رواية لعبة الغدر الفصل الثاني 2 بقلم محمد منصور

رواية لعبة الغدر الفصل الثاني 2 بقلم محمد منصور

رواية لعبة الغدر البارت الثاني

رواية لعبة الغدر الجزء الثاني

رواية لعبة الغدر الحلقة الثانية

**الحلقة الثانية**
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
‏
ونرجع بالاحداث لكام سنة وراء. واحنا دلوقتي جوة مستشفي عام ودي المستشفي اللي اتولدت فيها جميلة وكانت في حضن امها جيهان اللي كانت ست زي القمر ورغم انها حلوة كدة الا انا حبيت شناوي جدا واتجوزته رغم الاعاقة اللي عنده. لكن طيبة قلب شناوي وحنيتة علي جيهان خليته يبقي بالنسبة لها الدنيا كلها وكان قاعد قدام جيهان. شناوي والفرحة مش سيعا وعمال يقول لبنته
جميلة بابا.
جيهان ضاحكا
يا سلام. هي مش جميلة بابا دي برضو كانت بتتقال لي
شناوي وهو بيبوس ايد جيهان قال
انتي هاتفضلي جميلة بابا دة انتي الاصل وحبي لجميلة اتولد من حبي ليكي.
فتضحك جيهان وتقول
شوف بقالنا كام سنه متجوزين وعمرك ما حرمتني من الكلام الحلو ابدا. ربنا ما يحرمني منك يا شناوي
شناوي
ولا يحرمني منك يا قلب شناوي
وفي الوقت دة يسمعه صوت خبط علي باب الاوضة فيقوم شناوي ويفتح باب الاوضة علشان يلاقي قدام منه عزت وجابر زاميلة في شركة الكهرباء فيقول لهم شناوي
يا اهلا بالغاليين
جابر وهو بيدخل. الاوضة
الف مبروك يا شناوي
عزت وهو بيدخل وراء جابر
الف مبروك يا حبيب قلبي
وياخذ عزت شناوي في حضنة وهو عمال بيبص لجيهان بصة كلها رغبة ولكن جيهان تلف وشها بعيد عنه.
وفي نفس اليوم بالليل ومن علي القهوة يقعد عزت وجنب جابر وعزت كان يقول بحقد شديد
بقي البطايه دي تتجوز الاهطل اللي اسمه شناوي طب بذمتك يا جابر يا اخويا ده ميبقاش ظلم
جابر
نصيبه يا جدع انت هتبص للراجل في مراته
عزت
بس متقولش مراته بكرة هطلقها منه وهتبقي جيهان حرم عزت بيه
جابر
انت باين عليك اتجننت ببها ياعزت بية. ممكن بقي نركز في المصلحة بتاعتنا واللي قابلتك علشانها
عزت
ارغي يا عم جابر واشجيني
جابر باستهزاء
ارغي ؟… ماشي يا عزت بيه هرغي.. فاكر اشرف بيه ابو النصر العضو المنتدب اللي باعنا عند فواز نائب رئيس مجلس الإدارة وخلاه يدينا جزاء ١٠ ايام في موضوع الكابلات
عزت
هو البعيد ايه جبلة مبيحسش يعني انا عمال اقولك جيهان وعزت بيه تقوم تفكرني بالايام السوداء دي
جابر
يا عم اصبر ده لو صبر القاتل علي المقتول كان مات لوحدة
عزت
لخص يا جابر وهات م الاخر انا مش فايقلك
جابر
حاضر يا عزت بيه… فاكر سوزي سكرتيرة اشرف ابو النصر
عزت
اللهم طولك يا روح
جابر
اسمع اللي جاي وانت هتعرف مصلحتنا فين. أشرف ابو النصر زي مانت عارف بيعز النسوان زي عينيه يقوم ايه يلعب على سوزي
عزت بعصبية
متيجي سكة معايا و تنجز يا عم جابر انت هتحكيلي قصة حياة اشرف وسوزي هات اخرك يا جابر
‏ ‏ ‏
‏ ‏جابر
‏ ‏سوزي حامل من أشرف والمطلوب تنزل الجنين

-***-

‏ ‏
‏عزت
‏حامل… جنين
جابر
اة حامل والمطلوب انها تنزل العيل دة ذوق او عافية وبما ان سوزي مش عايزا تنزل ذوق يبقي تنزله عافية واشرف بعت لي مخصوص وطلب مني اني اقضي له المصلحة دي
عزت
بعد الحركة الواطية اللي عملها معانا احنا اللي هنساعدة في حل مشكلتة
جابر
ما احنا برضو مش هنساعدة ببلاش
عزت
بكام
جابر
ب 5000 ج
عزت بشر
طالما فيها فلوس تبقي تنزله
جابر
يبقي النهاردة بعد نص الليل تاجر عربية وتيجي قدام عمارة الملاح اللي شارع غانم هايكون اشرف ابو النصر مخدرلنا سوزي هاناخدها في العربية
عزت
وهنروح بيها فين

