رواية احتواء الفصل التاسع 9 بقلم عزه محمد

رواية احتواء الفصل التاسع 9 بقلم عزه محمد

رواية احتواء البارت التاسع

رواية احتواء الجزء التاسع

رواية احتواء الحلقة التاسعة

تشتاقُهم عَيني وهُم في سَوادِها
ويحنُّ لهُم قَلبي وهُم بيْن أضْلُعي 🥺♥️♥️♥️♥️♥️♥️♥️♥️♥️♥️♥️
ضياعك يعني لي ضياع عمري الماضي والقادم 🖤
بعد مرور تلات ايام.. فارس رجع بيته ورفض يوضح اسباب ل عامر وبقي يروح عند يحيي يباشر القضيه من هناك ومعاه عامر
شهد علاقتها بتقوي ب حسن بس لسه جواها فارس وموجوعه علي ضياعه
في يوم قاعده شهد وحسن علي البحر زي كل يوم
«مولعين في جذع شجره وبيشوي عليه دره»
بيناول شهد الذرة وهي بتبتسم وتاخده منه
شهد بأمتنان وشكر حقيقي: مش عارفه اشكرك ازاي يا حسن علي الوقت ال بنقضيه سوا
حسن ضحك وهو باصص وراها: مفيش شكر طبعا…. عايز اقولك ان صاحبنا وصل
شهد عنيها وسعت ومن غير ما تبص وراها: متأكد ان هو يا حسن
حسن ضحك: والله هو بعربيته اهو انا هتوه عن فارس الخولي
شهد بأمل: تفتكر يعني…

 

 

حسن قاطعها عشان متبنيش احلام ع الفاضي: ممكن يبقي خايف عليكي مش اكتر… بلاش يا شهد تعشمي اوي.. متزعليش كده بس انا خايف عليكي برضو احنا اصحاب ويهمني امرك
شهد ابتسمت بوجع: طب ناوي ع ايه
حسن بتفكير: امممم ولا اي حاجه هنحكي وناكل الذره ونقوم نروح زي كل يوم
شهد بأستسلام: لما نشوف اخرتها…. حسن لسه مش بتكلم نهله
حسن: ايوه وهي اصلا بقيت غامضه وغريبه اليومين دول اوي بقيت مستفزة لابعد حد… اول مره احس انها غريبه عني.. اصل انتي مش فاهمه انا ونهله كنا زي التوأم كل حرف بنحكيه لبعض فجأه هي تحب تخبي عني طب ليه
شهد بحزن وخوف ملامح وشها اتشنجت: معقول… معقول تكون هي وفارس
حسن بنفي: لا لا مظنش…مش عارف مش عارف
شهد حاولت تمسك الدموع: طب يلا نروح انا تعبت النهاردة كفايه كده
حسن: انا كمان بقول كفايه كده
اتحركوا بالعربيه وفارس استني لما اتحركوا وبعدهم اتحرك هو
ــــــــــــــ
«في اوضه نهله الشرقاوي»
نهله ف الفون: يعني اجي عادي المركز
فارس ضيق عنيه: ايوه مش انتي عايزة تتواصلي مع المقدم عامر عشان الاوراق ال معاكي… روحي المركز
نهله: طب هشوفك هناك
فارس: مش عارف… بتسألي ليه
نهله: ابدا كنت عايزة اتكلم معاك شويه
فارس وهو بيفك الكرافت ويقعد ع السرير بتعب: تمام ممكن ابقي اعدي عليكم ف المركز.. لو تحبي مكان بره تمام برضو
نهله بتفكير: ممكن النادي!؟
فارس بملل: لا النادي ممل اوي….. ممكن نروح ريستورانت ***

 

 

