رواية فيروز الفصل الثاني و العشرون 22 بقلم زينب سعيد

رواية فيروز الفصل الثاني و العشرون 22 بقلم زينب سعيد

رواية فيروز البارت الثاني و العشرون

رواية فيروز الجزء الثاني و العشرون

رواية فيروز الحلقة الثانية و العشرون

الحلقة الثانية والعشرون
ليقاطعه ساجد بهدوء :بعد إذنك يا عمي ممكن أرد.
الأسطي جمال بهدوء :أتفضل يا أبني.
ساجد بدوء:بص يا حج شاهين فكرة أن بنت الحج جمال رجليها مقطوعة ده ما يعيبهاش في حاجة عارف العيب فين.
شاهين بتساؤل :فين.
ساجد ببرود:فيك أنت وإبنك مش فيها لو هي مش عجباك جاي تخطبها لإبنك ليه عشان مش لاقي حد يرضي بيه وأكيد مراته مصدقت أنها هربت منكم.
شاهين بغيظ:أنت بتقول أيه يا راجل أنت سامع يا جمال.
الأسطي جمال بهدوء :سامع وده الكلام إلي كنت هقوله تعيش يا أبني.
شاهين بغيظ:ماشي يا جمال بكره أنت إلي تيجي تترجاني عشان أوافق عليها.
ساجد بسخرية:بس أظن أن بكره مش هيجي أبقي أتغطي كويس يا حج وأنت نايم.
لينظر له الأسطي جمال بشكر:مش عارف أقولك أيه ساجد يا أبني.
ساجد بهدوء :تقولي أيه بس يا راجل يا طيب وبعدين أنا عندي ليك عتاب الراجل ده شكله مش آول مرة يجيلك لو كنت وقفته عند حده من آول مرة مكنش قدر يفتح بوءه بكلمة وبنت حضرتك مافيش حاجة تعيبها وألف واحد يتمناها.
جمال بهدوء :عندك حق يا أبني ده غلطي أنا.
ليعود ليكمل عمله تحت نظرات ساجد الحزينة عليه فيبدو أن هذا الرجل يحمل هم كبير فوق قلبه.

-***-
في فيلا أحمد.
في البلكونة.
يجلس معاذ مع رنا بصمت تام ورنا تنظر أرضا ليتحمحم معاذ ويبدأ بالكلام :أزيك يا رنا.
رنا بهدوء ومازلت تنظر أرضا :الحمد لله .
معاذ بهدوء:الحمد لله ها حبي تسأليني عن أيه ولا أتكلم أنا.
رنا بهدوء :أتفضل أتكلم أنت.
معاذ بهدوء:تمام بصي يا ستي أن معاذ عبدالرحمن عندي 27سنة والدي مات وأنا عندي 5سنين ماليش أخوات والدتي هي إلي ربتني مليش غيرها في الدنيا دي رفضت الجواز عشان متجبليش جوز أم كرست حياتها عشاني كنت علمي رياضه جبت 95%بس ماحبتش أدخل هندسة فدخلت كلية التجارة قسم محاسبة أتخرجت بتقدير إمتياز وأتعينت معيد وجالي منحة أكمل دراستي بره لكن رفضتها عشان مسيبش والدتي لوحدها وكملت هنا مستوايا المادي الحمد لله كويس ولو في نصيب مش هخليكي تحتاجي حاجة بس أنا مش هسيب والدتي نهائي أنا أشتريت الشقة إلي قصاد والدتي عشان ما أبعدش عنها وأفضل جمبها لإنها رفضت تسيب البيت إلي عاشت فيه طول عمرها وإلي أنا أتولدت فيه بس كده وفيه حاجة حابب أوضحها ليكي أنا من النوع الجد شوية ومليش في الهزار والكلام ده يا ستي كل جاجة وأنا الحمد لله من البيت للشغل ومن الشغل للبيت وعارف ربنا كويس يعني هعرف أعاملك أنتي ووالدتي أحسن معاملة بما يرضي ربنا ممكن أنتي بقي تكلميني علي نفسك.
رنا بهدوء :حاضر أنا رنا أحمد في ثالثة كلية تجارة قسم محاسبة عندي20سنة مليش غير أخ واحد وبحبه جدا هو وبابا وماما وبحب الضحك والهزار جدا وأكيد حصرتك عارف ده.
معاذ بضحك:هتقوليلي ها يا رنا حابه تعرفي حاجة تاني عني ولا كده تمام.
رنا بهدوء :تمام.
معاذ بهدوء:طيب يلا بقي نقعد مع الجماعة.
رنا بهدوء :تمام أتفضل.
ليعودوا يجلسوا مع باقي العائلة وبعد التحدث في بعض الأحاديث الجانبية أستأذن معاذ ووالدته بعد الإتفاق علي إنتظار ردهم في القريب العاجل.