-***-

جابر
عندك دكتور شمال انا عارفه
وبعد نص الليل تقف عربية ملاكي قدام مستوصف اسمه الايمان. وينزل من العربية عزت وجابر ومعهم سوزي السكرتيرة وهي متخدرة فيبص عزت لجابر بعد ما بص للمستوصف
هو انت جايبنا هنا ليه
جابر
ما هو ده المكان اللي هنعمل فيه العملية
عزت. بحدة
انت اتجننت يا جابر عمليه ايه ده مستوصف
جابر
هو يبان من بره مستوصف انما من جوه حاجة تانية خالص. ومستوصف خاص في كل حاجة شمال حتي لي في قطع غيار البني ادمين
عزت باستغراب
قطع غيار ايه
جابر
البني ادمين
عزت
تجارة اعضاء الله يخرب بيتك
جابر
مالك خوفت لية كدة
عزت
ماخوفتش. بس دي مصيبة سودا
جابر
طيب اخلص وبطل رغي خلينا ندخل
ويدخلو المستوصف ويروحو ناحية ممرضة كانت قاعدة علي مكتب وحوالين منها حريم كتير فتقول اول ما تشوفهم
عادي ٢٠٠ جنيه ومستعجل ٣٠٠ جنيه ومفيش عادي في الميعاد دة ف هاتدفعو مستعجل
جابر
انا ما بدفعش خشي بس قولي للدكتور نصر. جابر عايزك
*** ‏للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
ومن جوة محل عطارة كبير يقعد شاب اسمه رشدي وهو شاب يشهد له اهل المنطقة بالاخلاق العالية وساعه ماكان بيعمل حصر للبضاعة اللي عنده في المحل تدخل علية مرات اخوة الكببر واسمها زينب. واخوة اسمه سالم. وكانت زينب باين عليها القلق ومفزوعه وبتقول
الحقني يا رشدي الحقني
رشدي بخضة
اية يا زينب في اية

-***-

زينب
اخوك سالم عملها تاني قلع الجلبية النظيفة ولبس الجلبية المقطعة ونزل للشارع ومش لقيا
رشدي بعصبية
ازاي بس يا زينب. دة انا ماكد عليكي تخلي بالك منه
زينب
والله غصب عني كنت باكل البت وبصيت لقيت باب الشقة مفتوح وهو مش موجود
فيروح رشدي بسرعه ناحية باب محل العطارة وهو يقول لزينب
طيب روحي انتي وانا هاتصرف،،،،،،
وبعدها بنص ساعة كان رشدي جوة عربيته وبيدور علي اخوة الكبير في كل الشوراع المحيطة بيهم ويبحث وسط وكان وهو بيدور علي اخوة بيتكلم في الموبيل مع ظابط مياحث قريبة اسمه عجمي وكان عجمي بيقول
اهدي بس يا رشدي انا مش عارف افهم منك حاجة
رشدي
بقولك سالم ساب البيت وهرب تاني وانت عارف سالم ممكن يعمل اية في نفسه دة خلاص عقله مابقاش في
عجمي
قولت لك لازم يدخل مصحة. انت ماسمعتش كلامي
رشدي
مش وقته يا عجمي الكلام دة اتصرف وشوف لي حل
عجمي
هاعمل نشرة حالا بصورته وباذن الله نلاقي
لكن في اللحظة دي شاف رشدي اخوة الكبير سالم قاعد علي الرصيف وبياكل من الزباله فقال رشدي
خلاص يا عجمي لقيته. سلام انت دلوقتي
وركن رشدي عربيته ونزل بسرعه وراح ناحية سالم وقال له
تاني يا سالم
يبص سالم لرشدي ويقول
انت ملك الموت. انا عرفك خد روحي يلا
رشدي وهو بيحاول انه يقوم سالم
طيب قوم معايا
لكن سالم يبعد ايد رشدي عنه وهو بيقول
ابعد عني. انا مرتاح هنا في الشارع

