رواية لو تعرفين وش يعني قهر الرجآل ما ابتسم ثغرك لـغيري رجل الفصل السابع و الثلاثون 37 بقلم النور

رواية لو تعرفين وش يعني قهر الرجآل ما ابتسم ثغرك لـغيري رجل الفصل السابع و الثلاثون 37 بقلم النور

رواية لو تعرفين وش يعني قهر الرجآل ما ابتسم ثغرك لـغيري رجل البارت السابع و الثلاثون

رواية لو تعرفين وش يعني قهر الرجآل ما ابتسم ثغرك لـغيري رجل الجزء السابع و الثلاثون

رواية لو تعرفين وش يعني قهر الرجآل ما ابتسم ثغرك لـغيري رجل الحلقة السابعة و الثلاثون

عـفـا الله عنه ممّا جاني أول ..
غـسـل حبه جميع الهم تآلي ..
جالسة في الصالة , وهي تحاول تتناسى اللي سمعته من فارس ..
لحد الآن ما رجع ..
جالس في الحديقة من وقت ما تكلم معاها , يحس بالذنب الكلام اللي قاله لها بس عشان يفرغ الشحنات اللي فيه وش ذنبها هي يجرحها بالكلام ..
وقف وهو ناوي يعتذر لها , دخل الفيلا وهو يشوفها جالسه في الصاله تناظر التلفزيون .. قرب منها وهو يقول :.. ريم ..
رفعت راسها له
جلس جنبها وهو يقول : وش تشوفين ..
ريم تناظر التلفزيون :…………………..
فارس لف لجهتها وهو يقول : انا .. اليوم .. اسف .. يعني قلت كلام ما كان لازم اقوله ..
ريم ناظرت فيه وهي تقول : كلنا عندنا مشاكل نفسيه , وعندنا اشياء ترهقنا بس هذا موب معناته نرمي الكلام على الناس ونروح ..
فارس : قلت لك اعتذر
فارس يحس بتأنيب الضمير : يعني سامحتيني
ريم تناظر في التتلفزيون :…………………….
فارس لف عليها : طيب وش اسوي عشان ترضين ؟
لفت عليه ريم وهي تقول : لو أطلب منك طلب تنفذه
فارس وهو يناظرها : وشو ..
ريم وقفت وهي تقول : تنفذه او لا
فارس بطولة بال : ايه
ريم وهي تناظر فيه : ابي نطيطه
فارس عقد حواجبه : وشو
ريم ناظرت فيه : نطيطه , جبلي وحدة هنا لـ البيت
فارس يناظر فيها مستغرب : انتي صادقة ولا تستهبلين
ريم هزت راسها بكذب : هذا اللي بيخليني انسى كلامك
فارس وقف وهو يقول : طيب , من وين اجيبها
ريم : استأجر وحدة , بس خلها كبيرة و معاها زحليقة
فارس مستغرب من طلبها , لف بظهره وهو متشتت منها , كل يوم لها حركات جديدة , كل يوم لها طريقة جديدة وش بتوصل لـه مايعرف
حطت يدينها على على خصرها و ابتسمت ابتسامة جانبية , ان ما خلت فارس ينسى كل شي و يبدا مع امه صفحة جديدة , ماهي ريم ..

ــــــــــــــــــــــــــــــــــــــــــــــ
جالسة في غرفتها من اخر لقاء بينها وبين فارس , تتذكر شلون رفضها
و انكرها , قلبها يعورها , هذا هو حيلتها من الدنيا شلون يرفضها , وش ذنبها هي , هم اللي اخذوا ولدها منها , هي ما تخلت عنه …
دخلت ام صالح وهي تقول : عذاري , ليه ما تغديتي
عذاري وهي تشوف ام صالح : ما ابغى , الحمدلله
ام صالح بضيق : عذاري ياوخيتي , هونيها وتهون , فارس بيجيك لو طال الزمن ولا قصر ..
عذاري بوجع : انكرني يا ام صالح , قال لي في وجهي مالي الا ام وحده وش حيلتي انا , هم اخذوه مني و احرموني اياه .. ليه ما يسمع مني
ام صالح : اعذريه يا عذاري , انتي طلعتي له من العدم تقولين له انا امك , الموضوع يبي له شوية وقت , وان شاءلله كل شي بيصير زين
عذاري اخذت نفس وهي تقول : عسى ربي يسهلها
ام صالح : آمين … أبو عصام برا
عذاري انتفضت وهي تقول : وش يبي … بعدوه عني .. ابعديه عني ..لا اشوفه
ام صالح وهي تمسك عذاري : لا تخافين .. لا تخافين … فهد يعرف يتفاهم معه ..
عذاري اخذت نفس , ما صدقت تنحاش منه لحقها ..
في المجلس , ابو صالح و ابو عصام
أبو صالح بغضب : وش تبي جاي يا ابو عصام
أبو عصام بضيق : ابي مرتي يا فهد ..
ابو صالح : مرتك طل في وجهك بلا طل في وجهك
أبو عصام حاول يتحمل الاهانة لـاجل عذاري : يا فهد , سعد الله يرحمه رفيقن لي وانت ادرى , هو اللي طلب مني ان محد يدري ان عذاري حيه
أبو صالح بقهر : سعد مات الله يرحمه , والحين مافيه الا انا .. طول هالسنين كنت اقابلك وجهاً لوجه ماعمري توقعت ان اختي زوجتك , وان اختي عندك داسها كنك حرامي ..
أبو عصام بضيق : يا فهد ادحر الشيطان , ورجع مرتي ..
اابو صالح : مالك مره هنا ..
أبو عصام يتحايل : اسمع يا فهد , عذاري اختك ماقلنا شي , تبيني اطلقها بـ اطلقها , لكن تراها موب زينه لكم , اختك ترجع عقب ثلاثين سنة , وش بيفكك من السنة العرب وانت رجال معروف , رجع عذاري لي يا فهد وخلها مرتي وعندي في بيتي , ولك مني اني لـ اخليها براحتها تزوركم و تزور ولدها , منها ما يطلع عليكم هرج , ومنها انا ماسك عنكم فضيحة قوية , اختك عندي معززة مكرمة , ولا شي بيضايقها ولا شي يضايقكم وش قلت
ابو صالح وكأن كلام ابو عصام اقنعه خصوصاً ان ألسنة الناس ماترحم صدق , قال بعد تفكير : ان وافقت لا تعتبره ضعف , ولا تعتبره خوف منك , ان وافقت وافقت عشان العائلة واسمها ..