-***-

بعد مغادرة معاذ ووالدته.
تجلس رنا بجوار والدتها وفيروز.
ليتحدث أحمد بهدوء :أيه رأيك يا روني.
رنا بهدوء :هصلي إستخارة وأرد علي حضرتك.
كريم بهدوء :خدي راحتك يا حبيبتي.
فيروز بهدوء :رنا همشي أنا بقي.
خديجة بعتاب:تمشي فين أحنا هنتعشي سوا.
فيروز بإحراج :تسلمي يا طنط بس والله مش هينفع الوقت أتأخر.
أحمد بهدوء :يعني ينفع تمشي من غير عشاء يا بنتي.
رنا بسخرية :هي رضيت تتغدا معايا أصلا.
فيروز بإحراج ودموع:معلشي والله مش متعودة أكل بره البيت.
خديجة بهدوء :يا بنتي أنتي دمعتك قريبة أوي ولا يهمك يا حبيتي.
أحمد بهدوء:نورتينا والله يا بنتي عقبالك.
فيروز بهدوء :تسلم يا عمو ينفع أمشي أنا عشان الوقت أتاخر.
أحمد بهدوء :ماشي يا بنتي يلا يا روني نوصلها سوا.
ليرد كريم بهدوء بعد أن كان يراقب الحوار بصمت :خليك مرتاح يا بابا هوصلها أنا ورنا.
شأحمد بهدوء :بس يا أبني أنا قايل لوالدها أني أنا إلي هوصلها.
كريم بهدوء :زي ماتحب يا بابا بس عشان حضرتك تريح نفسك أنت تعبان طول النهار في الشغل عندك مشكلة يا فيروز.
فيروز بخجل:متتعبوش نفسكم أنا هشوف تاكسي.
أحمد بهدوء :لأ طبعا يا بنتي لأنا لكريم إلي هنوصلك عايزة تركبي تاكسي وأحنا موجودين أنتي عايزة تزعليني منك بقي.
فيروز بإحراج:لا والله يا عمو ما أقصدش بس عشان أنتو تعبانين طول اليوم.
أحمد بهدوء :وأنتي مجيتك النهارة عشان تقفي مع رنا عندي بالدنيا كلها.
فيروز بهدوء :ربنا يخليك يا عمو .
رنا بهدوء :خلاص يا بابا كريم هيوصلنا ولا عندك مشكلة يا روز.
فيروز بإحراج :مفيش مشكلة.
كريم بهدوء :تمام يلا بينا يا بنات ليغادر كريم والبنات.
ليتسأل أحمد بإستغراب:مش عارف ليه حاسس إني مش مستريح لإبنك شاكك في حاجة كده.
خديجة بضحك:وأنا بردو شاكة في نفس الحاجة يارب ده البنت زي النسمة ربنا يجعلها من نصيبه يارب.
أحمد بهدوء:يارب يا حبيبتي.

