رواية احتواء الفصل الثاني 2 بقلم عزه محمد

رواية احتواء الفصل الثاني 2 بقلم عزه محمد

رواية احتواء البارت الثاني

رواية احتواء الجزء الثاني

رواية احتواء الحلقة الثانية

بتفتح عنيها الصبح تلاقي عامر نايم علي كتفها حضنته بحب وحنان وابتسمت بعدين سحبت نفسها من جمبه بشويش عشان ميصحاش.. طلعت الصاله لقيت شهد وفارس نايمين ع الكنبه مكانهم صحتهم بشويش وبحنان ودخلوا غسلوا وشهم كانت حضرت الفطار
شهد. انا فرحانه اوي يا ريري انك جيتي
ريري. ومش همشي ابدا يا روح قلبي
فارس. بجد ازاي
عامر طلع من الاوضه. صباح الخير يا ولاد
الكل صباح النور
عامر. ريري هتفضل هنا لانها مراتي
ريهام بسرعه. وامكم لو تقبلوا بكده هبقي اسعد وحده
شهد حضنتها. انا بحبك اصلا
فارس. وانا جدا
عامر. يبقي انا بابي وهي مامي اتفقنا يا ولاد
شهد وفارس. اتفقنا يا بابي ومامي
فطروا سوا والايام كانت بتعدي بسرعه بين رعايه ريهام ليهم بكل حب واخلاص ليهم ولعامر وبين مشاعر صادقه نمت جواهم ل ريهام
عدت سنتين كانت فيهم ريهام نعم الام ل شهد وفارس وعامر نعم الزوج والحبيب ليها
،،،،،،

 

 

في النادي
ريهام كانت مع فارس وشهد بيتمرنوا ع السباحه
فارس طلع من البيسين وبعده شهد وبعده يحيي صحبه
فارس:كفايه النهارده كده يا كوتش
يحيي:ايه تعبت ولا ايه 😂
شهد:ملكش دعوه انت يا زفت
يحيي جري وراها:انا زفت والله اربيكي وهي بتجري وهو بيجري وراها
فارس بصلهم وبص للكابتن:مستوايا يأهلني للكليه الحربيه ولا ايه يا كوتش
الكوتش:لسه قدامك وقت كبير يا فارس صدقني مع الاستمرار والتدريب هتبقي مؤهل
فارس:انا مش عايز يبقي عندي حتي ضعف ١٪ عشان ميتلككوش ويطلعوني طبي لان والدتي مش من اصل مصري
الكوتش:متقلقش ثق فالله والتدريب وهتبقي بروفيشنال
…..

 

 

يحيي مسك شهد وشالها علي كتفه ووداها لريهام:البت دي شتمتني
ريهام خدتها منه:يا يحيي انت كبير بطل تدايقها
يحيي بتمثيل:والله يا طنط هي ال بتدايقني
ريهام ضحكت:الوش البرئ ده مش هيخيل عليا فين فارس
فارس:انا هنا اهو يلا نروح
يحيي:لاانا هقعد شويه مع ماما وطنط بوسي وملك باي انتو 💙
*******
بتخرج من الحمام بتمسك بطنها بتعب
ريهام: انا شكلي خدت برد ولا ايه
… بيدخل فارس وهو شايل شهد راجعين من المدرسه فبتقوم ريهام بفزع: شايلها ليه فيها ايه
فارس ضحك: اهدي يا ماما دي بتدلع الهانم عشان الاسانسير عطل خلتني شلتها وطلعت بيها
شهد ضحكت: ادلع براحتي يا فروسه ولا ايه يا مامي
ريري بتعب.. براحتك يا قلبي.. ادخلوا يلا غيروا هدومكوا وخدوا شاور عشان تتغدوا
فارس: مالك يا ماما انتي تعبانه
ريري بتخاول تتماسك.. اه لا لا انا كويسه يلا يا حبيبي
فجأه وقعت ع الارض فارس جري عليها هو وشهد: مامي فوقي مامي
فارس جري ع الاوضه جاب برفان وبدأ يفوقها
ريري فتحت عنيها بتعب: اتصل ع بابا يا فارس وغمضت عنيها تاني
شهد كانت بتعيط وفارس مرعوب عليها جري بسرعه اتصل ع عامر وبلغه عدت نص ساعه كان جه ومعاه دكتور شالها ع سريرها والدكتور كشف
عامر: ها طمني
الدكتور: متقلقش المدام حامل بس هي ضعيفه اوي لازم تاخدي فيتامينات وتتغذي كويس عشان الجنين وطبعا تتابع مع دكتور بالسونار
عامر ابتسم وحاسب الدكتور ورجع لقيها بتعيط وحاضنه شهد وفارس
عامر: بتعيطي ليه يا حببتي
ريهام: والله يا عامر باخد البرشام بتاع منع الحمل معرفش حصل ازاي انا عارفه اننا متفقين آجل الحمل لحد ما شهد تكبر بس والله

