رواية احتواء الفصل السابع 7 بقلم عزه محمد

رواية احتواء الفصل السابع 7 بقلم عزه محمد

رواية احتواء البارت السابع

رواية احتواء الجزء السابع

رواية احتواء الحلقة السابعة

دخل زياد علي صوت شهد هو بقي متعود ف الفتره الاخيره يصحي علي صراخها بأسم فارس
حضنها: اهدي يا شهد اهدي يا حببتي
شهد بتعيط: فارس فارس يا زياد
زياد: ماله زفت
شهد زاد عياطها: متقولش عليه كده يا زياد حرام عليك بقا
زياد بحزم: حرام عليكِ انتي نفسك فارس ده ميستاهلش حبك ولا خوفك ولا قلقك ولا دموعك فارس ده سابك وقهرك ووجعك وكسر قلبك بكل جبروت مكلفش نفسه يعاملك ب الي تستحقيه فارس ده ميستاهلش ضفرك
شهد بوجع وحزن: الحاجه الوحيده ال فارس ميستحقهاش هي طريقه كلامك عنه ده.. فارس ده ابويا واخويا وحبيبي حتي لو مش بيحبني.. انا فارس كان بالنسبالي الاحتواء والحنان قبل وجود ريهام وفي وجودها وبعد موتها محدش كان بيحسسني بالامان غيره محدش كان فاتحلي حضنه ومحتويني قده فارس بالنسبالي «احتواء» والكلمه دي يمكن متفهمهاش دلوقتي يا زياد بس.دي مش مجرد كلمه من ست حروف دي كميه مشاعر وامان وحنان وحب ودفا محستوش غير في حضن فارس فلو سمحت متتكلمش عنه تاني كده
زياد خرج وسابها ونزل مدرسته في الوقت ده طلعت ملك لشهد
شهد فتحتلها وحضنتها وعيطت
ملك: مالك بس فيكي ايه
شهد: فارس… وحشني شامه ريحته حوليا مبطلتش احلم بيه انا تعبت يا ملك
ملك حضنتها وحاولت تهديها: احنا قولنا ايه مش قولنا هنهتم بشغلنا وتدريبنا والنهارده الانترفيو يلا ادخلي اغسلي وشك والبسي عشان ننزل

 

 

شهد سمعت كلامها وخلال نص ساعه كانت جهزت واتحركوا لمقر «شركه الشرقاوي»
دخلت ملك وشهد الشركه انبهروا بالمبني الضخم والطراز الحديث من جوا والديكورات الغاليه وفخمه جدا
خدوا استماره تقديم من الاستقبال وقعدوا ملوها وجه دورهم فدخلت ملك الاول وبعدها شهد
شهد كانت لابسه فستان عنابي لايق جدا علي بشرتها البيضا واللينسز الزرقا وشعرها الكستنائي
دخلت مكتب حسن اول ما شافها فضل مركز شويه وكلم نفسه يخربيت حلاوتها ايه.ده ع الطبيعه ولا اروع ولا احلي من كده: احم.. اتفضلي.. شهد مش كده
شهد قعدت: اه شهد عامر الخولي وده السي في بتاعي
حسن خده منها وبص فيه: جميل اوي الكورسات دي كلها وانتي لسه طالبه
شهد ابتسمت بوجع وافتكرت فارس
فارس: لازم تبدأي تاخدي كورسات عشان تبقي بروفيشنال
… حسن: شهد.. شهد معايا
شهد فاقت: اها مع حضرتك
حسن: طب انا كنت بقول انك هتشتغلي هنا معايا اسستنت وتتعلمي الشغل كويس تحت ايدي… انا معرفتكيش بنفسي حسن الشرقاوي
شهد بأنبهار وبراءه: حضرتك مالك الشركه دي
حسن ضحك: لا عمي هو مالك الشركه… يلا جهزي نفسك عشان عندنا ميتنج بعد ساعه
شهد: هو انا اتقبلت خلاص
حسن:طبعا انتي وصحبتك بس هي في قسم تاني انتي هتبقي هنا معايا
شهد: حضرتك عرفت منين صحبتي
حسن ابتسم بثقه: معايا السؤال ده ملوش اجابه لاني بعرف كتير اوي
شهد في نفسها (ماله الاهبل ده) محاولتش تشغل بالها وسكتت… بالها مشغول بحبيبها
ـــــــــــــــــــــ

 

 

