رواية لعبة الغدر الفصل الثامن 8 بقلم محمد منصور

رواية لعبة الغدر الفصل الثامن 8 بقلم محمد منصور

رواية لعبة الغدر البارت الثامن

رواية لعبة الغدر الجزء الثامن

رواية لعبة الغدر الحلقة الثامنة

** الحلقة الثامنة **
احدي الشوراع . وفي هذا الشارع كان يوجد البيت الساكن في عوف واول ما ظهر عوف في الشارع بصيت له بنته اللي كانت بتلعب علي كرسي في البالكونة وقالت
بنت عوف
بابا. جه بابا. جه
فبص لها عوف وقال لها
بطلي تنطيط في البالكونة
وهنا تخيل عوف بنتة وهي بقيت بنت شناوي وبتبص لابوها وبتعيط. وبتنادي علي شناوي. ولكنة ابعد نظرة عن بنتة ودخل عوف الي البيت وحط رجلة علي اول سلمة وسمع صوت هبد وجسم بيخبط بالارض فانصدم وبص وراء منه مسرعا فيلاقي بنتة علي الارض سايحة في دمها،،،،
ومن احدي الشوارع بيجري عوف في الشارع زي المجنون وهو شايل بنته اللي بتنزف علي ايدة لغاية ما وقف تاكسي وقال للسواق بلهفة
اي مستشفي الله يخليك
السائق
اركب
ويفتح عوف باب التاكسي ويحط بنته في التاكسي ويركب هو جنبيها مسرعا وينطلق التاكسي ،،،،،،
من داخل ‏شقة عزت. وكان عزت يقعد قدام جابر ويقول له بفرحة شديدة

-***-

‏
‏الفار الاهطل دخل المصيدة
‏
جابر
خلاص الحكومة قبضت علية
عزت
ايوة. وكدة بقي تقدر ترجع شقتك
جابر
ارجع ازاي بس. بعد الحكومة ما عرفت طريقي
عزت ضاحكا
ماتخفش الحكومة ما تعرفش عنك حاجة
جابر باستغراب
تقصد اية
عزت
انا اللي خليت عوف يروح لك ويخبط علي بابك ويرعبك علشان تيجي لغاية عندي والعب انا اللعبة دي
جابر بعصبية
انت يا ابن ابليس اللي مخطط لدة كلة ومخليني عايش الفترة اللي فاتت دي كلها وانا مرعوب
عزت
كان لازم اعمل كدة علشان اخليك تيجي لغاية عندي وتفعص معايا شناوي. ودلوقتي ارجع لشقتك علشان اكيد شناوي هايجيب سيرتك في التحقيق وساعتها لازم تكون في شقتك علشان لو اطلبت للشهادة

-***-

جابر
انا.
عزت
اة انت مش انت اللي بعت له العربية
جابر
وانا ساعتها بس هاقول اية
عزت
قول انك كنت وسيط بين الحرامي وبين شناوي وخلصت العربية لشناوي. وماتعرفش اكتر من كدة
جابر
هي سهلة اوي كدة
عزت
خلاص صعبها علي نفسك وعلينا وخلينا احنا نتسجن مكان شناوي وكمان ناخد اعدام
جابر
طيب وانت لو البوليس سالك
عزت
انا طبعا هاكون في صف شناوي وهاطلعك ابن ستين كلب لا وكمان هاقوم لشناوي محامي
فيبص له جابر باستغراب فيكمل عزت
ما تستغربش اوي كدة انا بس هاعمل دة كله لغاية ما شناوي يمضي علي الورقة دي
ويخرج عزت ورقة فيبص جابر للورقة ويقول
ورقة اية دي