أبو عصام وقفت وهو يقول : انتظر ردك يا فهد , وان شاءلله ان ردك بيجي محمل بالخير ..
طلع ابو عصام , وجلس ابو صالح يفكر بالكلام , لكن كيف يقدر يقنع عذاري , لو طلعت عذاري لـ الناس من جديد وش بيطلع كلام عليها وعلى العائلة , كل شي الا العائلة ..
ــــــــــــــــــــــــــــــــــــــــــــــــــ ــ
رجعت سما البيت , وراح وليد لـ العمل ..
اتجهت سما لـ غرفتها وهي تكلم رنا
سما : اقولك يا رنا وليد تغير مليون درجة , والله مخوفني
رنا : شلون يعني
سما بتفكير : يعني مدري , احس انه تغير , قبل كل ماشافني كشر في وجهي , قال لي كلام يسم , يتجاهلني بشكل مريع , و دايم يدقق علي
رنا تحمست : والحين ؟
سما جلست على السرير : الحين غير , يعني شفتي الكلام اللي قلته لك قبل شوي , مستحيل يسويه من جديد , يعني مثلا يسولف معي مره كثير و يقول لي اشياء ما احد يعرفها , وصاير يبتسم في وجهي كثير , و تخيلي نزلت لـ المطبخ بـ اطبخ لي اكل , جاء من الدوام وكان تعبان , ما خلاني اطبخ , هو طبخ , و زيادة على كذا اليوم , قايم مشغول بيروح لـ الدوام يوم درا ان عندي موعد هو وداني بنفسه , مع انه مستحيل يترك شغله , و صاير لو اتكلم عن أي رجال يعصب , اليوم يوم تسولفين لي عن اخوك انه بيتزوج و انا قلت حسافه عليه , انهبل والله حسيت انه انهبل ..
رنا بصوت عالي : يسسسسسسسسسس , واضحه يا بقرة
سما عقدت حواجبها : وشو
رنا وهي تضحك : شركتبه بـ جمال وجهك يا قلبي
سما : نعم !
رنـا وهي صادقه : والله العظيم لـو احلفه انه يحبك
سما بدهشه : يحبني , هههههههههههه مجنونه انتي والله , رنا حبيبتي وليد للحين ما قرب لي كيف يحبني
رنا :والله العظيم انه يحبك وانا مستعده احلف من اليوم لين بكرة , وبعدين يا حمارة يا بقرة , واضحة حركاته
سما بتكذيب : مستحيل مستحيل ..
رنا وهي تفكر : طيب , وش رايك تثبتين لـ نفسك
سما : كيف ..
رنا : شوفي , واسمعي خطط عمتك رنا وانتـ….
سما تقاطعها : عمة عينك بلا , وش عمتك تكلمي زين
رنا : اسمعيني بس حنا في موضوع مهم , اسمعي زين وفتحي لي اذانيك
نداء الحق, reehab, القمر الجديد 1 and 5 others like this.
رد مع اقتباس
#165
قديم 02-02-16, 06:02 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
سما بحماس : اسمع وشو
رنا : دام وليد صاير يهتم فيك مره على قولتك , سوي نفسك ما تشوفينه
سما بغباء : كيف اسوي نفسي ما اشوفه
رنا : يعني يا بقرة , اذا كلمك سوي نفسك موب مهتمه له , اذا مر من عندك لا تشوفينه , تكلمي معه وانتي كنك فليزر , فهمتي علي , يعني من الاخر لا تعطينه وجهه ابد
سما بتفكير : والله بيصطرني وليد
رنا : ماعليك منه , لا يهمك فهمتيني
سما : طيب وش بيسوي هو
رنا : شوفي اذا سألك اكثر من مره وش فيك , واذا صار يتودد لك , ولا اذا صار يحاول يفتح معك سالفة , اعرفي انه يحبك من الاخر
سما تفكر : بجرب , بس ان صار لي شي انتي المسؤولة , تراه موب سهل
رنا وكأنها خافت : انتي و زوجك بصركم , انا عطيتك حل واذا تبين تنفذينه نفذيه
سما وقفت وهي متحمسه : بنفذه و اشوف النتايج
رنا : وخبريني اول بـ اول , واسمعي يا حمارة , بكره في امك خيرك تأخري
سما : بسم الله , ماني متأخرة , بس متى بتملكون ؟
رنا : بعد اذان العشا
سما وهي تبتسم : المغرب وانا عندك اجل
رنا : اوكي , سلامو عليكم
سما :سلامو عليكم ..
سكرت سما من رنا وهي تفكر , معقوله يحبها , مستحيل , مستحيل , لفت براسها لـ صورة شهد المعلقة على الجدار, كيف يحب سما وهو حاط صورة شهد قدام عيونه , ما ينام الا قبل ما يشوفها .. مستحيل يحبها

ـــــــــــــــــــــــــــــــــــــــــــــــ
وقف فارس وهو يشوف النطيطه الكبيرة , بعد ما انفخوها العمال ..
طلعت ريم وهي تركض : وااو
فارس لف عليها وللحين مستغرب منها : من جدك , بزر انتي ؟
ريم قربت منه وهي تناظر فيه : عادي امسكك و ادخلك اللعبة ولا بصير عايشة الدور
لف عليها فارس وهو يمد يده : امسكيها , عادي
مسكت ريم يد فارس وهي تسحبه لـ النطيطه : والله وناسة وانت تنط , جربها , قد جربتها قبل ؟
فارس : لا
ريم شهقت وهي تقول : فيه احد ما جرب النطيطه , راحت طفولتك احل
فارس بـ هدوء : كان فيه طفوله اساساً ..
ريم ابتسمت وهي تقول : لا تصير كنق دراما , يالله خلنا نجرب ..
فارس فصخ جزمته ” أكرمكم الله ”
ريم وهي تناظره : ستوب , بترتاح في الجينز ولا تغير
فارس وهو يناظر لبسه : مريح , وش سالفتك انتي خلينا ننط ونخلص ..
ريم : لتس قوو
رقت ريم على النطيطه وهي تقول : يالله تعال ..
فارس ركب عليها : وش اسوي
ريم ناظرت فيه : نط
فارس يستغبي شكله وهو ينط
ريم فهمت عليه : نط يالله , ترى عادي وانت مجسم تنط والله عادي ..
فارس ناظر فيها وهو حاط يدينه على بطنه : …………..