-***-

رشدي
سالم انا اخوك رشدي. قوم معايا مايصحش اللي انت بتعمله دة
سالم
انا حر وهاعمل اللي انا عايز اعمله انت مالك ومالي
رشدي
سالم. لا انت اول واحد ابنه يموت ولا اخر واحد ابنه هابموت
سالم بجنون
ابني مات بسببك انت. وانا مش هانسي اللي انت عملته، ،
ونرجع بالاحداث لكام شهر فات. واحنا دلوقتي في زفة اخت رشدي وسالم وكان رشدي راكب الموتوسيكل بتاعه وبيعمل اكروبات قدام الزفة والكل كان فرحان وسالم راكب عربيتة وجنبه زينب مراته وفي الكنبة اللي وراء ابن سالم واسمه عماد وكان عنده عشرين سنة. وعماد مخرج دماغه من شباك العربية وباصص علي عمه رشدي اللي بيلعب بالموتوسيكل وبيقول
‏ايوة يا شقاوة طول عمرك علي وضعك

-***-

‏ ‏ ‏
‏ ‏فيقف رشدي بالموتوسيكل مرة واحدة ويبص لعماد ويقول
‏ ‏
‏انت عارف عمك ماحدش زية في الحركات دي
عماد
لا. بلاش تقولي انا الكلام دة لو انت شقاوة انا الشبح ومتنساش انك متعلم مني الحركات. دي
رشدي مازحا
الشبح خلاص راحت علية وباع الموتوسيكل بتاعه
عماد
علشان خاطر بابا بس ما يزعلش مع اني نفسي اركب موتوسيكل تاني
ويبص عماد لسالم. فيقول سالم
تاني. موتوسيكل دة انت مركب مسمارين بسبب الموتوسيكل دة. عايز تتكسح خالص
عماد
يا بابا ماتخفش علية انزل بس المرة وازف عمتي زي ما وعدها
سالم باصرار
لا.

-***-

رشدي
ماتسيب الواد ينزل وبطل تخاف علية كدة دة ابنك شبح
عماد وهو يتوسل لسالم
والنبي يا بابا انزل الف لفتين بس بالماكينة علشان خاطر عمتي
ويبص عماد لرشدي ويكمل قائلا
وبعدين عايز اوري شقاوة الماكينة يتلعب بيها ازاي
سالم
قولت لا. اخاف عليك يا عماد
فيفتح رشدي باب عربية سالم ويقول
سيبك من ابوك ياة وانزل وريني نفسك
فينزل عماد وسالم يقول له
خد يا عماد ما تسمعش كلام عمك
زينب لسالم
خلاص يا سالم بقي سيب الواد يفرح
ويبص سالم لعماد وهو بيركب موتوسيكل رشدي ويبدأ في اللف والدوران بالموتوسيكل ويقف علي الموتوسيكل وهو ماشي وسالم باصص ناحيتة وهو قلقان علية وفجاة يختل توازن عماد علي الموتوسيكل وينطلق الموتوسيكل ناحية احدي العربيات وفوق منه عماد اللي فقد السيطرة تماما ويصطدام عماد في جنب العربية بدماغة خبطة قوية جدا وسالم يبص للي بيحصل مش مصدق عينية ورشدي يهز في عماد اللي فقد الوعي تماما وبدأ الدم ينزل من دماغة زي الشلال ،،،،،،
ونرجع تاني لرشدي اللي كان قاعد جنب سالم علي الرصيف وبيقول له بصوت حزين
عماد زي ما كان غالي عليك كان غالي علية انا كمان

-***-

سالم
انت اللي موتة انت اللي فتحت الباب علشان يموت واهو مات ارتحت يا ملك الموت
وبدأ يضحك سالم بشكل هستيري ورشدي يبص له وهو صعبان علية حاله فيقف رشدي ويساعدة علي النهوض وهو يقول
طيب قوم معايا. خلينا نروح
فيقوم سالم مع رشدي وهو لايزال يضحك وبجنون مخيف ويقول سالم
تعرف اني قربت اموت وخلاص هاشوف عماد
رشدي بحزن
متقولش كدة.
ويفتح رشدي باب العربية ويركب سالم ويركب رشدي جنبه وسالم يقول
شامم ريحة الموت جاية من بعيد. هانت يا عماد وهشوفك تاني واخدك في حضني واشبع منك. دة انا كنت لسة ما شبعتش منك
ويكرر الجملة اكتر من مرة ورشدي يبص له وهو حزين
ومن جوة مكتب دكتور نصر. يقعد جابر وعزت ومعهم سوزي وكانو مستنين دكتور نصر. لغاية مازهق عزت وبص لجابر وقاله
هانفضل مستنين كتير
جابر
ما هو في العمليات اهدئة علينا بقي زمانه جاي
وماتعديش كام دقيقة ويتفتح باب المكتب ويدخل نصر ويروح ناحية مكتبة وهو لابس جوانتي كل دم وبيبص لجابر ويقول وهو بيقلع الجوانتي وبيبص لسوزي
هي دي
جابر
اة
نصر
عندها كام سنة البت دي
جابر
بتلعب في العشرينات

