رواية احتواء الفصل الرابع 4 بقلم عزه محمد

رواية احتواء الفصل الرابع 4 بقلم عزه محمد

رواية احتواء البارت الرابع

رواية احتواء الجزء الرابع

رواية احتواء الحلقة الرابعة

صباح يوم جديد
«في بيت عامر الخولي»….
خرج فارس من اوضته لقي شهد قاعده ف البلكونه بتعيط جري عليها وقعد ع ركبته قدامها: مالك في ايه بتعيطي ليه كده
شهد اترمت ف حضنه وفضلت تعيط وهو هيتجنن قلبه واجعه علي دموعها وحزنها مسح ع شعرها بحنان: ممكن تهدي واعرف مالك حد دايقك حاجه وجعاكي ارجوكي ردي متسيبنيش كده في ايه
شهد بصتله بكسره ووجع: سليم طلع متجوز علي اسراء يا فارس الخاين المخادع متجوز عليها
فارس عقد حواجبه: سليم مين واسراء مين
شهد سكتت وادته الكتاب: اهو في روايه حبها الابدى💙
فارس استوعب انها بتعيط عشان الروايه واشخاص خياليه: حط الكتاب ع جمب وبصلها والغضب بيفيض من عنيه: لحظه بس هو انتي بتعيطي كل ده وخلعتي قلبي من بين ضلوعي عليكي وعنيكي حمرا وكل الدموع دي عشان روايه يا شهد
شهد استوعبت غضب فارس جت تقوم راح مسكها من الزعبوط بتاع البيجامه: رايحه ع فين يا شابه
شهد: فارس والنبي ما تضرب والنبي والنبي
فارس سابها ومسك ودنها: نفسي اعرف هتعقلي امتي
شهد: انت مش فاهم اصل قصه حبهم متخليش حد يتوقع انه يتجوز عليها ويخونها كده
فارس : ده انا هضربك ضرب يخليكي تتوقعي مني اي حاجه بعد كده يا شهد هانم
شهد صرخت وجريت: عاااا … وهو بيجري وراها

 

 

فضلوا يجروا ورا بعض مده طويله نسبيا لحد ما فارس مسكها وهي سندت راسها علي صدره بقيت شبه في حضنه: والنبي ما تضرب نفسي اتقطع
فارس ضحك وسندها قعدها: عشان تحرمي تخضيني عليكي تاني متعرفيش انتي ان دموعك دي اكتر حاجه بتوجعني
شهد بصتله بأمل وعيون لامعه: بجد يا فارس
ابتسم وباس راسها: طبعا يا شهد انتي اختي وصحبتي وشريكتي في كل حاجه من واحنا صغيرين ده احنا كنا بنقسم كل حاجه مع بعض حتي الفرحه كنا بنقسمها سوا
شهد اتنهدت بحزن: فاكره يا فارس
فارس بيحاول يغير الموضوع : هو بابا نزل امتي
شهد: هو مجاش من امبارح اتصل قال عنده شغل
فارس: اممم وزياد
شهد: نزل المدرسه
فارس: وحضرتك مروحتيش الجامعه ليه
شهد:النهارده معنديش محاضرات بريك يا سي فارس
فارس ضحك: حيث كده بقا نقوم سوا نحضر الفطار واقعد اذاكرلك شويه يلا بينا
شهد: يلااااااا
قاموا سوا دخلوا المطبخ حضروا فطار سريع وفارس صب اللبن وقعدوا يفطروا
فارس: اشربي اللبن
شهد: يوووه انا مش بحبه وانت عارف
فارس: الدكتور قال عندك نقص كالسيوم ولا نسيتي اشربي بدل ما اعاقبك
شهد بصتله ووشها نور وضحكت بكسوف: هتعاقبني ازاي

 

 

