رواية احتواء الفصل الرابع عشر 14 بقلم عزه محمد

رواية احتواء الفصل الرابع عشر 14 بقلم عزه محمد

رواية احتواء البارت الرابع عشر

رواية احتواء الجزء الرابع عشر

رواية احتواء الحلقة الرابعة عشر

في مبني المخابرات بالتحديد في غرفه العمليات
المقدم عامر والرائد فارس والرائد يحيي ومعاهم عناصر اخري مهمه سواء من الداخليه او من الجيش
عامر واقف يشرحلهم ع بروجكتور: عناصر الشرطه هتكون ماشيه وراهم ومحوطاهم طول فتره السير البري وزمايلانا في البحريه هيكونوا متوليين البحر الاحمر كله والقوات منتشره بشكل خفي
اما عناصر الجيش فهتكون مستنيه ع الحدود في حاله هرب اي عنصر من الخليه اللعينه دي هتتولوا امر القبض عليه حد عنده استفسار
يحيي: طب هو مؤكد ان الغول هيبقي موجود ف العمليه دي
عامر افتكر نهله فابتسم بوجع: اه متأكدين لاننا احنا ال خلناه يقرر يحضر بنفسه
فارس: احم معلش هقاطع معاليك يا سياده المقدم هو مش ممكن يشك خصوصا ان دي اول عمليه ليه في وجود العميل ن
عامر: لا دي مش اول عمليه احنا ادناه الامان ف كذا عمليه لانهم مكنوش كبار اوي وكنا بنقدر نسيطر عليهم بمجرد ما يوصلوا التجار…. لكن المره دي عمليه كبيره وكمان عناصر القضيه مكتمله ومعانا الورق ال يثبت عليه جميع التهم طول السنيين الفاتت
فارس: تمام يا فندم
عامر: حد عنده اي استفسار تاني… تمام هنبغل القيادات في القوات البحريه بضروره الاجتماع السري مع عناصرنا عشان ينسقوا الشغل…. رائد يحيي هتتولي انت التنسيق مع الشرطه ورائد فارس يتولي التنسيق مع القوات البحريه بالاخص العقيد سيف عز الدين
تمام يا فندم
بعد ما انتهوا من توزيع المهام خرج فارس ويحيي ع مكاتبهم
ـــــــــــ

 

 

يحيي دخل بالنسكافيه بتاعه: مكنت انسق انا مع بابا وانت تنسق مع الشرطه مع عامر بيه
فارس ضحك: انت فاكر لما مسكت شغل ما عمي سيف عملت ايه.. كنت بتمليه طلبات والدتك ف التليفون اسكت يا يحيي والنبي 😅
يحيي بصله بغيظ وشرب نسكافيه: الشغل مع بابا مريح لكن عمك الصراحه صعب اوي
فارس قام قعد قدامه: بصراحه مشوفتش زي والدك.. عمي سيف بحسه من كوكب تاني بياخد كل الامور عادي وبهدوء وسبحان الله شغله كله ماشي زي السكينه فالحلاوه
يحيي خمس ف وشه: الله اكبر.. دي دعوات زوزه ليه عارف لو بتدعيلي نص ما بتدعيله كنت فلحت
فارس ضحك بألم: ربنا يخليكوا لبعض… اليتم وحش اوي ربنا ميحرمش حد من اهله . انك تترمي ف حضن مامتك وتنطق حروف اسم كلمه ماما دي بالدنيا
يحيي طبطب ع كتفه: ما امي امك يا فارس احنا اخوات
فارس : ربنا يعلم انا انت فعلا اخويا ال طلعت بيه من الدنيا
يحيي بيحاول يهزر ويفك الجو فأتكلم وهو بيقلد الستات الكبار : خلاص بقا يا سي فارس انا دمعتي قريبه ايوة والله وممكن اعيط واقلبلك المكتب ده حمام سباحه
فارس ضحك غصب عنه ورجعوا لشغلهم تاني
ــــــــــ

 

 

