رواية لعبة الغدر الفصل الثالث 3 بقلم محمد منصور

رواية لعبة الغدر الفصل الثالث 3 بقلم محمد منصور

رواية لعبة الغدر البارت الثالث

رواية لعبة الغدر الجزء الثالث

رواية لعبة الغدر الحلقة الثالثة

**الحلقة الثالثة**
من تأليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
احنا دلوقتي جوة مكتب دكتور نصر. وعزت قدام جابر وبيقول له بانفعال شديد
الله يخرب بيتك الله يخرب بيتك. دي جريمة قتل كدة
جابر
اهدئة يا عزت. خلينا نفكر هانعمل اية في المصيبة دي
عزت
اسمع انا ماليش دعوي نصر دة معرفتك انت وانت اللي تشيل شيلتة
جابر
هو فين نصر صحيح. جابنا المكتب واختفي، ،،،،
وفي نفس الوقت ومن جوة اوضة سرية في مستوصف دكتور نصر. يقف نصر قدام طاولة تشريح و سوزي تنام قدامة علي طاولة تشريح الجثث ويبص لها وهو يمسك بقلم ويخطط خطوط عريضة علي جسمها. وهو يقول
مش خسارة الحلاوة دي تكون نهايتها كدة. ياتري اية حكايتك اللي وصلت لك لغاية عندي يا قمر، ،،،،،،
ونرجع بالاحداث لكام شهر وراء. ومن جوة مكتب اشرف ابو النصر يقعد اشرف وتقعد سوزي قدام منه اللي كانت جاية تقدم لوظيفة السكرتيرة في شركتة. واشرف يبص لها ويقول
‏ايه تخصصك

-***-

‏
سوزي
ادارة اعمال
اشرف
برافو دة التخصص اللي انا محتاجة
سوزي
لا وكمان انا الاولى على دفعتي
اشرف بانبهار
يعني انا قاعدة قدامي دلوقتي الاولى على الجامعة الأمريكية في إدارة الأعمال ده شاكر خالك ده غريب فعلا
سوزي
ليه بس اونكل شاكر عمل ايه
اشرف
يعني واحدة في امكانياتك محتاجة توصية
سوزي
ميرسي لذوقك يا فندم
اشرف
صدقيني يا سوزي واحدة زيك أي شركة من حظها وجودك فيها. وعلشان كدة انا هخدك معايا هنا في مكتبي لانك لازم تكوني دايما قريبة مني
سوزي
ده شرف ليا يا فندم ويارب دايما اكون عند حسن ظن حضرتك
اشرف بحنية
اكيد يا سوزي انا واثق انك هتكوني قد ثقتي فيكي وهاتعوضيني عن حاجات كتير اتحرمت منها،،،،،،،
وبعدها بفترة ومن جوة مطعم عائم كان اشرف مع سوزي والاثنين يتبادلون الحديث والضحك وباين عليهم الحب الشدبد ،،،،،،
وبعدها بفترة ومن جوة مكتب اشرف. كان اشرف قاعد علي الكرسي بتاعه وقدام منه رجلان وكانو يتكلمون في الشغل ويسمعوا صوت خبط علي الباب فيقول اشرف

