رواية سيقان في الوحل الفصل الثالث و عشرون 23 بقلم منه محمد

رواية سيقان في الوحل الفصل الثالث و عشرون 23 بقلم منه محمد

رواية سيقان في الوحل البارت الثالث و عشرون

رواية سيقان في الوحل الجزء الثالث و عشرون

رواية سيقان في الوحل الحلقة الثالثة و عشرون

حنان: اهدي يا ثريا الدكتور جاي
خالد: الدكتور وصل
حنان قامت وقربت منه وصافحته: اهلا يا دكتور من فضلك الي جوه اخويا ارجوك اهتم بيه
الدكتور: متقلقيش يا دكتوره حنان اخوكي في ايد امينه
حنان: شكرا لحضرتك
ثريا بصوت كله توسل وبكا: ربنا يخليك خد بالك منه
الدكتور: انشاء الله متقلقيش يا مدام
خالد: نتصل نجيب جراح مخصوص لحالته
حنان بضيق: مفيش داعي ده برضو دكتور جراح متخصص
نيره نزلت دمعة قهر من عيونها: انا السبب انا السبب في الي بيحصلكم انتي وبابا انا بنت وحشه
ثريا بصوت ضعيف : لاء متقوليش كدا ع نفسك انت احسن بنت في الدنيا
خالد نخ قدامها ومسك ايدها وبدء يمثل دور الحب: نيره مش انتي السبب وليد هو السبب متلوميش نفسك
حنان بصتلو بضيق ونيره سحبت ايدها بشده وضمت امها: لو حصل مكروه لبابا مش هسامح البني ادم ده ابدآآآ
حنان طبطبت ع ايدها وخالد اتمني فهمي يموت عشان وليد يبعد نهائي عن الساحه
……….منه محمد……….
بعد الاحداث وليد طلع في الشارع يلف بعربيته مش عارف يروح فين ولا حتي يعمل ايه رجع عند جمال تاني
جمال نفخ بضيق: نيره مش بترد
وليد من القلق والخوف بدء ينهار خلاص اعصابه تلفت حرفيا قام و راح ناحيه الباب
جمال مسكه: ثانيه انت رايح فين؟؟
وليد: رايح اطمن ع فهمي بيه
جمال: فاهم انك عايز ترجع عايلتك بس الي هتعمله هيزود الامور للاسوء
وليد بصوت كله الم وقهر : انا مكنتش عايز الامور توصل لكدا بس مقدرتش اتحمل اشوف نيره بتتجوز خالد ومش عارف السبب ليه مصممه تتجوزه بس الي عارفه ان وجوده قرب نيره فيه امر في غايه الخطوره
جمال: انا نفسك متفاجئ من قرارها

 

 

 

 

 

 

 

وليد :لازم اكشف السر ده لازم حاسس انها مخبيه عني حاجه وحاجه مهمه
……….منه محمد………
في الفيلا لسه مريم موجوده عشان التؤام وتستقبل المعازيم الي عماله تهل وتعتذر ان فهمي تعب فجأه ونقله للمشفي
منال ببتسامه شمتانه: بجد مشهد ممتع فرح كله حركه واثاره وتشويق
مريم بحتقار: ده عشان انتي جيتي حضرتيه يا وش الفقر يابومه محدش قالك قبل كدا انك نحس
منال اتخصرت : لاء يا عنيا ده عشان صحبتك قررت تتجوز خالد الي شـ ( عضت شفايفها وابتسمت بمكر ) ولا بلاش اقولك هو ايه
مريم: قولي قصدك ايه
منال ضحكت ضحكة تنرفز ومشت مريم شدتها من دراعها بقسوه
مريم :لحظه
منال: عايزه ايه
مريم شدت منها الشنطه كروس السوريه
منال بتشدها منها بعصبيه:بتعملي ايه هاتي الشنطه
مريم :كدا فتحتيها ووقعتي الموبيل
منال صرخت في وشها :يا مجنونه
مريم بسرعه البرق: داست ع الموبيل الي واقع عالارض كذا مره لحد ما حطمت شاشته
منال فتحت عيونها على آخرها: كسرتي الموبيل يا مجنونه
مريم: احسن انه اتكسر عشان متسربيش الفيديو وتأذي نيره بافعالك الغبيه ( بنبرة تهديد ) يمين بالله لو ما بطلتي تأذي نيره اوعدك بشويه ميه نار يترشوا ع خلقتك يخلوكي مسخ
منال بتهديد: هبلغ الراجل الي انا معاه
مريم :وماله بلغيه يله عشان الدرس يبقي مقرر كامل من صفحه واحد عقاب منال