شهد وملك بينزلوا التدريب عادي وهم مروحين سوا
ملك: شهد
شهد: اممم
ملك: مش مفروض ننزل نشتري حاجات لجوازنا… يحيي مستعجل اوي وهيكلم بابا ع الفرح اول ما عمو سيف يرجع
شهد: وفارس برضو… بس انا معرفش مفروض اشتري ايه
ملك: بصي هو فارس عنده شقه مش كده
شهد: اه بس معرفش فارشها ولا ايه
ملك: طيب عموما يعني احنا نبدأ بالحاجات ال هنعرف نجيبها لوحدنا مثلا نبدا باللبس
شهد ضحكت: اللبس…ال هو اصلا اكتر حاجه عندنا
ملك ضحكت: يابنتي لبس العرايس دماغك فين
شهد ضيقت عنيها في حركتها المعتاده: اممممم قولتيلي
ملك: بلاش نظراتك دي… اصل يعني… اخ يا يحيي الكلب بس برضو بحبك… هو ال فتح معايا الحاجات دي
شهد: وازاي يتكلم ف حاجه زي دي مخفش من جورى
ملك: كان بيكلمني ف الفون السافل…. همست.. بيقولي اكتر من الفوشيا
شهد ضحكت جامد: اي ده بجد ده مش بيتكسف خالص
ملك: يوووه ده الكسوف ميعرفش يحيي يستي اسكتي.. انا مكنتش واخده بالي انه باد بوي اوي كده
شهد غمزت: شكله واقع يا لوكا
ملك: نص وقعتي والله… بقولك المول ده حلو تعالي ننزله نشتري منه
شهد: انا عايزة اعرف ايه ال مفروض اجيبه للمطبخ والنيش سمعت ان دي اهم الحاجات
ملك: بصي هخلي مامي تكتبهم ف ورقه كبيره وننزل نجيب سوا وال نجيبه نعلم عليه
شهد: حلو جدا ♥
ـــــــــ

 

 

ندي وحسن في كافيه سوا
حسن: وحشتيني
ندي: وحشتني اكتر…. مش هتكلم بابا بقي يا حسن انا مش حابه نتكلم كتير من غير خطوبه
حسن بوجع: هكلمه.. اكيد هكلمه والله بس اديني وقتي عشان لما اتقدم يوافق
ندى ابتسمت: كل الوقت يا حبيبي انا مستنياك
حسن: قوليلي بقا عملتي ايه ف يومك و احكيلي بقا
ندي: بص يا سونه اليوم كان جميل صحيت وخدت شاور وصليت.. عارف الصلاه دي اجمل حاجه بتريح اوي انا كنت محرومه من حاجه جميله اوي…. ندمانه علي عمري ال فات كله من غير صلاه
حسن: ربنا يثبتك يا قلبي.. فعلا الصلاه مريحه ربنا يرد تارك الصلاه للصلاه… كملي بقا
ندى: نزلت النادي مع ملك وشهد الصبح وكان معاهم جورى القمر دي… بجد رمز جميل اوي للحجاب والدين ف نفس الوقت فرفوشه وبتضحك وبسيطه ومتواضعه
حسن ابتسم بحب: انا فرحان بيكي اوي…. من عادات البنات لما يلاقوا بنت كويسه مش بيمدحوها لا دول بيختلقوا عيوب.. وكمان يخافوو يجملوا فيها لكن حبيبتي جميله القلب والقالب واثقه من نفسها محبه للحوليها 💜مش حقودة ولا منفسنه حببتي سويه ومفيش في روحها اتنين
ندى عيونها دمعت لانها اتأثرت جدا: حسن انت السبب ف اي حاجه حلوة عندي او بقيت عندي لو كنت قابلت جورى قبل ما انت تدخل حياتي كنت اكيد كرهتها وحقدت عليها.. انت نسيت انا كنت بكره شهد ازاي
حسن بحنان مسح دموعها: حسن جمبك في كل وقت وف اي وقت .. انتي من جوا نضيفه عشان كده رجعتي للصح بسهوله… انتي جميله وتتحبي يا ندى صدقيني ❤
نسيبهم يحبوا ف بعض عشان مرارتي 🙂
ـــــــــــــــ

 

 