 

 

عامر قاطعها: في ايه حصل يا ستي وشهد كبرت خلاص الف مبروك يا حببتي
ريري بترقب: يعني انت مش زعلان
عامر: ابدا ده انا طاير من الفرحه
شهد: هتحبوه اكتر مني
ريهام حضنتهت وضمت فارس لحضنها: مستحيل يا حبايبي انتو اول فرحتي
فارس: انا عايز ولد
شهد:لا بنت
ريهام ضحكت وعامر ضحك:المرة دي ولد وال بعدها بنت او العكس هو احنا هنبطل يعني وغمز لريري….يلا اطلعوا عشان تتغدوا
،،،،عدت الايام وريهام بتحاول توفق بين الولاد والبيت وحملها بس كانت بتتعب جدا فجابت حد يتولي اتنضيف البيت وهي كفايه عليها الولاد
♕♕♕♕♕
بعد 8 سنين
فارس23سنه قاعد وجمبه شهد 16سنه بيذاكرلها
فارس.يابنتي بتتحل كده دي سهله جدا
شهد بسرحان:اشرحها تاني
فارس رفع حاجبه:شهد دي اخر مره اشرحها
شهد وهي بتبصله بحب:حاضر ي فروسه
فارس شرحلها:ها فهمتي
شهد:اه فهمت شرحك حلو يا فارس
فارس ضحك وغمز:شرحي بس
شهد ضحكت:لا وعنيك اشمعنا انت عنيك ملونه انا لا
ريهام دخلت وسمعت اخر جمله:فارس واخد لون عيون مامته الله يرحمها
فارس بحزن:الله يرحمها
شهد مسحت علي كتفه:في الجنه ان شاء الله
دخل زياد عنده 8سنين ومليكه عندها 5سنين
فارس قام شالهم وحطهم ع رجله
شهد:مامي عايزة لينسز بنفس لون عيون فارس
فارس ضحك:بس انا الاصل وانتي التقليد برضو
شهد:نينيني باااايخ
ضحكوا كلهم
****

 

 

دخل عامر او المقدم عامر الخولي مكتبه
العصابه دي لازم تتصفي عدد جرائمهم تخطت الارقام القياسيه لازم يتجابوا مفهوم
صف من الظباط:مفهوم ياااا فندم
****
ريهام:يلا يا ولاد عشان تتغدوا
شهد خرجت من اوضتها:مش هنستني بابي
ريهام:بابي هيتاخر اوي النهاردة يلا اقعدي عشان تلحقي تتغدي قبل الدرس بتاعك
فارس خرج بالبدله الميري بتاعته فضلت شهد بصاله بإعجاب وسندت وشها علي كف ايديها
فبصت ريهام وراها شافت فارس فابتسمت:تعالي يا حبيبي يلا عشان تتغدي قبل الشغل
فارس لبس نضارته وباس ايديها:تسلمي يا ماما بس مفيش وقت
شهد:استني يا فارس خدني معاك وديني الدرس بدا ما اركب مواصلات والجو حر
ريهام فهمت انها عايزة تنزل مع فارس فمحبتش تدايقها وسكتت
فارس:طب يلا هاتي كتبك وورايا بسرعه
شهد بفرحه:فوريره
زياد:وانا كمان يا ابيه فارس وديني التمرين
فارس ضحك:وماله حتي تبقي محرم
ريهام ضحكت:شهد طيبه يا فارس
فارس:وانا قولت حاجه…بص لمليكه متحبيش تيجي انتي كمان
مليكه راحت باسته وبعدها جريت لشهد حضنتها
شهد:مش هتأخر يا لوكا وهاجي بسرعه
مليكه’هاتي ليا لبانه
شهد:عيوني يا لوكا يلا يا فروسه انا جهزت
فارس يلا يا ابطال
نزلوا سوا ركبوا العربيه فارس بيسوق وجمبه شهد وورا زياد
نزلوا زياد التمرين وكمل بشهد للدرس
شهد:هتيجي تجيبني
فارس:هتخلصي امتي
شهد:كمان ساعتين
فارس:تمام هجيلك خلي بالك ع نفسك لو مقدرتش اجي هبعت يحيي صحبي
شهد بتزمر:لا يحيي لا