-***-

عزت لنصر
ماتلخص يا دكتور عايزين نخلص المصلحة دي اوام اوام
نصر لجابر
مين ده يا جابر
ويبص نصر لعزت فيقول جابر
ده عزت بية
نصر باستهزاء
عزت بية طيب. وعزت بية ماله حامي علينا كدة
عزت
عايزين نخلص البت دي ليها اهل ولو اتاخرت اكتر من كدة هايحصل قلق والقلق ما بيجيش من وراء غير وجع القلب والصداع
نصر لجابر
صاحبك باين علية قلبة خفيف وخايف
عزت
عزت الحديدي مايعرفش الخوف بس ما بحبش اي صداع في اي عملية تخصني
نصر
باين علينا هانشتغل مع بعض كتير انا احب الناس اللي زيك قوي
عزت
طيب خلينا في مشوار البت دي الاول وبعد كدة نشوف هانشتغل مع بعض ولا لا
نصر
حوار البت دة اعتبرة خلص. وعد ساعتين وهايبقي اللي في بطنها بح،،،،،،،،،،،
ومن جوة شقة متوسطة المستوي وام سوزي واقفه قلقانة في البالكونه بتبص علي الشارع وعيل عنده 10.س. قاعد ببتفرج علي التيلفزيون والام بتقول
حمادة اتصلت باختك سوزي تاني
حمادة
اتصلت وبرضو تيلفون الشركة جرس وماحدش بيرد والموبيل بتاعها مقفول
ام سوزي
اختك اتاخرت اوي.

-***-

حمادة
هاتصل بيها تاني
ويمسك حمادة الموبيل مرة تانية ويرن علي اخته وبرضو مقفول فيبص لامه ويقول
برضو مقفول
ام سوزي بقلق
يارب هات العواقب سليمة
وترجع تبص علي الشارع تاني،،،،،،،،،
ومن جوة اوضة سالم. يقعد سالم علي السرير ورشدي بيقلعة الجلبية المقطعة ويلبسة جلبية تانية نظيف وسالم يبص لمراتة زينب ويقول لها
عايزا حاجة من عماد. اصل انا رايح له قريب
فتبص زينب لرشدي وتحضن سالم وتقول له
بعد الشر. لية بتقول كدة يا سالم
سالم
وهو انا لما اروح لعماد يبقي شر. الشر هو اني اعيش من بعد عماد
رشدي
سالم كفاية وماتكلمش تاني في الموضوع دة
سالم
انت اية اللي جابك هنا. امشي اطلع برة ومالكش دعوي بينا عايز تموت مين تاني
رشدي
اموت

