رواية احتواء الفصل السادس 6 بقلم عزه محمد

رواية احتواء الفصل السادس 6 بقلم عزه محمد

رواية احتواء البارت السادس

رواية احتواء الجزء السادس

رواية احتواء الحلقة السادسة

شهد بصت حواليها بتوهان ومسكت الفون بتدور علي رقم يحيي: هو يحيي مفيش غيره ايوه يحي… يحيي انت فين
يحيي بقلق من صوتها ال واضح جدا انها معيطه: انا في طريقي للبيت في ايه مالك فيكي حاجه
شهد: انا مش كويسه خالص يا يحيي ارجوك تعالي انا ف البيت
يحيي بقلق: حاضر مسافه السكه سلام… قفل وحط الفون جمبه.. ياتري فيكي ايه يا شهد قلبي واجعني منك ومع ذلك مش قادر ارفضلك طلب ولا اقسي عليكي… يارب هون عليا
……..
فارس وصل الشقه بتاعته وقعد ع الكنبه بتعب
فلاش باك
ريري دخلت اوضه فارس وهو بيجهز حاجته ومسافر للكليه: هتمشي الليله خلاص
فارس: اه يا ماما خلاص اجازتي خلصت
ريري حضنته بحب وحنان ام لابنها ال هيغيب عنها: هتوحشني اوي يا فارس خلي بالك علي نفسك
فارس: انتي هتوحشيني اكتر يا ماما والله…. ماما عايز اوصيكي ع شهد
ريري: شهد ليه مالها
فارس: مش عارف بس الفتره دي بتعمل حاجات غريبه في شكلها وشعرها حتي لبسها

ريري ابتسمت: شهد كبرت يا فارس مش طفله طبيعي اهتمامها بنفسها يزيد وخصوصا وانت هنا
فارس عقد حواجبه: اشمعنا وانا هنا
ريري: مش معقول يا فارس مش بتلاحظ اهتمامها الزايد بيك
شهد كانت بتخبط ودخلت: انت هتمشي
فارس: اممم
شهد وقفت ع السرير عشان تطوله وحضنته: هتوحشني اوي اوي
فارس حضنها وباس راسها: وانتي اكتر خلي بالك علي نفسك
شهد باسته في خده: انت ال تخليلي بالك من نفسك لحد ما ترجعلي تاني فاهم
ريهام كانت بتبتسم وبتتمني فارس يفهم شهد ويحس بيها قبل فوات الاوان
باااك
فارس اتنهد بتعب: مكنتش فاهمك زمان حقك عليا يا اغلي ما ليا ♡
ـــــــــــــــ
يحيي وصل ورن الجرس فتحتله شهد وباين عليها اثر العياط وشعرها ال اتقص نازل ع كتفها
يحيي دخل وهو مخضوض: مالك ايه ال حصل ومال شعرك ردي عليا مالك
شهد بكت جامد: فارس
يحيي: ماله فارس هو ال قص شعرك كده
شهد: لا… بدأت تعيط فيحيي مسك ايديها وقعدها ع الكنبه: ارجوكي اتكلمي
شهد: فارس ساب البيت ومشي يا يحيي وفضلت اعيط واتحايل عليه يفضل جمبي مرضيش.. وبدأت تحكي ال حصل…. هونت عليه وقلبي هان عليه
يحيي بيلعن فارس الف مره علي ال عمله فيها: وغلاوتك لاربيه واعلمه الادب بس متعيطيش كده ولا تزعلي… اومال شعرك ايه ال حصله