 

 

فارس بصلها:ليه
شهد:بيقعد يعاكسني
فارس ضحك:يحيي بيحب يهزر لكن ده في سني وبيعتبرك اخته زي ما انا بعتبرك يا شهد
شهد بحزن:براحتك يا فارس بس لو مش هتيجي انت متبعتش حد
فارس باستسلام:طيب علي راحتك انزلي بقا عشان وصلنا
نزلت هو اتحرك لشغله
******
عزه ماسكه يحيي من شعره وبتأكله بايديها التانيه وهو بيحاول يفلت منها مش عارف
يحيي:يا ماما هتاخر يا ماما
عزة:لازم تاكل كويس
يحيي:والله كبرت يا ناس بقا انا ملازم اول يحيي سيف الدين اتمسك المسكه دي
سيف ضحك:كل وانت ساكت عشان تلحق شغلك
يحيي باستسلام:ماشي
عزه ضحكت:يلا خلصنا قوم اغسل بوقك وامشي
يحيي بكوميديا:لا قومي اغسليلي انتي يا ماما لحسن ابهدل بدله الشغل صابون
عزه ضحكت وشدته من شعره:قوم ياض مش هندلع
يحيي قام جري غسل ايديه ووشه ونزل ع الشغل
*********
عامر الخولي امر بتصفيه العصابه بتاعتنا يا كبير
بشر وحقد:صفوا عيلته
******

 

 

يحيي في مقر الشغل:فاروسه بيه
فارس:اتعدل يلا بدل ما اعدلك
يحيي ضحك:انا مالي دي شهد ال بتقولها
فارس بجديه:ملكش دعوه ب شهد ابدا فاهم عشان مزعلكش
يحيي:انا بهزر يا فارس لكن ربنا يعلم شهد اختي
فارس:مصدقك وفاهم ده كويس بس هي ادايقت
يحيي:لا طالما ادايقت يبقي مليش كلام زلا هزار معاها تاني عيله قماصه
#####
هجوم مسلح علي بيت عامر الخولي من باب المطبخ دخلوا
كانت ريهام بتسرح لمليكه شعرها:بنوتي بكره تكبر وتروح المدرسه
مليكه:مامي هو انا هكبر بجد وابقي زي شهد
ريهام:اه يا قلبي…..شافت الملثمين دخلوا عليهم الصاله
حضنت بنتها بفزع’انتو مين وعايزين ايه
:عايزين روحك انتي وولادك
ريهام ببكاء:ارجوك لا لا خدوا فلوس اي حاجه بلاش تقتلونا
الراجل قرب يسحب منها مليكه ومليكه بتصرخ:مامي لا
ريهام:ارجوك سيبها اقتلني انا هي بلاش ارجوك
سحب مليكه منها ورماها علي الارض حاولت تاخدها منه دخلوا باقي رجالته وكتفوها وواحد فتح الكاميرا وصور الراجل الاول وهو بيطلع سكينه من جيبه فصرخت ريهام:ارجوك لااااا ارجووووك
مشي السكينه علي رقبه مليكه وهي بتصرخ وتعيط ودبحها بدا الدم ينزل وصرخات ريهام ومحاوله هروبها من ايها بتزيد بتتحرك في اتجاهات مختلفه بتحاول تجري ع بنتها تلحقها منهم..فجأه عيون مليكه اتقفلت ووقعت ع الارض
الراجل اتلفت لبها واتقدم بخطوات بارده تجاهها وشاور للبيصور وعدل عليه الكاميرا ودخل السكينه في بطن ريهام عده مرات بتصرخ الم ووجت علي بنتها 🥺😢
وقعت ع الارض وهم خرجوا زي ما دخلوا فضلت تزحف تزحف لحد ما وصلت لمليكه بنتها وحضنتها
……………..