 

 

 

 

 

 

تلفونها رن بصت فيه وابتسمت وردت بدلع:الو يا هشام ايه وحشتك كتير عشان كدا بتتصل بيا……انت كمان وحشتني اوي
منال بصتلها بنظرات كلها شر واتكت ع اسنانها وكورت كف ايدها بغيظ
مريم :انا مشغوله دلوقت اقفل بس استني قبل ما تقفل خد البوسه دي مني امواه امواه باي حبيبي
منال صرخت وضربت الارض برجولها ومشت بقهر ومريم انبسطت اوي انها رفعت ضغطها
……..منه محمد……..
دخل المستشفي وكتب رساله لحنان يسألها عن رقم الغرفه
حنان اول ما شافت رسالته قامت:هروح اجيب لقمه ناكلها
ثريا هزت دماغها: روحي
نيره شكت في الامر وخلتها قامت وراحت وراها بحجه الحمام
حنان راحت لمكانه وقربت منه
وليد بحزن كبير: انا اسف مكنش قصدي الامور توصل لكدا طمنيني عن فهمي بيه عامل ايه
حنان: في العنايه المركزه بس متقلقش انا عارفه الدكتور وهو شاطر في المجال ده
وليد :لو حصله اي حاجه مش هسامح نفسي
حنان: فاهمه انت مش طايق نيره تتجوز خالد بس كنت لازم تراعي الي حواليها وتهدي شويه من حاله غضبك
وليد اتنهد بحزن: طمنيني عن نيره
نيره الي شافته ومن غير اي كلام مسكته من قميصه وعطته بوكس فـ وشه وفضلت تضرب فيه بكل قوتها وتصرخ بعصبيه: مبسوط انك أذتني
حنان بعدتها عنه بقوه : نييييره إهدى خلااااص
نيره بصريخ : دلوقت بتحاول تقتل ابويا ليه عملتلك ايه ليه عايز تنتقم مني لييييه بتعمل ده فيا رد ليييه
وليد واقف قدامها بدون اي حركه كأنه جماد ونيره هجمت عليه تهلبش فيه وتخربش وشه وتصرخ بهستريا ووليد واقف مستسلم لبطشها وحنان عماله تشد فيها من وسطها بتحاول تبعدها عنه
نيره بتحاول تطوله: لو كان حد المفروض يموت فهو انت متخلنيش اشوفك قدامي مره تانيه بكررررهك ووليد فضل واقف ماتحركتش من مكانه
حنان :وليد امشي ارجوك من قدامها
نيره :عمتي سبيني اخلص عليه
حنان بتشد فيها: امشي يا وليد امشي
وليد بالفعل خرج مقهور حرك عربيته وقف عند البحر وقعد يرمي حصى بكل قوته
وليد اتنهد بقوه وصرخ: ياريت اقدر ارمي همومي في البحر وارتاح وعيونه غفت مش عارف قد ايه لحد ما سمع صوت مسدج فتحه لقاه من حنان( والد نيره بقي بخير مش عايزاك تقلق وبالنسبه لنيره انا ههتم بالامر
وليد ابتسم من بين دموعه وكتبلها( شكرا يا عمتي حنان انك قولتيلي الخبر ده
وقام وقرر يروح لفهمي ويقوله كل حاجه وينهي المشاكل دي للابد
………منه محمد………
في شركه التمساح

 

 

 

 

 