راضي مع المحامي في مكتبه
راضي: عايزك تتطمن علي الحسابات ال في سويسرا وامريكا بأسم ندى بنتي
المحامي: متقلقش يا راضي بيه انا بطمن كل شهر.
راضي بتركيز: لو العمليه ال جايه دي تمت ودخلنا السلاح والعناصر البشريه… هنكسب الماظ مش دهب
المحامي: هتم يا باشا.. هتم زي كل مره
راضي: لا المره دي الكميات كبيره والمكسب كبير… عشان كده هحضر بنفسي واشوف البضاعه بعيني
المحامي: مش خطر عليك
راضي ضحك بثقه: طلعت كذا عمليه والبوليس شكله نايم علي ودنه.. مبيتعبش نفسه وبيستني البضاعه توصل للتجار وللسوق السودا ويبدا يقبض عليهم ويلمها…
المحامي: ال تشوفه يا راضي باشا انا هستأذن عشان اشوف شغلي
راضي: اتفضل انت
…..
خرج المحامي و بعت مسج من رقم خاص (ميظهرش الرقم خط برايفت) لعامر الخولي فيها تفاصيل العمليه وارقام الحسابات ال بأسم ندى واماكنها وكتب تحتها (العمليه دي اخطر من اي مره عشان كده مقدرتش اسكت وكمان راضي هيبقي موجود فهيبقي القبض عليه متلبس وكل الادله عندكم ياريت تلحقوا تنضفوا البلد من امثاله).
_ــــــــــــــــ_
عدي يومين مفيش اي احداث تذكر ولا في جديد
««في مبني المخابرات»»
عامر ورجالته بدأو يتحركوا وسبقهم فارس ويحيي بالقوات
وسيف وفريقه منتشرين ف البحر
،،،،،،،
في شركه راضي الشرقاوي
نهله بقلق: وانا احضر معاك الصفقه ليه
راضي: انتي ذكيه يا نهله وهتفهمي شغلي بسرعه وهتعرفي تساعديني فيه كمان
نهله خافت يشك فيها:طيب هجهز واجي
طلعت من عنده وفكرت تبعت رساله ل عامر تقوله بعدين فضلت انها تفضل بعيد احسن وخدت شنطتها ومشيت معاه
ـــــــــــ

 

 

في الطريق البري
واحد من الفريق مع عامر: سياده المقدم جاتلنا اشاره انهم اتحركوا من مقر الشركه
عامر: ممتاز يفضلوا وراهم واحنا هنستعد ف المنطقه قرب الشط عشان اول ما ينزلوا نطلع وراهم والعقيد سيف يتعامل معاهم ف البحر
: تمام يا فندم
ـــــــــــ
يحيي: تفتكر هنرجع
فارس بصله بقلق واستغراب : أول مره تقول كده مالك
يحيي فك اول زرار من بدلته الميري: مش عارف بس عندي احساس اننا مش هنرجع
فارس: هنرجع يا صحبي هننضف البلد ونرجع لبيوتنا بإذن الله.. ثق في الله وتوكل
يحيي: يارب
ـــــــــــ
سيف قلبي🙈🖤 .. احم العقيد سيف (هذا قره عيني خدوا بالكم) واقف ببدلته الميري باللون الكحلي وشعره اختلط بالقليل من الابيض هيبته ذادت مع العمر وشموخه ووقاره بيزيد يوم عن يوم…. واقف مع فريقه بيديهم التعليمات وازاي يتعاملوا عند تبادل إطلاق النار
سيف: اهم حاجه الايمان بالله لازم تبقوا واثقين ان ربنا هينصرنا لاننا بنسعي في الخير وبنقضي علي العناصر الفاسده الي بتقتل ولادنا واخواتنا…. انت هنا بتحارب بنفسك ولنفسك ولوطنك … اي استفسار يا وحوش البحر.. تمام بسم الله عليه توكلنا
ــــــــــــ

 

 

راضي طلع اليخت ال هيتم فيه تسليم الاسلحه وعامر بيراقبهم من المكان ال وقفوا فيه من خلال المنظار.. شاف وحده طالعه مع عامر فكر انها ممكن تكون نهله بس نفي الفكره لان لو نهله كانت قالتله
عدي وقت وسيف بيراقب هو وفريقه من خلال مناظير السفن ولاحظ وصول سفينه مشحونه بالاسلحه
ادي اشاره لعامر وبعدها عامر اتحرك هو وقواته بخفه عشان ميلفتوش النظر و في نفس الوقت سيف وقواته حاوطوا السفينه المحمله بالاسلحه
،،،، ف
ي نفس الوقت ده كان فارس ويحيي وقواتهم بيمسكوا العناصر البشريه ال بيتم تهريبها من الحدود بطرق غير قانونيه
فارسء بص ليحيي وهم ماسكين اتنين: مش قولتلك هنرجع هننضف البلد ونرجع
يحيي ابتسم بوجع وبعدها بص علي جمبه لقيه سايح في دمه بص لفارس وطول في نظرته
فارس: مالك يا يحيي.. امسك يبني طلع دول ع العربيات
قرب فارس من يحيي: مالك… ايه الدم ده
يحيي مسك فارس وهمس بتعب: أمى.. ملك… ملك
فارس اتجنن بيشوف دم صحبه قدامه وفي المنظر ده خلع الشال ال كان حوالين رقبته وكان تذكار من شهد ولفه حوالين الجرح وشاله وجري بيه علي العربيه واتحرك لاقرب مستشفي
فارس: ارجوك متفارقنيش يا يحيي مش هينفع يا صحبي الرحله هتبقي صعبه عليا من غيرك
يحيي ابتسم بتعب: حا.. سس ان.. ها الن الن.. هايه وقفل عنيه و..
ــــــــ