ريم : سامحني اجل
نطت ريم بقوة , و اختل توازن فارس وطاح ..
ريم بصوت عالي : موب قلت لك نط , بس انت ما رضيت
فارس وهو طايح : وقفي , وقفي بنط وقفي
ريم : قل والله لـ انط
فارس يجاريها : والله لـ انط بس وقفي
ريم وقفت وهي تسمك يده
وقف فارس وهو يناظر فيها : يعني تخونينني
نط فارس بقوة , وطاحت ريم ..
ريم ضحكت وهي تقول : وقف يالله عاد , امانه ابي العب , فارس بـ انضلك ترى , وقف
مد فارس يده لـ ريم وهو يوقفها , ابتسمت ريم وهي تنط و فارس ينط , وهو حاس بمتعة النطنطه ..
أبتسم عليها , تلعب وكأنها بزر وهو نفس الشي كنه بزر , يلعبون ..
ناظر فيها , ما كنه قبل شوي جارحها جرح صعب , حتى صعب عليه هو , كيف قدرت تناظر في وجهه ولا تلعب معه ..
ريم ناظرت فيه : وش فيك , ليش سرحت
أبتسم لها فارس وهو يقول : ولا شي
ريم ضحكت وهي تقول : هههههههههههه , شكلك وانت تنط حلو
عرف فارس انها تتطنز عليه , ابتسم لها ..
ريم تناظر فارس : فيه حركه , كنت اسويها انا و صالح , قرب , بسويها انا وياك
كشر بوجهه فارس , ياذا الصالح اللي ما يحبه ابد ولا ينزل له من زور
قربت من عنده ريم وهي تمسك يدينه الثنتين
ريم وهي ماسكه يدينه : يالله نط , ون , تو , ثري
نطر فارس وريم مع بعض , كانت متعه لـ فارس , اول مره يجرب هالشعور
فكت يدينه ريم وهي تنط بلحالها , ومبسوطه انها قدرت لـو مره وحده تخليه يجرب شعور ما قد جربه ابدا
اما هو كان ينط , وكأن النطنطه تطلع من روحه اشياء , كانت داخل ..
جلست ريم على طرف النطيطه وهي تشوفه ينط ولا في باله احد , ويسوي حركات الشقلبه وكأنه شخص منقهر من اشياء واجد , وكأنه شخص يحمل في قلبه ألآم كبيرة لـ درجة انه مع كل نطة كان يشد وجهه وكأنه يتذكر اشياء ..
نزلت عيونها لـ الأرض وهي تبتسم بحزن , كل شي بـيمر يا فارس , كل شي ..
وقف نط لما حس بالتعب , ناظرت فيه ريم وهي تقول : فيك شي
فارس وهو يحس السكر منخفض عنده : مافيه شي
ريم ناظرت في وجهه وعيونه , هو شخص رياضي جداً فـ من الصعب انه يعرق , تذكرت ان عنده السكر , اكيد انخفض السكر عنده ..

وقفت بسرعه وهي تقول : فارس انتظرني لا تروح ..
دخلت لـ المطبخ وهي تاخذ تشوكلت
طلعت وهي مسرعه قالت بتعب : خلنا ناكل تشوكلت , يرجع الطاقه لنا
جالس على طرف النطيطه وهو يحس بـ اعراض الأنخفاض , اخذ منها التشوكلت وهو ياكله ..
ريم جلست جنبه وهي تقول : وش فيك
فارس ناظر فيها : ولا شي ..
ريم ناظرت فيه : عندك السكر ؟
فارس لف لجهتها وهو يناظر فيها بسرعه : سكر , من قال لك , شلون عرفتي , ما احد يعرف
ريم بـأرتباك : مدري .. حسيت .. نفس ..وجهك نفس وجه ابوي لما كان عنده انخفاض ..
فارس وهو ياخذ نفس : ما احد يدري , انتبهي احد يعرف
ريم ناظرت فيه ودها تسأله أكثر بس تخاف يـتركها ويطلع: ان شاءلله ..
فارس استند على النطيطه وهو يقول : افكارك مجنونه , شلون طرت على بالك فكرة النطيطه
ريم ابتسمت وهي تقول : ما ادري , بس في بيتنا نطيطه كبير , كل ما تضايقت نطيت فيها , وشمت هواء كثير , اصير احسن من اول , احسها تساعدك تصير بخير ..
فارس لف عليها : للحين متضايقه
نداء الحق, reehab, القمر الجديد 1 and 5 others like this.
رد مع اقتباس
#166
قديم 02-02-16, 06:02 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
ريم تربعت وهي تقول : لا عادي , انت صادق , انت قلت لي بلسانك انت ماكنت تبيني وانا قلت لك بلساني اني م اكنت ابيك و تساوينا
فارس بفضول : ليه ما كنتي تبينني
ريم ناظرت فيه وصدت بوجهها وهي تقول : سر ..
فارس بهدوء : انا , ما كنت ابي اتزوج ابد , اكتفيت من الأولى لكن انتي ليه ما تبين ؟
ريم وهي تاخذ نفس : ما كنت بانية احلامي عليك , كنت يعني … يعني ماكنت اشوفك انت الواو , كان فيه غيرك كثير اشوفهم واو
فارس ناظر فيها : نعم , وش اللي واو
ريم بصراحة : هذي الصراحة , كنت بانية احلامي على اشخاص ثانين
فارس انقهر من صراحتها : انتي تقولينها كذا صريح عادي
ريم وهي تبتسم : انت قلت لي اني عشت الدور , صح واني موب زوجتك وانك اكتفيت , الحين اقولك انا الصراحة مافيها شي
فارس انقهر لكن ما بين لها: يعني انا تحسينني موب مالي عينك
ريم : موب سالفة مالي عيني , السالفة غير مليون بالمية
فارس ناظر فيها : طيب شلون وافقتي علي , يعني ماكنتي تبينني و رفضتيني شلون رجعتي وافقتي
ريم ناظرت فيه وهي تبتسم : سر
فارس : وشو السر يعني ..
ريم تناظر فيه : يعني مثل ما خلوك توافق انت خلوني اوافق
فارس بـ استغراب : انتي قلتي سر , وش السر
ريم : هذا السؤال لو تسألني اياه مليون مره مستحيل اجاوبك عليه ..
فارس كأن الفضول بدأ يلعب فيه , قال وهو يناظر فيها : ماراح اسألك اياه مره ثانية , جاوبتي او لا موب مهم
ريم انسدحت وهي تقول : ادري ..