-***-

عزت
بعدين تعرف،،،،،،،،،
مكتب عجمي. ومن داخل المكتب يقف شناوي وامام منه يجلس عجمي ويبص له وهو يقول بحدة
يعني مافيش فايدة ومش عايز تعترف باللي عملتة
شناوي
انا معاملتش حاجة كل اللي اعرفة ان دي عربية جابر وانا اشتريتها منه علشان عندة ظروف
عجمي
وسالم اللي انت قتلتة
شناوي بتهتهة
قت قتل. أ أنا أقت اقتل
عجمي بحدة
دور العبيط اللي انت بتمثلة دة مش هايركب معايا اظبط لسانك بدل ما أظبطك انا
شناوي بتهتهة
هو ف في حد بر برضو يت يتمني المرض وال،،،،،
فيقاطعة عجمي بمنتهي العصبية وهو يقول
بس. والا قسما بالله اعلقك في المكتب ملط
فيخاف شناوي بشدة وينادي عجمي علي العسكري فيدخل العسكري فيبص له عجمي ويبص لشناوي ويقول
خد الباشا اللي غاوي يستهبل دة ونزلة الحجز وخلي سكر يعمل معه الصح ويعدل له لسانه
ويمسك العسكري ذراع شناوي ويخرج بة من المكتب وشناوي يطلب الرحمة،،،،،،
من قدام مكتب عجمي. تقف جيهان ومعها حسين ويفتح باب المكتب ويخرج شناوي مع العسكري ويبص لهم وهو حزين فتقول له جيهان
قابضين عليك لية يا شناوي

-***-

شناوي
اللي فهمتة ان العربية بتاعت جابر اتعمل بيها جريمة خطف وقتل وانا متهم فيها
حسين
انت تقتل طيب ازاي يا ناس دة انت اطيب خلق الله
جيهان بلوم
ياما قولت لك ان جابر وعزت،،،،،
شناوي مقاطعة لها
مش وقتة يا جيهان انا فيا اللي مكفيني
حسين لجيهان
جوزك يا بنتي معه حق.
حسين لشناوي
وانت يا بني ماتقلقش انا هاجي لك بكرة الصبح ومعايا احسن محامي في البلد
شناوي
اعمل اي حاجة يا خال بس اخرج من هنا
العسكري وهو بيجر شناوي يقول
امشي يا متهم معايا

-***-

شناوي وهو يتجة ناحية الحجز وبيبص لجيهان بيقول
انا عايز اخرج من هنا. انا ماعملتش حاجة
فتبص له جيهان بحسرة ودموعها تجري علي خدها لغاية ما يختفي شناوي عن الانظار،،،،،،،،
الحجز. وفي الحجز يجلس المجرمين بجانب بعض وشكلهم في الاضاءة الباهتة مخيف ويفتح باب الحجز ويدخل العسكري. شناوي الي الحجز ويقول وهو يبص لمسجون يدعي سكر
سكر. عجمي باشا بيقول لك اتوصي بالزبون دة
سكر
بلغ الباشا ان بكرة هاتكون الصبحية بتاعته
ويخرج العسكري ويغلق الباب وراء منه ويقف سكر ويتجة ناحية شناوي ويقول له
أسمك اية يلا
فيبص له شناوي ولا يرد خائفا ويمشي بعيد عنه فيروح سكر وراء منه ويضربة علي قفاة وهو يقول بعصبية
لما سكر يتكلم تقف يا روح امك وتسمع
فيبص له شناوي وهو يقول. بتهتهة
أن انت بت. بتضربني ل. لية
فيلمح سكر ايد شناوي المعاقة وطريقتة في الكلام والريالة اللي بدات تنزل من بوقة بشكل مثير للشفقة فيقول سكر
شايف في عيونك الطيبة. أنت اية حكايتك واية اللي جابك هنا
شناوي باكيا
صاحبي غدر بيا

-***-

سكر
اخص. ودي تبقي مرجلة. احكي اللي حصل
شناوي
طيب انا عايز اقعد علشان تعبان اوي
فيذهب سكر ناحية اثنين قاعدين ويبعدهم عن اماكنهم وهو يقول
اوعي يلا منك لي
ويبص لشناوي ويقول
تعالي اقعد
فيروح شناوي ناحية المكان الفاضي ويقعد وسكر يقعد بجانبة وشناوي يقول
الحكاية بدات ليلة ما صاحبي قال لي انا محتاج ابيع عربيتي،،،،،،،
مكتب محامي. يدعي فؤاد وامام منه يجلس كلا من جيهان وحسين. وحسين يقول لجيهان
الاستاذ فؤاد دة احسن محامي في البلد وباذن الله برائة شناوي علي ايدة
جيهان
يارب.
فؤاد
باذن الله بس لازم اطلع علي محضر الظبط والاحضار علشان اقدر افهم هو لية اتمسك
جيهان
اتمسك بسبب واحد اسمة جابر باع له عربية اتعملت بيها مصيبة
فؤاد باهتمام
مصيبة اية

