رواية احتواء الفصل الثالث 3 بقلم عزه محمد

رواية احتواء الفصل الثالث 3 بقلم عزه محمد

رواية احتواء البارت الثالث

رواية احتواء الجزء الثالث

رواية احتواء الحلقة الثالثة

بعد مرور شهرين من العمل المكثف…
*******
فارس دخل البيت هو وعامر بأرهاق ولاحظت شهد ده هي وزياد قاموا جري عليهم
شهد بقلق من منظرهم : في ايه مالكم
قعدوا وفارس شاورلها بإرهاق تحط الاكل
شهد دخلت حطت الاكل ال كانت طلباه جاهز وقعدوا اتغدوا
عامر ابتسم: النهارده وبعد شهرين من وفاه ريهام ومليكه اقدر اقول اني جبت حقهم وصفيت رجاله الغول كلهم
شهد ابتسمت: بجد يا بابا… طب والغول ده قبضتوا عليه
فارس: للاسف احنا منعرفش مين الغول اصلا لكن قضينا علي 99٪من رجالته واهم القاده بتوعه يعتبر عصابته بقيت ملهاش لزمه
زياد بخوف: هو مش كده ممكن يأذينا
فارس مسك ايديه: لا يا حبيبي متخفش هو هيحتاج وقت وسنين عشان يقدر يجيب رجاله يعتمد عليهم كده ويثق فيهم هنكون احنا سبقناه وقبضنا عليه
عامر بأمتنان: بعد ربنا لولا فارس مكناش قدرنا ناخد حق ريري ومليكه
شهد بأعجاب: فارس طول عمره بطل
فارس حب يغير الموضوع: عايزين نشوف حل للاكل الاكل الجاهز ده مش حلو ومش صحي
عامر باندفاع: انا لا يمكن اتجوز بعد ريهام مستحيل
شهد بحب لباباها: انت عظيم يا بابا
فارس: انا مقولتش كده بس ممكن نجيب داده حتي تخلي بالها من شهد وزياد
عامر: خلاص دي مسئوليتك يا فارس هات وحده ثقه
فارس: تمام..

شهد لمت الاطباق وزياد دخل اوضته يذاكر وعامر دخل يريح شويه
فارس قعد ف البلكونه شهد خدت فنجان قهوه ودخلتله: فارس
فارس بصلها وابتسم: عيوني
شهد ضحكت: دة انت رايق بقا
فارس: اوي اصل انا ال قتل*ت ال دب*ح ريهام ومليكه فتلاقيني مبسوط ومرتاح
شهد بخوف: قت*لته ازاي يا فارس
فارس شدها وحضنها: متخافيش كده انا مش شرير بس ده القصاص يا شهد وده حقنا
شهد غمضت عنيها واتنهدت: ربنا ينتقم منهم اشد انتقام
فارس بعدها وبص في عنيها: عايزك تبقي قويه عشان زياد مفهوم
شهد: حاضر يا فارس حاضر.. يلا تصبح ع خير
فارس: وانتي من اهل الخير
………
تسريع احداث (بعد مرور 3سنين)
في بيت سيف الدين
عزه: يعني ايه لا يحيي اتعدل
يحيي: اسف يا ماما بس ملك انا مش بحسها تقوليلي اخطبها
عزه: حرام عليك البنت بتحبك وده باين اوي اديها فرصه
يحيي: وانا مش حاسس بحب تجاهها ومش هتجوزها يا ماما
عزه: مين قال اتجوزها اخطبها بس ويمكن تحبها
يحيي: الحب مفيهوش ممكن لو هحبها كنت حبيتها من زمان
سيف: سيبيه يا عزه براحته متضغطيش عليه…. بس ال انت بتجري وراها من صغرك مش شيفاك اصلا فجرب تشوف ال بتحبك

يحيي: بابا انا مش بجري ورا حد ولا بحب حد ولا عايز حد يحبني اصلا… انا قايم ماشي
،،،،،،،
في بيت حسن الشرقاوي
حسن 25 سنه ونهله27سنه
نهله بتصحي حسن
: حسن اصحي يا حسن ياحسن اصحي يا حسن يا حسن (بصوت محمد طاهر لما بيقول اديل اصحي يا اديل تخيلوا 😂)
حسن: يخربيت الزن صحيت صحيت عايزة ايه ع الصبح
نهله: في واحد يقول لاخته حببته عايزة ايه ع الصبح اكيد عايزة فلوس ايه الذكاء دة
حسن قام وفتح الدرج واداها الفلوس: ما قولتلك نقسم الفلوس كل اول شهر بدل ما تصحيني كل يوم
نهله حضنت حسن: عايزة اجي كل يوم اخد مصروفي منك واحسن اني ملزمه منك
حسن باس راسها: ربنا يخليكي ليا يا نهله انتي احلي حاجه في حياتي
نهله باسته: وانت تحلي حاجه فالحياه اصلا هنزل بقا التمرين لحسن اتأخر
حسن: اوعي الاسد يعضك وراح ضحك
نهله: نينيني وخرجت وحسن اتنهد وقام يروح الشركه بتاعه عمه ال بيشتغل فيها بجانب دراسته في كليه التجاره( بيحضر ماجستير)
*****