انسدح فارس جنبها وهو يقول : كنتي بتزورين اهلك , ليش مارحتي
ريم بكذب : مافيه احد يوديني وانت رحت وتركتني
فارس ضاق صدره : ………
ريم ولقتها فرصه : وبعدين هونت ما ابغى اروح
فارس : ليه ؟
ريم : ما ادري , ماودي اشوف عمتي عذاري و يضيق صدري , قصتها تحززن كل ماذكرتها ضاق صدري ..
فارس بهدوء , لكن قلبه يتألم : ليه ..ترحمينها
ريم ماكانت تبي تضغط عليه لكن لازم : ما اعرف , يعني انت تخيل انها عاشت حياتها كلها مسلوب حقها منها , و فوق هذا على حسب ما اعرف اخذوا ولدها منها بالغصب , و صارت محبوسه طول عمرها بين اربع جدران , الذنب ماهو ذنبها عشان يتخلى عنها الكل , و لمدة كبيرة , ثلاثين سنة , ولما رجعت وبغت الراحة , الراحة بعيدة عنها , هي مالها ذنب كل ذنبها انها كانت طفلة و مالقت اهتمام , وانلعب عليها ليه الناس صارت قاسية وقلوبهم ما ترحم , ولا يقدرون , فارس لو تشوف نظراتها كيف خايفه , حتى من الطفل الصغير خايفة , و لسانها يالله يالله تتكلم, كانت تتكلم كأن احد غاصبها تتكلم ..
ينطعن قلبه مليون طعنة مع كل كلمة تقولها ريم , وكأن الخنجر ينسحب من قلبه ويرجع يطعنه مره ثانيه , قال بعد مده : وانتي كيف عرفتي ..
ريم بـ ارتباك غير واضح : امي , قالت لي
فارس بتوتر : ما تعرفين من ولدها ..
ريم وهي تناظر فيه : لا , بس اكيد انه لو درا ان امه فيه , والكل له حق يسألها عن أتفه الأمور , و الكل يقدر يجرحها بـ اتفه شي , ما راح يرضى عليها , طال الزمن ولا قصر هي أمه
وقف فارس وهو يقول : انا .. بـ أطلع ..تبين تروحين لـ اهلك ؟
ريم هزت راسها وهي متأكدة مليون بالمية , ان فارس حن لـها , لو مهما كان الطفل لازم يحن لو ثانية لـ امه : ما ابي , بجلس هنا ..

فارس بضيق : اخاف تملين بلحالك
ريم ابتسمت وهي تقول : سارة بتجيني ..
فارس : انا بطلع ..
ريم : حافظك الله ..
طلع فارس وهو يركب سيارته , ويتذكر كلام ريم , قلبه تقطع , حتى لو هو قاسي , هي مالها ذنب , جلس يفكر , وش ممكن يسوي , يروح لها ..
او ينتظر , أو وش يسوي ..
سرح دقيقة في ريم , واستغرب كلامها , ابتسم , قلبها كبير , ويتحمل اشياء كثير , لو حده ثانية مكانها وسمعت الكلام اللي قاله فارس لـ ريم مستحيل تتحمل ..
جالسة على النطيطه وهي تبتسم , يارب انها قدرت تأثر فيه لو شوي , أبتسمت , ريم صايرة تتقبله و تتعاطف معه و يمكن تحبه بشكل ملحوظ ..
ــــــــــــــــــــــــــــــ
قبل فتره
ركبت الطيارة وقلبها يغلي , باقي لها يوم كامل عشان توصل لـ سيف و تفهم منه الموضوع ..
ما قدرت تنام , وفي نفس الوقت ما تقدر تفكر وش ممكن يكون عمر سوا بسيف ..
في الطرف الثاني من الطيارة , جالسة و بجنبها رجل من رجال ولدها سيف , عيونها تتلألأ , بتقابله , اخيراً بتشوفه , تأكدت مليون بالمية انه سيف ولدها هو نفسه الآن اللي جا المستشفى , أبتسمت وقلبها يغلي لـ مقابلته , وش بتكون ردت فعله , وش ممكن يسوي , وش بيقول لـ الناس نزلت نظرها لـ رجولها , وهي تناظر فيهم بحسرة .. حسبي الله ونعم الوكيل , كل اللي صار فيها بسبب والدها , منشله بسببه , لو كانت تقدر تشمي , كان ركضت أول ماشافت سيف , طفلها اللي انحرمت منه , انوخذ منها هو و ابوه .. و عاشت باقي عمرها في مصحه عقلية وهي اعقل من مليون شخص ..
ــــــــــــــــــــــــــــــــــــــــــــــــــ ـــــــــــــــــــــــــــــــ
حط ناصر , ام سيف في المطار , اسرع لـ المكان اللي كان دايم يتقابل فيه هو و مها ” نافوة جدة ” ..
وقف عند المكان وهو ينزل من السيارة , ابتسم وهو يشوفها جالسة ولابسه قبعة و تنتظره ..
قرب من عندها وهو يبتسم , مستحيل كان بيتوقع هاليوم ..
جلس قدامها , رفعت نظرها له , وعيونها تتكلم , نزلت نظراتها و امتلأت عيناها بالدموع مره ثانية ..
ناصر بهدوء : بسك دموع ..
هدى “مها” : ما أقدر .. بس أشوفك ابكي ..
ناصر قال وهو يناظر فيها : وش صار ..
هدى بألم : وش ماصار لـحد الآن ..
ناصر قال بـ ألم : طلقتك ..
هدى قالت بـصوت باكي : تزوجت …
ناظر فيها ناصر بدهشه , قال وهو مرتبك : تـ ..تزوجتي ..
هدى هزت راسها : تـ…زوجت ..
ناصر اخذ نفس وهو يرجع على ورا وكأن مصايب الدنيا كلها فوق راسه : كيف تزوجتي , وانا ..
هدى بألم : هذا اللي صار ..
ناصر قال بهدوء يحاول فيه يمنع نفسه من التهور : اسكتي , لا تبكين خلينا نحل الموضوع ..
هدى مستحت دموعها وهي تقول : وش تحل , وش تخلي ..
ناصر : زوجك … سعـودي ؟
هدى هزت راسها وهي تقول : سـعـودي ..و ..ولـد عمتي ..
ناصر عقد حواجبه : ولد عمتك , شلون ولدك عمتك وانتي ماعندك عمه ..