في الجبل مقر تسليم شحنه الاسلحه كانت وصلت القوات الإضافيه من فتره طويله وقدروا يمسكوا اهم افراد العصابه
يحيي لقي فارس سايح ف دمه فخلع بدلته العسكريه وقطعها ولفها حوالين قلبه عشان يكتم الدم وبعدها قلع قميصه وقطعه وربط رجله
فارس بهمس: لو مت قول ل شهد اني.. اني….. وفقد الوعي
يحيي دموعه بتنزل ف صمت بيحاول يتماسك الجيش علمهم القوه والصلابه: انت هتقوم وتقولها ال عايز تقوله اوعي تكون هتسيبني يا صحبي اوعي
وصلت الاسعاف ونقلوا فارس المستشفي
كان عامر وصله الخبر وراح المستشفي لفارس
عامر بلهفه اب: يحيي طمني فارس كويس
يحيي: ادعيله يا سياده المقدم… فارس خد رصاصتين وحده ف رجله والتانيه في.. في قلبه
عامر قعد من الصدمه ووشه بقا اصفر وشاحب مش متخيل انه ممكن يفقد ابنه الكبير ال عوضه عن غياب اخوه… معقول فارس يفارقه بنفس الطريقه ال عاصم فارقه بيها
فضل ف دوامه الافكار دي اكتر من ساعتين والدكاتره ف العمليات مع فارس
ـــــــــــــــ
شهد كانت مع حسن في المكتب بيدربها ع نظام شغلها
حسن: فهمتي
شهد: اه متشكره لحضرتك
حسن: انتي ذكيه وشاطره جدا عشان كده بتفهمي بسرعه وواثق انك هتتعلمي بسرعه جدا
شهد ابتسمت وحاولت تبقي طبيعيه رغم انها مرتبكه جدا وقلقانه ومش قادره تحدد سبب قلقها
دخلت نهله اخت حسن بصت بطرف عينها لشهد جابتها من فوق لتحت وده خوف شهد منها شويه
حسن اتكلم: دي نهله سكرتيره راضي بيه واختي… دي
نهله قاطعته: دي شهد الخولي مش كده
شهد ابتسمت: حضرتك تعرفيني
نهله: وفي حد ميعرفش شهد الخولي..

 

 

شهد :انا مش مشهورة اوي كده
نهله:ازاي ده مفيش تكريم لوالدك او ابن عمك فارس الخولي غير وانتي متواجده
شهدبتتمني الحوار ده ينتهي لانها خايفه منها ومش قادرة تترجم نظراتها اعجاب ولا حقد ولا انبهار…دخلت ملك زي العاصفه بتبكي وتصرخ:شهد شهد فارس اتصاب وف المستشفي لازم نروح حالا
شهد جريت معاها ووراهم حسن ونهله
شهد بتبكي طول الطريق:يارب يارب لو هتجراله حاجه تجرالي قبله يارب نجيه وقومه عشاني يارب
نهله باصه لحسن بصه اهو زي ما قولتلك
حسن سايق:اهدي يا شهد هيقوم باسلامه ان شاء الله
نهله قلها وجعها من منظر شهد ودموعها ال مغرقه وشها شدتها لحضنها:اهدي يا شهد فضلت تمسح بحنان علي شعرها لحد ما وصلوا نزلت ملك ال كانت راكبه قدام وجريت لجوا تدور ع يحيي اول ما لقيته جريت عليه حضنته:الحمدلله انت كويس صح
يحيي حضنها:كويس بس توأمي وصحبي مش كويس..فين شهد
ملك بصت وراها لقيت شهد داخله مع نهله بتجري
شهد:يحيي فين فارس…بابا فارس فين
يحيي:شهد اهدي ارجوكي انا غصب عني قولتلك عشان محتاجين دم منك وانتي الوحيده ال فصيله دمك تنفع لفارس فأهدي كده عشان نقدر نأخد دم وننقذ فارس
شهد بدأت تحاول تهدي عشان خاطر فارس

 

 

عامر بص لنهله وحسن:انتو اصحاب شهد
حسن:لا انا مديرها هي بتدرب معايا النهاردة اول يوم ودي نهله اختي
عامر افتكر موضوع التدريب ال شهد كانت قالتله عليه من بدري:اهلا بيكم تعبناكم معانا
نهله:ولا تعب ولا حاجه…هو حضرتك المقدم عامر الخولي بجد
عامر:اه انا
نهله:اتشرفت بحضرتك
عامر:متشكر ليكي
الدكتور خد شهد وسحبوا منها دم علي السرير الي قصادها فارس والدكاتره بيخيطوا الجرح
شهد بصاله ودموعها سبقاها
الدكتور خلص وطلب منها تطلع
شهد بدموع ورجاء:ارجوك ارجوك قولي هو كويس
الدكتور:اطلعي معايا وهطمنكم كلكم بره يلا
شهد طلعت معاه
عامر ويحيي وكلهم جريوا ع الدكتور:طمنا يا دكتور
الدكتور:طبعا هو حالته كانت صعبه جدا وخطر كمان خصوصا ان الرصاصه كانت علي بعد ١سم من القلب وفقد دم كتير اوي علي ما وصل بس الحمدلله قدرنا نوقف النزيف ونطلع الرصاص وبعد نقل الدم حالته هتتحسن اوي بس ادعوله لو ٤٨ساعه الجايين عدوا علي خير نقدر نقول انه مفيش قلق