-***-

سالم
ايوة انا بقيت اشوفك افتكر ملك الموت انت اللي بتقبض ارواح كل حبايبي
رشدي بحزن
الله يسامحك يا خويا انا هاسيبك دلوقتي ترتاح وبكرة هافوت علشان اطمئن عليك
سالم
ما تجيش مش حابب اشوفك
ولكن رشدي لا يرد علية ويخرج من الاوضة وهو بيسمع صوت سالم يقول لزينب
اقفلي الباب كويس بدل ما يجي ياخد حد منكم
فتنزل دموع رشدي حزنا علي كلام اخو ،،،،،،،
ومن جوة شقة شناوي وساعه ما كان شناوي قاعد هو وجيهان. بيتفرجو علي فيلم عربي. وقدام منهم جميلة بتلعب. يسمعو صوت خبط علي باب شقتهم فيبصوا لبعض وتقول جيهان
ودة مين البارد اللي جاي متاخر اوي كدة
شناوي
خشي جوة انتي وانا هاقوم اشوف مين
فتدخل جيهان اوضة النوم ويروح شناوي ناحية باب الشقة ويقف وراء الباب ويقول
مين اللي بيخبط
فيسمع صوت عمه مطاوع بيقول
افتح يا واد يا شناوي انا عمك مطاوع
شناوي فرحا
عمي مطاوع
فيفتح شناوي الباب مسرعا ويرحب بعمه وياخده بالحضن وهو بيقول
ازيك يا عمي اية المفاجاة الحلوة دي
مطاوع
ازيك يا شناوي. انتم كنتو نمتو ولا اية
شناوي
حد ينام بدري النهاردة برضو. دة النهاردة الخميس يعني صابح بكرة الجمعة اجازة
مطاوع
وهو علشان النهاردة الخميس هاتفضل سايبني علي الباب كدة
فيضحك شناوي وهو يوسع من قدام الباب علشان يدخل عمه الشقة وبيقول
لا طبعا ازاي بس خش يا عمي
فيدخل عمه الي الشقة ويقفل شناوي الباب وجيهان تلبس جلبية بيتي وتخرج من اوضتها علشان تستقبل مطاوع وتقول
منورنا يا عم مطاوع
مطاوع
المطرح منور باهلة. طبعا وانا بخبط قولتي مين البارد اللي جاي في ساعة زي دي
فتحرج جيهان وتبص لشناوي اللي قال
هو انت سمعت
مطاوع ضاحكا
صوتها كان عالي. لكن انا عاذرها فعلا هي زيارة باردة في ميعاد بارد بس اعمل اية كنت المفروض اكون عندكم بدري عن كدة لكن قبلت واحد صاحبي من القاهرة حلف علية للازم اتغدي معه وروحت اتغديت وقعدنا نفتكر ايام زمان لغاية ما الوقت خدنا ولقيت نفسي اتاخرت اوي قولت له انا لازم امشي ومشيت علشان الحقكم قبل ما تنامو. ما انا ماعرفش حد انام عندة في القاهرة الا انتم
ويضحك مطاوع فيقول شناوي
يا عمي دة بيتك ومطرحك
مطاوع
ربنا يخليك يا ابن اخويا يا غالي. انما فين بقي الست جميلة اللي خلتني ادب المشوار دة علشان اشوفها
جيهان
هاروح اجيبهالك حالا
وتدخل جيهان اوضة النوم علشان تجيب جميلة ومطاوع وقتها يقول لشناوي
واد يا شناوي اوعي بنتك جميلة تنسيك عمك مطاوع. انا ماحدش بيخش لي بيت ولا بيطمئن علية غيرك
شناوي
هو انا اقدر استغني عنك يا عمي
مطاوع بنظرة حب
طول عمرك اصيل زي ابوك
وفي الوقت دة تخرج جيهان من الاوضة ومعها جميلة وتروح بجميلة ناحية مطاوع اللي خدها من ايدها وحطها علي حجرة وهو يبص لها ويقول
بسم الله ماشاء الله. البت كلها شبهي
فيضحك شناوي وجيهان فيبص لهم مطاوع ويقول
اية يا ولاد الحلال مش عاجبكم كلامي

-***-

جيهان
لا خالص. دة هي احلي حاجة فيها انها شبهك
مطاوع وهو بيبوس جميلة
لا تستاهلي يا بت اجي لك المشوار دة كله اسمك جميلة وانتي فعلا جميلة وعلشان كدة مش خسارة فيكي المبلغ دة
فيخرج مطاوع من جيب العباية رزمتين فلوس الرزمة الواحدة 2500 ج. ويرميهم في حجر جميلة فتستغرب جيهان جدا للمبلغ،،،،،،،،،
وبعدها بساعة ومن جوة اوضة نوم شناوي وجيهان. تقعد جيهان جنب شناوي علي السرير بتاعهم وتمسك ال 5000 جنية اللي اداهم مطاوع نقطة لجميلة وتقول له بصوت واطي
هو عمك مطاوع جاب الفلوس دي كلها منين
شناوي
ماعرفش انا كل اللي اعرفة ان عايش علي قد حالة
جيهان
علي قد حاله ويرمي في حجر البت 5000 ج. مش غريبة دي
شناوي
عايزا اية طيب اروح اقول له خد فلوسك
جيهان
لا. طبعا بس علي الاقل تعرف عمك جاب الفلوس دي كلها منين
شناوي وهو يفرد جسمه ويستعد للنوم
ان شاء الله. تصبحي علي خير
ويغمض شناوي عيونة وجيهان تفضل بصه للفلوس بحيرة شديدة،،،،،،
ومن جوة المستوصف. كان عزت وجابر واقفين قدام باب مكتوب عليه اوضة العمليات ويخرج لهم نصر والجونتي ملطخ بالدم. ويقول عزت
اية اخبار العملية
نصر
العملية نجحت وكله تمام وخلصنا من الجنين بس للاسف في غلطة صغيرة حصلت
جابر
غلطة ايه يا دكتور نصر مش بتقول العملية نجحت وخلصنا من الجنين
عزت
متخلصنا يا دكتور ايه هي أم الغلطة الصغيرة
نصر
البنت ماتت
عزت / جابر في نفس واحد
( فى وقت واحد )
ماتت !!!!!!!!!!

-***-

يتبع…

لقراءة الفصل التالي : اضغط هنا

لقراءة جميع فصول الرواية اضغط على ( رواية لعبة الغدر )