع شن تبي تقول ثاني .
محمود: اسمعي ياسارة كان تبي حاجة يابنتي كلميني هاذي امك خلاص .
خواء: برا درب يسد مايرد نبيهولك حادث ايجبولي خبرك ندفنك وندير عرس بنتي .
محمود: مرأة مجنونة زي هاذي شن بنرد عليها نقعد اش قالك واش قتلك نطلع وخلاص مش وقت مشاكل.
سارة:😱 شن الكلام هذا للي تقولي فيه ياماما احمدي ربي مادار شئ بعد الكلام للي سمعه.
حواء: اسكتي وامشي لدراك ناقص غير انت تعلميني كيف نتصرف ناقص والله.
سارة: مايفوت العرس هذا لين دمي ينحرق وعاد هوا ريت هالعريس للي مش معدل عليا لكن يلا تمشي.
أنس: كيف حالك يابوي شن امورك.
علي: شن عاد من وقت كملت حوشك وانت قاعد فيه معاش شفناك بكل.
أنس: باش نتعود من توا ” جيت فتحت دار نوم مازال ملابس سارة موجودة هذا روجها هذا عطرها للي كل مانشم ريحته نحس الدنيا كلها توقف مافيش حد نشوف فيه غيرها هيا”
هاذي دار صغارنا الذكريات كلها بدت تمر قدام عيوني🥺 كأنه قصتي كيف بدت معاها معقولة نحبها الحب هذا كله بعد السنين هاذي .
أمينة: الله غالب هيا ياأنس ربي يعوضك خير ربي هكي كاتبلك ياولدي.
منى: اسمع من توا صدام فكيني من الزحمة في الكسوة اهو قتلك .
صدام: خيرك شن بنقول لناس مرتي ماتبيش من ايجيها ولا كيف.
منى: دبر رأسك تعالو بكري باش العيلة بعدها بيطلعوا لأهل سارة.
صدام: توا نتفاهم انا وأنس اطلعي منه انتى الموضوع مش مطلوب منك شئ.
منى: باهي ياصدام زيد وكثر وبعدين كلمني وقولي 😏
حبيبتي حني عليا من عندي غيرك.
صدام:هههه🤣 هذا كلام طبيعي تسمعيه ياروحي انت.
علي: الأيام تجري الشهر ولا تقول أسبوع سبحان الله
من يقول احنا توا في اسبوع العرس.
أمينة: بدأ الحوش يفضى علينا من مازال فيه انا وانت
ومها للي يومها كله يفوت بين ورقها.
علي: هذا حال الدنيا 😁 لكن انا قاعدلك ياغزالة .
أمينة: تحشم عاد يفوت حد يسمعك تتكلم .

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)