رواية احتواء الفصل الخامس عشر 15 بقلم عزه محمد

رواية احتواء الفصل الخامس عشر 15 بقلم عزه محمد

رواية احتواء البارت الخامس عشر

رواية احتواء الجزء الخامس عشر

رواية احتواء الحلقة الخامسة عشر

لعله شبيهي الذي انتظرته مُنذ زمن وحان الآن الوقت لنلتقي والتقينا🖤✨
♡♡♡♡♡♡♡♡♡♡♡♡♡♡♡♡♡♡
خرج الدكتور وكلهم جريوا عليه
الدكتور: اهدوا ارجوكم.. الحمدلله قدرنا نغير دمه علي خير
سيف: يعني هو كويس
عزه: عايزة اشوف ابني ارجوك
فارس بلهفه: ايوة عايزين نشوفه
الدكتور بعصبيه: ادوني فرصه اتكلم لو سمحتوا.. احنا اه بدلنا الدم بس لازم يفضل تحت الملاحظه لمده 72ساعه عشان لو حصلت اي مضاعفات.. هو لسه ف مرحله الخطر ومينفعش حد يدخله رجاء يعني عشان مصلحته
ملك بضعف: ارجوك اشوفه حتي لو من ورا الازاز بس دخلني اشوفه
الدكتور اشفق عليها: طب لما يتنقل العنايه المركزه هندخلك بس مش دلوقتي
…..
حسن طلع ومعاه اكياس كتير فيها عصاير واكل عشان الدم ال اتبرعوا بيه
نده شهد: خدي حاولي مع فارس يشربه وانتي كمان عشان ميجيش هبوط ليكم
شهد: ومين جايله نفس يا حسن
حسن: هيقوم بالسلامه متخافيش والله .. المهم لازم فارس يشرب العصير عشان يقدر يقف ع رجله
شهد اومأت براسها وخدت منه الكيس وقعدت جمب فارس: اشرب يا حبيبي
فارس بصلها بتعب وارهاق باين عليه: مليش نفس يا شهد
شهد: فارس

 

 

فارس قاطعها: معرفتش احميه… يبقي جمبي ويتغدر بيه… ازاي انا قصرت ف حقه كده
شهد دمعت متأثره بفارس: ارجوك متقولش كده.. ده نصيب وانت رايح زيك زيه مش حمايه ليه… وبعدين انت لما اتضربت بالنار زعلت منه او حسيت انه قصر ف حاجه
فارس: لا…. بس انا مش بعتبر يحيي صحبي وبس لا بعتبره ابني فاهمه علاقتنا مش اصحاب انا بحس اني مسئول عن يحيي
شهد فتحتله العصير: طب ممكن تشرب عشان لما يفوق يلاقيك جمبه ويسند عليك.. بصتله بعنيها نظره مليانه دفى… عشان خاطر شهدك
فارس خد منها العصير وشربه وهي بتشرب جمبه
حسن قدر يقنعهم كلهم يأكلوا حتي لو حاجه بسيطه عشان خاطر يحيي يلاقيهم جمبه لما يفوق
……….

 

 

عامر وقف جمب حسن: اطمنت ع نهله انها وصلت
حسن: اه… كنت عارف انها رايحه مع عمي؟
عامر بعصبيه لكن صوت واطي: لا طبعا… بتتصرف من دماغها هي اوي ازاي متقوليش.. كانت ممكن تتأذي بسهوله
حسن: هي ممكن محبتش تزعجك
عامر بصله بلوم ولسه هيتكلم لقيوا يحيي منقول ع سرير وحواليه طاقم التمريض ودكتور بيقيس المعدلات الحيويه عشان نقله يتم بسلام
عزة وسيف وملك وجورى واياد حوالين السرير بيحاولوا يشوفوه وفارس لان طويل فكان شايفه بوضوح
عزه متحملتش تشوفه كده واغمي عليها بين ايدين سيف
اما ملك انهارت تماما وهي شايفه وشه اصفر جدا وجسمه هذلان وواضح عليه التعب
سندتها شهد وقعدت جمبها حاولت تهديها: متعمليش كده بإذن الله هيبقي كويس عشان خاطرع بلاش تعملي كده ف نفسك
ملك بصراخ وعياط: ياريت كنت انا ياريت كنت انا وهو لا
شهد حضنتها وبقيت تعيط معاها
سيف شال مراته دخلها اوضه ف المستشفي والدكتورة ادتها حقنه مهدئه وعلقت ليها محاليل
ـــــــــــ

