رواية غيبوبة القدر الفصل التاسع 9 بقلم رويدا القاضي

رواية غيبوبة القدر الفصل التاسع 9 بقلم رويدا القاضي

رواية غيبوبة القدر البارت التاسع

رواية غيبوبة القدر الجزء التاسع

رواية غيبوبة القدر الحلقة التاسعة

امل: صحة ليك ضربتي عصورين بحجر واحد احسن مادرتي صدقيني.
مها: ارتحت من محمد وقضية هديل لكن توا مهيب بيقولي معاش فيه حاجة تمنع اني نتقدملك .
امل: باهي خليه علاش نحس فيك مترددة في ارتباطك بيه.
مها: بلعكس واثقة كل الثقة انه هذا الشخص للي نحبه ونبي نكمل حياتي معاه لكن أختي مازال في عدتها وخوي مش معروف وضعه .
أمل: انتي شن بترديه حي راجل أختك وخوك يلطف بيه ربي وخلاص.
مها: راك تقوليه قدامه الكلام هذا باش يقولي دبري حل 🥴 نقعد أنا حاصلة.
أمل: باهي لكن انا ننصح فيك لمصلحتك وبس راجل زي مهيب 😍 حرام اضيعيه.
مها: اسكتي وغيري الموضوع .
سارة: فاتت الأيام تجري اليوم أنس ليه 5 شهور في الغيبوبة كل يوم نمشي نشوف فيه نقول مرات ايفيق
كأنه راقد بذون أي حركة .
منى: هذا خالد ماشي جاي علينا شن عنده تالانا يبي أنس يمشيله في المستشفى .
أمينة: وانت شن علاقتك باش ضايقك الولد قايم بالواجب يشوف في بوك بروحه.
منى: 😏 بالك جاي ع خاطر حد ثاني مش ع خاطر بوي .
سارة: حد ثاني زي من مثلا.
منى: خيرك ولعتي انت للي فوقه بطحه يحسس عليها من كلمك اصلا ولا شاكة في روحك.
مها: منى احترمي نفسك واعرفي كيف تتكلمي شن خلاص فيوزات عقلك انضربت بري عالجي روحك.
منى: لما ذوقي الفقد في شخص يسوى عندك الدنيا كلها تعرفي للي نحس فيه وتقولي مش غير تخسري عقلك تكوني مستعدة تخسري حياتك.

 

 

 

سارة: حاسة روحي تعبانة كنت نتأمل نكون حامل لكن للأسف 💔 طلعت مش حامل تعب القلب أصعب تعب يمكن يحسه شخص .
“كنت نسمع في منى كيف تحكي ع الفقدان وشن حجم الخسارة للي خسرتها لما مات صدام هيا خسرت قلبها وانا نحس في روحي مقسومة نصفين روحي في مكان
وجسمي في مكان ”
مجهول: نعرف انك مجبورة ومش من خقي نبرر موقفي قدامك مش طالب حبك لكن مصيرك مع الوقت تتعودي عليا.
محمود: شن الرأي كيف بنقولها روحي وراجلها قاعد حي بعقلك انت.
حواء: هذا يلقط في ايامه وخلاصه تحسابها مازال بيعيش اكثر ماعاش حتى لو عاش بيعش فيه اعاقة اكيد.
محمود: توا نجيبها الجمعة هاذي عندنا تتغدا ونحكو معاها .
حواء: باهي المهم ادير حل مش رأس وتعيش هكي.
أمينة: خيرك ع اختك عارفتها مش متحملة روحها .
مها: ماهو كلنا مش متحملين شئ الضغط للي عايشة فيه هيا عايشين فيه احنا.
أمينة: ارحموني معاش قادرة نتحمل راني عايشة ع اعصابي .
مها: انا طالعة لين تعرفوا كيف تتكلموا وتتصرفو الحوش معاش ينطاق راهو.
علي:خيركم كل يوم والعين في بعض مرات لما انجئ ونسمعكم نحس انكم مش بناتي ومش حوشي .
منى: حتى انا نحس في روحي غريبة مش هذا مكاني يابابا 😭 نبيه ارفعني للمقبرة .