دريه: وليد ده موهوب وبجداره اقتحم فرح بنت فهمي واتسبب ان فهمي دخل المستشفي
جلال اتوسعت نظراته بصدمه:مين الي قالك
دريه: الكل بيتكلم عارفه واحده صاحبتي في النادي حضرت الفرح وشافت وقالوا ان اهلها اندهشوا لما ظهر قدامهم ع غفله وطلب ايد نيره والله وهي بتحكيلي تخيلتها فقره للفرح ههههه
جلال بعصبيه: هو الحمار ده لسه معجب بالبنت دي بس انا مش هسمح انهم يكونوا مع بعض ابدا
دريه مستغربه من إنفعاله: وانت مالك هو حر تمنعه بصفتك ايه هو كان مجرد موظف سابق احنا مش اهله
جلال اتوتر: مش حلوه موظف كان عندنا يتجوز اي واحده من شركه الامبراطور
دريه بحقد: بس وليد مش تابعنا المفروض نهتم اكتر لـ ابننا هشام الي بدء يشتغل بجد ده حتي بيحضر لحفله الذكري السنوية للشركه ولازم نقدر جهده وتديله الثقه
جلال سرح بغضب في الي عمله وليد
دريه ضربت سطح المكتب بعنف: انا بكلمك انت روحت فين جلال انت سامعني
جلال: عارف
دريه بغيظ: لاء انت حكايتك حكايه انا ماشيه
وخطفت شنطتها واختفت من قدامه وهو فضل مندمج مع سرحانه
……….منه محمد……
تاني يوم وفي المستشفى عند فهمي
دخل المستشفي وراح اتجاه الاسانسير لقاها واقفه راح وقف قصادها
نيره: انت هو انا مش قولت لك مش عايزه اشوف وشك تاني قدامي
وليد ببرود: جاي ازور ابوكي
نيره بصتله وبحدة: مفيش داعي محدش مرحب بيك هنا (وبسخريه) سبحان الله يقتل القتيل ويجي يزوره في المستشفي امرك غريب بس عادي تتظاهر وكأن ولا ليك علاقه
وليد: عارف انك لسه مقهوره مضايقه مني بس مش انا قولت لك اني مش هسمحلك تتجوزي خالد مهما حصل
نيره لمحت خالد داخل: اتكلم معاه في ده بنفسك لان خالد الراجل الوحيد الي هتجوزه ومحدش يقدر يمنعني
خالد قرب منهم: ايه الموضوع

 

 

 

 

 

نيره:ولا حاجه كنت بقول لوليد هبعتلو دعوه فرحنا بعد ما يخرج بابا بالسلامه من هنا ونتجوز ع طول
وليد عقد حواجبه وقفل ملامحه واتنهد تنهيده من أعماق قلبه قبل ما يتهور ويضربها
نيره رفعت عيونها لماحست بنظرات تخترقها وصطدمت بنظرات وليد الحاده الي مصوبها عليها
نيره بفرسه: والمره دي محدش هيقدر يبوظ الفرح يله بينا حبيبي(وحطت ايدها في دراعه وركزت عينها في عينه وركبوا الاسانسير تحت نظرات وليد الي جمره نار)
فضل واقف لانه حرفيا مبقاش قادر يحس بأطرفة أبدا ولا سامع بالي حواليه
………منه محمد…….
في غرفه فهمي خبطت ودخلت ببتسامه
نيره: بابا عامل ايه
فهمي شاورلها انه كويس
خالد: حمد لله بالسلامه يا فهمي بيه حاسس بأيه حاليا اسف اتاخرت عليك كنت مشغول في الشغل
فهمي رد بصوت ضعيف: ولا يهمك انا فاهم واسف ان ده حصل يوم فرحكم معرفش ان وليد هيكون بالجنون والتهور ده
ثريا: قفل يا فهمي ع الكلام ده دلوقت انت تعبان لما تتحسن الدكتور قال بلاش ترهق نفسك
فهمي: ناوين تعملوا ايه انتم الاتنين بعد كدا
خالد بحماس: انا ونيره قررنا بعد خروجك نكتب الكتاب ع طول
نيره حاولت تبتسم لكن جواها كميه وجع يمزق نياط القلب
فهمي: تمام يابني بس المره دي هنعمل فرح كبير يليق بمكانتنا ونشوف وليد هيجرؤ يدمره تاني
نيره مسكت ايده باستها: بابا انا مبسوطه انك بخير لو حصلك حاجه كنت مستحيل اسامح نفسي العمر كله
فهمي: الحمد لله يا بنتي
نيره :بكره عندي اجتماع لمشروع جديد يمكن مقدرش اجي ازورك
فهمي: ولا يهمك انت وخالد اهتموا بالشركه كدا هبقي افضل وامك واخده بالها مني
………منه محمد………
بعد خروجهم من عند فهمي ركبوا الاسانسير نزل بيهم للارضي وخرجوا
خالد: اتمني المره دي متقوليش للحاشيه عن فرحنا
نيره بحده: قصدك ايه حاشيه ايه اظن انا مفسختش العقد وانت بنفسك شوفت الي حصل
خالد: وازاي اقدر اتأكد ان بسبب وليد كل حاجه تتفركش وتفسخي العقد بس لو كان الفرح هيعمل مشكله خلاص نكتب وده كفايه لان انا عايز الامر ينتهي بسرعه
نيره: انت كدا ع طول تكشف كل ورقك للعدو الي عَايزه وبتفكر فيه بس مش متفاجئه لانك مفوزتش ع عدوك قبل كدا
خالد بعصبية من طريقة كلامها : الزمي حدودك واياك تهنيني اظن انا مش احسن منك مفكره نفسك قويه بس بتتهزمي قدام وليد ودلوقت اجري اتوسلي لراجل تاني يرضا يتجوزك
نيره لطشته بالقلم: انت بأي حق تتكلم معايا كدا فوق لنفسك