هدى بضيق : بعد .. مارحت .. و بعد ما اخذوا ولدي مني .. طلع لي واحد من العدم , كنت احس ان حالته مثلي , جبره جدي انه يتزوجني , وتزوجني بس .. كان يحب وحده ثانية لدرجة ..ان …
ناصر وهو يناظر فيها : كملي ..
هدى نزلت عيونها وهي تقول : لـدرجة انه .. طول هالخمس سنين .. ما قرب مني ..
ناصر ناظر فيها و بفرحة تامه : انتي .. صادقة ..ولا تكذبين علي
هدى رفعت راسها : والله العظيم ما اكذب , تعلقت فيه , لكن ما حبيته .. لحد ماعرفت ان مافيه أمل منه , تركته , حتى هو في الرياض , ما ادري
نداء الحق, reehab, القمر الجديد 1 and 4 others like this.
رد مع اقتباس
#167
قديم 02-02-16, 06:04 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
متى سافر ولا ادري متى بيرجع .. اساساً هو متزوج .. و زوجته جابها لـ هنا ..
ناصر بضيق : متى بيطلقك ..
هدى ناظرت فيه : ما ادري … سيف لو اقوله طلقني الحين بيطـلقني..
ناصر فتح عيونه على وسعها , حاول بـ سرعة البديهة اللي عندي انه يربط , لما كان مع ام سيف في بيت عمر , كانوا يتكلمون عن سيف , و متزوج , و يحب زوجتهى , وجابها لـ امريكا , و سيف .. كان يقول له انه شايل عنه اشياء واجد , بيشكره عليها , قال بخوف ان اللي في باله صحيح : سيف الـ…….
هدى هزت راسها : سيف ..
حط يدينه وسط راسه وهو يفكر بالمصيبة اللي انحطت عليه , الا سيف ..يتزوجها أي واحد الا سيف ..
هدى بخوف: وش فيك .. ناصر ..
ناصر وهو يفكر وش ممكن يصير , وسيف و نور , و امه , كل شي اجتمع عليه : سيف …ولـد ..عمي .. و …زوج اختي
هدى بصدمة : سيف …ولـد عمك انت … و نور ..اختك
ناصر ناظر فيها : سيف ..ولد عمي يا مها ..
هدى ” مها ” ارتفع نفسها وهي تقول : ناصر , لا تتركني مره ثانية عشانهم , لا تتركني تكفى
وقف ناصر وهو يقول : لا تخافين , ماراح اتركك , بحل الموضوع
وقفت هدى وهي تمسك يده : لا تروح
ناصر فك يدها وهو يقول : مها .. انتي متزوجة .. ما يصير تمسكينني
هدى ناظرت فيه : انت .. انت زوجي الأول .. ناصر .. بتروح ومابترجع صح ..
ناصر ناظر فيها : والله العظيم بـ أرجع , بس أبغى احل الموضوع , لازم ارجع لـ الرياض , و اشوفه
هدى ناظرت فيه , للحين ما قدرت تتجاوز الكلام اللي سمعته , ناصر اخته نور , و نور زوجة سيف زوج هدى اللي سيف يصير ولد عمه , حطت يدها على جبهتها , وش بيصير فيها الحين , كيف بيقدر يسامحها ناصر على اللي سوته في اخته , شلون لو درا كيف عاملتها ..

ــــــــــــــــــــــــــــــــــــــــــــــــــ ــــــــــــــــــــــــــــــــ
نزل من الدرج وهو طالع لـ دوامه , وقف وهو يسمع صوت جواله يرن ..
رد وهو يقول : أرحب أبو محمد ..
طلال صديق عبدالله : وينك انت ..
عبدالله : هذا انا جاي لـ الدوام
طلال بصوت منخفض : لا تجي وشف لك حال في المصيبة اللي طاحت عليك
عبدالله بـ استفهام : وش صاير
طلال : أبو راين عم بنات ابو فرح , مقدم بلاغ انك خاطف بنات اخوه , وان فيه اثنين من العساكر يشهدون بعد ما شافوا البنات يركبون معك ..
عبدالله بورطه : أحلــف ..
طلال : أقـسـم بالله , والحين فيه تحقيق معك , شف لـك حل بسرعه قبل لا يستدعونك , عبدالله , ان استدعوك اعرف انك بتخسر وظيفتك
عبدالله بتوتر : طلال , البنات بيعترفون اني ما خطفتهم وش فيك
طلال : كان اول هذا , قبل لا يكتب في البلاغ , انك مهددهم بـ الكلام , وانهم بنات ضعيفات .. يعني بالمختصر منت طالع منها الا لا لقيت لك حل
كانت جالسة عند الدريشة , تناظر .. هذا حالها كل يوم من تركت الشغل , لفت انتباها عبدالله وهو يتكلم , شلون متوتر , فتحت نص الدريشة وهي تسمع , خطف ! وش صاير ..
وقفت وهي تفتح الباب ناظرت فيه كيف متوتر : عبدالله ..
لف عليها وهو يناظر فيها , قال بتوتر : نعك
فرح وهي خايفه ان اللي في بالها صح : وش فيك , وش صاير , من اللي متهمك انك خاطفنا
عبدالله وهو واقف متوتر و يده على جبهته : عمك , متهمني اني خاطفكم , وجايب شاهدين من الشرطة انهم شايفينني وانا اركبكم ..
جلس عبدالله على عتبات الدرج وهو حاط يدينه على راسه , وظيفته كيانه كيف بيخسرها ..
فرح ناظرت فيه بضيق , حسبي الله عليك من عم , حرام ما يستاهل عبدالله .. قال بتوتر : وش اللي يطلعك من الورطه هذي طيب ..
عبدالله وهو يفكر : مافيه حل … التهمه راكبتني راكبتني .. يالله … لا حول ولا قوة الا بالله ..
فرح ناظرت فيه , قالت بعد مده : تزوجني ..
رفع نظره لها بدهشه : نعم ..
فرح بتوتر : هذا اللي بيطلعك من التهمة , انك انت متزوجني .. وانا .. و انا زوجتك ..
عبدالله ناظر فيها : انتي صادقة ..
فرح صعبة عليها جداً انها تقول هالكلام , بس حرام عبدالله يخسر كل شي عشانهم : عبدالله , تزوجني , و خلنا نحط التاريخ قبل بـ اسبوع , عشان ما يقدرون يتكلمون ..
