رواية احتواء الفصل الخامس 5 بقلم عزه محمد

رواية احتواء الفصل الخامس 5 بقلم عزه محمد

رواية احتواء البارت الخامس

رواية احتواء الجزء الخامس

رواية احتواء الحلقة الخامسة

ملك اتصدمت واتكلمت بوجع: وحضرتك ترضي حاجه زي دي لجوري
عزه بتوتر: ملك اسمعيني دي فرصتكم الوحيده عشان تقربوا لبعض
ملك بنفي: لا يا طنط انا هبقي مجرد مسكن ل يحيي
عزه: لو بتحبيه بجد هتساعديه
ملك بدموع: انا محبتش حد في حياتي قد ما حبيت يحيي من واحنا اطفال وانا بحبه وفخوره بيه شيفاه احسن راجل في العالم… بس.. بس انا كرامتي وعزه نفسي متسمحش ليا اعمل كده… هو اصلا حب غيري ليه وامتي وازاي
عزه بتحاول تهديها: ارجوكي اهدي متخلنيش اندم اني كنت صريحه معاكي
ملك: وحضرتك كنتي كمان عايزه تخبي عني… انا اسفه يا طنط بس انا استاهل اتحب عن اذنك
قامت خدت شنطتها ومشيت وعزه ندمت جدا انها جرحتها كده
———

في شركه الشرقاوي
راضي:فهمت هتعمل ايه
حسن:اه فهمت هنزل اعلان اننا محتاجين طلاب للتدريب والمقابله هتبقي معايا
راضي:متنساش تحدد عايزينهم من كليه اداره الاعمال
حسن:حاضر…بس افرض يعني شهد دي مقدمتش
راضي:احنا مش هنخسر حاجه ادينا بنجرب
حسن:طيب…عن اذنك
راضي:اتفضل
…….
نزل حسن الاعلان زي ما راضي طلب ورجع يشتغل تاني
_____
شهد وملك كانوا ف كافيه الجامعه وملك حكتلها علي مقابله امبارح كلها
شهد:كنتي وافقتي يا ملك
ملك اندهشت:انتي بتقولي ايه وفين كرامتي وانا عارفه انه مش بيحبني وبيحب واحده تانيه وانا مجرد مسكن ينسي بيه وجعه
شهد:مفيش كرامه ف الحب يا ملك
ملك بنفي:لا طبعا في الحب ال يمسح كرامتك ميبقاش حب الحب ال ميوفرش لصحبه عزه النفس والكرامه يغور ف داهيه الله الغني
شهد سرحت:انا مختلفه معاكي…اصل انا لو مكانك مش هسيب الفرصه دي ابدا وهنسي فارس اسمه مش بس البنت ال حبها..بعد الشر يعني ان شاء الله مبيحبش
ملك مسكت ايديها:شهد فوقي فارس مش ليكي زي ما يحيي مش ليا احنا اتكتب علينا نحب منتحبش
شهد حضنتها وعيطت:بس انا مش هقدر انا بحبه اوي يا ملك اوي
ملك:طول ما انتي قدامه كده وبتحبيه هيفضل ضامن وجودك ابعدي عنه اشغلي نفسك بأي حاجه
شهد عنيها لمعت:زي اي قوليلي ارجوكي يا ملك
ملك:نشوف اي شركه نتدرب فيها
شهد:بس احنا لسه بندرس
ملك:عادي في شركات بتدرب طلاب الاعلانات بتنزل ف الاجازه واحنا والاجازه خلاص كام اسبوع
شهد:اه اسبوعين ونخلص…بس بابي ممكن يرفض
ملك’ليه يعني…مش هيرفض ان شاء الله..يلا بينا بقا عشان منتأخرش ع المحاضره
نسيبهم يكملوا يومهم الدراسي بقا 👀
،ـــــــــــــــ