 

 

عامر وصل اليخت ال عليه راضي والرجاله ال سلموه الاسلحه
عامر وفريقه وراه دخل اليخت و رفع سلاحه: سلم نفسك وقعت يا غول…. نهله!!!!!!!!
راضي بصله وبص لنهله لاحظ نظراتهم لبعض حس ان بينهم حاجه شدها بسرعه ناحيته وحط السكينه بتاعه الفاكهه علي رقبتها
: لو قربت خطوه هقتلها
نهله بدموع: متسيبهوش يا عامر اقبض عليه
سيف كان بره بقواته وقدر يمسك العصابه بالاسلحه
اما ف اليخت
عامر: ال بتعمله ده مش هيفيدك
راضي ضحك بإستفزار وشر: ليه بس هتدبحهالك زي المدام.. كان اسمها ايه اسمها ايه ال دبحناها كانت ريهام ولا رحمه لالا رحمه دي كانت بحادثه مش دبح لكن ريري ومليكه (ضحك بشر) دول اتدبحوا يا عامر يا خولي
عامر بيحاول يتحكن في اعصابه لكن بمجرد ما عرف ان رحمه كمان هي وفريده اتقتلوا مش حادثه طبيعيه اتجنن عروق وشه برزت وملامحه اتخشبت
نهله بحركه خفيفه منها تليق بمدربه اسود ضربت راضي بكوعها وبالايد التانيه خدت السكينه وقعتها ف الارض وبعدها عامر جرى عايه مسكه فضل يضرب فيه وامر القوات يمسكوه وهو ورجالته
عامر بص وهو بيلهث من كتر ما ضرب راضي بص لنهله وشدهامن ايدها: ايه جابك هنا.. مشش عارفه انه خطر عليكي
نهله ودموعها غرقت وشها مقدرتش تمنع نفسها انها تحضنه واتعلق برقبته: انا بحبك اوي… بعدت عنه بس انا هسافر امريكا عارفه انه مينفعش يبقي بينا حاجه بس عيزاك تفتكرني وانا عمري ما هنساك 💔🥺
عامر بصلها بصدمه: تسافري
سيف دخل: سيادة المقدم يلا عشان نتحرك
عامر مسك ايديها وركبت عربيه معاه وطول الطريق ساكتين
ـــــــــ

 

 

ملك: انا قلقانه اوي يا طنط
عزه بتحاول تداري قلقها: هي اول مره ما يحيي علي طول يسافر في عمليات كده هي جديده يعني
جورى: بس مفيش خبر لدلوقتي
اياد خرج من اوضته ماسك الفون: قبضوا ع الغول من غير ما يحصل تبادل نار اصلا… بس.. ايه ده (صرخ) يحيي….
كلهم جريوا عليه
ملك:مماله يحيي انطق
اياد بيقرأ ودموعه نزلت غصب عنه: مستشفي الجيش ع الحدود بتعلن استقبالها ل الرائد يحيي سيف الدين و محتاج كميه دم كتيره
ملك وجورى بيعيطوا وعزه وقعت ع الكنبه من الصدمه: ابني…
اياد: يلا يا ماما البسي ونروح اكيد هنقدر نديله دم
ملك وجوررى: واحنا احنا هنيجي معاكم
اياد خدهم وانتلقوا للمستشفي
ـــــ
وصل الخبر ل عامر وسيف وكانوا قريبين منهم فراحوا علي طول عليهم
سيف بيمسك فارس: فين يحيي ابني فين
فارس بيحاول يتماسك: اهدي يا عمي ارجوك…
عامر: ايه ال حصل يا فارس
فارس: الدكتور قالي انه اتضرب بسكينه عليها مخدر فمحسش بالوجع.. والسكينه كانت ملوثه بسم غريب عليهم مش عارفين ليه ترياق فهيضطروا يغيروا دمه بس عايزين كميات دم كتير انا اديتهم ٨اكياس ومرضيوش ياخدوا تاني…(انهار ووقع ع الارض) ياريت يصفوني بس يقوم والله ما هزعل بس يقوم هو
سيف قلبه هيتخلع ع ابنه وعامر دخل للدكتور وعرف ان يحيي فصيله دمه A فهيكون سهل يوفروا الدم المحتاجينه دخل عامر وسيف عشان يتبرعوا ل يحيي بالدم
بعدهت بفتره وصل اياد وجورى وملك وعزه
فارس قام بوهن: ايه ال جابكم بس