عبدالله وهو يناظر فيها :بس .. عمك ..
فرح : انت شرطي وادري مني بالموضوع , لو صرت زوجتك , مافيه احد يخطف زوجته ..
عبدالله , طلع جواله وهو يكلم طلال , وقال له الافتراح
طلال : هذا اللي بيطلعك من الموضوع , عجل يا عبدالله , قبل لا يتصلون عليك .. او يقتحمون بيتك ..
عبدالله توتر من فكرة اقتحام البيت , الا هالشي .. سكر الجوال
وطلع بسرعه من البيت .. الا فكرة انه يخسر وظيفته مستحيل , عبدالله يضحي بحياته كلها عشان وظيفته الآن بـ سبب عمل خيري يخسر وظيفته
جلست فرح , واجتمعت في عيونها الدموع , عبدالله ما يستاهل , طلعت مريم وهي تقول : فرح ,انت تعرفين وش سويتي ؟
فرح بضيق : وش اسوي , تبين اخليه ينسجن وهو ما قصر معانا ..
مريم جلست جنب فرح وهي تقول : الله يكون في عونه ..
طلع من البيت وهو يتوجه لـ أبو فرح , في السجن .. و معه مؤذون شرعي
نزل وهو يدخل النعابر , ويدخل الشيخ معه بدون تصريح , لو دروا الرئاسة صارت لـ عبدالله مشاكل كثير, وقف عند عنبر ابو فرح
عبدالله سلم على ابو فرح , و قال له عن السالفة من بدايتها لين نهايتها
عبدالله : وش شورك يا ابو فرح
ابو فرح بضيق , ودمعته في عينه من سوايا اخوه في بناته وهو متأكد مليون بالمية ان عبدالله مستحيل يلف و يدور عليه: والله يا ولدي ..مدري وش اقول..
عبدالله بضيق : ما معي وقت يا ابو فرح ..
ابو فرح وهو خجلان من عبدالله بسبب اخوه و معروف عبدالله اللي قدمة لـ بناته واخر شي ينسجن او يخسر وظيفته عشانهم : على بركة الله ..
نادى عبدالله الشيخ , وهو يقول له يكتب الكتاب , اخذ عبدالله بطاقتين احوال من بعض الحراس الموجودين , و حاول انه يسكر على موضوع التحاليل , وموضوع موافقه فرح ..
الشيخ بعد ما خلص كتابة العقد : مبروك …
ابو فرح : مبروك يا عبدالله

عبدالله بضيق : الله يبارك فيكم ..
وقف عبدالله وهو يقول : اشوفك على خير يا ابو فرح
ابو فرح بضيق : عبدالله يا ولدي , تكفى .. انتبه لهم , قلبي ياكلني عليهم ما اقدر انام الليل افكر فيهم
عبدالله وهو يناظر في ابو فرح : بناتك في يدين امينه يا ابو فرح لا تخاف ..
طلع عبدالله وهو يركب سيارته و يتوجه لـ مكتب التحقيق , بعد ما اطلبوه ..
دخل لـ المكتب , وهو يوريهم ورقة الزواج , ..
أعتذروا المكتب لـ عبدالله , و رفعوا على ابو راين بلاغ كاذب و ازعاج السلطات ..
طلع من المكتب وهو يجلس في سيارته حط راسه على الدركسون , وهو ياخذ نفس , وش اللي صار , كيف بيخبر اهله , اللي سواه شي كبير كبير , مستحيل احد يرضى يسويه ..
يالله ,ساعدني .. لا حول ولا قوة الا بالله
ــــــــــــــــــــــــــــــــــــــــــــــــــ ــــــــــــــ
reehab, القمر الجديد 1, نور محمد and 3 others like this.
رد مع اقتباس
#168
قديم 02-02-16, 06:15 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
جالسة في الصالة وهي تكلم رنا
رنا : اقسم بالله انك كلمتيني اكثر من مالك ” زوجها ”
سما : الشرهه علي والله اتصل عليك
رنا : كم كلمتيني مره اليوم
سما : ما اقدر على فراقك والله ..
رنا : ادري يا قلبي انتي , المهم قومي تجهزي يالله عشان ما تتأخرين ..
سما : خلاص بعد المغرب وانا عندك ولا يهمك بس .. رنا رنا .. وليد جا
رنا بحماس : يالله يالله , سوي نفسك ما تشوفينه ولا انتي مهمه فيه
سكرت سما من رنا وهي تفتح انستقرام تتفرج فيه ..
دخل وهو يقول : السلام عليكم ..
سما تسوي نفسها مشغوله : …………….
وليد وهو يناظر فيها : السلام عليكم
رفعت راسها سما : انت هنا.. وعليكم السلام ..
نزلت راسها من جديد وهي تسوي نفسها تضحك وتناظر الجوال ..
رفع حاجبه وليد , وش فيها هذي ..
وقفت سما وهي تناظر الجوال وتعدت وليد وهي ترقى فوق , لف وليد وهو يناظرها , وش هالتجاهل , عيني عينك ..
توجه لـ الغرفة وهو يشوفها تطلع ملابس ..
وليد : وين بتروحين ..
سما تطلع ملابسها :………………….
وليد قرب منها : اكلمك وين بتروحين
سما ناظرت فيه : رنا اليوم ملكتها ..
طلعت سما كم فستان وهي تصور لـ رنا , سناب تشات ..
سما تتكلم سناب تشات : رنا , أي واحد احلى البسه
انقهر وليد منها , وش هالتجاهل ولا كنه موجود , واقف ورافع حاجبه يناظر فيها ..
قرب من عندها وهو بيشوف نهايتها معاها : الاحمر احلا ..
سما وهي تاخذ الفستان الاسود : الاسود احلا ..
جلس على السرير , وهو منقهر بالمره من تجاهلها كنه موب موجود ..
دخل سالم وهو يقول : ماما .. بتروحين ؟
سما نزلت لـ مستوى سالم هي تقول : حبيبي , بروح وبرجع بسرعه ماراح اطول
سالم راح وجلس جنب ابوه : طيب ..
وليد , يناظر فيها وهي مستفزته , سالم اول مادخل انتبهت له وهو دخل مليون مره ولا انتبهت .. والحين ماسكه جوالها وتضحك ولا كأنه جالس ويناظر فيها ..
وليد وهو يناظر فيها : بتروحين لـ بيت رنا ..
