رواية احتواء الفصل الثامن 8 بقلم عزه محمد

رواية احتواء الفصل الثامن 8 بقلم عزه محمد

رواية احتواء البارت الثامن

رواية احتواء الجزء الثامن

رواية احتواء الحلقة الثامنة

و إن اشتد العالم قسوة ستظل أنت ركنى الآمن، اللين، الحاني بحنانٍ علي قلبي🖤✨ *بقلمي*
شهد: نعمممممم
فارس رفع حاجبه: مين دي اصلا وعايزه ايه
يحيي: معرفش
شهد بعصبيه: مستحيل تدخل اوضتك يا فارس محدش ليه حق يدخلها غيري
فارس بتحدي: ومين اداكي الحق ده.. ايه صفتك يعني
شهد بدموع: اختك يا فارس اختك وطلعت وسابته
يحيي بصله بلوم: تعالي اسندك لبره
فارس بعند: لا دخلها هنا
يحيي: بلاش يا فارس
فارس: خلص يا يحيي
يحيي : ماشي يا صحبي……

 

 

يحيي بغيظ وسخريه: اتفضلي يا.. يا انسه نهله
نهله بأستغراب منه: متشكىره… بس بعد اذنك عايزه اتكلم مع فارس بيه علي انفراد
شهد كانت واقفه ورا باب اوضتها ال هي قصاد اوضه فارس اول ما سمعت الجمله دي طلعت: انفراد ايه يا انسه نهله احنا معندناش الكلام ده
نهله: ازيك يا شهد اخبارك
شهد: احسن منك.. المهم انتي عايزة ايه من فارس
فارس: شهد لو سمحتي
يحيي: اسكت انت ردي عايزة ايه من فارس…
فارس: شهد ادخلي اوضتك انسه نهله اتفضلي ويحيي صحبي مش بخبي عنه حاجه اتفضلي اتكلمي قدامه لو حابه تتكلمي
شهد طلعت بغيظ ورزعت باب اوضتها اما نهله فأتنهدت ودخلت ويحيي دخل معاها
ـــــــــــــــــــ
ملك بتسرح شعرها فجالها فون من شهد
الو يا شوشو ايه الاخبار
شهد:اخبار زفت البت الملزقه دي اخت حسن جات لفارس وعايزه تقعد معاه قال ايه ع انفراد
ملك شهقت: ليلتها سوده وانتي سبتيهم
شهد: مسكت ف خناقها بس فارس طردني وخلي يحيي معاهم
ملك: يالهوي يالهوي يحيي معاهم انا هلبس واجي حالا
شهد: ايوة تعالي لازم نتصرف مش هسيب البت الملونه دي تاخده مني
ملك وهي بتلبس بسرعه البنطلون: اني قادمه اقفلي عشان البس بسرعه باي
شهد: باي …. رمت الفون وفكرت شويه وهي بتلعب ب القلم في شعرها: ورحمه امي لاندمك يا ملونه ع اليوم ال فكرتي تاخدي فيه فارس مني
قامت فتحت الدولاب وطلعت علبه دوا مكتوب عليه ملين ودخلت عملت عصير فراوله وحطت في كوبايتها
خبطت فيحيي فتحلها: عصير واجب الضيافه
يحيي خده وقفل الباب قبل ما تدخل
شهد ف سرها: يارب تاخد هي الكوبايه ال فيها ال ملين….
في اوضه فارس
يحيي: اتفضلوا العصير
فارس خد منه العصير «الكبايه ال فيها الملين🙂»
ونهله خدت كبايه وكذلك يحيي
وكملوا كلامهم
ــــــــــــ

 

 