-***-

جيهان
خطف وقتل. هو شناوي قالي كدة
فؤاد
دة كدة الموضوع يبقي خطير. بس اطمئني بأذن الله بكرة هاحضر معه التحقيق وهافهم اية الحكاية بالظبط وباذن الله خير،،،،،،،،
اوضة نوم عزت. واثناء نوم عزت علي السرير يسمع صوت خبط علي باب شقتة فينهض ويبص في ساعة يدة فيلاقي الساعة 7:ص. فيستغرب بشدة وينهض من فوق السريرويتجة ناحية باب الشقة ويفتح الباب ليجد عوف امامه وهو بيعيط ومنهار ودم بنتة لايزال علي هدومة فيقول له عزت
عوف مالك في اية
عوف
بنتي بتموت يا عزت بتموت
ويعيط بشدة ويكمل قائلا
دة ذنب شناوي الراجل دة طيب اوي واللي بنعمله في عقابه هايبقي شديد وانا اول المتعاقبين.
عزت
ممكن تبطل عياط زي النسوان وتدخل تفهمني اية الحكاية
ويدخل عوف الي الشقة ويغلق عزت الباب،،،،،،،
من داخل اوضة نوم مطاوع وكانت جيهان تجلس علي السرير وبجانبها تنام جميلة. وجيهان تبكي بحرقة علي ما حدث في شناوي وتقول لنفسها
لية يا شناوي ما سمعتش كلامي ياما قولت لك ان مش برتاح لجابر والخسيس اللي اسمه عزت.
وتمسك منديل امامها وتمسح دموعها فتحس بها جميلة فتفتح عيونها وتبص لها وتقول
ماما. هو بابا جه ولا لسة

-***-

جيهان
بابا جاي باذن الله
جميلة
هما مين الناس دول اللي خدوا بابا
جيهان
نامي يا جميلة علشان كمان شوية هاخدك وهاروح بيكي لمرات عمك حسين علشان تقعدي معها النهاردة
جميلة
انتي خارجة تاني
جيهان بعصبية
جميلة كفاية اسئلة بقي ونامي
فتخاف جميلة من عصبية جيهان وتبكي فتبص لها جيهان وتاخذها في حضنها وتقول بحنية
خلاص بقي بطلي عياط. وحقك علية وادعي لبابا ان ربنا ينصره ويرد له حقة
فتبص لها جميلة ،،،،،،،،
من داخل شقة عزت. وعزت يجلس قدام عوف ويقول بعصبية ولكن بصوت واطي
نعم. تروح فين انت اتجننت

-***-

عوف
اصلح الغلطة اللي عملتها في حق شناوي دة. انا مش عارف أنت لية تكرة واحد زي شناوي
عزت
دة حاجة مالكش فيها واسمعني كويس لوفكرت تروح للحكومة وتقول لهم علي الحقيقة انا هانسي انك ابن خالتي وزي ما عملت مع سالم هاعمل معاك
عوف بدهشة
هو انت الل،،،،،،
عزت مقاطعة له
ايوة انا. انا اللي خطفت وانا اللي بعيت جسمة للدكتور وانا اللي هايخلص عليك لو فتحت بوقك وبرضو مش هاتمسك ولا الحكومة هاتعرف تعمل معايا حاجة عارف لية
ويشاور عزت بصباعة علي مخة وهو يقول
علشان المخ دة ماتخلقش زية