 

 

شهد:الحمدلله
يحيي:نقدر نشوفه امتي
الدكتور: بعد48 ساعه لانه هيدخل دلوقتي العنايه وبعدها هنزلوا الرعايه اول ما ينزل الرعايه خلاص تشوفوه براحتكم
عامر: ‘متشكرين يا دكتور…
القائد الخاص بكتيبه فارس وصل المستشفي واطمن علي حاله فارس ووقف يتكلم مع يحيي وعامر ع جمب
القائد: طلع مفيش اسلحه ولا تسليم من الاساس وكانت اسلحه بلاستيك وفخ عشان يوقعوا فارس الخولي
يحيي:ايه!!!!ازاي
القائد:ده ال وصلنا ليه بعد اعترافات المجرمين لما ضغطنا عليهم
عامر:واشمعنا فارس
القائد:عشان فارس مسك قضيه الغول يا عامر بيه
عامر اتنهد بألم وافتكر ال حصل لمراته وبنته لما مسك قضيه الغول وامر بتصفيتهم
يحيي:يعني هم اصلا جايين وعاملين الفيلم ده عشان يصفوا فارس
القائد:ايوه…عشان كده احنا هنزيع في المبني المخابرات كله ان فارس ويحيي سابوا القضيه دي خالص وهيكون الشغل فيها من خلال شقه عامر لان معروف علاقه يحيي بفارس وشهد وانهم اصحاب فتجمعهم مش هيكون فيه شك
عامر:فكره كويسه..وممكن يبدلوا في بيت ملك شويه مهي هتبقي خطيبه يحيي مش كده برضو
يحيي:احم…اه ان شاء الله

 

 

القائد:تمام المهم يكون مكان ثقه…انا مضطر امشي عشان الكتيبه خليك انت يا يحيي وخدلك يومين اجازه لحد ما صحبك يقوم
يحيي: تمام متشكر يا فندم
ملك كانت طلعت اشترت ليحيي قميص لانه كان واقف كل ده بفنله قطونيل مبينه عضلاته والدكاتره البنات والممرضات عنيهم عليه في الرايحه والجايه
ملك شدته من ايديه علي ركن:ادخل البس ده
يحيي عقد حواجبه:ايه ده
ملك:قميص ايه عضلاته مقوين قلبك وواقف مبسوط بيها وسط البنات
يحيي ضحك بتسليه:بتغيري
ملك:مبحبش المسخره والدكاتره والممرضات هنا عنيهم تتفقع
يحيي ضحك تاني وخد الفميص فتحه ولبسه كان قميص بني بكم
يحيي بأنبهار:ده مقاسي
ملك:وهي اول مره اشتريلك قميص
يحيي باستغراب:ازاي
ملك:يعني انا ال دايما بتشريلك قمصانك ال بتوصي جوري تجبهالك
يحي ضم راسها لحضنه بحنان:ملك انا حاسس بحاجه كده
ملك:حاجه ايه

 

 

يحيي بص في عنيها:وانا ف المهمه والرصاص نازل زي الرز علينا كنت بفكر ف حاجه واحده اني عايز ارن عليكي اقولك بحبك
ملك بصتله بعدم تصديق:اييه!!!انت مش قولت انك لسه…قاطعها يحيي:ايوه قولت بس…بس انا برضو ال بقولك احساسي ال حسيته في المهمه 🤷‍♂️
ملك بصتله بأمل: بجد يا يحيي
يحيي: بجد يا عيون يحيي
ملك: كده كتير اوي اهدي شويه والنبي عليا كده
يحيي ابتسم وخدها وراحوا لعامر وشهد
شهد كانت تايهه في ذكرياتها مع فارس
فلاش
فارس وشهد ومليكه قاعدين سوا وفارس بيأكلهم
ريري: دلعك للبنات ده ال هيفسدهم يا سي فارس
فارس ضحك وباس راسهم: بعد الشر عنهم دول نور عيني بناتي الصغيرين
شهد جات تقوم فارس مسكها وشدها قعدها علي رجله: رايحه فين يا هانم مخلصتيش طبقك
شهد بتزمر طفله: يا فارس شبعت
فارس: لا لازم تخلصي طبقك عشان تكبري وتبقي حلوه
شهد: هو انا مش حلوه
فارس: لا يا روحي ده انتي قمر يلا بقي كملي طبقك
باك
عامر حضنها: عشان خاطري اتكلمي او عيطي بلاش سكوتك بلاش تغرقي ف ذكرياتكم
شهد عيطت ف حضن باباها ونهله اشفقت عليها وحسن صعبانه عليه جدا
ملك قعدت جمبها تهديها
زياد وصل بلهفه علي فارس مهما حصل ومهما زعل منه هيفضل اخوه الكبير
ـــــــــــــــــــــــــ