 

في فيلا الشرقاوي
ندى قاعده قدام اللاب بتاعها بتختار ديزاين لبس محجبات عشان تبعته للديزاينر بتاعها يعمله ليها
وقدامها شاشه التلفزيون شغاله لكن مكنتش مهتمه
بتشرب النسكافيه بتاعها ولفت انتباها النص التاني من الخبر
“تم القبض علي راضي الشرقاوي” بصت للشاشه بزعر وقرأت ااخبر بهمس ورعب:
«تم التوصل لمؤسس العصابه الارها.. بيه التي تُدعي الغول وتم القبض عليه وهو راضي الشرقاوي رجل الاعمال المشهور»
شهقت بصدمه ومسكت تليفونها تتصل بيه مش متاح اتصلت ع المحامي مردش عليها.. كلمت حسن وهي بتعيط ومنهاره
: حسن.. بابي… بابي هو الغول… ازاي حسن رد عليا بليز
حسن مدايق عشانها جدا وفكر كتير قبل ما يساعد الشرطه بس ضميره مسمحش ليه غير بالصح: ارجوكي اهدي انا جايلك حالا
…. قفل معاها ومشي ناحيه فارس وعامر: ندى عرفت حقيقه باباها لازم ابقي جمبها .
عامر: خد بالك منها ومن نهله يا حسن
زياد بص لعامر بغيظ وسكت لانه مش الوقت المناسب وعقد نيته علي اتمام الي بدأه😶
حسن اتحرك لبيت ندى بسرعه
ـــــــــــــ

 

 

بعد ساعتين كان وصل فتحتله الداده
حسن دخل وبص بعنيه ع ندى: ندي فين
الداده: ف اوضتها يا ابني مش راضيه تفتح لحد وبتعيط… جرى ع السلم وصل لأوضتها خبط فتحتله واترمت ف حضنه: حسن بابا هو ال عمل كل الجرائم دي
حسن بص لوشها الغرقان دموع بشفقه علي حالتها فضم راسها ليه: ايوة يا ندى للاسف هو… مش عايزك تنهارى ارجوكي استقوي بيا وانا اوعدك عمرى ما هسيبك ولا اخذلك ابدا
ندى بصدمه: انت كنت عارف ان بابا كده
حسن بص للارض: ايوة يا ندى…. مكنش ينفع اقولك…. ارجوكي تفهمي موقفي
ندى بصراخ: انا ليه بيحصلي كده حتي بابي طلع كده ليه ليه
حسن حضنها وحاول يهديها: النصيب يا ندى نصيبنا كده يا حببتي.. ارجوكي اجمدي ارجوكي
فضل جمبها لحد ما نامت
ـ،،،،،، ـ
عدي 3ايام فارس مكنش بيتحرك من قدام اوضه يحيي وملك واقفه من ورا الازاز تشوفه وقلبها بيتقطع عليه
عزه فاقت والدكتور طمنها ان يحيي حالته في تحسن بس منعها تشوفه عشان متنهارش تاني
جورى واياد بيروحوا يجيبوا لبس لمامتهم وباباهم وملك مامتها وباباها جم المستشفي قعدوا معاهم
عامر وشهد وزياد كانوا بيروحوا يناموا ويرجعوا الصبح بس شهد كانت بترجع تبات ف المستشفي مع فارس بعد ما تجبله غيار ليه والاوضاع شبه مستقره مستنيين يحيي يفوق 🥺💔
الممرضه ال بتتابع حاله يحيي خرجت تجري ع مكتب الدكتور ال خرج معاها يجري هو واتنين دكاتره تانيين.. حاله من الربكه ف المستشفي
سيف وعزه وملك وفارس وشهد وقفوا من الخوف والرعب عنيهم بتدور بين الدكاتره
ملك استغلت حاله الهرج دي ودخلت الاوضه ل يحيي ووقفت في كورنر بعيد عشان محدش يشوفها.. كتمت شهقتها لما سمعت…

 

 