 

 

 

علي:🥺 عارف انك مش متقبلة فكرة موته لكن هذا حال الدنيا يابنتي حتى سيد الكائنات مات كلنا بنموتوا.
منى: باهي بابا ارفعني نزور قبره نعرف انه معاش بيرجع حتى نشوف قبره نرتاح.
علي: مع اني ضد زيارة الناس للمقابر لانه مكروه لكن البسي عبايتك وتعالي.
منى: من الفرحة حسيت روحي كأني بنلقاه يستنى فيا.
” اللهم ارحم ميتا مازال في قلبي حيا”
مها: بدت في الفيلم متعها قرفت انا حوش نكد عيطو ريشو توا يرجع حي امه اقتنعت وانتى مسكرة راسك شن بتعاصي أمر ربي .
منى: خليني في حالي اعتبريني مجنونة.
طلعت وانا نفكر علاش كمية الجهل الحزن في القلب مش في انك تعذب نفسك هكي انا نبي نعيش يوم طبيعي بذون دموع خمسة شهور نفيق ع صوت بكاء ياسارة يامنى ياأمي .
أمل: شن فتحتي معاهم موضوع مهيب وانه يبي يتقدملك .
مها: انا قلت علاش الدموع والهم اهو قريب كلتني الفرخة متى لو قلت نبي نتزوج احتمال تقتلني.
أمل: الراجل قداش بيتحملك يوم اثنين شهر شهرين مش هكي عاد وين قوتك للي نعرفها.
مها: معاش فيها كيف اليوم بنروح بنكلمهم وللي بيصير ايصير .
أمل: هذا أحسن شئ اديره كل شى وليه ثمن كان تبي تضمني سعادتك مع مهيب تكلمي قولي نحبه الحب مش عيب .
مها: تعرفي ياأمل بديت نتفدا حتى نشوفه من كثر مامتحشمة نضيعله في وقته معاي .
أمل: اضيعي في وقته ولا تحبيه ومعاش قادرة صابرة عليه .

 

 

 

مها: هههه حيوانة تفهميها وهيا طايرة.
خيرية: اهلين كيف حالك ياحاتم كيف حال أمك ان شاء الله بخير.
حاتم: الحمدلله في الليل توا بتجيكم تهدرز عليكم .
خيرية: تدلل الحوش حوشها تشرف في أي وقت .
حاتم : مشيت للمستشفى باش نشوف أنس زي ماهو عايش بالأجهزة وبس ماتغير شئ في وضعه فرغ الممر نحس معاش في من يمشيله هلبا زي الأول جيت جنبه
وقريته عليه آية من القرآن.
{قُلْ يَٰعِبَادِىَ ٱلَّذِينَ أَسْرَفُواْ عَلَىٰٓ أَنفُسِهِمْ لَا تَقْنَطُواْ مِن رَّحْمَةِ ٱللَّهِ ۚ إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ}
خالد: شن ياصاحبي نشوف فيك رسمي ماشي جاي ع حوش صدام الله يرحمه.
حاتم: امه تكسر القلب وماعندها حد شن بنخليها بروحها .
خالد: متأكد أمه نحس فيك مفتوحتلك عين ياصاحبي .
حاتم: تبي الحق عاجبتني حتى اخته واقلها يبدأ حتى طلوعي وخشوشي ليه صفة رسمية مانبيش حد يوصل فيهم بالكلام.
خالد: صدقتك الحق 🤣من البداية عينك عليها ع من تفوت فيه .
حاتم : وانت شن موضوعك انت ماشي جاي ع حومتهم
ماشي جاي 😁😁😁 من عندك في حوش أنس.
خالد: والله ماعندي واحد لكن مسخفني عمي علي متغشش ومش عارف كيف يتصرف.
حاتم: عنده حق ولده مش معروف وضعه شن يمشي كل يوم يتوقع انه بيفيق وىكن بلا فايدة .
خالد: والله حمله ثقيل منين بيلقاها من بنته للي راجلها
مات ولا من ولده .

 

 

 