-***-

‏
ادخل
فتدخل سوزي الي المكتب وهي تمسك في ايدها بعض الملفات وتروح ناحية اشرف وتمد أيدها بالاوراق وهي تقول
ده عقد شركة تولز ارت والعضو المفوض مستني يدخل عشان يتناقش مع سيادتك في بنود التعاقد
اشرف ينظر إلى الرجلان متحدثا إليهما
خلاص يبقي في ما بينا ميعاد تاني نحدد فيه الملامح الاخيرة لشكل المشروع بس عموما عشان تطمنه انا موافق موافقة مبدئية عليه
فيقول احدي الرجلبن
كدة تمام اوي.
ويقفا الرجلان ويخرجا من المكتب. وسوزي تبص لاشرف بدلع وهي تقول
زعلانه منك يا حبيبي
اشرف
ليه بس يا حبيبتي ده انا غلبان
سوزي
انت بتقول على نفسك غلبان
اشرف
ايوه انا غلبان
سوزي
طب تنكر انك وقعتني في حبك وخلتني اسلم لك وتكون النتيجة
وتحط سوزي ايدها علي بطنها وهو تقول بدلع
عيل شقي زيك
فتتغير ملامح اشرف. ويقول
عيل اية لا احنا ماتفقناش علي كدة
سوزي
اتفاق اية انا حبيتك وسلمت لك نفسي وماعملتش حساب للي جاي
اشرف
يبقي اللي جاي دة مايجيش احسن

-***-

سوزي
نعم. انت عايزني اقتل ابني
اشرف بلغة الشيطان
دة احسن ليا وليكي
سوزي بتحدي
بلاش تهددني علشان انت عارف اونكل شاكر يعرف عنك اية و ممكن يعمل اية لما يعرف باللي انت عملتة معايا
اشرف خائفا
لا. بلاش شاكر واللي بينا هايتحل باي شكل
فتغمز سوزي بعيونها لاشرف. وتقول بلغة الانتصار
احبك لما تجيب وراء،،،،،،،،
ونرجع لاحداثنا. ومن جوة الاوضة السرية مستوصف نصر يقف نصر قدام طاولة تشريح و سوزي بتتحرك وكانت متكتفة ومتكمم بوقها وبتحاول سوزي الخلاص من ايد نصر فيقول لها نصر
بطلي قلق بقي ومتحاوليش تفكي نفسك علشان مش هاتعرفي وانا خارج وراجع لك يا قمر علشان نكمل كلامنا
وخرج نصر من الاوضة دي وراح مكتبه واول ما دخل المكتب وشافة عزت قال بعصبية
انت سايبنا بقالك ساعة ومانعرفش ليك طريق. ممكن اعرف كنت فين
نصر ببرود
انت مالك مخضوض كده ليه
وراح ناحية الكرسي بتاع مكتبة وقعد علي الكرسي وقال
ولا علشان دي أول مرة ليك
جابر
انت مش واخد بالك ان احنا وقعنا في مصيبة وفي بت ماتت
نصر
وانتوا مش واخدين بالكوا انكوا كنتو جايبنها علشان تخلصو علي اللي في بطنها. هايفرق اية بقي هي ماتت واللي بطنها كمان مات. يعني ارتحتو من الوش اللي كانت هاتعمله ليكم لو كانت فضلت عايشة.
عزت
انت عايز تقول اية
نصر
ماتت وخلاص ف ربنا يرحمها المهم حد شافها وهي معاكم

-***-

‏
جابر
لا.
نصر
يبقي كدة فل. تحبو بقي ادفنها انا بمعرفتي وتاخدوا مني 10 الف جنية ولا تدفنوها انتم وتاخدوا اعدام
ساعتها بص عزت لجابر باستغراب شديد وبعدها بص عزت للدكتور وقاله
انت ناوي علي اية
نصر
هاخد من جسم سوزي شوية اعضاء هي مش هتحتاجها وهي ميتة
جابر
انت بتقول اية
نصر
انت سمعت انا قولت اية واتنين ما بحبش اتعامل معاهم الاغبياء والطرش
عزت
واحنا لا اغبياء ولا طرش حلال عليك جتة البت قطع وبيع منها زي ما انت عايز المهم الفلوس
نصر
وربنا انت برنس وعجباني دماغك،،،،،،،،،
وياخد عزت وجابر الفلوس ويرجع نصر تاني للاوضة السرية وسوزي علي طاولة التشريح وبتصرخ صرخات مكتومة وعماله تحاول تفك رجليها وايديها فيقف قدامها نصر ويقول
اية اتاخرت عليكي معلش كنت بخلص مع جوز الاغبياء اللي برة اللي باعوكي بارخص تمن ومايعرفوش ان جاي من وراكي الافات