الدكتور بصريخ: هاتي جهاز الصدمات بسرعه بسرعه القلب وقف
الممرضه ادتهوله وهو فضل يحاول انعاش القلب ولكن مكنش فيه نتيجه الجهاز صفر اعلن عن انتهاء حياته ملك بتصرخ بصوت مش مسموع لان الصراخ من قلبها دموعها غرقت قلبها قبل وشها جريت عليه وبعدتهم كلهم وحضنته وهي بتبكي: قوم عشاني ارجوك قوم اانا مش هتحمل اعيش لحظه واحده من غيرك… يحيي انا مش هقدر يا يحيي متسبنيش
😭😭😭😭😭😭😭😭😭😭😭😭😭😭
شهد بتهز في ملك وبتهمس: ملك. بت.. يا ملك اصحي… ملك انتي بتحلمي اصحي
ملك فتحت عنيها بزعر وقامت بتعيط: يحيي يحيي
شهد حضنتها: اهدي بس ده كابوس متخافيش انتي نمتي علي كتفي واحنا قاعدين
ملك بتعيط بوجع ف قلبها الكابوس مكنش سهل عليها ابدا
المشهد بيتكرر الممرضه بتطلع تجري للدكتور والدكتور بيطلع من مكتبه يجري ومعاه دكاتره تانيين ملك قامت تجري وراهم دخلت بس لقيت يحيي مفتخ عنيه وبيبتسم ليها بضعف
الدكتور قاس مؤشراته وبص تجاه ما يحيي مركز
الدكتور: حمدلله ع السلامه يا سياده الرائد
يحيي بضعف:الله يسلمك.. ملك.. قربي
ملك قربت منه وهي بتعيط: انت بجد فوقت يعني ده مش حلم.. انا كنت بشوف كوابيس كتير اوي انا خايفه يطلع حلم يا يحيي

 

 

يحيي مسك ايديها: مش حلم يا قلب يحيي
الدكتور: هنسيبك شويه بس بلاش كلام كتير
يحيي شاورله وخرجوا وبقيت ملك مع يحيي لوحدهم
يحيي شاورلها علي قلبه
ملك: مالك يا حبيبي ف حاحه وجعاك
يحيي : ده مشتاقلك قربي يا ملك
ملك نفسها تحضنه وفي نفس الوقت مش عايزة تغضب ربنا… انقذها دخول فارس: يحيي اخيرا فوقت انا كنت هروح وراك كده يا صحبي تخضني عليك هونت عليك تعمل كده فيا
يحيي ابتسمله: للدرجه دي غالي عليك يا فروسه
فارس: رخم بس بحبك اعمل ايه اخويا مش صحبي.. حضنه بحذر: يارتني كنت بدالك
يحيي: بعد الشر عليك… خليني اخد اجازه كبيره بقا وبص ل ملك وغمز
ملك اتكسفت وطلعت بره
دخلت اوضه عزه: طنط عمو يحيي فاق
عزه ابتسمت وطلعت تجري مع ملك لاوضته
اول ما دخلت حضنته: ابني حبيبي كده يا يحيي تخضني علييك مش قولتلك تاخد بالك من نفسك يا ابني ليه كده يا حبيبي ليه

 

 

يحيي: غدروا بينا يا امي
: منهم لله ربنا ينتقم منهم واحد واحد
سيف بوجع وكسره: ضهري انحني في رقدتك دي يا يحيي
يحيي: بعد الشر عليك يا بابا.. ما انا زي القرد اهو يا جدعان.. عايز اخرج تجوزوني البت ملك بسرعه
عزه ضحكت وملك اتكسفت: يا واد انت ف ايه ولا ايه
يحيي: يا ماما عايز افرح بقا
شهد دخلت: الف سلامه عليك يا يحيي وقعت قلبنا
يحيي: انا حبايبي كتير عارف عارف.. ضحك…. لا بجد مش مفروض نتجوز يا فارس
دخل الدكتور: ايه الزحمه دي غلط كده يا جماعه ونتجوز ايه يا سياده الرائد انت محتاج شهرين تلاته عشان ترجع زي الاول
يحيي كشر: لا كتير انا اخركم اسبوع
فارس ضحك وميل عليه اتكلم بهمس…… يحيي بصله بغيظ وهمسله: وقح
فارس ضحك جامد
يحيي: احم.. طب اخركم شهر
ملك: اخرج من هنا بس وانا هكتب عليك جامد اوي
يحيي ضحك جامد ف كح اوي
الدكتور: من فضلكم بره كلكم
يحيي بص لملك: خليها.. خليها جمبي
عزه بتكلم سيف: شايف الواطي ابقي هموت عليه بره وهو عايز ملك ماشي يا ابن سيف ماشي
سيف ضحك: شغل الحموات هيبدأ

 