-***-

فيقف عوف ويقول بتحدي
بتهددني وماله. بس من النهاردة لازم تعرف ان شناوي بقي يخصني ومش هاتقدر تاذي. وعلشان خاطر القرابة انا هاطلع شناوي ومش هابلغ عنك لانت ولا صاحبك. ومالكش عندي اكتر من كدة ولو كترت هازعلك وبكتير وهانسي اللي بينا
ويقف عزت ويمسك ذراع عوف ويبص له ويقول له بمكر
انت زعلت مني ولا اية. دة انت ابن خالتي واللي بينا اكبر من كدة. انا مستعد اديك 30،000 ج. فوق العشرين بس سيبها ماشية زي ماهي ماشية دة خلاص جابر نشر الخبر في جرونال من الجرايد الصفراء علشان ياسر يروح ويشهد علي شناوي وننزل بكلمة النهاية. لية بقي عايز تخربها
عوف بقهر
علشان بنتي بتموت. وانت عمرك ما هاتفهم يعني اية ضناك بيتوجع والموت قريب منه وكل دة بسببي انا علشان ظلمت ناس كتير لكن المرة دي ظلمت وغدرت براجل طيب اوي. وانا مش هاسكت
ولف عوف وادي ظهرة لعزت واتجة ناحية الباب وقبل ما يوصل عوف للباب امسك عزت بالطفاية الرخام الموجودة علي التربيزة وخبط راس عوف بمنتهي القوة من الخلف فتالم عوف وسقط علي الارض مغمي علية وسط بركة من الدم وعزت يبص له بغل شديد ويقول

-***-

انت بقي اللي جيبتة لنفسك وهاتبقي بغبائك مشترك مع شناوي في القضية وماتلومش الا نفسك يا ابن خالتي . ،،،،،،،،،،
مكتب عجمي. وامام عجمي يقف ياسر فيبص له عجمي ويقول
وهربت ليه من اخو سالم اول مرة
ياسر
علشان كنت خايف ليحصل لي زي اللي حصل للشحات يا باشا
عجمي
وجيت لية النهاردة وعايز تشهد
ياسر
علشان عرفت من الجرايد انكم مسكتو
عجمي باستغراب
جرايد. هي العصافير اللي في القسم لحقت تبلغ الصحفيين. حاجة تقرف
عجمي لياسر
اسمع يا ابني هادخل لك المشتبة في دلوقتي وعايزك تقول هو ولا مش هو
وينادي عجمي علي العسكري فيدخل العسكري فيقول عجمي
هات شناوي من الحجز
فيخرج العسكري. فيخرج عجمي التلت الصورة الخاصين بجابر وشناوي وعزت ويقول
عقبال ما يجي العسكري بص كدة في التلت صور دول وطلع لي اللي انت شوفتة
فيبص ياسر في التلت صور ويحط صباعة علي شناوي ويقول
هو دة يا باشا

-***-

عجمي
والاثنين التانين دول ما فيهمش حد كان معه
فيبص ياسر للصورتين ويقول
بصراحة يا باشا لا. بس هو التاني اللي كان معه سمعتة بيقول له يا عوف انت لازم تكون عيني في الحكومة ولو في حد بدأ يدور ورايا عرفني
اتصدم عجمي وقال
تعرف شكل عوف دة
ياسر
طبعا يا باشا
عجمي
طيب اوصفه ليا ،،،،،،،
من داخل القسم. والعسكري يمسك ذراع شناوي ورايح بي ناحية مكتب عجمي وجيهان تظهر في هذة اللحظة ومعها عم حسين والمحامي فؤاد وتقول لشناوي بلهفة
شناوي عامل اية
شناوي
تعبان اوي
فؤاد
انا فؤاد المحامي بتاعك وهادخل معك ما تقلقش ان شاء الله خير

-***-

شناوي
يارب
وقبل ما يفتح العسكري باب مكتب عجمي يستعد فؤاد للدخول ولكن العسكري يمنعه وهو بيفتح الباب و يقول
مش هاتنفع تدخل الا لما ابلغ حضرة المقدم عجمي
فؤاد
طيب بلغة وانا مستني
ويغلق العسكري الباب وراء منه،،،،،،
مكتب عجمي. والعسكري يدخل بشناوي الي المكتب فيبص عجمي للعسكري ويقول
روح انت
العسكري
في محامي برة عايز يدخل
عجمي
خلي يدخل
ويخرج العسكري ويدخل فؤاد ويتجة ناحية عجمي ويخرج كارينة النقابة وهو يقول
فؤاد احمد. المحامي وحاضر مع موكلي شناوي