فارس ضحك بصوت ضحكه من قلبه وبصلها وغمز: لا مش ال في دماغك يا سافله انا فارس الخولي يعني عقابي مثلا اعضك في كتفك مروحش معاكي النادي كده يعني
شهد اتكسفت وبصتله بعيون مليانه حب: وانا شهد الخولي يا فارس ال متقدرش توقع ليك حرف واحد ومدت ايديها شربت اللبن وهو بيحاول يبعد عن نظراتها ال كلها حب وحنان ودفي… الجرس رن
فارس: قومي افتحي
شهد: قوم انت
فارس: يوووه قومي انتي مكسل اقوم
شهد ضحكت وقامت فتحت: هو انت يا ازعاج ادخل.. ده يحيي يا فااارس
يحيي: انا ازعاج يا شبر ونص
شهد بصتله من فوق لتحت: نو كومنت
يحيي ضحك ودخل السفره لفارس واتكلم بمرح: هاي فاروسه قلبي
فارس: هاي زفت اترزع
يحيي: تموت لو احترمتني
فارس بصله ومتكلمش وبعدها بص لشهد: هات فطار ل يحيي
يحيي: سبقتك بالهنا
شهد: هروح اجبلك عصير
خرجت وفارس بصلها بحزن واتنهد
يحيي لاحظ: مالك
فارس وهو لسه باصص ل طيف شهد اتكلم بألم وصوت مخنوق: ال خايف منه حصل وشهد حبتني مكنتش اتمني يجيي اليوم ده ابدا

 

 

يحيي وقع عليه الكلام زي لوح الثلج عنيه بقيت بلون الدم: انت… انت متأكد
فارس: الا متأكد هو انا هتوه عن شهد وبتحاول تخليني اخد بالي وانا بحاول اعمل عبيط بس لحد امتي
يحيي في صراع بين قلبه وبين عقله هو معترف لنفسه من زمان انه مشدود لشهد وهو مين ميتشدش ليها جمالها ال مش عادي ولا رقتها وصوتها ال مفيش اجمل منه… حنانها وقلبها الطيب… هزارها وجدعنتها… وبين عقله ال شايف صحبه وانه لو فكر في شهد لحظه يبقي بيخون صحبه حاوا يسيطر ع نفسه: طب وانت ايه مشاعرك بتحبها
فارس بجمود: انا مينفعش احب ولا اتحب انا مش ضامن عمري.. مقدرش اتجوز واخلف وبعدها استشهد واسيبها معاها طفل لوحدهم ولا اقدر اشوفها بتدبح قدامي هي وولادي
يحيي: بعد الشر عليك وعليهم ليه بتفكر كده
فارس بحزن: عشان ده ال عشته يا يحيي ده ال انا مريت بيه بس الفرق انا لقيت ال حاول يعوضني ويقف جمبي لقيت ام زي ريهام تربيني وتاخد بالها مني لقيت اب زي عامر احتواني ورباني لقيت عيله…. احنا شغلنا صعب وبنطلع مش ضامنين نرجع… شوفت كام عيله فقدت اب شوفت كام زوجه اترملت وبقيت وحيده بتشوف اهل اخواتنا الشهداء ولا لا يا يحيي
يحيي: بشوف يا فارس… خلاص اهدي شهد داخله
شهد: العصير… مالك يا فارس
فارس كان باين علي وشه الحزن والخوف القلق مشاعر كتير جواه اولهم الرفض لاي مشاعر من شهد ليه اتكلم بحزم : مفيش اتفضلي ع اوضتك
شهد اتكسفت: حاضر عن اذنكم
قعد يحيي معاه يحاول يهديه وبعدها يحيي نزل وهو شايل هم ال عرفه
*****

 

 

«في شركه راضي الشرقاوي»
نهله قاعده في مكتب عمها زي ما طلب منهامستنياه دخل وقعد ع مكتبه:ازيك يا نهله
نهله:الحمدلله اتفضل عايزني ف ايه
راضي:ليه الرد ده حسني اسلوبك انا عمك
نهله:عمي!!!والله بجد … عمي و كنت فين يا عمي من ١٢سنه لما بابا وماما ماتوا وفضلت انا وحسن لوحدنا مش لاقيين ال يسأل علينا ولا معانا ال يكفينا وحضرتك واخد حقنا
قاطعها عمها:انا مش جايبك تديني محاضره ف الماضي يا نهله انا جاي اعرض عليكي عرض
نهله بتعجب:عرض ايه
راضي:تشتغلي سكرتيره معايا وحسن يمسك الحسابات وهرقيه وهزود مرتبه
نهله بتفكير:والمقابل
راضي:بيعجبني ذكائك…المقابل انك تسيبيلي حسن وتبطلي تلعبي في دماغه
نهله بذكاء حاولت تهدي وحطت رجل ع رجل:ومرتبي بقا هيبقي كام
راضي حس انه قرب يوصل للعايزه:الرقم ال تقوليه
نهله:تمام يبقي **** وتشتري لحسن عربيه وليا انا كمان
راضي بفرحه لانه نجح في ال عايزه:ال تختاريه يبقي عندك
نهله:تمام كده اتفقنا…عن اذنك
راضي:اتفضلي يا بنت اخويا
خرجت نهله وهي بتتنفس اخيرا بهدوء وروحت بسرعه
*****