 

 

ملك بأنهيار: يحيي فين بالله عليك قول انه كويس
فارس غمض عنيه بتعب ووجع: هو لازم يبقي كويس… لازم مش هينفع
جورى حضنها اياد لانها كانت ساكته وده دليل انها مصدومه جدا من ال بيحصل
طلع الدكتور: لو حد فصيلته O & A يتفضل معايا لازم نكمل تغيير الدم
جريت ملك وجورى واياد عليه
اياد: انا فصليتي انا واختي A
ملك: وانا فصيلتي O خد دمي كله بس يقوم ارجوك
عزه مشيت ع فارس: فارس.. ابني جراله ايه
فارس باس راسها: هيقوم بإذن الله هيقوم
سيف اتحرك ناحيتها: ارجوكي اهدي عشان لما يجيي دورك تديه دم يلاقوا ضغطك كويس ويتساعديه
عزه بهدوء وقلبها بيتقطع: هيبدلوا دمه ليه ابني جراله ايه.. جراله ايييييه يا سيف يا سيف ابني وبدأت تنهار في حضن سيف
وصلت شهد وزياد
عامر: ايه ال جابكم
شهد قربت ع باباها حضنته وبصت ل فارس: يحيي فين ايه حصله
فارس: مش وقته المهم ادخلي معاهم الاوضه اتبرعيله بدم دخلت شهد وزياد
مقيش دقايق ووصل حسن
حسن لفارس: الخبر ال اننشر ده بجد.. يحيي
فارس: ايوة يا حسن يحيي اتغدر بيه.. اضربت ف ضهري لو يحيي جراله حاجه انا ضهري هيتكشف واتعري… سند ع حسن بتعب: انا متعود انا ال اتصاب وهو ال يلحقني لكن العكس صعب اوي مش هقدر اتحمل اشوف فيه حاجه وحشه ابدا
ـــــ

 

 

في بنك الدم كانوا اهالي سيناء عرفوا بالحصل وحاله يحيي الحرجه فبدأوا يتناوبوا علي المستشفي لإجراء الفحوص والتبرع بالدم
ـــ
طلع دكتور من بنك الدم وبلغ الدكتور بالموقف العظيم ال قاموا بيه اهل سيناء
الدكتور ابتسم : اهل سيناء جم يتبرعوا لحضره الظابط.. زي ما بيحميهم بدمه هم جايين يفدوه بدمهم
عزه: ابني هيقوم امتي رد عليا ارجوك
الدكتور: محدش عارف احنا بنغيرله دمه ودي مش حاجه سهله ابدا يا مدام ارجوكي اهدي
دخل الدكتور مع طاقم عمله وبدأوا يستعملوا اكياس الدم ال جمعوها من ملك وجورى وشهد وزياد واياد
خرجت ملك منهاره قعدت ع الكرسي وهي بتعيط وماسكه قلبها وبتتكلم مع نفسها بصوت واطي: هيطلع منها.. مهو مش هينفع يسيبني ولا انا هقدر اعيش من بعده.. قلبي واجعني اوي يا يحيي بتوجعه ليه كده
جورى واياد جمب بعض بتبكي بصوت مسموع واياد بيهديها لكن دموعه نازله ف صمت
عزه وسيف منهارين مهما حاول سيف التماسك بينهار اكتر يحيي ابنه الكبير واول فرحته ليه معزه خاصع في قلبه.. عزه بطبعها عاطفيه ولادها خط احمر في حياتها قلبها ملك لولادها من قبل ما تشوفهم وهم اغلي حاجه ف حياتها
فارس ضايع حاسس بالضياع يحيي اقرب حد ليه صحبه وسره وسنده وضهره قعد ع الارض وفرد رجليه بتعب قعدت شهد جمبه وبتعيط: يحيي هيقوم صح
فارس بصلها بوجع وحزن: ان شاء الله…. مسح دموعه وغمض عنيه بيفتكر يحيي وهو بيضحك وهو بيهزر معاه فالمكتب وف البيت افتكر او مره شافه ف المدرسه لما العيال كانت بتغيظه ان معندوش اب وهم عندهم وساعتها يحيي جري عليه ضرب العيال وخده في حضنه وقعدوا يلعبوا اليوم كله ومن وقتها وهم اصحاب ومفترقوش ابدا
عامر وحسن واقفين مع الدكاتره ف بنك الدم عشان يتطمنوا ع الفحوصات وان الدم ال هيطلع ليحيي سليم
بعد 4ساعات
الدكتور خرج وهو بيمسح عرقه و…
ــــــــــ

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية احتواء)