الباب خبط فتحت شهد لقيت حسن ف وشها
شهد كانت لابسه فستان خريفي احمر وسايبه شعرها
شهد: مستر حسن
حسن دخل : خليها حسن بس يا شهد احنا فرق السن بينا مش كبير وحابب نبقي اصحاب
شهد ابتسمت: يشرفني طبعا
حسن: الشرف ليا… انا جاي اطمن علي فارس بيه واقولك انك لازم ترجعي التدريب
شهد : التدرييييب انا ازاي نسيته….. اتفضل طيب هتفضل واقف…. دخل قعد
شهد: ع فكره نهله هنا مع فارس ف اوضته
حسن: نعمممممم
شهد ضحكت: انا قولت برضو انت اكيد مش يرضيك حاجه زي كده … عشان كده قعدت يحيي معاهم… بصت لضوافرها بخبث عزول يعني
حسن ضيق عنيه: ممكن ندخلهم
شهد ضيقت عنيها زيه وبصتله: ندخلهم حالا بس استني ملك تدخل معانا
حسن: استني ايه انا شرفي بيضيع
قام حسن ووراه شهد: اهي اوضته ادخل اغسل عارك بيدك بقا
فتح حسن باب الاوضه لقيهم قاعدين عادي واول ما دخل سكتوا عن الكلام
نهله: حسن!!ايه جابك
حسن بص لفارس بالتحديد: جاي اطمن علي شهد
فارس حط الكبايه ف الصنيه بغيظ: انسه شهد.. مين اداك حق تشيل التكليف
حسن بص لشهد: انا وشهد اصحاب وكمان رئيسها ف الشغل مش كده يا شهد
شهد بعدم وعي: ايوة كده يا حسن
فارس بيحاول يكتم غيظه: اتفضلي روحي يا انسه نهله دلوقتي ونكمل كلامنا بعدين
حسن سحب نهله من اديها وبص لشهد: سلام يا شهد هبقي اكلمك قبل ما تنامي لحد ما اشوفك بكره
فارس كان واقف جمبه يحيي بيضحك ففارس سحب ايديه عضها جامد فيحيي صرخ وفارس ساب ايده بسرعه…والكل ا بص ع يحيي
فارس: مفيش يا جماعه هو بتجيله نوبه صرع كده كل شويه اتفضلوا انتو
شهد وصلتهم للباب وف الوقت ده دخلت ملك وزياد
شهد: انتو جايين سوا

 

 

ملك كانت بتبص ل نهله من فوق لتحت بغل وكره: انا جايه ل يحيي خطيبي حبيبي جوزي ابو عيالي هااااا هاااا
زياد بصلها وضحك: خلاص سمعنا يا ستي ادخلي
شهد قفلت الباب وملك جريت ع يحيي ف الاوضه: عيزاك بسرعه
يحيي: ايه مالك يا ملك
ملك بتتكلم بسرعه وبتسحبه وراها: بولد بولد قوم
يحيي: ايه؛!!!!
زياد: شويه مجانين والله
يحيي قام مع ملك وزياد دخل اوضته وشهد كانت خارجه
فارس بحزم: شهددد
شهد بصتله بلوم: نعم
فارس: ال اسمه حسن ده كان ماله وازاي يقولك شهد وانتي ساكته ازاي وامتي بقيتوا اصحاب انتي مقولتيش ابدا ع حاجه زي دي
شهد: ايه كل الاسئله دي… تقدر انت تقولي نهله دي كانت عايزة منك ايه
فارس: متعنديش معايا وتردي سؤالي بسؤال ردي
شهد بعند: انا شهد الخولي يا فارس ها ومش هرد الا اذا انت رديت… عن اذنك
دخلت اوضتها وهو رمي الصنيه من علي الكرسي وقعت كل الكبيات اتكسرت: غبيه..
ــــــــــــــــ
يحيي وملك ف العربيه
يحيي’يا روحي انا مليش دعوه دي كانت عايزة فارس مش انا
ملك بغيره: وايه يقعدك اصلا معاهم
يحيي: عشان ميصحش يقعدوا لوحدهم.. بعدين ايه الجمال ده انتي وانتي متعصبه حلوه اوي
ملك زقته: ابعد يا يحيي واتلم بدل ما اقول لطنط انت شكلك استحليت الحكايه احضان ومفيش حتي دبله خطوبه
يحيي ضحك: والله لو صبر القاتل ع المقتول… انا ناوي اول ما فارس يقدر يتحرك نعمل الخطوبه ع طول
ملك: يا راجل هتعمل خطوبه من غير ما تتقدم اصلا ايه السيربرايز التحفه الناوي عليها لأهلي دي
يحيي رفع النظاره: اوبا تصدقي صح
ملك: ياااارب صبرنيييي
يحيي ضحك بخبث انه قدر ينسيها حوار نهله وروحها بيتها….