 

 

بيوصل فيديو دبح مليكه و ريهام ل عامر ومعاه مسج: دي قرصه ودن المره الجايه مش هندبح تؤتؤ هناخد الامورة الانسه شهد ونتصرف معاها بطريقتنا 😉
عامر فتح الفيديو وشه قلب بلون الدم ونزل جري بعد ما طلب الاسعاف تتجه للبيت
وصل البيت لقي الاسانسير مشغول طلع جري ع السلم وهو بينهج بيتمني يلحقهم دخل البيت لقي ريهام حاضنه مليكه والدم حواليهم مغرق الصاله… طلعوا رجال الاسعاف وشالوهم علي الترولي وهم مغطيين وشهم
الطبيب: البقاء لله يا عامر بيه المدام والطفله اتوفوا
عامر ملامحه منهاره دموعه مغرقه وشه زق الدكتور وقرب من ريهام ومسك ايديها وباسها: ريهام متسبينيش ارجوكي انا مليش حد بعدك هتسيبيني لمين ريهام انتي حبي الاول والاخير ارجوكي قومي… ميل علي بنته وحضنها وصرخ بأعلي صوت: اااااااه
الدكتور بعده عنهم: البقاء لله يا عامر بيه
عامر قام وقف ورجال الاسعاف خدوا الجثث ونزلوا بيها
****
فارس سايق وجمبه شهد وزياد
شهد: فروسه
فارس: امممم
شهد: اقف اشتري لبان لمليكه انا وعدتها
فارس: طب نشتري من تحت البيت
شهد: لا من هنا ف انواع اكتر
فارس: طيب خليكي انتي وانا هنزل
شهد : اوك متتاخرش
فارس جاب لبان وشوكولاته وحاجات كتير وركب ووصلوا البيت
لقيوا عربيه اسعاف وسريرين متغطيين بملايه غرقانه دم وعامر وراهم ودموعه مغرقه وشه
شهد لمحت انسيال ريهام ال دايما لبساه فجريت سحبت الملايه لقيتها ريهام صرخت بأعلي صوت: ماااامي لااااااا لااااااا قومي لاااااااا جريت ع السرير التاني لقيتها مليكه لااااا قومي يا لوكا انا جبتلك اللبان قوموا لااااا
فارس جري عليها وزياد بيعيط ع امه واخته وفارس بيحاول يتماسك لكن مقدرش وطي علي سرير ريهام وباس راسها:ليه يا ريري
شهد بتعيط وتصرخ وتهز ف باباها: ايه ال حصل يا بابي مامي مالها ده كابوس صح ده حلم يا بابي قول ارجوك قول
مامي لا متسيبنيش مليكه لااااا.. وفجأه وقعت فارس جري شالها وحطها ف عربيته وخد زياد وعامر واتحركوا ع المستشفي ورا عربيه الاسعاف
…………

 

 