-***-

عجمي
اهلا بحضرتك اتفضل اقعد
ويجلس فؤاد وهو يقول
ممكن اطلع علي محضر الضبط. واذن النيابة
فيمسك عجمي بملف خاص بقضية شناوي ويضعه امام فؤاد. فيخرج فؤاد نظاراة القراءة ويقرأ ماهو مكتوب وفي هذة اللحظة كان عجمي يبص لشناوي وهو يقول لياسر
هو ده اللي انت شوفته وهو بيخطف سالم ويحطة في العربية
فينظر ياسر لي شناوي ويقول
هو يا باشا
شناوي باستغراب
أنا. انت شوفتني وانا بخطف حد
ياسر
ايوه انت وكان معاك واحد تاني اسمه عوف
شناوي بتهتهتة
الو. وااد ده كد. كداب انا ما. عم. عملتش حاجه
عجمي بانفعال شديد
‏بطل بقي تعمل فيها أهبل اتكلم عدل بدل ما اعدلك لسانك

-***-
‏
فؤاد
حضرة المقدم موكلي بالفعل مريض ولسانه تقيل في حالة التعرض لضغط عصبي يوتر اعصابة او حزن شديد
عجمي
بقول لك أيه يا متر دور العبيط اللي هو عايش في ده لو دخل عليك ف مش هايخش عليه أنا
شناوي بتهتهة
انا مش بمثل. انا عايز جابر صاحبي هو اللي يقول لك اني مظلوم انا اشتريت منه العربيه عشان كان محتاج فلوس
عجمي
الكلام ده مابقاش ينفع انا عمري ما شوفت بني ادم خبيث زيك كده. ومين شريك عوف دة
شناوي
انا ماعرفش حد بالاسم دة
عجمي
بس احنا هانعرفه
وينادي عجمي علي العسكري فيدخل العسكري فيقول له عجمي
استدعي الامين عوف علشان شاكك في حاجة. وخد المتهم دة معاك علي الحجز
فيمسك العسكري ذراع شناوي ويخرج به من المكتب وهو يقول
تمام يا فندم

-***-

فيبص عجمي لفؤاد ويقول له
احسن لك يا متر تشوف لك قضيه تانية غير دي علشان قضيتك المره دي خسرانة. وكمان احنا فتشنا شقة شناوي باذن النيابة ولقينا مشرط علية دم وهو دلوقتي في المعمل الجنائي ومستني التقرير
فؤاد
كل دة سهل جدا. ان اي حد يلفقة لموكلي. وانا مافتكرش اني بخسر القاضيا بتاعتي بسهولة علشان بختار ديما اكون في صف المظلوم والراجل دة مظلوم وعلشان كدة انا بطلب من حضرتك انك تستدعي جابر لسؤالة وكمان صديق شناوي التاني المدعو عزت،،،،،
تحت كوبري اكتوبر . وعزت وجابر يقفا مع ياسر ويقول عزت له وهو يضحك
الله عليك واية كمان كمل
ياسر
بعت العسكري يجيب الامين عوف وملقاش الامين عوف وراني صورة لي عوف وقولت له هو دة التاني اللي كان مع شناوي زي ما انت قولت لي.
عزت
اضرب يا معلم. خليها تحلو
جابر
ممكن اعرف بقي كسبت اية انت كدة
عزت
نفسي تفهم حاجة لوحدك من غير ما شرحها ليك.
جابر
معلش استحملني