-***-

فتخاف سوزي بشدة وتفضل تحاول وتحاول انها تفك نفسها وتعيط من شدة الخوف ونصر يلبس الجونتي بتاعه ويقول لها
ما تتعبيش نفسك انتي بقيتي بتاعتي هاقطع منك وابيع اللي انا عايزة. انتي دفعتي تمن لعبة الغدر واللي غدر بيكي حبيبك وانا بقي هاكمل علي اللي فاضل منك
ويقترب نصر بجنون من سوزي،،،،،،،
وتاني يوم ومن جوة مكتب اشرف ابو النصر اللي باع سوزي وسلمها لجابر وعزت. يقعد اشرف علي مكتبة وقدام منه يقف جابر ويقول اشرف بصوت واطي ولكنه حاد جدا ومنفعل
اية اللي انت قولته ليا في التليفون دة
جابر
هو دة اللي حصل وممكن اديك عنوان الدكتور تروح تساله بنفسك لو مش مصدقني
اشرف
يادي المصيية السودء. انت عارف سوزي دي يبقي خالها مين
جابر
ماعرفش ومش عايز اعرف
اشرف
لا. لازم تعرف علشان المصيبة دي انا مش هاشيلها لوحدي
جابر بتهديد
اشرف بية انا ساعة الجد لا اعرفك ولا اعرف سوزي واللي عندك اعمله
اشرف بحدة
لا يا روح امك. الكلام دة ما يتقالش ليا
جابر بلغة الشر
يتقال لاي حد. دي فيها مشنقة وانا مش طالبة معايا اموت اليومين دول. ونصيحة اي حد يسالك عن سوزي قول ماعرفش ماشوفتش والحوار هايموت لوحدة

-***-

ويروح جابر ناحية باب المكتب وهو بيقول
سلام يا اشرف بية
فيبص له اشرف بغل شديد وجابر بيخرج من المكتب،،،،
*** ‏للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
ومن علي احدي القهواي يقعد جابر مع عزت ويقول جابر
عدي شهر والحوار بتاع سوزي دة مش عايز يخلص
عزت
شاكر خال سوزي دة محامي عقر وكبير وقالب الدنيا علي سوزي بنت اختة
جابر
كل دة مش مخوفني انا اللي مخوفني لواحد زي اشرف يضعف ويتكلم وساعتها اسمنا يجي في الحوار
عزت
اسمك هو اللي هايجي في الحوار. اشرف يعرفك انت ونصر يعرفك انت
جابر باستغراب
وانت اية برة الحكاية
عزت
انا ساعة الجد ماعرفش حد. حتي لو انت
جابر
دة ما كنش كلامك وانت بتقسم معايا الفلوس
عزت
الفلوس خلاص خلصت. ورجعت يا مولايا كما خلقتني
جابر
طول عمرك غدار يا عزت
عزت
دي حقيقة وصاحبك علي عيبة وياما اكون صاحبك علي العيب دة يا ما شوف لك صاحب غيري
جابر
انا مش هاعتب عليك دلوقتي. بس ادعي ربنا حوار سوزي دة يخلص علي خير علشان ما عملش حاجة تزعلك مني
عزت مبتسما
قبل ما تفكر تعمل حاجة تزعلني هاكون قبض تمن جتتك من دكتور نصر وانت عارف دكتور نصر بيعمل اية في الجتة اللي بتقع تحت ايدة
ويقف عزت ويسيب جابر ويمشي وجابر يقول
اوطي خلق الله. وخسيس ،،،

