رواية إلى أحدهم الفصل الثاني 2 بقلم منة العدوي

رواية إلى أحدهم الفصل الثاني 2 بقلم منة العدوي

رواية إلى أحدهم البارت الثاني

رواية إلى أحدهم الجزء الثاني

رواية إلى أحدهم الحلقة الثانية

الي احدهم💜..2
“كانت رسالة من لينك الصراحة..قررت افتح اشوف الرسالة..صراحة فضولي شدني اشوفها..
“فتحت وكانت الرسالة عبارة عن..
_عايز اقولك انك احسن وافضل كاتبه..وسيبك من الكومنت السلبي بتاع امبارح..عشان دي شافت انك ناجحة فقالت تحبطك..لكن انتي اجمل كاتبه..وعايز اقولك كمان انتي قمر والحزن مبيلقش علي عيونك السُكر..ومستني منك اي حاجة تكتبيها يا كاتبتي المفضلة..بحبك
“ابتسمت تلقائي من كلامه..كنت مستنية منه الرسالة دي وعارفة انه كان هيبعت
“اممم صراحة هي مش اول رسالة كانت رسايل كتير كل فترة يبعتلي رسالة
“اقولكم سر..انا بقيت مدمنه رسالة منه
“شخص مجهول لا شوفته ولا اعرفة..بلاقي منه اهتمام بحس بشعور غريب لما بقرا كلامه لكن جميل ..الابتسامه بتترسم علي وشي لما الاقي رسالة منه..بس هو شخص لطيف جدا..

*اماني..انتي صحيتي يا بنتي
“ابتسمت وسبت التلفون من ايدي لما لقيت ماما دخلت وقومت روحت ناحيتها وبوست اديها..ست الكل روح قلبي معلشي يا عيوني جيت كنت تعبانه شويه ودخلت علي طول من غير ما اسال عليكي
“اخبارك اي دلوقتي..واخدتي علاجك
طبطبت عليها بحنان وهي بتبتسم…ولا يهمك يا حبيبتي..واه اخدته يا نن عيني..تعالي يلا اغسلي وشك وتعالي كلي وبعدين تحكيلي مالك
عدا الوقت اكلت وروحت شوفت بابا وقعدت معاه شويه قبل ما ينام

مش ناوية تحكيلي يا نن عيني
“كنت لسه هدخل اوضتي بس وقفت علي صوت ماما..اتنهدت بتعب ولفيت واتكلمت بهدوء..معلش يا عيوني بس مش قادرة اتكلم انهاردة
*ابتسمت وراحت ناحية اماني وحضنتها وباست راسها واتكلمت بحنان..ماشي يا حبيبتي هسيبك انهاردة..يلا ادخلي نامي واستغطي كويس
اليوم عدا..بل عدت ايام كنت في الفترة دي قاعدة في اوضتي بعد ما جات فترة امتحانات اخر السنه لسنه سته طب وخلصت…
“مكنتش بخرج من اوضتي نهائي غير اقعد شويه مع ماما وبابا وادخل تاني
“كانت افكاري متشتته كنت كل فترة الاقي رسالة من البت اللي عامله الاكونت باسم انا حبيبة كريم وكان كومنت سلبي كالعادة

“بس مكش بيعدي اليوم الا والاقي رسالة من المجهول دا لطيفة..كان قلبي بيبقي عايز يرفرف من السعادة لما بشوف رسالته
“العلاقة اتطورت في الفترة الاخيرة وبقي يتبعتلي رسايل ورقية ومرة معاها وردة ومرة معاها شوكولاته..ومرة الاقي كتاب لرواية جديدة
وبدا السنه الجديدة وكانت اخر سنه ليا و
في كلية الطب..