شهد: انا قصيته لما ادايقت
يحيي طبطب عليها: طب اهدي.. فين عمو
شهد: مجاش لسه
يحيي: طب زياد فين
شهد: ف المدرسه وعنده تمرين بعد المدرسه ع طول
يحيي وقف وراح للباب بسرعه: ميصحش اقعد ومحدش هنا انا هنزل ومتزعليش وانا هربيلك فارس وارجعه راكع تحت رجليكي
شهد: شكرا يا يحيي انك موجود… انت فعلا مش مجرد صديق انت اخ غالي اوي
يحيي ابتسم وافتكر ملك: شهد ممكن تبقي تحنني قلب ملك عليا
شهد: انت بتحبها
يحيي: مش عارف انا متلخبط
شهد: لما تنسي ال حبيتها هتبقي مش متلغبط وجايز ملك تحن
يحيي: وهنساها ازاي.. صعب وانا لوحدي
شهد: هتنساها بأنك تركز مع ملك اكتر تهتم بيها حتي لو هي رفضت… ال واقف بينكم كرامتها والحب ال انت مش قادر تتخطاه لوحدك فانت وشطارتك بقا يا يحيي
يحيي: متشكر يا شهد عن اذنك
…..
يحيي اتصل ع فارس وعرف طريقه وراحله البيت
اول ما فارس فتحله يحيي اداله بوكس قوي وقعه ع الارض( جامد اوي) 😂❤
ــــــــــــــــــــ

نهله دخلت البيت لقيت حسن قاعد فاتح اللاب علي اكونت شهد الخولي وبيقلب في صورها بتركيز
نهله بصوت عالي: متنساش انها دايبه في فارس الخولي فأوعي تقع في حبها.. البنت دي مفيش واحد اتعامل معاها الا وحبها فخلي بالك من قلبك
حسن اتخض منها: انتي بتطلعي منين
نهله ضحكت: ركز ف الشغل وسيبك منها
حسن: انتي عارفه اني مش بتاع حب وانا كنت بعمل ملف عنها عشان عمك يقتنع اني ماشي ع الخطه… ثم انك ايه يا شيخه عارفه كل التفاصيل دي ازاي مخابرات يالهوي عليكي
نهله ضحكت وفتحت التلاجه تشرب: والله يا حسن يا ابني الحياه بتعلم الواحد قبل ما يشتغل في حاجه يجمع معلومات عنها كتيييير اوي عشان ميقعش في غلط يخرب كل حاجه
حسن: طيب يا جامده انا داخل انام عشان عندي شغل بكره… عندك الاكل ف التلاجه
نهله: ماشي يا ابو علي تصبح علي خير
ــــــــــــــــــــ
«في شقه فارس»
يحيي قاعد ع الكنبه وفارس قاعد جمبه بيحطله تلح علي وشه ( اتحط عليه 😢): اااه براحه يا فارس
فارس: تستاهل عشان تبقي تمد ايدك ال تتقطع دي عليا
يحيي: بعد الشر عليا يا قاسييي… بعد التلج وبصله: انت ماشي غلط يا فارس وانا صحبك ولازم اوجهك للصح
فارس: مش فاهم قصدك
يحيي: شهد يا فارس.. شهد بتحبك وانت بتقسي عليها اوي وهي لسه بتحبك فأظن مش هتلاقي حد يحبك كده
فارس اتنهد بضيق: هي كلمتك
يحيي: اه.. (حكاله كل ال حصل) خليتها تقص شعرها من الحزن متخيل شهد ال بتعشق شعرها الطويل تقصه
فارس زاح الكوبايه بضيق وقعت اتكسرت: غصب عني يا يحيي
يحيي: مفيش حاجه اسمها غصب عني دي بتعشقك يا فارس حرام عليك شهد متستاهلش كده وخصوصا منك دي مش شايفه غيرك لاغيه الناس كلها الا انت ضحكتها مبتنورش غير ليك ارجوك متكسرهاش ولا توجعها وقوم ارجع معايا
فارس: مش هينفع ارجع…. يحيي انا ماسك قضيه خطيره وانت هتستلم الملف بكره معايا مش عايزين نعلق ناس بينا واحنا مش ضامنين نرجعلهم.. وكمان مش عايز شهد تبقي نقطه ضعفي ولا حد يستغلها
يحيي فهم صحبه وقدر خوفه: طب هتعمل ايه
فارس: مش عارف بس لازم ابعد عنها عشان متتأذيش
ــــــــــــــــــــــــ