حاتم: ربي يفرج ياصاحبي قعدت انا وياك وبس .
مجهول: انا قدرك للي معاش عندك مفر منه 😏 انا قاعدلك دوم مش يوم اولادك اهما مني وبنتك مني
انا واقع انت مجبورة تعيشيه وماتقدريش تهربي منه .
…🥺..: شن تبي مني ارحمني نحس في روحي مخنوقة بنموت.
مجهول: فاتت سنين وانت نفس الحال ماتغير فيك شئ .
حواء: هيا كلمها شن تستنى ولا ضيع في الوقت بلا فايدة .
محمود: تمام توا نكلمها خديت الهاتف واتصلت بيها وانا قلبي مش مطاوعني ” اهلين كيف حالك ياسارة يابنتي
شن رأيك غدوا اتجئ تتغذي عندنا”
علي: انزلي يامنى انا نستنى فيك في السيارة .
منى:باهي .
خالد: اسمع ماتبي شئ يانحس بنمشي نزور قبر بوي ونقرأله الفاتحة .
حاتم: جاي معاك قداش ليا معاش مشيت لصدام .
منى: شفت الرخام للي مكتوب عليه اسمه حسيت نار ركبتني” مش وعدتني انك بتقعد معاي علاش خليتني 🥺 مزلت نحبك مازلت نحس فيك معاي في كل مكان
مش راضي عليا ياصدام انا منى حبيبتك حطوك في
قبرك ياروحي ياريته يومي كان قبل يومك حضنت
القبر مانعرفش نوصف شعوري لما نكلمه ومايرد عليا حد”
خالد: خلي نخشو المقبرة من الباب هذا قبر بوي 💔هنيا علاش نلفو من الجهة الثانية.
حاتم: باهي خش هوا قبر صدام من غادي لكن عادي توا نمشيله ع رجليا.
خالد: السلام عليكم آل دار أنتم السابقون ونحن اللاحقون وقفت قريت الفاتحة ع قبر بوي كان جنبه شوية عشب نحيته واظح انه خوي مالك معاش زاره ليه فترة.

 

 

 

حاتم: من هذيكا المرأة للي راقدة ع القبر شوفها 😱 تي بالك حتى بتحسر .
خالد: تعالى خلي نمشيلها الجاهلة التبرك بالقبور هذا تم من الجاهلية .
حاتم: اقعد شن دخلنا فيها توا تتطلع بنمشي غادي قبر صدام مش بعيد عليها.
خالد: هو هذا للي ضيعنا غير كلمة شن دخلنا بتمشي معاي هيا ماتبيش خليك .
حاتم: برا انا عارف انك بتجيب اخرتنا لكن برا.
منى: مانبي شئ غير نكون جنبك حتى والموت خداتك مني لكن مزلت نحبك مازال قلبي ملكك .
“ريحني خليني نشوفك حتى في الحلم ملابسك كلهم روحت بيهم معاي تعبت وانا نستنى فيك كل مانغمض عيوني نقول بنشوفك “.
خالد: انت ياهو شن هذا للي اديري فيه شن كمية الجهل والتخلف والبعد ع الدين للي انتي فيه اهو .
منى:قمت عيوني نبي نشوف من هذا للي يكلم فيا هكي
بالأسلوب اهو.
حاتم: ياخالد اسكت ياخالد.
خالد: انت مش قتلك معاش تقول اسكت هذا الحق وبعدين هذا قبر من للي راقدة عليك بالك حتى سحارة انا وين نعرف.
حاتم: هذا قبر صدام .
منى: انت حاتم صاحب صدام وانس صح .
حاتم: ايه امسحي دموعك وبري روحي سلم اختي للي راح معاش يرجع .
خالد: رغم الحزن للي كان في عيونها إلا انه الجمال للي عنده غالب لدرجة الخزن زايدها جمال .
منى: نضت بعد مابست ع قبره وطلعت.
حاتم: خيرك انطمست وقت قتلك مرت صدام .
خالد: شئ اولا اسمها ارملة صدام مش مرت صدام .
حاتم: للي هوا .

 

 

 

خالد: حرام الجمال هذا كله يندفن بين القبور ماتقولش هاذي منى للي كانت صغيرة وتجري وتلعب في الشارع .
حاتم:🥴 قبل شوية كنت شيخ وتوا بتولي شاعر واضحة الرؤية .
مها : بما انه المريضة طالعة ومش موجودة نبي نفتح معاك موضوع .
أمينة: احكي نسمع فيك خيرك شن فيك .
مها: انا في واحد يبي يتقدملي من الأخير وانا نبيه .
أمينة:😱 شن بضحكي الناس عليا خوك مش معروف وضعه وانت تبي تتزوجي.
مها:مانبيش ندير عرس ولا أي شئ نبي نتزوج وبس .
أمينة: شن منا بلاك تبي عرس غير فكري فيها شوية راك معاش تتحشمي .
سارة: الحمدلله أنس مازال حي يرزقك ياعمتي خليها تتزوج الحزن يجر حزن معاه.
أمينة: شن منظري قدام خيرية للي بتهبل ع ولدها واختها للي مش صابرة بكل .
مها: انا كبرت يما والعمر يفوت راهو ذنبي في رقبتك حرام عليك .
أمينة: الحرام ع للي ايدير في الحرام يروح بوك وساهل .

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)