بعد الاجراءات الروتينيه طلعت تصاريح الدفن وعامر شايل خشبه ريهام علي كتفه وبيفتكر كل لحظاتهم مع بعض ودموعه مغرقه وشه
فلاش باك: ريهام: عارف يا عامر انا حظ الدنيا كله اتجمعلي في جوازي منك انا مش بس بحبك انا بعشقك
عامر باس ايديها بحب صادق: انا كنت غبي لما اتجوزت غيرك وضيعت السنين من عمري من غيرك
ريري: متقولش كده … شهد اجمل حاجه حصلت من جوازتك الاولي
عامر: بحبك اوي وبحب حبك لشهد وفارس كانهم ولادك
ريهام: هم ولادي فعلا… الام هي ال بتربي وترعي مش بس بتولد وترضع
عامر حضنها: بموت فيكي
بااك
عدت ايام العزا والمشهد بيتكرر تاني وعامر واقف في عزا زوجته بس المره دي هو اضعف خلق الله شارد ووحيد مكسور بجد فراقها مش سهل ولا هين عليه دموعه مش خجلان منها ولا بيخبيها
جمبه فارس ال قدر يرسم صورة صلبه لنفسه ووقف متماسك لكن جواه الف انهيار ريهام مكنتش زوجه عمه كانت امه فعلا كان حضنها الامان والاحتواء ال محسسوش ابدا انه يتيم
جمبه يحيي صحبه وال يعتبر من العيله لانه صديقه من زمان وريهام تعني ليه الكثير وجمبهم زياد ال مش مصدق للحظه دي غياب امه واخته وصورتهم وهم سايحين ف دمهم لسه في خياله بتزاوله وتعباه
خلص العزا و
فارس سند عامر ويحيي شال زياد ودخلهم البيت وروح ع طول
***
فارس: رائي نغير البيت عشان نفسيه شهد وزياد كل ركن ف البيت في ذكريات لينا معاهم
عامر: انا مش هسيب بيتي ولا ذكرياتي معاها اقفل الموضوع ده يا فارس
فارس: حاضر… انا هدخل اشوف شهد وزياد
دخل اوضه شهد لقيها قاعده ع الارض حواليها صورها هي وريهام علي مر 10سنين صوتها بيتكرر في ودنها كل حضن حضنته ليها حاسه بيه ريحتها مزولاها… الدموع عرفت طريق شهد من تاني
فارس قعد جمبها وفرد رجليه وسمح للدموع انها تخرج وكأن المشهد بيتكرر تاني وشهد وفارس بيمروا بالمروا بيه من 10سنين تاني
شهد اترمت في حضنه وعيطت بقوه وبصوت: ليه نتيتم مرتين ليه يا فارس ليه افقد امي وصحبتي وكل حياتي تاني انا عملت ايه وحش عشان يحصلي كده
فارس حضنها وعيط زيها: احنا بندفع التمن يا شهد تمن شغلنا وتمن مكافحتنا عشان ننضف البلد دي من الاوباش بندفعه من ارواح حبايبنا وده عمرها واجلها كده لازم نتماسك علشان زياد ده لسه صغير
شهد مسكت في قميصه اكتر وكلبشت في حضنه: فارس ارجوك سيب شغلك ده انا مش هقدر اشوف فيك حاجه وحشه واقنع بابي يسيب شغله
فارس بص في عنيها: لو كل ظابط ساب شغله خوف ع نفسه واهله مين هيحمي البلد يا شهد
شهد بعياط: انا مقدرش افقد حد تاني منكم ارجوكم ارحموني
فارس فضل يهدي فيها لحد ما نامت

 

 

قام شالها وحطها ع السرير.. ودخل اوضه زياد لقيه حاضن صوره جماعيه ليهم كلهم وبيعيط فارس راح ناحيته وشاله من الارض حطه ع السرير: بطل عياط يا زياد ماما ف الجنه هي ومليكه يا حبيبي لازم تبقي قوي عشان خاطر شهد شهد منهاره
زياد: مس قادر ماما ومليكه وحشوني ياريتني فضلت معاهم كان زماني ميت معاهم
فارس حضنن بسرعه: بعد الشر عليك متقولش كده ربنا لطف بحالنا ان انت وشهد نزلتوا معايا تخيل لو كان جرالكم حاجه بابا كان مش هيستحمل كل ده ولا انا هقدر كنت اتحمل ارجوك ساعدني احنا رجاله البيت لازم نسند بابا وشهد ونقويهم
زياد: حاضر يا ابيه هحاول حاضر
فارس: شاطر يا حبيبي يلا قوم اغسل وشك ونام
****
فارس دخل اوضه المكتب ل عامر وقفل الباب وقعد
فارس: عرفت مين ال عمل كده ولا لسه
عامر: ايوه عصابه الغول ال امرت بتصفيتهم الصبح قبل ما اصفيهم صفوا مراتي وبنتي
فارس بجمود: ورحمه ريهام لهجيب حقها
عامر بخوف’بلاش انت يا فارس اما مش هتحمل اذيه فيكم تاني ابعد عن الموضوع ده
فارس بحزم وعصبيه’ليه انا مش راجل ولا ايه وال اتدبحت دي امي واختي ولا لأ
عامر: بس
فارس: مبسش انا مش هقدر ابص في عين زياد وشهد غير لما ناخد حق ال ماتو
عامر اتنهد بضعف و دخل اوضته
اما فارس فقعد ف البلكونه يفتكر ذكرياته مع ريهام
فلاش،،،
ريهام وفارس قاعدين ع السفرع بتذاكرله: والله انت شاطر وهتبقي دكتور قمر بعنيك الزُرق دول
فارس: لا انا هبقي ظابط
ريهام: اشمعنا زي بابا يعني
فارس: عشان اجيب حق بابا عاصم الله يرحمه
ريهام حضنته: الله يرحمه يا حبيبي يلا ذاكر عشان تنام
باك….
فارس: كل مادا لسته ال هجيب حقوقهم بتزيد والفراق بقي سكاكين تنهش فيا ياااارب صبرني يارب وقويني عشان اخواتي

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)