في مبني المخابرات
ببدخل فارس ببدلته الملكي (بدله سودا وقميص ابيض وكرافت اسود ساده)
بيوصل لمكتب اللواء ابراهيم وبيدخل
اللواء:اتفضل يا فارس
فارس:تمام يا فندم
اللواء:اقعد يا فارس…ايه اخبار القضيه
فارس:لسه يا فندم….القضيه دي ليها خيوط كتير ومش قادرين نحدد اي خيط ال هيوصلنا للحقيقه
اللواء:التحريات بتثبت يا فارس ان في رجاله بتدخل مصر من طرق غير قانونيه سواء من البر زي الانفاق او البحر زي البحر المتوسط وده في حد ذاته خيط مهم ضروري تمسكه وتلعب عليه
فارس:يا فندم احنا بالفعل بنشتغل علي كل الخيوط عشان نكسب وقت ونوصل للمجرم اسرع لكن يا فندم بدون تعاون من رجال الشرطه هيبقي صعب نوصل اصلا
اللواؤ بتفهم:تحب تنضم لمين من قوات الشرطه يا فارس
فارس بسعاده:المقدم عامر الخولي يا فندم و فريقه
اللواء ابتسم:كنت متأكد من اختيارك وانا بحييك علي الاختيار ده…مقدم عامر من اكفأ الظباط وتاريخه يشهدله ..وانت الخلف الصالح ليه بس عندنا احنا في المخابرات
فارس:متشكر يا فندم ويارب نكون عند حسن ظن معاليك
اللواء: ان شاء الله..يلا شوف شغلك وانا هبعت اخطار للداخليه عشان التعاون يتم
فارس قام وقفل بدلته:تمام يافندم عن اذنك…اتحرك خطوتين
اللواء: فارس
فارس لف فاللواء كمل كلامه:شهد الخولي
فارس بتساؤل وقلق:مالها
اللواء:..
___________

في شركه الشرقاوي
نهله بتخلص في ايميلات وشغل عندها
دخل المحامي بقلق:فين راضي بيه
نهله:في اجتماع بره الشركه
المحامي: طب خدي الورق ده اوعي حد يوصله ده ورق مهم اوي فاهمه
نهله: وعادي تديهوني كده
المحامي: انتي بنت اخوه يعني امان اكيد يلا عشان انا ورايا شغل تاني
نهله مسكت الورق وبصت فيه واتصدمت بعدين كلمت نفسها: هو مش غبي كده واكيد ده فخ ليا عشان يتأكد اني مش هأذيه
… بس انا لو صورت الورق ده هيكون افضل..اوف الكاميرات اكيد هتجيبني…هتصرف برضو
حطت الورق ع المكتب وقعدت تشتغل فتره بعدها مسكت الفون وقعدت تلعب عليه وفتحت الكاميرا وقفلت الفلاش.. عملت زوووم عشان تصور من بعيد وفعلا قدرت تصور الورق بطريقه الكاميرات متجيبهاش ابدا
ــــــــــــــــــــــــــ
فارس دخل البيت وبيفك الكرافت ويفتح الزرار بخنقه وكلام اللواء عن شهد بيرن في ودنه دخل اوضته واترمي ع السرير: يارب قويني…قام فتح شنطته وبدأ يرص هدومه فيها
…. …..