 

 

ـــــــــــــــــــ
«في بيت حسن الشرقاوي»
حسن بزعيق: ممكن اعرف ايه وداكي هناك
نهله بتردد: عادي… روحت اطمن علي شهد وفارس بيه
حسن: هتستهبلي وال تروح تطمن ع شهد تقعد ع انفراد مع فارس بيه
نهله: يوووه بقا هو تحقيق
حسن مسكها من دراعها: اظبطي يا نهله وقولي روحتي ليه.. انتي عارفه ان شهد روحها فيه معقول هتخطفيه منها
نهله زقت ايديه ودخلت اوضتها وقفلت ع نفسها فضلت تعيط
…. جرس الباب رن فتح حسن لقيها ندي
دخلت بكل غرور وتكبر
ندي: سمعت انك قبلت ال اسمها شهد الخولي ف التدريب هل ده ليه علاقه بالخطه
حسن بصلها بحزن: امممم ليه علاقه بالخطه… انا بعد ما كنت رافض فكرت تاني لما شوفت صوره ليها.. بصراحه البنت قمر يعني لما اعمل ال عمي عايزة هكسب فلوس وكام ليله حلوين مع القمر دي
ندي بغيظ: هي مش حلوه اوي كده انت ال ذوقك وحش
حسن:تؤتؤ دي غيره بقا…دي شهد الخولي..صااااروخ وانتي تقولي مش حلوه اومال مين الحلو لما دي مش حلوه
ندي قامت وخدت شنطتها بغيظ ومشيت
حسن بص لطيفها بحزن:ربنا يهديكي يا ندي
ــــــــــــــــــ
«في بيت عامر الخولي»
زياد خد شنطته ونازل
شهد ف الصاله قدام التي في:رايح فيه يا زيزو
زياد:النادي…خلي بالك من نفسك
شهد:وانت كمان يا حبيبي
زياد اداها بوسه ف الهوا ونزل وهي كملت المسلسل وبالها ف فارس وال حصل
……

 

 

فارس حس ان بطنه وجعاه وعايز يقوم الحمام بس مش قادر يقوم لوحده
فارس بتعب:زياد..يا زياااد
شهد قامت دخلت عنده:مالك يا فارس في حاجه
فارس بص بعيد:عايز زياد يسندني للحمام
شهد:زياد نزل وبابا ف الشغل مفيش غيري تعالي وبطل عند..سندته وهو مضطر لحد باب الحمام وسابته
طلع بعد فتره ولسه موصلش اوضته حس انه عايز يرجع تاني:لالا رجعيني الحمام تاني
شهد بدأ الشك يدخل قلبها
اتكرر الموضوع ده ٦مرات وهي كده اتأكدت انه هو ال شرب كوبايه العصير ال فيها الملين..شافته تعب وباين ع وشه انه اتصفي ودي بدايه جفاف دخلت المطبخ وهي بتبكي عملت كوبايه ميه بملح وشربتهاله غصب وادته دوا علاج للاسهال
وقعد جمبه ع السرير بتبكي
فارس صعبت عليه فشدها في حضنه:متخافيش انا كويس
شهد:انا السبب انا اسفه
فارس عقد حاجبيه:ازاي انتي السبب
شهد بعدت عنه وبلعت ريقها بصعوبه:انت..اصل..اصل انا حطيت ملين ف العصير قاصده نهله بس انت ال شربته انا اسفه
فارس ضحك من كل قلبه علي غيرتها وجنانها شدها لحضنه تاني وباس راسها:اتعلمتي الشقاوه دي فين
شهد مكلبشه فيه:انت مش زعلان مني
فارس:زعلان لانك محكتيش ع حسن ده
شهد قعدت قدامه وربعت رجليها:بص هو مفيش حكايه انا بتدرب معاه ونظرا لتقارب السن قالي بلاش القاب ونبقي اصحاب عادي وكان جاي يتطمن عليك ويقولي ارجع التدريب
فارس سكت شويه:طيب يا شهد ممكن اي حاجه تحصل تيجي تحكي ليا علي طول متخبيش حاجه عني
شهد:حاضر بس انت كمان تقولي البت دي كانت عيزاك ف ايه
فارس حب يغير الموضوع:انتي خالعه اللينسز يعني
شهد:اه فعلا