عزه بصتله بلوم: يعني الاولي يخلي امه ولا ملك جمبه بذمتك انت
سيف باس ايديها وخرجوا سوا: لو انا مكانه هختارك انتي جمبي فهمتي
عزه: بعد الشر عليك يا حبيبي ربنا ميوجعش قلبي عليك ابدا
فارس سحب شهد ودخلها اوضه جانبيه وحضنها جامد في البدايه كانت مستسلمه ودايبه ف حضنه بعدها فاقت ان ده مينفعش يحصل: فارس.. امم فارس ابعد كده غلط
فارس: مش قاادر.. محتاج حضنك اوي
جورى كانت نايمه ع السرير ف الاوضه دي واياد ع السرير ال قصادها سمعت صوتهم فتحت عنينا وداست ع النور فتحته: الله الله ايه ده يا ست شهد
شهد بعدت عن فارس بسرعه: جورى جورى ده من فرحتنا بيحيي فاق
اياد كان صاحي بس اتكسف يحرج شهد وفارس فكمل وعمل نفسه نايم بس اول ما سمع جمله شهد: قام جري ووراه جورى ع اوضه يحيي
*****

 

 

ف اوضه يحيي الدكتور خرج وبخفه يحيي سحب ملك وقعت ف حضنه وبيهمس في ودنها: وحشتيني اوي
ملك مقدرتش تقاوم حضنه: يحيي انت كمان وحشتني بس… بس كده مينفعش
يحيي بعد عنها وبص في عنيها: غصب عني عارف انه غلط بسس غصب عني انا لاخر نفس فيا كنت بنطق اسمك حروف اسمك كانت علي شفافيفي لحد ما فقدت الوعي… اتنهد بوجع… كنت خايف اموت وتنسيني وحد غيري يتجوزك
ملك حطت ايديها علي قلبه: بعد الشر عنك يا حبيبي… ملك حياتها مقرونه بحياه يحيي… انا كنت مستعده اعيش عمري كله وحيده لو انت يعني مكنتش حسيت بحاجه نحيتي
يحيي ابتسم بضعف: كنت غبي اوي
ملك: انت اجمل راجل ف الدنيا متقولش ع نفسك غبي يا حياتي
…..
جورى واياد دخلوا جروا ع يحيي حضنوه
جورى: الحمدلله الحمدلله كنت مرعوبه عليك يا ابيه
اياد بيبوس راسه: انا.. انا كنت هموت من الرعب انت غالي عليا او يا يحيي وبحبك اوي
يحيي ضحك وحضنهم: طبيعي بتحبني انا اتحب يلا 😂❤… ربنا ميحرمنيش منكم ولا من حبكم
اياد بصله وابتسم: انت تستاهل الحب فعلا يا يحيي البلد كلها هنا جم اتبرعوا بدم ليك.. بس مهما حد اداك دم مش قد فارس فارس اتبرع ب 10اكياس وكان مستعد يتصفي بس انت تقوم
يحيي اتأثر جدا ومسح شعره لورا وابتسم : فارس اخ مش مجرد صديق ،ال بينا اكبر من الوصف ده عمر بحاله يا اياد… ربنا يخليكوا ليا يارب
ــــــــــــــــــــــــ

 

 

حسن فضل مع ندى فتره طويله بيحاول يخرجها من حزنها وبيحاول ينسي نهله عامر لكن طروحهم اكبر من انها تتنسي
… بعد الحجز ع جميع املاك راضي الررقاوي حسن خد ندى لبيته مع نهله
بعد مرور شهر 🤩🤩🤩🤩🤩🤩🤩
في صباح يوم جديد
حسن دخل البيت لقي نهله وندى مولعين ف المطبخ كعادتهم
اتسحب لاوضه ندى لقي فونها ع التسريحه فرن علي فونها
ندى سمعت صوت الفون دخلت اوضتها
حسن شدها لحضنه: وحشتيني.. واضح ان علاقتك اتحسنت بنهله لدرجه انك نستيني خالص
ندى ضحكت: عوضتني كتير… حسن انا يعني عايزة اقولك حاجه
حسن باس راسها: قولي يا عيوني
ندي: لو لسه يعني عايزني يبقي نكتب الكتاب ونسافر كلنا
حسن بفرحه: طبعا عايزك طبعا.. بس مش هنعمل فرح ؟!
ندى بوجع: مفيش داعي انا محتاجه ابقي جمبك وبس ونسافر بره مصر يمكن اقدر ابدا من تاني بعيد عن ماضي بابا
حسن حضن راسها: خلاص يا حبيبي هكلم مأذون يجيلنا بالليل
ندى: ماشي يا حبيبي هطلع احضر الاكل مع نهله
حسن بمشاكسه وغمز: طب ما تحضريلي الحمام احسن
ندى ضربته براحه ع كتفه: وسع يا حسن
حسن ضحك واداها بوسه ف الهوا: مسيرك يا قطه تقعي تحت ايدي
ندى جريت لبره وهي بتحاول تخفي ابتسامتها
…….