 

 

فارس في اوضته بيغير خبطت شهد فسمحلها تدخل
فارس:مالك
شهد:انت هتنزل
فارس:اه عندي شغل
شهد:مش قولت هنقعد نذاكر سوا
فارس وهو مديها ضهره:معلش يا شهد جالي شغل ذاكري لوحدك
شهد اتقدمت ناحيته خطوات ومسكت ايده ولفته ليها وبصت في عنيه ال بتسحرها من صغرها واتكلمت وعنيها بتلمع بالدموع:انت بتعمل كده ليه فارس انا…انا عايزة اقولك ..أن ….انا بحبك يا فارس
فارس عقله وقف اخر حاجه تمني انها تحصل انها تصارحه كان مدايق من التلميح اهو دلوقتي اللعب بقا ع المكشوف صرخ في وشها بأعلي صوت:لا لا لاااااا متقوليش كده لا يا شهد انسي الكلام.ده…كان بيتكلم وعضلاته كلها متشنجه ووشه احمر من الغضب:انا اخوكي وبس اخوكي وبس فاهمه
شهد كانت بتترعش وبترجع لورا بخوف من شكله ونبره صوته وغضبه… الدموع بنتزل من عنيها شلالات حست بإهانه ووجع رهيب متخيلتش انها لما تصارحه يعمل كده اخر ما تتوقعه انه يزعق ويصرخ في وشها كده بقيت تحرك راسها بهستيريه بمعني حاضر والدموع مغرقه وشها
فارس مسك دراعها:مسمعكيش تقولي بحبك دي تاني ولا تفكرى فيها حتي بينك وبين نفسك فااااهمه
شهد جريت وهي بتعيط دخلت اوضتها فضلت تعيط وكاتمه صوتها ف المخده
وهو في اوضته كسر كل ال ع التسريحه وقعد ع السرير ينهج بيحاول يهدي من الحاله ال فيها دي….شاف الرعب في عنيها منه بعد ما كان بيشوف الحنان والامان مسك راسه بين ايديه وفضل قاعد بإرهاق شديد
*******

 

 

يحيي دخل بيتهم ف الليل
عزه:تعالي يا حبيبي اتعشي
يحيي بتعب:مش قادر تعبان اوي
ملك كانت قاعده مع جوري اول ما سمعت صوته قامت طلعت ليهم بره
ملك بحب نابع من قلبها بنغمه رقيقه طلع صوتها :ازيك يا يحيي
يحيي رسم البسمه علي وشه:ازيك يا لوكا عامله ايه
ملك فرحت جدا اول مره يقولها لوكاويبتسم كده: انا بخير المهم انت
يحيي: الحمد لله..ماما عايزك جوا
عزه دخلت معاه:مالك
يحيي اترمي في حضنها وعيط زي الاطفال:بتحب فارس يا ماما
:حبيبي اهدي اهدي عشان خاطري
يحيي:انا موافق اخطب ملك
عزه بانزعاج:لايا يحيي ملك مش مسكن تنسي بيه شهد
يحيي بنفي:مين هيقدر ينسيني غيرها هي بتحبني وهتتحمل وهتقدر ارجوكي ساعديني
عزه باستسلام:هكلم باباك حاضر بس اهدي بلاش عياط
*******
دخل زياد اوضه شهد لقيها نايمه استغرب لانها كانت نايمه من ساعه ما رجع من المدرسه جه يصحيها لقي جسمها متلج اتخض جدا:شهد حببتي اصحي شهد مالك جسمك مثلج ليه كده شهد ردي عليا..باباب يا باااااابا
دخل عامر:ايه بتصرخ كده ليه اختك تصحي
زياد:شهد شهد جسمها مثلج ومش بترد عليا
عامر:ايه وريني…دي مثلجه اوي..بص خد مفاتيح العربيه وافتحهاعلي ما اشيلها ونروح المستشفي بسرعه
*******

 

 