 

 

 

 

 

خالد سحبها من وري رقبتها بعنف: وانتي بأي حق تمدي ايدك عليا لو محتاجه تستري نفسك وحملك الي جاي من غير اب فأنا الوحيد الي قادر يسترك فاحترمي نفسك وشغلي عقلك وزقها رجعت ع وري وسابها ومشي
نيره اتنهدت : آآآآآآآآه يا رب حلها وزيل الهم والقهر عني لأنك أنت العالم بحالي يا رب
……..منه محمد……….
قاعدين كلهم حواليه حنان وثريا خبط ودخل
ثريا بعصبيه: انت هنا ليه؟؟
وليد بهدوء: محتاج اتكلم مع فهمي بيه
فهمي بصله بنظرات قاتله من قمه غضبه
ثريا بحده: عن ايه
حنان: اهدي يا ثريا وليد انا اعرفه
ثريا بصتلها بصدمه: انتي عارفه وليد
حنان: ارجوكي اهدي يا ثريا ايوه عارفه وليد من وهو طفل صغير وهو شاب كويس جدا مش زي ما انتم مفكرينه
ثريا بنرفزه: بس ده أأذي بنتي ازاي تقولي انه كويس ازاي
حنان: وعرفت ده قريب صديقه نيره خدرتها
ثريا ضربت ع صدرها بنهيار: يا نصبتي خدرتها
فهمي بحزم : خدي ثريا واخرجي يا حنان
حنان سحبت ثريا وخرجوا
وليد قرب وبصله بغصه وندم : ايوه واحده خدرتها وكانت نيره غايبه تماما لما قابلتني بس ده مش غلط صديقتها لوحدها لو كنت راجل ضبط نفسي وكنت واعي كفايه مكنش حصل الي حصل في الليله دي
فهمي من كميه وجعه مسك كوبايه ورشقها في دماغه جبينه اتفتح وسال منه الدم
وليد وقف واتحمل الالم وكمل كلامه: ارجوك اقبل اسفي واعفي عني غلطي ووممكن تعاقبني زي ما حضرتك عايز انا مستعد وتحت امرك بس عايز فرصه اكفر عن ذنبي الكبير
فهمي بعصبيه: تكفر قصدك ايه ده هيرجع ايه بعد ما تكفر هيرجع بنتي زي ما كانت
وليد: عارف اني مقدرش ارجع حاجه نفس الاول بس مستعد اتحمل الامور الي عملتها وبطلب اتجوز نيره وحالا
فهمي : وليه اديك فرصه
وليد: لان انا ونيره بنحب بعض
فهمي: بتحبوا بعض وفضل يحدف في كل حاجه من ع الكمدينو وزعق جامد
حنان دخلت بسرعه : ايوه هي دي الحقيقه اسفه يا فهمي اسفه يا ثريا لاني خبيت عليكم ده بس انا عارفه ان نيره بتحب وليد
فهمي: قصدك تقولي ان نيره مش بتحب خالد
حنان: ايوه بتحب وليد نفس ما هو بيحبها
فهمي: بس انا مش مرحب بحد من شركه التمساح
وليد: وانا ماليش علاقه اتجاه التمساح وقدمت استقالتي وانا مستعد اثبت لك اخلاص ليك
فهمي بعد تفكير بصله بكل جديه : لو قدرت تخالي شركتي تفوز ضد شركه التمساح في المناقصه الجايه هقبل اعتذارك وهقبل عرضك ووافق تتجوز بنتي
وليد بسعاده: موافق وهخالي شركتك تاخد المشروع

• لقراءة الفصل التالي:اضغط هنا
• لقراءة باقي حلقات الرواية اضغط على (سيقان في الوحل)