سما هزت راسها وهي تشوف الجوال :…………
وليد وهو يقصد اخو رنا ” ما انتبه لـ كلماته ” : والشين هذا بيكون هناك ..
سما وهي فاهمه قصدة بس تسوي نفسها مشغوله :………………..
وليد خلاص استفزته : ســــمـا اكلمك انا
سما رفعت راسها ببرود : هلا وش كنت تقول , من الشين .. قصدك اخو رنا .. حرام عليك .. هذا شين ..
وليد انقهر منها خلاص : الحين اكلمك من اليوم و يوم جا طاريه رديتي ..
سالم ناظر ابوه كيف يتكلم ………………

سما ورجعت تشوف جوالها : لا .. مسافر ..
وليد ناظر فيها وهو يحس بالراحة , من يوم ما درا عن موضوع اخو رنا وهو ضايق صدرة , ما يعرف السبب , ..
دخلت سما دوارات المياه وهي تلبس فستانها ..
طلعت وهي تناظر سالم , قاصده : سلومي وش رايك , هذا الاسود احلا , ولا هذاك الاحمر
سالم وهو يناظر الفستانين : ماما .. الاحمر حلو ..
اخذت سما الاحمر وهي تقول : صادق , بلبسه ..
دخلت دورات المياة وهي تلبسه
و وليد رفع حواجبه , من اليوم يقول لها الاحمر , وهي ولا تسمعه ..
طلعت من دورات المياة وهي تقول : وش رايك ؟
سالم وهو يضحك : واااااااو ماما حلوة
وقف سالم وهو يقرب من سما : ماما , تعالي تحت شويه ..
تحت يقصد فيها لـ مستواه ..
نزلت سما وهي تقول : وشو
سالم وهو يفك شعر سما ويحطه على جنب : ماما .. كذا انتي حلوة اكثر
وليد رافع حواجبه من حركة ولده , وش هالقليل ادب , اللي يعرف بالزين ..
وقف وهو يتقدم من سالم ويرفعه
سالم : بابا , فكني .. بشوف ماما
وليد جلس سالم جنبه وهو يقول : عيب .. وش تسوي انت
سالم يرفع يدينه : وشو عيب بابا .. ماما ..
سما وهي ترسل بوسه لـ سالم : خلك هنا ماما , عادي انا بسوي زي ماقلت ..
وليد ارتفع ضغطه خلاص , سافهته وتسمع كلام سالم ..
حطت سما مكياجها وهي تسترق النظر كل شوي لـ وليد و سالم جالسين على السرير يناظرون فيها , واشكالهم تضحك ..
عدلت سما شعرها , لفت على سالم وهي تقول : شرايك ..
وليد وهو يناظر فيها , مغرم بـ شكلها , وجمالها , كل شي فيها , لدرجة انه نسا تجاهلها ..
وليد : حلـ….
سما تقاطعه : سلومي وش رايك ؟
وليد اخذ نفس , و وده يطقها على التجاهل ..
سالم وقف وهو يقرب من سما : ماما … حلووة .. يجنن
قرب سالم من التسريحة وهو يشوف امه ..
وقف على الكرسي وهو يقول : ماما , تعالي هنا
قربت سما , ومسك سالم شعر سما وهو يرجعه على ورا , باس سالم سما وهو يضمها : ماما حلوة ..
ضمت سما سالم وهي تقول : و سلومي احلا والله ..
وليد لو تقوله آ يمكن ينفجر عليك من هالتجاهل , الفضيع ..
وقف وهو يقول : هيه , بـــنـــت
لفت عليه سما : تكلمني ..
وليد بقهر : لا أكلمك الجدار
لفت سما على سالم وهي تشيله
وليد انقققهر : من اكلم انا
سما بـ استفزاز : تقول تكلم الجدار
وليد بصوت عالي : الصـــــبـــــر يارب ..
نزلت سما سالم وهي تقرب من وليد , قالت وهي تناظر فيه : وش فيك ..
انلخم وليد , مقربه منه مره وتناظر فيه , ما عاد عرف وش يقول :….
سما وهي تبتسم وتناظر في عيونه , قاصده تشوف ردة فعله : وش فيك , قبل شوي تناديني والحين لما رديت عليك سفهتني , فيه شي ..
وليد ضاعت علومه , تناظر فيه بـ شكل حلوو مره , و مركزة عليه
سالم قرب من سما وهو يسمك يدها , قال بصوت واطي : ماما , بابا يناظر كذا , ما يعرف يقول كلام
ضحكت سما من تعليق سالم , يعرف ابوه زين ..
وليد دوروه ماتلقونه , ضاعت علومه خلاص , كل شي يعلقه في سما اكثر و اكثر ..
نداء الحق, reehab, القمر الجديد 1 and 4 others like this.
رد مع اقتباس
#169
قديم 02-02-16, 06:16 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
رجعت سما على ورا وهي تقول : اذا تذكرت وش بتقول قلي .. طيب .. طيب ..
وليد وهو دايخ : طيب ..
ضحكت سما على ردة فعلة , وش هالرد , وش هالطاعه سبحان الله ..
سما وهي تبتسم : توصلني , ولا اروح مع السايق ..
وليد يناظر فيها بهيام : لا .. بوصلك ..
سما اخذت عبايتها و شنطتها : يالله ..
سالم : بروح مع بابا اوصلك ماما
سما وهي تمسك يد سالم : يالله ..
نزلت سما لـ تحت وكل ماتذكرت شكل وليد تضحك , موب متعوده عليك كذا ..