 

 

فارس بص ف عنيها واتكلم بسرحان:عنيكي كده احلي كتير…اوعي تخرجي من غير اللينسز وحد يشوفهم فاهمه
شهد اتكسفت ووشها احمر وقامت دخلت اوضتها وحطت ايديها علي قلبها..بتدق ليه ها ليه هو مش قالك مش بحبك وعمري ما هحبك…انا اخته وبس…بطل تدق كده بقا حرام عليك
……
ـــــــــــــــــــ
عدي اسبوعين شهد كانت بتدرب فيهم مع حسن وحقيقي بقي صديق ليها
حسن ونهله متخاصمين
فارس رجع شغله وبيناقش القضيه ف البيت مع عامر ويحيي
يحيي اتقدم رسمي لملك ووافقوا والخطوبه بعد اسبوع
،،،،،،،،،،،
شهد كانت ف النادي مع ملك وبالصدفه دخل حسن النادي شافهم وسلم عليهم
ملك:طبعا حضرتك معزوم ع خطوبتي الاسبوع الجاي
حسن:الف الف مبروك يشرفني طبعا..مين العريس
ندي شافت حسن واقف مع ملك وشهد راحتله وحضنته من ورا:سونا انت هنا
حسن:اه ازيك يا ندي
ندي:بخير…هاي شهد هاي ملك
ملك:هاي ندي…معزومه طبعا علي خطوبتي انا ويحيي احم النقيب يحيي سيف الدين
ندي:اممم مستواكي يحيي فعلا
ملك:لما نبقي نشوف مستواكي
شهد لاحظت دخول فارس ونهله النادي قلبها اتقبض فسحبت ملك وخرجوا
ملك:ايه كنا واقفين حسن يقول علينا ايه مالك
شهد دخلت العربيه وفضلت تعيط:عايزة اروح يا ملك ارجوكي
حسن كان بيحري وراهم:شهد شهد مالك حد دايقك
شهد:مفيش بس محتاجه اروح
حسن:تروحي ايه ف حالتك دي…انزلي انا هغيرلك مودك خالص
ملك:متشكرين يا حسن
حسن فتح الباب لشهد:انزلي ومش هتندمي
شهد بصتله بحزن ونزلت من العربيه وركبت عربيته
ملك اتصدمت ان شهدوافقت
ـــــــــ

 

 