نهله: اوك جدا
فارس ضحك: اوك
نهله قفلت معاه وابتسمت ونامت
ـــــــــــــــــ
شهد دخلت البيت
زياد كان قاعد ف الصاله اول ما دخلت شهد فتح النور واتكلم بصوت فيه غضب واضح: كنتي فين يا شهد
شهد حطت ايديها ع قلبها: ايههه خضنتني مالك يا زيزو
زياد بحزم وشده: مش معني اني بابا مشغول عننا وفارس حضرتك مشتيه وهو رفض يقول لبابا ع ال عملتيه اني هسيبك تتصرفي بالشكل ده
شهد: ايه يا زياد في ايه
زياد: ابدا مفيش غير انك مش مدركه انتي بتعملي ايه… انا الاصغر منك بقيت قلقان من تصرفاتك تأخيرك بره… سهرك لنص الليل… تقدري تقوليلي كنتي فين ومع مين
شهد: زياد انا مش بعمل حاجه غلط وكنت ع البحر مع حسن
زياد بعصبيه: مين حسن ده اصلا ها مين ده عشان تسهري معاه لوحدكم… شهد فوقي لنفسك قبل ما تضيعي وتضيعي فارس للابد منك
شهد بقوه: فارس مبقاش فارق معايا.. وشكرا لاهتمامك يا زياد.. تصبح ع خير
زياد دخل وراها الاوضه: شهد انتي اختي الوحيده ملناش غير بعض لازم اخاف عليكي واهتم بيكي انا عارف بابا مقصر ف حقك وانا سني مش بيسمحلي اتدخل بس انا… انا بخاف عليكي من حسن ده… ده مش فارس ال من دمنا عشان تأمني ع نفسك معاه… افرضي خدرك وخطفك واذاكي… شهد انا خايف عليكي بجد
شهد حضنته: زياد انا مقدرة كل احساسك ده بس حسن شخصيه محترمه ومحل ثقه متخفش عليا ♡
زياد: لو احتجتي تفضفضي ع البحر انا موجود ونروح سوا… لو حابه وجود حسن ده خديني معاكي ع الاقل ابقي حمايتك وراجلك
شهد باسته من خده: ربنا ميحرمني منك يا زياد… حاضر هاخدك معايا..
زياد: تصبحي ع خير يا شوشو
شهد: وانت كل الخير يا حبيب شوشو ♡
ــــــــــــــــــــــ

 

 

النهاردة خطوبه ملك ويحيي في قاعه كبيره في فندق القوات المسلحه 💙
ملك وشهد ومامت ملك وعزه مامت يحيي في اوضه ف الاوتيل معاهم الميكب ارتست
شهد بفرحه وسعاده: قمر يا ملك قمر
ملك بتبص لنفسها ف المرايه وتلف بالفستان الروز…قصير من قدام وطويل من ورا واكمام دانتيلا : انا النهاردة خطوبتي ل يحيي بجد.. شهد ده بجد مش هزار مش حلم… هبقي خطيبه يحيي قلبي 🙈🙈🙈
شهد: يابت اتقلي شويه 😂🖤 امه بتضخك عليكي وامك عمال تبحلقلك
ملك بصت بكسوف وبصت لشهد وضحكت: يحيي قلبي برضو
الباب خبط
يحيي بصوت عالي ومرح: خلاويص
ملك ضحكت: لساااااه
يحيي بيضحك: لا خلاوييييص
ملك: لا لسااااه
شهد : هرجع من القرف افتحي خليه يدخل
شهد فتحتله وملك مدياه ضهرها وهو داخل ببدلته الكحلي وقميصه الروز… برفانه ملي الاوضه.. ماسك ف ايده بوكيه ورد أحمر… فضل يلف عشان يشوفها وهي بتلف بفستانها الروز عشان ميشوفهاش … بعددين قدر يشوفها اول ما شافها انبهر من جمالها في الفستان …في ليله ذي دي هو اه عارف شكلها بس هي النهارده هتبقي ليه رسمي جمالها كله ليه هو طبيعي ينبهر بيها كأنه اول مره يشوفها..حبيبته هتبقي ع اسمه ♡
رمي بوكيه الورد: الله اكبررررر ايه الحلاوه دي… خدها ف حضنه وضمها بكل قوته وهي فضلت حضناه وبتجاهد عشان دموعها متنزلش حب الطفوله بقا ليها حبيب عمرها كله بقا ف حضنها 🥺💜
بعد عنها وباس راسها: كنت هندم عمري كله لو محبتكيش ✨
ملك بهمس: بعشقك يا يحيي قلبي 🥺💜💜
خدها ونزلوا سوا
علي اغنيه قلبي اتمناه لعمرو دياب وكانوا داخلين يرقصوا سوا بكل حب ورومانسيه وشهد واقفه جمب زياد وحسن دخل سلم عليها ووقف جمبها من الناحيه التانيه
شهد كانت لابسع فستان بيبي بلو قصير من التل ضيق من فوق ونازل بوسع من الوسط لحد بعد الركبه بشويه وباكمام شيفون وسايبه شعرها ع ضهرها مع لمسات هاديه من الميكياج
……

 

 