ملك وصلت البيت دخلت لقيت يحيي قاعد مع والدها اتنهدت ودخلت سلمت عادي
يحيي:اونكل ممكن اخد ملك ونتكلم شويه ف البلكونه
وليد:اكيد اتفضلوا
ملك استغربت بس مشيت معاه:خير
يحيي ابتسم:ينفع نبقي اصحاب واحكيلك وتحكيلي
ملك استغربت:اشمعنا
يحيي مسك ايديها:محتاجك يا ملك ارجوكي متتخليش عني
ملك سحبت ايديها براحه لانها عارفه ان باباها متابعهم:اشمعنا الفتره دي انت اصلا مكنتش بتطيقني ولا بتتقبل سلامي حتي..هات من الاخر يا يحيي
يحيي اتنهد:صدقيني يا ملك انا مش عارف السبب
ملك قاطعته:بس انا عرفاه..عشان عارف مشاعري تجاهك فجاي ترضي غرورك ال قتلته الهانم ال انت حبيتها وهي مش شيفاك
يحيي ادايق منها لكن اتحكم في عصبيته:مش صح
ملك:ابدا ده هو ده الصح بعينه
يحيي:ملك انا مش قادر اخد راحتي في الكلام هنا لو ينفع نخرج نتكلم في اي مكان تاني ياريت
ملك بصت ع الشارع:مش النهارده
يحيي:وقت ما تحبي بس ضروري نتكلم
ملك:اوك
يحيي سحب فونه ومفاتيحه من التربيزه وخرج
وملك دخلت اوضتها قبل ما اهلها يسألوها
ــــــــــــــــ

شهد كانت رجعت من الكليه وداخله اوضتها لقيت باب اوضه فارس مفتوح قلبها حن ونفسها ترجع تكلمه وتحضنه زي الاول.. مسحت دمعه نزلت منها وخدت نفس عميق وخبطت ع بابه
فارس: ادخل
شهد بصت بأستغراب ليه وهو بيلم حاجته: انت بتعمل ايه يا فارس
فارس مديها ضهره وبيحاول يتماسك: زي ما انتي شايفه بلم حاجتي
شهد بخوف: ليه عندك مأموريه
فارس: لا… هستقل واقعد في شقه اشتريتها
شهد بصدمه لفت ليه عشان تبقي في وشه بصت في عنيه بوجع: هتسيبني
فارس بيحاول يهرب من عنيها: ده لازم يحصل بعد ال قولتيه واعترافك بمشاعرك… مينفعش افضل هنا اكتر من كده لازم اختفي من حياتك
شهد مسكت ايديه فشدها منها
شهد بدأت تعيط: فارس انا مش هقدر بالله عليك ما تعمل كده متوجعنيش تاني ارجوك.. فارس رد انا مش هقدر والله
فارس مستمر في نقل هدومه من الدولاب للشنطه ومش مهتم بيها ولا بدموعها
شهد خطفت من ايديه الهدوم ورجعتها الدولاب تاني: مش هتمشي مش هتسيبني انا خلاص هرضي بأنك اخ وبس.. لكن متسبنيش انا ممكن اموت يا فارس ارجوك متسبنيش بلاش تد*بحني بسكينه تلمه ارجوك بلاش
فارس كان بياخد الهدوم وهي تخطفها منه وترجعها الدولاب لحد ما هي داخت: فارس كفايه انا تعبت ارجوك كفايه
فارس حس انها تعبت فعلا ومبقتش متزنه: ارحمي نفسك وكفايه انتي بقا انا مش بحبك ولا هحبك في يوم فوفري كل ال بتعمليه ده انتي اختي وبس ومينفعش اكتر من كده
شهد كانت بتدوخ فعلا وصراخه وكلماته دب*حتها جسمها مبقاش ساند نفسه وقبل ما تقع ع الارض كان فارس اسرع ومسكها.. راسها وقعت علي قلبه وبقيت في حضنه تقريبا.. شالها دخلها اوضتها وهو مرعوب عليها بدأ يفوقها: فوقي بقا
فتحت عنيها بألم: هتسيبني
فارس: انا اسف بس ده الصح.. قام من جمبها وخد شنطته ومشي
وهي قامت كسرت المرايا وكل ال عليها وفتحت الدرج بعصبيه طلعت المقص وبدأت تقص شعرها… بعد ما كان واصل لنص ضهرها قصته لحد كتفها
وقعت ع الارض وشعرها حواليها ودموعها مغرقه وشها صوته بيرن في ودنها وهي بيقول مش بحبك ولا هحبك… صرخت بأعلى صوت: ليييييييييييييييييه
ــــــــــــــــ

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)