-***-

والوقت فضل يعدي وحوار سوزي دة اتقفل لان المباحث ما قدرتش توصل لاي جديد.وبعد مرور 5 سنين
ومن قدام حضانة بسيطة تقف جيهان ومعها بنتها جميلة اللي بقي عندها خمس سنين. وتدخلها الي الحضانة جيهان وهي تقول
جميلة عارفة. لو رجعتي باي سندوتشات هازعل منك ومش هاكلمك
جميلة
مش هارجع باي سندوتشات
جيهان ضاحكا
حبيبة ماما. لا اله الا الله
جميلة
محمد رسول الله
وتدخل جميلة الي الحضانة وهي فرحانه وجيهان تبص ناحيتها وهي تدعي لها وتقول
ربنا يحميكي يا بنتي،،،،،،،
احنا دلوقتي جوة شقة شناوي. وساعه ما كانت جيهان في المطبخ. بتحضر الاكل. يرن جرس التيلفون الارضي فترد جيهان وتقول
السلام عليكم
صوت غريب
ايوة يا قمر
جيهان بنرفزه
انت تاني يا حقير
الصوت
كنتي زي القمر امبارح في الفرح بتاع بنت مدير المصلحة والفستان كان هياكل حته من جسمك مش خساره الحلاوه دي في واحد عبيط زي شناوي
جيهان بنرفزة
شناوي ده احسن منك ومن عيلتك كلها
وتحط السماعه بعصبيه شديده وتنهي المكالمه وهي بتقول لنفسها
انسان سافل ومستفز
ويرن جرس التيلفون تاني فترفع جيهان السماعه علشان تلاقي عزت بيقول
ليه كده بس يا قمر ده انا بحبك
جيهان بعصبيه شديده
احترم نفسك وماتتصلش هنا تاني خلي عندك دم
الصوت

-***-

مالك بس مضايقه ليه يا قمر
فتحط جيهان السماعه وتقول بعصبية
حاجه تقرف بس لو اعرف مين ده اللي بيتكلم كنت طلعت عين امه
فيرن جرس التيلفون مره تالتة فتقول جيهان لنفسها بعصبيه
وبعدين بقي في الزباله ده طيب
وتشيل فيشه التيلفون وتقول
لما بقي أشوف اخرتها ،،،،،،،،،
وفي نفس الوقت ومن جوة مصلحة الكهرباء كان عزت ماسك تيلفون المصلحة وبيتصل بجيهان تاني فيقول جابر له
أيه مش عايزا ترد
عزت
اه بنت ال. ولا بلاش. بس علي مين لازم تلين وتحن ده انا عزت
في اللحظة دي كان شناوي. علي مكتبة وشغال ومش واخد باله من اللي بيعمله عزت فيقول له جابر
انا ما شوفتش واحد زيك كده وفي جبروتك. بتكلم مراته قدامه وهو مش عارف
عزت ضاحكا
شناوي ده حمار . انا بس اللي عايز اعرفه ازاي واحده في حلاوه جيهان تتجوز شناوي ده لية
جابر
قولنا نصيبة كدة
عزت
لا وكمان بتحبه مش عارف علي خيبه أيه
جابر
مرايه الحب عامية