ع الجانب الاخر كان واقف فارس وسط الشباب اصحابه الظباط واصحاب يحيي لمح شهد فابتسم ليها لكن هي دورت وشها وكملت كلامها مع حسن
فارس حاول ميهتمش لكن الموقف ضايقه… بعد فتره والشباب والبنات بيرقصوا حوالين العريس والعروسه سمع شاب زميلهم: مش دي شهد بنت المقدم عامر الخولي
الشاب التاني: اه هي
الاول: اوبا دي احلوت اوي
: انت اول مره تشوفها دي صاروخ يا ابني
فارس سمع كلامهم الدم غلي ف عروقه ولسه هيمشي ناحيتهم وقفت قدامه نهله.
فارس: انتي بتطلعي منين اوعي عديني
نهله: احم انا كنت هسلم عليك واسألك ع المقدم عامر
فارس بتأفف: هناك اهو ع التربيزة مع والد ملك ومامتنا اتفضلي بقا عديني
نهله بصتله بغيظ ومشيت. علي ما هو وصل ملقيش الشابين ال كانوا واقفين فاتحرك تجاه شهد
فارس بهيبه تليق ب ابن الخولي: شهد عايزك بره لحظه
شهد: خير
فارس بعصبيه طفيفه وهو بيدوس ع سنانه عشان يحاول يكتم غيظه: هتعرفي بره يا شهد يلا.. مسك ايديها سحبها… اول ما لمس ايديها نسيت كل حاجه وبصت لايديهم سوا وخرجت معاه… فتح العربيه وقعدها ولف قعد مكان السواقه
شهد بخوف : في ايه يا فارس
فارس دور العربيه واتحرك وفتح الازاز وسقف العربيه: انا مش هعاتبك على كلامك اخر مره ومش هتقمص منك وهقولك في ايه يا شهد هانم في ان كل العيون عليكي يا شهد بفستاانك القصير ده
شهد ابتسمت بخبث : كويس ع الاقل اطلع بعريس

 

 

فارس بغضب:ايه قله الادب دي احترمي نفسك او احترميني ع الاقل
شهد ببراءه بصتله:ليه انا قولت ايه. مش عايز تتطمن علي اختك مع راجل يصونها ..فارس انت موديني فين
فارس بعصبيه ذووود بنزين وضغط ع الدريكسيون :من غير كلام كتير هنروح اتليه تشتري فستان طويل ومحترم عشان ترجعي الحفله تاني غير كده هاخدك احبسك ف شقتي لحد ما الحفله تخلص
شهد:انت بتهزر صح…شعري والميكياج هيبوظ فارس ارجوك رجعني
فارس:انا عندي استعداد اعمل اي حاحه غير انك تطلعي بالقصير ده والرجاله تتفرج عليكي…بصلها بوجع:انا بحس انهم بينهشوا فيا وانت جسمك قدامهم كده
شهد حست انه فعلا مدايق..وجعه لمسها:خلاص حاضر
وصلوا للاتليه وفارس اختارلها فستان طويل وواسع وكان جميل عليها
شهد خرجت وايديها ف اديه:مش انا نفذت طلبك
فارس ضحك:عايزة مقابل طبعا
شهد:شور
فارس:ايه المقابل
شهد:نرقص سوا ف ال Second dance
فارس:لا طبعا ويلا عشان نوصل
شهد ادايقت وركبت وطول الطريق ساكته
وصلوا القاعه

 

 

زياد جري عليها:ايه دة روحتي فين وغيرتي فين
شهد:بعديني يا زيزو انا مخنوقه
……
نهله:انا قولت دي فرصه حلوه اجيب لحضرتك باقي الاوراق
عامر:انا مش عارف اشكرك ازاي انتي سهلتي علينا كتير اوي خيوط القضيه كلها بقيت ف ايدينا نوصلهم ببعض ونقبض ع الغول ونخلص من كل ده
نهله بأمل:يعني هتقدروا تقبضوا عليه
عامر بثقه:شاكه في قدرات الشرطه ولا ايه
نهله ضحكت:انا اقدر برضو
عامر سرح شويه وابتسم:بجد شكرا انتي بتقدمي خدمه لبلدك.خدمه عظيمه حتي لو علي حساب عيلتك
نهله:مش هعمل دور المثاليه..انا كده كده عايزة انتقم منه…عمي سرق ورثنا من زمان وانا كنت عايزة انتقم منه…اه مفكرتش ان ممكن يطلع وراه كل ده…بس اهو طلع ال يوديه ورا الشمس
عامر:هناخدلك حقك منه متخافيش
نهله:نفسي مخافش…بس قلقانه ع حسن اخويا
عامر:ليه
نهله:ممكن يأذيه لو عرف ال انا بعمله..لو هيأذيني انا مش خايفه ع نفسي بس حسن مقدرش
عامر شد ع ايديها بطمأنينه:متخافيش انتي الشرطه ف ضهرك ♥
……..
ف الدي جي:اي كابلز يتفضلوا ع الاستيدج Second dance🔥🔥
حسن مد ايده ل شهد:تسمحيلي بالرقصه دي
شهد بصتله وابتسمت ولسع هترد كان فارس وصل عندهم:معلش يا ابو علي معندناش بنات ترقص مع رجاله غريبه وشد شهد وطلعوا سوا ع الاستيدج
حط ايديه في وسطها وقربها منه
وشهد لفت ايديها علي رقبته وبتحرك صوابعها علي شعره من ورا بحب ورقه وبصت في عنيه:مش قولت مش هترقص
فارس بص في عنيها:انتي خالعه اللينسز ليه
شهد ابتسمت:وحشين
فارس سرح فيهم:دول الجنه ال ع الارض
شهد:انت ليه بعيد وفي نفس الوقت قريب…فارس انا تعبت ليه مش عايزني ارقص مع حسن وفي نفس الوقت انت مش بتحبني