-***-

في ورشة الأسطي جمال.
ها قد أنهي عمله في سيارة ساجد ويجلس معه يحتسون الشاي.
سإجد بهدوء:هو أيه إلي حصل لبنت حضرتك أسف طبعا علي تطفولي لو حضرتك مش حابب تجاوب أن بسحب سؤالي.
الأسطي جمال بحزن:حادثة عربية يا أبني وإهمال الدكاترة في المستشفيات الحكومية .
ساجد بهدوء :لو مش حابب تحكي يا عمي مفيش مشكلة بس أنا حاسس أنك شايل هم كبير ود مش صح لإن لازم تفكر نفسك دايما أنك عندك رب كبير قادر يفرج همك مهما كبر الهم والحزن ربنا هو إلي بيرفعه عننا .
الأسطي جمال بإبتسامة:ربنا يحميك يا أبني لشبابك متعرفش كلامي معاك ريحني أزاي.
ساجد بإبتسامة:لما تبقي مضايق كلمني وأجي هنا أروق شوية عليك.
الأسطي جمال بضحك :تعرف يا ساجد يا أني من كلام أبوك عنك قولت أنك أكيد قلبك حجر وقاسي لكن إلي شوفته منك غير كده أنت جواك حنية تكفي العالم كله.
ساجد بهدوء :ربنا يخليك بس كنت عايز أقول لحضرتك حاجة ومتزعلش مني.
الأسطي جمال بهدوء :قول يا أبني أنا هزعل من أبني بردو.
ساجد بهدوء :تسلم يا عمي بنت حضرتك مفهاش عيب لا سمح الله واحد زي راجل ده لما جالك من آول مرة كان المفروض تطرده مش تسيبه يجيلك تاني أيه المشكلة إلي في بنتك رجليها أيه يعني مش ممكن كانت تتولد من الآول بشلل أو الحدثة تسبب ليها عمي وغيره وغيره مش ممكن بردو كانت تبقي سليمة وتتجوز وكان يحصل ليها حادثة كل شئ وارد محدش ضامن عمره وكلمة معاق المفروض متتذكرش علي المرضي لأ لإن المرض ده بتاع ربنا المعاق يتقال علي إلي بيبصوا للناس من فوق وماشين علي الأرض بس عشان يشوفوا عيوب الناس ويتريقو عليهم دول المعاقين بحق وحقيقي غير كده لأ أي شخص ربنا بيبتليه بمرض مش عقاب ليه أو تقليل منه بل بالعكس ده ميزة ليه ربنا أختاره ميزه عن غيره بس عشان يقربه منه ويسمع صوته وهو بيحمده علي إلي ربنا بعته ليه فهمتني يا عم جمال كل حاجة مقدر ومكتوب ومفيش حاجة شر ده الخير مكمن داخل الشر.
الأسطي جمال بهدوء :عندك حق يا أبني الله يفتح عليك وربنا يحرصك لشبابك وينولك كل إلي بتتمناه يارب ويرزقك ببنت الحلال إلي تستهالك.
ساجد بهدوء :بإذن الله طيب حساب العربية كام يا عمي بقي عشان لازم أرجع الشغل
الأسطي جمال بعتاب:ده ينفع عيب عليك يعني بقولك يا أبني وأنت تقولي يا عمي وتقولي الحساب كام أنت كده بتشتمني.
ساجد بهدوء :لأ طبعا يا عمي حقك علي رأسي بس ده شغل والشغل شغل.
الأسطي جمال بهدوء :لأ يعني لأ وأمشي يلا متزعلنيش منك وأنا ليا كلام مع أبوك علي الحساب إلي بتتكلم عنه من إمتي وأنا وأبوك بنا حساب.
ساجد بهدوء :يعني كده ينفع.
الأسطي جمال بهدوء :أه ويلا بقي علي شغلك من غير ما طرود.
ساجد بضحك :حاضر السلام عليكم.
جمال بهدوء :وعليكم السلام.
ليأخذ ساجد سيارته ويعود لعمله ويكمل الأسطي جمال تصليح السيارات بعقل هادئ فلا ينكر أن كلامه مع ساجد كان له تأثير علي حالته النفسية.

-***-

في شقة الأسطي جمال
تجلس شمس مع والدتها يشاهدون التلفاز لتتحدث أسمي بغيظ:ممكن أعرف بقي يا ست ماما فيروز هانم أتأخرت ده كله بره ومقلتوش ليها حاجة إشمعني أنا لما أكون بره وأرجع متأخر تتخانقوا معايا.
سامية بهدوء :هي مستأذنه من أبوكي ومني ووالد صاحبتها كلم أبوكي ومعرفانة أنها هتتأخر بره أنتي بقي بتستأذني من حد ولا بتعبري كد أنك هتتأخري يا ست شمس.
شمس بغيظ:يعني طلعت أنا إلي غلطانة في الآخر صح.
سامية بهدوء :شمس أنتي كبرتي علي شغل العيال بتاعك ده كل يوم أقول مسيرها تعقل لكن مع الأسف ولا بتعقلي ولا حاجة كل يوم مشكلة جديدة كفاية بقي وأتعدلي لأني مش هسكت ليكي بعد كده.
شمس بغيظ :بقي كده يا ست ماما ماشي أنا راحة أنام تصبحي علي خير.
سامية بهدوء :وأنتي من أهله وربنا يهديكي يا بنت بطني.

-***-

يقف ساجد بجوار سيارته ويتحدث في الهاتف مع صديقه ليتفاجئ بمن يقف أمامه ………؟؟؟!!!!!!

يتبع……….
بقلم زينب سعيد

لقراءة الفصل التالي : اضغط هنا

لقراءة جميع فصول الرواية اضغط على (رواية فيروز)