الليل ليل وكل واحد في دنيته فارس قلقان عليها
شهد بتفكر فيه ومش قادره تنام
يحيي بيفكر في ملك
ملك بتقلب في صور يحيي وبتبكي
عامر دخل بيته متأخر ونام ومخدش باله من غياب فارس
ـــــــــــــــــ
عدت اسابيع الامتحانات علي خير
عامر عرف من فارس سبب انه يسيب البيت وطبعا لانهم مسكوا القضيه سوا
شهد بتحاول تتجاوز ال حصل وملك معاها بتقويها شويه وشويه تضعف وتحتاج ال يقويها بسبب بعد يحيي خصوصا بعدما قررت تبعد عنه وتتجاهله لكن قلبها موجوع
يحيي غصب عنه بعد عنها عشان متتأذيش من القضيه ال مسكوها
ملك: شهد لقيت اعلان من شركه الشرقاوي
شهد وهي بتبرد ضوافرها: وبعدين
ملك قامت قعدت ع السرير جمبها: انتي نسيتي التدريب يا بنتي
شهد بأهتمام: اااه ااه افتكرت طب ايه
ملك: هنروح بكره نقدم طبعا
شهد اوكي جدا
ملك: هقوم انا بقا عشان متأخرش
شهد حضنتها: باي يا قلبي
ملك: باي
خرجت ملك وفتحت الاسانسير وركبت.. نزل بيها دور وبعدها وقف واتفتح لقيت يحيي في وشها
ملك: يحيي
يحيي دخل وقفل الاسانسير وعطله: وحشتيني
ملك بصدمه: ايه
يحيي قربها منه وحضنها وهي مصدومه وبدأ يهمس في ودنها: و ح ش ت ي ن يييي
ملك قلبها بيدق بعنف من قربه وهمسه بس ضميرها فاق: يحيي ابعد كده غلط
يحيي بعد عنها بصعوبه: ملك ارجوكي محتاج اتكلم معاكي
ملك: انت بتظهر وقت ما تحب وتختفي وقت ما تحب
يحيي شغل الاسانسير: غصب عني هفهمك كل حاجه بس اديني فرصه
ملك: المطلوب؟!

يحيي: تطلعي علي سطوح بيتكم وانا هطلعلك ع المواسير
ملك: نعم… ايه الهزار ده
يحيي: مش بهزر بس عشان تبقي في امان والله
ملك: لما نشوف اخرتها
ـــــــــــــــــــ
ملك نفذت كلام يحيي واستنته ع سطح البيت
الجو كان ساقع شويه وملك شعرها بيطير حواليها وبردت فحضنا نفسها في محاوله يأسه انها تدفي شويه: هوف منك يا يحيي كل ده تأخير… لقيت ايدين اتلفت حواليها وهمس في ودنها: اتأخرت انا اسف
لفتله بدموع: اتأخرت اوي اتأخرت سنين يا يحيي
يحيي حضنها: انا مش عارف كنت غبي اوي كده ومش شايفك ازاي
ملك: لا انت مش غبي انا ال غبيه… قربي منك ولهفتي عليك تصريحي بحبك خلاك مش شايفني ما انت ضامن وجودي وطبيعي الانسان بيحب الحاجه البعيده ال يسعي عشانها الي يحس بإنجاز لما يوصلها…. ولما انا تجاهلتك وبعدت عنك بدأت تحس بيا وبوجودي وال ساعد في كده فشل علاقتك الاولي
يحيي سكت لانه مقتنع بكلامها: كل ده جواكي… بس انامكنش في علاقه اولي يا ملك ده كان مجرد اعجاب او انبهار
لكن انتي حاجه تانيه
ملك: تانيه ازاي
يحيي خدها وقعدوا: لو قولت حب ابقي كداب وانا اتعلمت من امي ان المشاعر بالذات مينفعش اكدب فيها… بس انا مشدودلك بتوحشيني.. ببقي نفسي اجي واقعد معاكي كتير.. لما بعدتي عني الاسبوعين ال فاتو كنت هتجنن وفي نفس الوقت مش عارف اجيلك لاني ماسك قضيه صعبه وخايف عليكي اوي
ملك عنيها دمعت: كنت فكراك ارتحت مني
يحيي خدها في حضنه: ملك انا عايز ناخد فرصه سوا.. عشان كده جتلك قبل ما اسافر
ملك رفعت راسها وبصتله: هتسافر فين
يحيي: مأموريه تبع الشغل بس.. بس ممكن مرجعش
ملك بفزع حطت ايديها علي شفايفه: بعد الشر
يحيي باس صوابعها ومسك ايديها وحطها علي قلبه: اوعديني لو رجعت تديني فرصه وغلاوه قلبي عندك
ملك حضنته بقوه ومشت صوابعها في شعره بحنان: هترجعلي يا يحيي هترجعلي وهستناك
يحيي قلبه ارتاح وابتسم بفرحه: طب يلا عشان انزل والحق شغلي.. لا اله الا الله
ملك: محمد رسول الله ❤
نزل يحيي زي ما طلع ع المواسير لقي فارس مستنيه بالعربيه
فارس: خلصت يا عم روميو
يحيي: اه يلا بينا نتحرك
فارس اتنهد ومحركش العربيه
يحيي: ايه بتفكر ف شهد
فارس: لا
يحيي: ما تروحلها يا فارس احنا مش ضامنين نرجع يا صحبي ودعها واشبع من حضنها قبل ما تسافر
فارس خد نفس عميق وحرك العربيه تجاه بيت عامر الخولي.. طلع وفتح بالمفتاح ال معاه ودخل براحه اوضه شهد لقيها نايمه وحاضنه صورته واندهش لما لقيها لابسه تيشرته ابتسم بوجع واتكلم ف نفسه. للدرجه دي بتحبيني
قعد جمبها ع السرير ومسح ع شعرها بحنان واتكلم بهمس: انا هسافر مهمه صعبه اوي واحتمال كبير نتصفي هناك يا شهد لو مرجعتش ارجوكي تخلي بالك من نفسك وتحافظي علي نفسك… عيشي حياتك واتجوزي وخلفي بلاش تفضلي حابسه نفسك في احلام مش هتتحقق….. سمي اول ولد ليكي عاصم علي اسم بابا الله يرحمه ولو جبتي بنت سميها ريهام… حضنها وهي بدأت تشم ريحته ففتحت عنيها وهمست: فارس.. متمشييش
فارس انسحب بسرعه قبل ما تصحي وخرج من الاوضه ونزل لشغله
ـــــــــــــــــ