 

 

نهله كانت ف المطبخ سرحانه في اول مره حست بحاجه تجاه عامر
فلاش باك 🥺
دخلت هي وفارس النادي (اليوم ال شهد شافتهم وعيطت يارب تبقوا فاكرين 🥺🥺)
وقعدوا ع تربيزة
نهله: حضرتك جبتنا النادي ليه ده زحمه اوي وممل
فارس بملل وهو بيتلفت نفسه يلمح شهد لانه عارف اننت بتبقي ف النادي الوقت ده: عامر بيه ال طلب كده مش انا
نهله: وهو فين طيب
عامر: انا هنا اهو
نهله ابتسمت وسلمت عليه
عامر: تقدر تمشي يا فارس لو مستعجل ع حاجه بدل ما قاعد تتلفت كده
فارس همسله: شهد مش مفروض تبقي ف النادي دلوقتي
عامر: اكيد روحت روحلها.. وضحك
فارس لم حاجته وقام
عامر ابتسم: تشربي ايه
نهله: ميرسي … انا بس عايزة اعرف حضرتك طلبتني ليه
عامر: اول حاجه لازم تشربي طبعا تاني حاجه هطلبلك ع ذوقي عصير توت بيعملوه حلو اوي هنا ثالثا بقا هنتكلم بعد ما نشرب العصير
نهله ابتسمت: ال حضرتك تشوفه
عامر وابتسامته مفارقتش وشه: حضرتي شايف كل خير
طلب العصير وشربوه وهم بيتكلموا

 

 

عامر: هايل جدا طالما تقدرى تلعبي ف برمجه الكاميرات وتوقفيها وتجيبي الورق يبقي تمام
نهله: ايوة انا شاطره جدا ف البرمجيات واقدر اخترق اي برنامج..
عامر ف سره: صادقه والله وشكلك اخترقتيني
احم… اتكلم بجديه.. لو في خطر بنسبه ضئيله جدا لدرجه انها لا تُذكر يبقي فركش ومتعمليش حاجه.. انا بالنسبالي سلامتك وامانك اغلي من اي حاجه
نهله ابتسمت بفرحه ع الشعور الجميل ال وصله ليها فكره ان حد يقدم امانك وسلامتك علي مصلحه شغله ومش اي شغل دي قضيه بقاله عمر بيحاول يخلصها ومش قادر: متقلقش انا هعرف امن نفسي كويس
عامر بحنان: ازاي مقلقش بس… نهله احنا من وقت شغلنا مع بعض وانا بقلق عليكي جدا
…….
باك
فاقت من شرودها ع صوت ندى
: ايه يابنتي كل ده سرحان
نهله حاولت تخبي دموعها ودخلت اوضتها بسرعه تسمح لنفسها بالانهيار
ــــــــــــــــــــــ
فارس بيتغدي مع شهد
فارس: يعني ايه مش عايز يطلع يتغدي دلوقتي
شهد: مش عارفه بس هو قالي مش جعان وعنده حاجات ضروري بيعملها ع اللاب
فارس: مش مطمنله بيختفي كتير ع الللاب زفت
شهد: هيكون بيعمل ايه يعني ده زيزو
فارس: زياد مش صغير زياد في اعدادي يعني سن خطر
خرج زياد من اوضته: باركولي
شهد وفارس بصوا لبعض: ع ايه
زياد ابتسم: عرفت من اياد انه كلم انس ابن خاله وخلاه يقدمله في جامعه بره يدرس طب فطلبت منه اني يساعدني اقدم ورقي عشان اسافر بره اكمل تعليمي وفعلا ورقي اتقبل
شهد اتصدمت: هتسافر بره فين وتسيبني يا زياد
زياد ضحك بسخريه: اسيبك ايه بس ما معاكي فروسه

 

 