-***-

عزت
كفاية عليه بقي كدة كام سنه عدو وهي معه. بس وربي وما أعبد مش ها سيبها في حالها انت شوفتها كانت جامده أزاي في فرح بنت المدير امبارح
جابر
هي اه جامده وجامده قوي كمان . بس هي محترمة جدا
عزت
وانا بعشق المحترم. انا سيبتها كتير في حضن شناوي وجه الوقت بقي تكون في حضن عزت بية،،،
م/8
ومن جوة شقه جابر يقعد جابر مع عزت وكانو بيتفرجو علي فيلم فيقول جابر لعزت
جابر
بقول لك ايه هانشوف شغلنا ولا أيه ظروفك انا خلاص خلصت الفلوس اللي معايا واتفقت مع الواد بتاع المخزن وهانطلع كابلات زي كل مرة
عزت
بقول لك اية حوار الكابلات دة حوار حمضان وبيجي من وراء ملاليم
جابر
اومال هانجيب فلوس منين
عزت
اية رايك نتصل بدكتور نصر
جابر
حوار نصر دة خلص من سنين وكنا هانخسر بعض بسببة واحمد ربنا ان حوار سوزي دة خلص من غير ما نتعكش
عزت
يا عم احنا لازم نفكر في طريقة سهلة وبسيطة ونورد بيها لنصر بني ادمين ما يجيش من وراهم اي قلق
جابر
تقصد اية
عزت
اقصد ان حوار سوزي كبر علشان كان وراها خالها المحامي اللي فضل ينكش كتير وماوصلش لحاجة انما لو وردنا لدكتور نصر ناس ماعندهمش اللي ينكش في خطفهم يبقي كدة احنا عملنا الصح مع نفسينا ومع دكتور نصر
جابر
ودول بقي نجيبهم منين يا فالح
عزت
اتصل بدكتور نصر بس وعرفة اننا عايزين نشتغل معاه تاني ولو رضي انا هاقول لك نلاقي فين الناس اللي مايجيش من ورائهم وش لو اتخطفو،،،،،
وفي نفس الوقت ومن جوة شقة شناوي وبعد نص الليل يرن تيلفون البيت فيفتح باب اوضة النوم ويخرج شناوي ويروح ناحية التيلفون وهو قلقان ووراء منه جيهان بتقول
جايب العواقب سليمة يارب انا ما بخفش الا من مكالمات نص الليل دي
ويرد شناوي ويقول
الو
وتبان علية الخضة وهو بيقول
امتي حصل الكلام ده
ويسكت شوية ويقول
طيب انا جاي حالا
ويحط شناوي سماعة التيلفون ويبص لجيهان اللي قلقت جدا وقالت
في اية يا شناوي

-***-

شناوي
عمي مطاوع تعبان اوي واتنقل للمستشفي وعايز يشوفني،،
ومن جوة شقة سالم يقف سالم في اوضتة ويخلع الجلبية النظيفة ويرميها علي الارض ويبدأ يقطع في الجلبية وهو في حالة هياج شديد وبيصرخ فتدخل علية الاوضة زينب وتروح ناحيتة وتقول له
سالم مالك ولية بتقطع الجلبية كدة
سالم
وانتي مالك
ويلبس الجلبية وهي مقطعة ويخرج من الاوضة فتروح زينب وراء منه وتقول
رايح فين
سالم
رايح لعماد خلاص الميعاد قرب
لكن زينب تقف قدامه وتمنعه من الخروج من الاوضة وهي بتقول
سالم يا خويا خليك معانا احنا ما نقدرش نستغني عنك انا وبنتك ملناش غيرك
سالم وهو بيزقها بعيد عنه وبيقول
اوعي يا ولية بقول لك جائيين ياخدوني لعماد
ويخرج من باب الاوضة وزينب بتحاول ان تمنعه ولكنه يزقها بقوة فتقع علي الارض وتتخبط دماغها بالارض فتروح ناحيتها بنتها علشان تطمئن عليها في نفس الوقت اللي سالم بيخرج من باب الشقة فتبص زينب لبنتها وتقول لها بصعوبة
روحي لعمك رشدي المحل وعرفيه ان ابوكي نزل ،،،،،،،
من جوة احدي المستشفيات يقعد شناوي قدام السرير اللي راقد علية عمه مطاوع اللي كانت حالتة حرجة جدا وبيبص مطاوع لشناوي ويقول بصعوبة
انا فرحان انك انت اخر واحد هاشوفه قبل ما اموت
شناوي بحزن
بعد الشر عليك يا عمي ان شاء الله هاتقوم وتبقي كويس