وصل فارس ويحيي والقوه بتاعتهم مكان التسليم بتاع الاسلحه
مكان في الجبل وعربيه مليانه صناديق اسلحه وعدد لا حصر له من الرجاله المسلحين..
،،،،،
وصلت عربيه جيب كبيره نزل منها راجل ضخم ومعاه اتنين ماسكين شنط
وبدأ يتكلم مع الراجل الي معاه شحنه الاسلحه
،،،،
فارس ساب المنظار ال بيتابع بيه واتكلم في اللاسلكي: نقيب يحيي اول ما يبدوا تبادل الشنط هنهجم
يحيي: تمام يا فارس بيه.. بدأ يحيي يشاور للقوات يجهزوا وينزلوا من فوق الجبل عشان يحاصروا العصابه
العصابه بدأت تبادل صناديق الاسلحه والفلوس وفارس ويحيي والقوات بداوا يضربوا نار عليهم
رجاله العصابه بادلوا ضرب النار واصوات طلقات الرصاص ملت المكان وعليت بشده
اعداد افراد الامن والقوات بدأت تقل…. الضحايا والشهدا بيزيدوا
يحيي في اللاسلكي وهو متداري في الصخره: فارس بيه… فارس.. فارس انت سامعني….
بدأ يحيي يطلب قوات اضافيه والقلق بيدب في قلبه لانه مش شايف فارس
بدأ يصوب طلقات تجاه العصابه وفعلا وقع منهم كتير.. الطلق في مسدسه خلص طلع خزنه من جيبه وركبها وبدا يصوب تاني
،،،،،
فارس كان اتصاب في رجله واللاسلكي بتاعه اتضرل فيه نار مش قادر يتواصل بيحيي ولا حد مسك مسدسه وحاول يسدد طلقات في العصابه وفعلا قدر يموت منهم كتير لكن جت طلقه في صدره في الجهه الشمال 💔
ــــــــــــــــ
قامت شهد من نومها مفزوعه وعي بتصرخ: فااااااارس
…. ….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)