 

 

فارس قربها في حضنه اكتر ودفن راسه في شعرها
: مش وقته يا شهد بس بلاش تزعليني منك
شهد: طب ما انت بتزعلني والبت الملونه دي بتقابلك كتير ليه فهمني
فارس وهو بيرقص معاها بص في عنيها: والله ما في حاجه بينا مجرد شغل…شهد انا بدايق من الاسمه حسن ده متقربيش منه ولا تتعاملي معاه ممكن
شهد ابتسمت:حسن صديق ليا مش اكتر
فارس بحده وعنيه احمرت:انا وبس يا شهد صديق اخ اي علاقه ب ذكر تقتصر عليا وبس مش حابب اسافر واسيبك وانا قلقان ممكن
شهد بخوف :هتسافر فين
ـ…
يحيي:متخافيش كده ي لوكا دي سفريه صغننه
ملك بدموع وحضنته:انا خايفه عليك اوي بلاش سفر
يحيي:خوفك علي راسي وحبك في قلبي بس ده شغلي وده وطني لازم اعمل واجبي واحميه..ترضي ان حبيبك يتهاون في شغله
ملك بعيون زي القطط بتبصله بأستعطاف:هتخلي بالك ع نفسك صح
يحيي:صح
……

 

 

شهد بدموع:هتسافر امتي
فارس مد ايده مسح الدموع:بعد بكره
شهد:ربنا يحميك ليا 🥺♥
فارس وهو بيحرك ايديه علي وسطها حنان وبيبص في عنيها:عايز وعد مش هتخرجي مع حسن ده تاني
شهد تاهت بين لمسته وبين نظرته:وعد…بس تخرج معايا بكره ونروح عند البحر
فارس بحنان:وهاخدك الملاهي وكل مكان وحضنها
…الرقصه خلصت و
يحيي وملك قعدوا ع الكوشه سوا مسك.كف ايديها وباسه في باطنه وظاهره:بحبك اوي
ملك بصتله بحب:انا مش مصدقه اني بسمع منك الكلام ده يا يحيي
يحيي غمز بوقاحه:انتي مسمعتيش حاجه من يحيي لسه الي جاي اتتقل بس نكتب الكتاب ونعلي الجواب وتشوفي يحيي ع حق
ملك اتكسفت منه ونزلت وشها فرفعه بأديه:بحبك..بعشق كسوفك ده.
ملك بحب:وانا يا يحيوحي بموت فيك
يحيي سقف بأديه:يا وعدي يا وعدي…اقسم بالله لو كاتبين كنت بوستك
ملك ابتسمت بكسوف
………
ندي كانت واقفه مع حسن
حسن:متخيلتش ان ممكن تتيجي
ندي:ليه يعني
حسن:يعني…ندي هانم تنازلت وجت
ندي عنيها ع فارس وشهد:سيبك من الهري ده…البت دي لسه لازقه لفارس مش مفروض انت تفرقهم
حسن بحزن: اممم…بس مش اني اقف وسطهم لا… لما اخدها منه للابد وتضيع منه هيعرف قيمتها
ندي بصتله وحست ان الاجابه مش اجابه سؤالها اتعصبت منه وخرجت لعربيتها ومشيت
بعد مده الخطوبه خلصت
وكل واحد راح بيته….
الا حسن كان بيشرب خمور بيلف بعربيته لحد ما وصل تحت بيتها وطلع من البلكونه دخل اوضتها
صرخت فكتم صوتها وانتهي كل شئ واي شئ
ـــــــــــــــــــــــــــــــــــــــ

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)