-***-

مطاوع
انا خلاص عارف ان المرض اللي جالي هايخلص علية في اي وقت وانا راضي ومرضي. المهم اني شوفتك علشان عايز اجازيك خير عن كل اللي عملته معايا
شناوي
بتقول اية بس يا عمي انا مش عايز اي حاجة منك غير انك تقوم لي بالسلامة
مطاوع
تعرف انك انت الوحيد في العيلة اللي ديما كنت بتسال علية مع انك عارف اني علي قد حالي. وعارف كمان انك انت ومراتك كنتو هاتجننو لما طلعت من جيبي
5000 ج نقطة لجميلة
شناوي
يا عمي كفاية كلام انت مش قادر
مطاوع
انا خلاص هاموت وارتاح وعايزك من بعدي تعيش مرتاح
ويمد مطاوع ايدة في جيب السديري اللي كان تحت الجلبية ويخرج مفتاح لخزنة ويحط المفتاح في ايد شناوي ويبص شناوي للمفتاح ويقول
اية دة يا عمي

-***-

مطاوع
دة مفتاح خزنتي اللي في الدوار عندي في اوضتي وراء الدولاب اللي في اوضة النوم والخزنة دي حاطط فيها كل اوراق الاملاك والفلوس اللي تخصني واللي ياما خبيت عن العيلة اني غني علشان ما حدش يطمع فيا وهما بصراحة بعدوا عني علشان عارفين اني علي قد حالي لكن يا شناوي انا غني وغني اوي وماحدش يعرف.
ويكح مطاوع ويكمل بصعوبة
كل املاكي كتبتها باسمك والفلوس بتاعتي بقيت ملكك انا ماليش وريث غيرك انت ابني وعيلتي كلها. حلال عليك فلوسي المهم انك تفتكرني وديما تترحم علية
شناوي باكيا
ربنا يخليك ليا يا عمي انا مش عايز حاجة منك غير انك تقوم بالسلامة
مطاوع
وانا مش عايز حاجة غير اني اموت وربنا راضي عني،،،،،
وبعدها بيومين. ومن جوة جنازة مطاوع وشناوي يتقدم العزاء مع اهل البلد ويحملو النعش بتاع مطاوع ويروحو بي الي الجبانة ويتم دفن مطاوع وسط حزن شديد من شناوي،،،،،،
وفي نفس الليلة ومن تحت كوبري اكتوبر ينام سالم علي الرصيف بهدومة المقطعة واللي بقيت كلها طين ويقف قدام منه عربية جابر وهي فيات 128 وجوة منها عزت وجابر ويبص عزت لجابر بعد ما يبصو لسالم ويقول عزت
ايه رايك
جابر
معلم
عزت
اهو ده لو اتقطع ميت حته واتباعت كل حته لوحديها عمر ما حد هايدور عليه
جابر
بس ده هايقلب ريحه العربيه
عزت
فكر في الفلوس اللي هاتيجي من وراء وانت هاتستحمل ريحته المعفنه
جابر
ده انا هاستحمل ريحته وريحه اللي خلفو
عزت
طيب يالا ننزل نجيبه
وينزل الاثنين من العربية ويروحو ناحيه سالم االلي اول ما اقربو منه فتح عيونه وبص لهم وقال
انتم اللي جائيين تاخدوني لعماد دة انا مستنيكم من زمان
ولكن عزت وجابر ما خدوش علي كلامه ورشو بنج في وشة وشالو هما الاثنين وحطو في العربية ومشيو وكان كل دة ببحصل وشايفهم شاب متسول كان قاعد وراء عمود من عمدان الكوبري. وحفظ نمرة العربية، ،،،،،،

-***-

يتبع ….

لقراءة الفصل التالي : اضغط هنا

لقراءة جميع فصول الرواية اضغط على ( رواية لعبة الغدر )

 

[contact-form][contact-field label=”الاسم” type=”name” required=”true” /][contact-field label=”البريد الإلكتروني” type=”email” required=”true” /][contact-field label=”الموقع” type=”url” /][contact-field label=”رسالة” type=”textarea” /][/contact-form]