في اوضه سيف وعزه
سيف:بس ده مكنش رايه من يومين ايه خلاص حب ملك فجأه
عزه بتساعده في خلع الروب بتاعه وتعلقه: حبيبي هو ادرك انها بتحبه وهتقدر تسعده
سيف وهو بيقعد ع السرير: وتفتكري هو هيقدر يسعدها
عزه: انت معقدها ليه مش ده ال احنا عايزين
سيف: احنا نتمني يتجوزها بس وهو مقتنع بيها مش بينسي بيها وحده تانيه
عزه: ارجوك اسمع مني يحيي محتاجها
سيف: مش معني انه ابننا فنظلم البنت
عزه: فين الظلم يا سيف… سيف اسمعني دي الفرصه الوحيده ال هتخليه يقرب منها ويحبها… احنا هنعمل خطوبه وانا هفهمها قبل اي حاجه ان يحيي لسه مش حاسس بحاجه ناحيتها وهفضل معاها لحد ما يحيي يعشقها مش بس يحبها
سيف ابتسم علي اصرارها والتحدي ال في عنيها عشان تفرح يحيي وتبني ليه حياه.. شدها لحضنه وباس شعرها: محبتكيش من قليل انا برضو… خلاص موافق يا وزتي
عزه بصتله بفرحه وباست خده: ربنا يخليك لينا يا سيفي
********
فارس دخل المستشفي بعد ما بلغه زياد بال حصل كان بيجري بيحاول يسبق الزمن عشان يشوفها، محمل نفسه ذنب ال حصلها، موجوع جدا عليها مكنش متخيل انه ممكن يحصل كل ده
فارس: بابا شهد فين ومالها
عامر: جوا بيكشفوا عليها انا مش عارف ايه ال حصلها
خرج الدكتور ومعاه ممرضه
فارس جري عليه: طمني ارجوك
الدكتور: دي صدمه عصبيه وضغطها عالي اوي اديناها حبايه توطي الضغط ياريت تبعد عن اي حاجه تدايقها الزعل مش حلو عشانها
فارس:ينفع ادخلها
الدكتور:ممكن تدخلوا اه بس ياريت بلاش اي زعل او ضغط عصبي عليها
سابهم ودخل وعامر وزياد دخلوا ووراهم فارس
عامر حضنها:عامله ايه يا شهد ايه ال حصل
زياد:كده تخضينا عليكي عايزة تعرفي غلاوتك يعني
فارس وهو موطي راسه:الف سلامه عليكي يا شهد
شهد بصتله بوجع وحزن شديد:الله يسلمك يا سياده النقيب
عامر استغرب وبصلها وبصله:سياده النقيب!! في ايه
فارس:مفيش…مش وقته..ممكن بس تسبوني معاها شويه
عامر:ماشي يا فارس يلا يا زياد

 

 

خرجوا وفارس شد كرس وقعد عليه قدامها:شهد انا يمكن انفعلت عليكي بس عشان ال حصل ده غلط…انتي اختي وبس ومينفعش اي حاجه تاني..احنا اتربينا سوا عشنا في بيت واحد كلنا من طبق واحد كل حاجه حصلت بينا تخلينا اخوات وبس
شهد بدموع:بس انت مش اخويا انت ابن عمي
فارس مسح دموعها:شهد انتي صغيره ودي مرحله مراهقه صدقيني انتي مش بتحبيني ده مجرد تعود اول ما هتتعاملي مع حد غيري وتكبري اكتر وتشوفي ناس تاني هتحبي وتتحبي بجد لكن انا اخوكي وضهرك وبس…شهد مش عايز نفتح الموضوع ده تاني احنا اخوات وبس
شهد بقهره ودموع:وانت بقا قابلت حد تاني وحبك وحبيته يا فارس
فارس:شهد كفايه كلام لحد كده مش هنفتح الموضوع ده تاني اتفقنا
شهد بوجع والم شديد في قلبها ال حب ومتحبش جرح الحبيب اصعب من اي جرح وخصوصا لما يكون حبيب زي فارس عمرها كله معاه ذكرياتها كلها هو..هتهرب من كل ده ازاي الحب من طرف واحد اصعب علاقه في الدنيا مشاعرك بتبذلها في مكان مش مكانها ومع ذلك مش قادر توقفها،استنذاف لمشاعر واحاسيس 🥺💔:اتفقنا يا فاارس
فارس خرج
زياد شده من ايديه:ممكن افهم انت عملت ايه ف اختي
عامر:زياد غلط كده هو فارس هيعمل ايه يعني
فارس بحده:هي اختي زي ما اختك
زياد:لا هي بنت عمك لكن اختي انا متنساش ده كويس
عامر:زيااااااد
زياد:سابهم ودخل لشهد
شهد:مالك
زياد شدها لحضنه:انا يمكن مش كبير سنا بس انا فاهم كل حاجه وفارس ميستحقش حبك
شهد عيطت اكتر
زياد مسح دموعها:متعيطيش ويوم ما تحتاجي حضن هتلاقي حضني اول حضن يساعك يا شهد
شهد حضنته اوي وعيطت وبعدين نامت
،،،