في عربيه حسن
فتح اغاني
(هم مالهم بينا ي ليل..هيثم نبيل)
طلع بسرعه عاليه في طريق فاضي
شهد مودها بدأ يتعدل حاولت تنسي اي حاجه وتستمتع بالجو ونسمات الهواء ال طيرت شعرها
خرجت راسها من الشباك وهي بتضحك
حسن بخوف عليها:ادخلي يا شهد
شهد بصتله:شكرا اوي بجد شكرا
حسن: انا معملتش حاجه تحبي تحكي اي ال مدايقك
شهد اتنهدت بحزن:مش عارفع هيفيد ولا بلاش احسن
حسن:هاخدك ونقعد ع البحر وتحكيلي يمكن اقدر اساعدك تنسي اي حاجه مضيقاكي
شهد:حتي لو ال مدايقني شخص
حسن:بعون الله هقدر بس اديني فرصتي
شهد ابتسمت:اوك
……..
فارس وصل البيت لقي زياد قاعد لوحده
فارس:هاي زيزو فين شهد
زياد:مش ف البيت ولا بابا
فارس:بابا كان معايا وسبته انه وروحت وهو راح الشغل تاني لكن شهد فين ده الساعه ١١ ايه التأخير ده
زياد:فكرتكم سوا…رنيت عليها فونها مغلق وملك مش بترد
فارس:مغلق!!! مغلق ليه..لما تجيلي يا شهد
انا هكلم يحيي يشوف ملك اكيد سوا وفونها فصل
،ـــــــــ
«في بيت حسن الشرقاوي»
دخلت نهله بتغني ~بان الشوق في عيني بان والقلق والجنان وإن شوفته مع غيري بغير عليه كمان ونسيت كل اللي كان من يوم ما جاه وعرفتوا ده غير كل ال شوفته زمان ~ تةه قلبي لما لقاه خلاني مشيت وراه واتعلقت بهواه……~
رمت شنتطها ع السرير وابتسمت بفرحه
ـــــــــــــــــــــــــ

 

 

حسن واقف ساند علي عرببته تحت بيت شهد وهو بيشاورلها بايديه باي وهي بتضحك وبتشاورله…طلعت البيت فتحلها فارس
فارس:كنتي فين
شهد بصتله بطرف عنيها:مع حسن
فارس مسكها من ذراعها:يبجاحتك جيالي ف نص الليل لا نص الليل ايه ده احنا وش الفجر الساعه ٢يا هاااانم
زياد خرج من اوضته:فارس ماسكها كده ليه سيب اختي
فارس سابها:اختك مش محترمه لحد وش الفجر مع حسن فين يا شهد
شهد بقوه:ملكش حق انك تسألني انا حره في حياتي
زياد:شهد لو سمحتي ردي فعلا كنتي مع حسن لحد دلوقتي فين
شهد بعياط:كنت مخنوقه ومحتاجه اتكلم مع حد وخرجت مع حسن قعدنا شويه ع البحر…انا مش صغيره يا فارس انا شهد الخولي وعارفه بعمل ايه كويس
فارس شد علي شعره لورا بغضب:عشان انتي شهد الخولي وانا فارس الخولي فلازم تاخدي اذني في اي حركه
شهد:لا مش لازم انت ايه صفتك اصلا ابويا اخويا خطيبي جوزي انت مجرد ابن عمي..ابن عمي وبس وملكش حاحه ازيد من كده يا فارس
اخويا زياد وابويا عامر الخولي وامي ماتت مرتين اما انت ياريت ترجع بيتك عشان اقدر اعيش بحريه
زياد: كفايع يا شهد ادخلي اوضتك …دخلت اوضتها وفارس بص بحزن شديد علي الحاله ال وصلت ليها معاه دخل اوضته لم حاجته وجاي يمشي
زياد:استني متمشيش هي مش مدركه ال قالته
فارس:هي مقالتش حاجه غلط كلامها كله صح…
زياد:فارس انت عارف شهد بتح…
قاطعه فارس:واضح انها كااانت بتحبني وانا قتلت الحب ده بأيدي…سلام يا زياد..خلي بالك من اختك كويس اوي
ـــــــــــــــــــــــــــ

 

 

عندما ينقلب الليل نهار والنهار ليل، عندما تصبح الاضواء للخاسرين، عندما يتبدل الشمس والقمر…..سأكُف عن حبك 🖤
لن اقول ان حبك يسري بدمي ..بل اقول ان حبك دمي ✨
لن اقول انك تسكن قلبي او حتي قلبي…بل انت نبض قلبي 🖤

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)