-***-

عزت
هاستحملك. عجمي كدة قال شك ان عوف فعلا كان شغال مع شناوي واختلفو مع بعض فراح عوف مبلغ عن شناوي وطبعا لما يدور عجمي علي عوف ويلاقي ملهوش اثر هايشك ان شناوي بعد ما اتسجن سلط الناس اللي تبعة بانها تخطف عوف
ويضحك بشر شديد ويكمل. عزت
زي بالظبط انا كدة ما هاخطف ياسر
ويخرج عزت منديل بي بنج ويضعة علي مناخير ياسر اللي حاول الخلاص من يد عزت وعزت بلامبالاة يقول وياسر حاول الخلاص منه
ويختفي ياسر وعجمي يشك في شناوي لانه هو الوحيد اللي لي مصلحة في انه يخلص علي ياسر علشان ينتقم منه علشان شهد علية
ويفقد ياسر الوعي وعزت يقول
رزقك يا دكتور نصر
ويضحك عزت بمنتهي الشر وجابر يبص له وهو يقول
انت هاتودي لنصر وتخلينا نعمل مصيبة جديدة واحنا رايحين القسم بكرة. دة انت جاحد يا اخي
عزت
محتاج فلوس علشان اكمل لعبتي ومافيش احلي من كدة فلوس وكمان علشان احضر التحقيق ببدلة جديدة ،،،،،،
مكتب فؤاد. وفؤاد يبص لجيهان وحسين ويقول لهم
ما كدبش عليكم اللعبة اتلعبت صح وشهادة اللي اسمه ياسر عقدت الدنيا اكتر ما هي معقدة وكمان مشرط في شقتكم وعلية دم واكيد دة دم القتيل سالم

-***-

حسين
ومين بس يكرة شناوي لدرجة يلبسة قضية زي دي
جيهان
هايكون مين غير واحد خبيث انا عارفا
حسين
تقصدي جابر صاحبه
جيهان بغل
لا. اقصد الخسيس التاني. عزت
فؤاد
واية اللي بين عزت وشناوي تخلي عزت يلفق تهمة زي دي لشناوي. ومش اي تهمة دي تهمة تودي لحبل المشنقة
جيهان
دي قصة ما احبش احكيها المهم. يا استاذ فؤاد تعمل المستحيل وشناوي يطلع من السجن وكل الفلوس اللي تطلبها هاتكون تحت امرك
فؤاد
ما تقوليش كدة انا اخر حاجة افكر فيها الفلوس انا المهم عندي برائة مظلوم. والاهم من كدة ان المشرط اللي اتحط في شقتكم علشان يلاقي البوليس اكيد علية بصمات جوزك
جيهان باستغراب
لية اكيد

-***-

فؤاد
مدام جيهان انا بفكر بعقلية المجرم هاحط مشرط لية في شقة شناوي لو مش علية بصماتة.
جيهان
وبصمات شناوي راحت ازاي علي المشرط دة ،،،،،،
الحجز. وسكر يقعد جنب شناوي ويحاول انه يخلي ياكل ولكن شناوي رافض فسكر يقول
يارب ستي تموت تاني لو ما كلتش
شناوي
سايبني في حالي يا سكر انا مخنوق
سكر
انت ماكلتش حاجة من الصبح بعدين تجوع
شناوي
مش عايز اكل. دة انا بتمني اكسر حيطان السجن واخرج اشوف جابر واسئلة لية عمل فيا كدة
سكر
عمل كدة علشان واطي
شناوي
وانا طول السنين دي كنت مصاحب واطي وماعرفش
سكر
علشان انت راجل طيب ففاكر الناس كلها طيبين زيك

-***-

شناوي
ما تقولش طيب قول عبيط. عبيط والظابط مش مصدق وفاكرني خبيث
ويبص شناوي لسقف الاوضة ويقول
يارب. حالي يغني عن سؤالي ارحمني برحمتك،،،،،،
مكتب عجمي وقدام عجمي يقعد رشدي ويبص لعجمي ويقول بعصبية
يعني ايه قبضو علي واحد بس والتاني لا
عجمي
التاني اختفي
رشدي باستغراب
يعني اية اختفي
عجمي
يعني مش موجود وماحدش يعرف هو فين
رشدي
واللي قتل اخويا هو اللي اتقبض علية ولا هو اللي اختفي
عجمي
اللي في الحجز هو اللي قتل اخوك
رشدي
طيب انا عايز أشوف اللي قتل اخويا
عجمي
ليه بس
رشدي
من فضلك يا عجمي عايز اشوفه،،،،
الحجز. وعند باب الحجز يقف العسكري ويبص لشناوي وهو يقول
قوم يا شناوي. المقدم عجمي عايزك