“كنت داخلة الكلية بدور علي كريم..اللي كلامه معايا قل..اهتمامه اللي في البداية قل..بطل يسال علي امي المريضة وبابا اللي حبه وكان بيسالني عليه
“وانا كالعادة كنت بتحجج باي حاجة عشان مبينش قله اهتمامه وبروده الفترة دي
“حسيت وقتها انه مش بيحبني..فجاة وقفت مكاني بصدمه لما كنت رايحة الكافيه وانا متاكدة اني هلاقيه هناك..كان..
“كان واقف مع نفس البنت بتاعة المرة اللي فاتت..كان قريب منها اوي
“كنت جاية اقرب منهم بس فجاة لقيته مسك اديها وباسها
“والصدمه الاكبر اني لقيتها قربت منه وحضنته

“دموعي نزلت غصب عني..وقربت منهم بسرعة واتكلمت بعصبية..كريم اي اللي بيحصل دا
-اتوتر لما شافها وبعد عن البنت بسرعة وقرب من اماني واتكلم بتوتر..اماني..انا معملتش ا ..انا والله دي هي فجاة قبل ما استوعب حضنتني وانتي جيتي وقتها
“مقدرتش استحمل اكتر من كدا وضرب”ته قلم..اسكت يا كداب انا شوفت كل حاجة بعيني
*اااه..صرخة طلعت من اماني لما البنت مسكتها من طرحتها جامد وضرب”تها قلم..اسمعي يا بت انتي..انا استحملت كريم يخطبك بالعافية اساسا
*سكتت وزقتها كانت اماني هتقع بس في ايد سندتها

*لفت اماني والدموع في عنيها..كان هو احمد كانت نفس نظرة الحزن في عينه..بس المرادي كمان كانت عينه فيها لمعة غريبة بس جميلة..عينه كانت زي ما تكون بتقولي اوعي تضعفي انتي شجاعة ..متسكتيش
“اتعدلت بسرعة لما لقيتها بتتكلم بعصبية وفي شر في كلامها
*شوفوا يا جماعة البجحة في حضنه ازاي..سقفت ولفت حواليا وهي بتضحك بسخرية وكملت كلام..اه شكلك قولتي كريم ضحك عليا بس مفيش مانع نلف حوالين احمد
*هه يلا اهو انتوا الاتنين شبه بعض فاشلين ومقرفين

“بصلتها بصدمه ودموعي مغرقة وشي واتكلمت بعصبية..انتي اي..اي كمية الحق”د والك”ره اللي جواكي دي..وانت يا كريم
*وقبل ما اماني تكمل كلامها التانية صرخت فيها بغضب..ملكيش دعوة بكريم..سكتت شويه وكملت وهي بتوجه كلامها لكل اللي واقفين..اسمعوا بقي كريم يبقي جوزي واياك واحد فيكم تبص عليه بصه واحدة بس
“اماني اتصدمت من كلامها فقربت خطوة من كريم واتكلمت والدموع مغرقة وشها..انت يا كريم..انت يطلع منك كدا..طيب ليه..يعني كنت عارف ان صاحبة الاكونت تبقي شرين وكمان مراتك
ليه عملت كدا وانت متجوز شرين

*قربت شرين من كريم ومسكت فيه واتكلمت بسخرية وهي بتبص علي اماني..اتكلم يا كيموا..اتكلم يا حبيبي وقولها
-وفي اللحظة دي توتر وخوف كريم من كشف الحقيقة راح واتكلم بكل برود..انتي اساسا واحدة متسويش ولا تستاهلي اني اخطبك..انا بس لقيت ان الكل هيموت عليكي وانك واخدة شهرة كبيرة في الكتابة..قولت يلا مفيش مانع اهو انا كدا هتشهر والناس تحبني اكتر

-واحب اقولك اني لا بحبك ولا زفت..انا بحب شرين روح قلبي
“وتحت صدمه اماني كريم اخد شرين وسابها
“ليه ليه عمل كدا..انا ..بس فجاة بصيت حواليا وصرخت بعصبية في كل اللي واقف..انتوا لسه واقفين امشوا امشوا
“كانت في عيونهم البعض الحق’د والبعض سخرية والقليل جدا شفقة عليا
“مستنتش لحظة وجريت برا الجامعة وانا مش شايفة حاجة من دموعي اللي مالية عنيا
“في خلال دقيقة كنت صرخت بأعلى صوتي و..
يتبع

• لقراءة الفصل التالي : اضغط هنا
• لقراءة الرواية كاملة اضغط على : (رواية إلى أحدهم)