 

 

نهله وحسن روحوا بيتهم وبلغوا عمهم بال حصل وحياهم علي اتباعهم ل شهد ووقوفهم جمبها عشان يتقربوا منها اسرع
نهله:البنت دي صعبانه عليا اوي
حسن:ومين سمعك
نهله:اوعي اوعي تأذيها فاهم حتي لو كل خططنا مع عمك زفت راضي هتبوظ
حسن:متخافيش يا نهله انا مش وحش كده ولا اناني
نهله مسكت الفون بتاعها وبصت علي الفايل المصوراه بخبث ودخلت تنام
ـــــــــــــــ
بعد يومين اتفتحت الزياره لفارس ودخلت شهد اول وحده بلهفه وحب وحنان
حضنته براحه وباست راسه:حمدلله علي السلامه يا فارس….لو تحب اقولك ابيه فارس هقولها بس متحرمنيش منك ولا اني اطمن عليك
فارس ابتسم وشدها ف حضنه:من غير ابيه انا محتاج ارجع تاني البيت واقعد وسطكم بس توعديني الكلام البايخ ال اتقال
شهد حطت ايديها ع شفايفه:اخويا وبس يا فارس ومش طمعانه في اكتر من حضنك كأخ يعجبك كده
فارس رغم انه عايز يوصل لده مع شهد الا انه اتضايق بس مبينش وابتسم لها بحنان
دخلوا بعدها كلهم اطمنوا عليه ويحيي قعد معاع وقاله تعليمات القائد
فارس:ولاد ال…عايزين يصفوني ماشي انا وراهم لحد ما اجيب الراس الكبيره بتاعتهم
يحيي:وراهم يا صحبي وراهم…بس انت قبل ما تفقد وعيك كنت بتقولي اقول لشهد حاجه ايه هي بقي
فارس عقد جابيه:انا؟ مش فاكر حاجه زي دي…سيبك من الهري ده وخرجني من هنا عايز اطلع بأي شكل
يحيي:انت لسه تعبان يا بني اهدي شويه
فارس:مش طايق عايز اطلع اشتغل واجيب الكلاب دي ف السجن
يحيي:هيحصل بس لما تتحسن حالتك.
استسلم فارس ليحيي لانه فعلا حاسس انه مش احسن حاجه وفضل ف المستشفي اسبوع..اسبوع وشهد بترعاه نايمه قايمه معاه ف الاوضه بتسنده وتمشيه عشان رجله تتحسن بتأكله بأديها بكل حب واخلاص وبدون ما تلمح ليه بأي مشاعر..هي قررت تكتفي بيه اخ وحبيب لنفسها ومش طالبه منه اي شعور متبادل كفايه عليها حضنه كأخ 😢🥺🥺
،،،،،،،

 

 

خرج من المستشفي علي بيت عامر سنده يحيي وعامر لحد اوضته وشهد معاهم بتجهزله السرير بعدها غطته وكلهم طلعوا جت تطلع
فارس:شهد استني
شهد قربت وقعدت جمبه ع السرير:نعم يا فارس
فارس بسعاده:انتي فعلا بتدربي في شركه الشرقاوي
شهد بترقب:امم..لو حابب اسيبها اوك
فارس مسك ايديها:اولا لازم يبقي ليكي شخصيه بلاش سلبيتك دي انا مش ماسك عليكي ذله عشان تخافي كده ولا تنفذي كل كلامي انتي شهد الخولي مش اي حد مفهوم….ثانيا انا مبسوط جدا بالخطوه دي ومتأكد انك هتبقي حاجه عظيمه بعد ما تتخرجي
شهد ابتسمت: ربنا يخليك ليا ومتحرمش منك ابدا
يحيي خبط ودخل: سوري… بس نهله الشرقاوي بره وعايزه تدخل لفارس
شهد رفعت حاجبها: نعمممممممممم
ـــــــــــــــ

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)