شهد بتتكلم مع ملك صحبتها (ملك بنت وليد وبوسي من روايه في عرض البحر اتمني تبقوا فاكرين)
شهد:يابنتي انا عارفه ان ندي دي هتموت من الغيظ بسبب فروسه بس اعمل ايه يعني
ملك ضحكت:انتي كياده اوي
شهد نامت ع السرير واتنهدت بحزن:ع ايه هو يعني فارس حاسس بيا كل شويه يقول .. وبدات تقلده.. انتي اختي الحلوه ال كبرت ع ايديا يا شهد… قرفني بجد
ملك بحزن اكبر:ومين سمعك ما يحيي الكلب كده برضو بس الفرق ان يحيي بيكرهني مش شايفتي اخته لا هو بيكرهني
شهد بحزن ع حالها وحال صحبتها:سيبك انتي حد يبص ليحيي برضو انتي اتعميتي
ملك:لا سوري يا شهد هو في في جمال يحيي وروح يحيي ودم يحيي الخفيف
شهد:ده انتي واقعه اقفلي اقفلي خليني اروح اصحي فارس عشان اروح التمرين
*****
راضي بيرمي الملف في وش حسن: انت كده هتخسرني المناقصه يا استاذ
حسن: يا راضي بيه دي افضل ميزانيه صدقني
راضي قام بخبث ومش ناحيه حسن ولف حواليه بقي واقف في ضهره: هتبقي افضل ميزانيه لو سمعت كلامي يا حسن
دخلت نهله: وحسن مش هيسمع كلامك يا راجل يا عره انت يلا يا حسن من هنا الشركات مخلصتش
وسحبت حسن خرجت
حسن: ليه كده هلاقي شغل ازاي وفين
نهله: ارض الله واسعه
حسن: مين هيشغلني بعد ما راضي بيه يوصي محدش يشغلني يا نهله
نهله: مش لازم بشهادتك شوف اي شغل وانا هشتغل واساعدك بس منتزلش ل راضي الكلب ده
حسن اتنهد بضيق: مش فاهم ازاي عايزني اعمل كده راجل ناقص
نهله: متفكرش كتير انت لايمكن تعمل كده صح
حسن: طبعا انا مستحيل لا لا مستحيل
نهله: طيب يلا بينا ع البيت
*****

بيدخل راضي الفيلا بتنزل ندي بكل غرور وتكبر
ندي: هاي بابي
راضي: هاي يا حبيبه بابي
ندي: بابي هو لسه حسن مش موافق
راضي: للاسف لسه…. الشوكه ال وقفالي في زوري هي نهله لو تيجي مصيبه تاخدها هقدر اسيطر علي حسن كويس اوي
ندي بملل: طيب انا هنزل النادي باي باي
راضي: باي يا ندي
*****
شهد دخلت اوضه فارس وقعدت تلعب بالورده عند مناخيره وشفايفه وعنيه عشان يصحي وهو بيحاول يبعدها مفكرها دبانه… صحي وشافها فمسكها من وسطها وقلبها ع السرير وبقي هو من فوق: انتي مش هتبطلي حركات العيال دي
شهد ضحكت: لا مش هبطل يلا قوم عشان توديني النادي
فارس شالها علي كتفه وطلعها بره كان عامر قاعد بيقرا كتاب
اتكلم فارس بضحك وبصوت عالي : عايزها تاني ولا ارميها من الشباك
وهي بتحرك رجليها بعشوائيه: نزلنااااي يا واد يا طويل انت نزلني
عامر ضحك: لسه عيال مهما تكبروا عيال.. يلا وديها النادي عشان تبطل زن
فارس مشي بيها قدام اوضتها ونزلها كانت هي ماسكه في رقبته فلما نزلها بقيت قريبه جدا منه فضلت باصه ف عنيه فاقت علي صوت زياد: هتفضلوا متنحين كتير
فارس بعد وهي دخلت اوضتها غيرت وكذلك فارس وخدها وصلها النادي
شهد: هتيجي تاخدني
فارس مرر صوابعه ف شعره: مظنش عندي شغل… ممكن ابعتلك يحيي هو ورديته هتخلص قبلي
شهد: طيب يلا باي
….

دخلت شهد النادي ولقيت اكتر وحده بتكرهها في وشها ندي الشرقاوي
ندي: هاي شهد تعالي
شهد في سرها هاي زفته: هاي ندي
ندي: ايه ال موقفك بعيد كده مش هتقعدي معايا
شهد: لا… انا انا جايه اتمرن وبس عن اذنك
جريت شهد لمكان التمرين وندي بتبصلها بغل وكره
ندي: بقي دي توقع واحد زي فارس وانا لا ولا حتي بابي قادر ينتقملي من شهد دي ويخليني اذلها
****
عشان اللخبطه اخر حاجه وصلنا ليها بعد تسريع الاحداث
شهد وملك وندي :19سنه
فارس ويحيي :28
زياد:11سنه
حسن:25
نهله:27

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)