 

 

بره الاوضه كان فارس وعامر
عامر:متزعلش من زياد بس هو قلقان ع شهد انت عارف شهد بالنسباله ايه
فارس:عارف طبعا ومش زعلان هو مغلطش ف حاجه
عامر:لا غلط انت ابني ال مخلفتوش وسندي اوعي تفكر انهم اغلي منك كلكم غلاوه وحده يا فارس
فارس:عارف يا بابا ربنا يخليك لينا
عامر:مش هتقولي شهد مالها
فارس:كله ف وقته مش دلوقتي ارجوك
عامر:ال يريحك يا فارس
*****
في يوم جديد نهله بتصحي حسن
يلا يا حسن هنتأخر ده اول يوم شغل لينا
حسن:انا بصراحه مستغربك اوي ازاي وافقتي وكل ال حصل ده مش داخل دماغي وكمان عيزاني اطاوعه ف ال عايزه
نهله:معقول مش فاهمني يا حسن
حسن:لا مش فاهم
نهله:عمك كل شغله شمال ومناقصات برشوي وما خُفي كان اعظم ودي فرصتي ابقي سكرتيرته واطمنه من ناحيتنا وبعدها اسلمه تسليم اهالي للبوليس بأول مشروع مخالف…وانت تبقي دراعه اليمين ال بيعتمد عليه في كل حاجه
حسن:وذنب البنت المسكينه ال هتضر دي ايه
نهله:انا سألت عليها وعرفت ان شهد الخولي بتحب فارس الخولي وواقعه فيه اوي فمستحيل تدخل عليها القصه بتاعه عمك راضي دي بس احنا هنوهمه انها دخلت عليها وشربتها كمان…بص يا حسن انا عندي استعداد اعمل اي حاجه المهم انتقم من الراجل ده بعد ما سرق ورثنا
حسن:وانا معاكي يا نهله
####

 

 

شهد خرجت بعد يومين من المستشفي وكانت متجنبه فارس نهائي بتقعد ف اوضتها بالساعات تعيط وملك بتقعد تواسيها
ملك:ارجوكي كفايه عياط والله ما يستاهلك
شهد:متخيلتش يكون رده قاسي اوي كده وعنيف انا اتصدمت بجد فارس ال كله حنيه يعمل كده..معقول..معقول يكون بيحب وحده تانيه
ملك:مظنش يا شهد اكيد كان قالك…لحظه فوني بيرن..دي طنط عزه
شهد:طب ردي
ملك:الو يا طنط
عزه:حبيبه طنط…ايه انتي فين
ملك:عند شهد
عزه:طب ما تعدي عليا انتي وحشاني وعيزاكي في موضوع كده
ملك:حاضر يا طنط هبلغ ماما واجي
عزه:ماشي يا حببتي في انتظارك
ملك:تمام سلام..
:انا مضطره انزل عشان اشوف طنط وهبقي اكلمك لما اروح
شهد حضنتها وبعدها ملك مشيت
****
دخلت ملك عند عزه
وبعد السلامات والترحاب خدتها وقعدوا في اوضه الصالون
عزه:ملك انا عارفه انك بتحبي يحيي ابني وعارفه اد ايه انتي انسانه ممتازه ومحترمه واتمناكي زوجه ل يحيي وام لاولاده
ملك وشها اتورد واتكسفت
عزه ابتسمت:ويحيي طلب مني نطلبك للجواز
ملك:ايه!!!بجد
عزه:بس ال لازم تبقي عرفاه ان يحيي خارج من تجربه حب من طرف واحد واكيد هتأثر عليه وانتي ليكي مطلق الحريه توافقي او ترفضي تدخلي الجوله دي
ملك اتصدمت و…

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)