-***-

سكر
بهدتلة الراجل رايح جاي طول النهار علي مكتب الباشا عجمي
العسكري
مالكش دعوي انت
العسكري لشناوي
قوم يالا فز،،،،،،،
مكتب عجمي. وشناوي يقف قدام رشدي ورشدي يبص علي أيدة المعاقه وشكله المثير للشفقه وبعد ماكان يريد ان يفش غله في صعب عليه حاله وقال لعجمي
رشدي
هو ده
عجمي
اه هو
رشدي باستغراب
ازاي. ده باين عليه انه ،،،،،،،
ويسكت رشدي فينظر له شناوي
انه عبيط قولها يا باشا
رشدي
لا انا ما قصدش كده
شناوي و هو يبكي يقول
ولا تقصد انا فعلا عبيط. عارف ليه عشان صدقت ان صاحبي جابر محتاج فلوس واشتريت منه العربيه بضعف تمنها عشان افك زنقته.

-***-

رشدي وهو ينظر لعجمي
مين جابر ده
عجمي
ده اللي اشتري منه شناوي العربية
رشدي
وليه مايكننش جابر ده هو اللي قتل اخويا
عجمي
مش هو لان ياسر ماتعرفش عليه واتعرف علي شناوي وشناوي اشتري العربية من جابر بشهادتة هو
رشدي
معقوله ده يخطف ويقتل

-***-

عجمي
ما يغركش المنظر ياما ناس شكلهم طيبين جدا وهما من اشرس المجرمين
رشدي
بصراحه يا عجمي انا مش مصدق
عجمي
رشدي كل الادله ضده وانا هنا ما يهمنيش الا الدليل المادي وده بالادله والبراهين وشهاده الشهود هو اللي خطف سالم
فيضحك شناوي ويقول بصعوبه وبمراره
وانا كمان السبب في احتلال فلسطين وانا اللي دخلت اللحمه الفاسده مصر. الغريبة ان كل اللي يشوفني يقول علية عبيط الا الباشا. وكان في سحابة مغميا عينة
ويضحك شناوي كمان مره ويكمل بصعوبه اكثر وهو يبكي
رجعني الحجز ياباشا انا مش مستني العدل بتاع اهل الارض انا ربنا معايا مين هيضرني
ويخرج شناوي من المكتب،،،،،،،،
اوضة في شقة عزت. وهي اوضة الكاركيب وفي منتصف هذة الاوضة يوجد عوف وهو مقيد ومكمم الفم علي كرسي ودماغة مربوطة ومطرح الرباط دم وعوف يحاول الخلاص من قيودة،،،،،،،،
مكتب عجمي. و رشدي يبص ل عجمي ويقول
عجمي الراجل ده مظلوم

-***-

عجمي
مظلوم ايه انت غلبان وطيب يارشدي ده بيمثل عشان يطلع من جريمه القتل
رشدي
لا يا عجمي انت غلطان مش ده اللي يقتل ويخطف ويبيع اعضاء ده ابسط من كده بكتير
عجمي
رشدي انت علشان طيب صدقت دموعه لكن ده مايستهلش الا اعدام
رشدي
انا شايف انك غلطان وانا هاثبت لك
عجمي
انت امرك غريب اوي كنت عايز توصل للي اقتل اخوك ووصلنا ليه عايز ايه تاني
رشدي
مش ده اللي قتل اخويا انا هاجيب لك اللي قتل اخويا. بس اديني عنوان اللي اسمة جابر
عجمي باستغراب
هاتعمل اية بعنوان جابر

-***-

رشدي
هاجيب برائة الراجل دة طالما انت مش عايز تعترف الا بالورق اللي قدامك
عجمي
بس،،،،،،،
رشدي مقاطعة له
العنوان يا عجمي بعد اذنك
فيكتب عجمي العنوان لرشدي ويخرج رشدي من المكتب وهو ناوي علي احضار جابر، ،،،،،،،،،،

يتبع..

لقراءة الفصل التالي : اضغط هنا

لقراءة جميع فصول الرواية اضغط على ( رواية لعبة الغدر )