شهد قامت حضنته: بس انت اخويا يا زياد مقدرش
استحمل بعدك عني
زياد: شهد ارجوكي كفايه انا مش صغير انا قررت وورقي اتقبل خلاص
فارس: وبابا عارف
زياد: هقوله لما يجيي ولازم يوافق مينفعش يقف قدام حلمي اني ادرس بره
ـــــــــــــــ
عزه: وانا قولت دراسه بره لا يعني لا يا اياد عايز تسافر وتنساني وتحرمني منك.. يبقي اخوك في الجيش وانت بره مصر اتحرم من ولادي… عايز تبقي زي شهاب وولاده سافروا نسيونا… شهاب ال مكنش بيقدر يبعد عني لحظه فارق بالسنين ولا همه وانت هتبقي زيه.. يخساره حبي واهتمامي بيكم حبيتكم زياده واتعلقت بيكم زياده واول ما تكبروا وتستغنوا بتستغنوا عني…. ههون عليك يا اياد
اياد: يا ماما دول سنين الدراسه بس وهنزل اجازات وهبقي معاكي ع طول ع التليفون ومكالمات فيديو بقا
عزه قعدت ع الكنبه بتعب : نفس كلمتين ال سمعتهم من خالك.. دول سنين الدكتوراه بتاعت هاجر بس وهننزل اجازات وهكلمك فون وفيديو فضل محتفظ بوعده سنه وبعدها بيفتكرني كل فين وفين ومراته ال كانت زي اختي بعدته عني لما شيطانها قوي عليها.. متعرفش انها حرمت اخت من اخوها.. فضل يتحجج انه مش هيقدر يقعد ف البلد عشان اهلنا ماتو لكن هو مبيعرفش يكدب بيبان عليه…. هي ال بعدته وانت مسافر مش تدرس طب انت مسافر لبنتها تمارا هانم مش كده يا اياد
ايادبكسوف: ماما انا.. انا فعلا عايز اتعلم هناك ومش هخلف وعدي.. وكمان مش هنكر حبي لتمارا لان حضرتك عارفه اني مكدبش
عزه: وتتعلم وتتجوزها وتربطك هناك زي ما هاجر عملت ف شهاب مش كده
اياد: اول مره اشوفك بتتكلمي كده عن طنط هاجر
عزه بحزن شديد حضنت ابنها: عشان كنت بعمل حساب العيش والملح واقول معلش شيطانها استقوي عليها… كنت بنشغل بيكم وب سيف.. لكن لما انت تسافرلهم وترجع تاني مشاعرك لبنتهم.. مشاعرك ال مغابتش لحظه ف غيباها يبقي لا يا اياد انا مش هشوف وجع تاني المره دي الوجع اكتر واكبر انت ابني حته مني…. هاجر مش هتاخدك مني وتحرمني منك… هي بنتها لازم تتحرم منك زي ما.. زي ما بنتي اتحرمت من حب حياتها
اياد دخل اوضته وهو مدايق ومتعصب جدا
جورى كانت سامعه نقاشهم من اوضتها وكتمت صوت بكاها في المخده زي كل يوم ونامت
ــــــــــــــــــــــــــ

 

 

عامر: بس انت صغير اوي ع السفر بره مصر يا زيزو
زياد: بس محتاج اسافر واتعلم بره اكيد الفرصه احسن انا قدمت ف مدرسه بتهتم بالذكاء والقدرات العاليه ونجحت ف الاختبارات وورقي اتقبل ارجوك متقفش في طريق نجاحي
عامر ابتسم بفرحه علي طموح ابنه مفهمش ان ابنه عايز يسيب البلد بسببه: وانا مش هقف ابدا ف طريقك يا زيزو وعايزك ترجعلي الدكتور زياد الخولي
زياد خزن جدا كان نفسه يتمسك بيه حتي لو شويه بس واضح انه مصدق عان يخلي الجو ليه: اوعدك اني هرجع الدكتور زياد الخولي ال محدش هيعرفه
شهد: بابي بس هو ازاي يسيبنا كده مينفعش
فارس: ايوة هو لسه صغير واحنا مش متعودين حد مننا يبعد
زياد بص لشهد ومش ناحيتها حضنها: بتحبيني صح.. بتتمني ليا الخير… نفسك ابقي سعيد ومبسوط. يبقي تسيبيني اسافر وانا هاجي اجازات واكلمك علي طول
شهد حضنته بقوه:زياد انت اه الصغير بس انا مقدرش اتخيل حياتي من غيرك يومي من غير نصايحك واهتمامك بيا يومي من غير ابتسامتك الجميله دي.. عارف انت لو مش اخويا كنت بقيت الكراش بتاعي اصلا
فارس: نعمممممممم! وانا اعمل ايه بقا شاي بلبن
شهد ضحكت وزياد ابتسم ودخل اوضته
وكتب في مذكرته
«حتما سأعود ولكن ليس كطفل بل كرجل يجيد تحريك الامور»

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)