جلس على السرير وهو يستوعب وش قال , حط يده على وجهه , شلون قدرت عليه , وهو شلون استسلم لها ولا هاوشها عشان تجاهلها , ابتسم بهيام وهو يتذكر شكلها , كل شي فيها حلو , و يمكن يطغى على الحلاوة

ــــــــــــــــــــــــــــــــــــــــــــــــــ ـــــ
جالس في سيارته وهو يشوف الساعه , باقي على الوصل خمس ساعات , باقي خمس ساعات و امه ترجع لـ الرياض , لـ دريتها اللي من ثلاثين سنة ما دخلتها , اخذ نفس وهو حاس بالكره لـ نفسه , كيف ما سأل عن امه “ام سيف ” صار له مدة راجع حتى ما كلف نفسه يسأل عنها , ولا جلس مع اخوانه , بس سلام .. و الغريبة ان أمه ما أتصلت عليه , ولا حاولت تشوفه , اخذ نفس .. في الاخير هي موب امه , مرت أبوه , نزل نظره لـ الأرض , وكل ما تذكر هذي الحقيقة قلبه يعصره من الوجع ,يحب امه ” ام سيف ” أكثر من أي شي في حياته , لكن ما يقدر يحط عينه في عينها لانها تعرف كل شي فيه , تعرف وش يصير فيه .. رفع جواله وهو يفتح ايميله , اخيراً اكتملت الايملات , الأوراق اللي فيها بيودي عمر ورا الشمس , لكن مستحيل يتخذ هذي الخطوة الا لين ياخذ حق امه , وحق ابوه , وحق عايلته كلها , وحقها هي “نور” أكثر شخص اتأذا منه رغم انه عرف كل شي الا انه ما يقدر يرجع سيف الاول , شي في داخله ينعه , شي يرفض انه يرجع لـ اصله , رفع نظره لـ مراية السيارة الاماميه , وش هذي النظرات يا سيف , من متى نظراتك كانت كذا , شد على يدينه بقوة وهو يقسم في داخله اشد و اعظم انواع القسم , انه لـ ياخذ حقه من عمر لـو طآل الزمن ولا قصـر
صحى من غيبوبه الافكار على صوت جواله , رفعه وهو يشوف الرقم , شد على اسنانه بقوة وكأنه بيكسرهم , عمر ..
عمر : يا هلا باللي رد , وينك يا ولدي من زمان ما اتصلت ولا رديت لي خبر عنك
سيف وهو يضغط على نفسه : موجود
عمر وهو يجلس على الكرسي , وهو حاس في تغير بـ صوت سيف : موجود بس مالك حس , ولا انا اكذب
سيف وهو يحاول يعدل صوته : حشاك الكذب
عمر بصوت مستفز : شكل مرت ابوك تحبك من قلبها , قاطعه مشوار لـ امريكا عشان تشوفك
سيف وهو يستوعب وش يقول : مرت ابوي ..
عمر وهو يصقع راسه , وبطريقة مستفزة : نسيت , انت تسميها امك , والناس بعد ما يدرون بالحقيقة , يسمونها ام سيف
سيف بـصدمة : أمي …وينها فيه
عمر وهو يحط رجل على رجل : امريكا , جايه لـ امريكا تخيل يا سيف
سيف وللحين مصدوم : جت ..لـ امريكا
عمر بـ استفزاز : جت لـ امريكا و وقفت لين وقفت عند باب البيت , شلون عرفت العنوان ما يندرا شلون وصلت لي ما يندرا .. بعد الحريم مجنن
سيف و نفسه يرتفع , كل الناس عادي عنده تعرف بـوضعه الا أمه , كيف بيكون حالها , وش تهوجس فيه الحين , أرتفع سكرها من التكفير ولا لا , يارب ألطف فيها , الا امي يارب , الا أمي
عمر وهو يناظر قدامه : متى الرجعه , انت وبنت النجس
شد على يدينه بقوة , يسب عمه قدامه وهو ما يقدر يتكلم , حاول يتماسك ,و يبين له ان الوضع عادي : بـرجع,لكن بدون نور ..
عمر ضرب عصاته في الأرض : نسيت والله العظيم اني كنت داري انك نسيت , تذكر يا سيف وش سووا في امك , تذكر شلون ذبحوها منا القهر
سيف بـقهر وكأنه بركان من القهر : ذاكر شلون تبينني انسى اللي عذب امي , ما يحتاج تذكرني , لاني كل ما حطيت راسي على المخدة تذكرت لا تخاف يا عمر , أقـسـم بعزة ربي كل من ذوق أمي وجع وقهر و ظلم لـ أردها له بـ شي اكبر
عمر وكأنه ارتبك : اجل عجل بـ جيتك
سيف : ما اقدر اجيك هالفتره , انتظر علي شوي
عمر : معك وقتك ..فمان الله اجل
سيف : …فمان الله ..
سكر عمر من سيف وهو يناظر الجوال , وش فيه , صوته فيه شي , توتر , خاف , ما يدري ليش صوته تغير هالكثر ..
وكأنه فيه شي غريب , وقف وهو يناظر الدريشة , قـطع مسافة ثلاثين سنه عشان ينتقم منهم , مستحيل ان خططه تخرب لـو انتهت حياته ..
خاف من صوت سيف , و خاف من طريقته في الكلام , قلبه ما يكذب عليه , لف بظهره وهو يفكر بسرعه , الوقت يمشي , يرجع لـ المملكة , لكن رجعته بتفتح عليه أبواب مسكره ..
مستحيل على كل اللي سواه عشان يوصل لـ سيف , ما يتحقق مناه , تذكر وش سوا عشان يجيبه , كل شي كان مخطط له بالحرف الواحد .. مستحيل الحين كل تخطيطه يروح يطير لـ السما

ــــــــــــــــــــــــــــــــــــــــــــــــــ ــــــــ
أمه في أمريكا , وهو هنا , توه يدري عنها , رايحه لـ امريكا عشانه وهو هنا , وش اللي صار يا سيف , ما عاد تدري عن أمك , انتهت من حياتك امك , ما عاد تفكر فيها , أجتمعت كل الآم الدنيا في قلبه , يتمنى لو عيونه ترحمه و تعصر دمعه وحدة بس , لكن ما فيه أي دموع في عينه رغم ان قلبه بيتقطع من الألم .. رفع جواله وهو يكلم سارة ..
سيف بصوت جامد : سارة …
سارة وهي مستغربه اتصاله : هلا سيف
سيف وهو يحاول يتكلم طبيعي : متى..وصول امي ؟
سارة وهي تناظر الساعه ما تتذكر بالضبط متى : يمكن حولها نص يوم
سيف وهو يناظر التوقيت : على أي خطوط ..
سارة وهي ما تدري : ما ادري , بس اذكر كانت القطريه ..
سيف اخذ نفس وهو يسكر الجوال , امه سعاد على السعودية , وامه امنه على الـقطرية , وش اللي جالس يصير الحين ..
عقدت حواجبها سارة , يسكر في وجهها بدون ما يقول شي , أكيد ان فيه شي كبير ..
ــــــــــــــــــــــــــــــــــــــــــــــــــ ــ
فتحت عيونها وهي تشوف الساعه , نقزت بسرعه وهي خايفة من امها تأخرت على الحفلة اللي مسويتها لها ..
رفعت جوالها وهي تتصل على سارة
نور : ساروه وينك
سارة : انا عند ريم , اتصلت عليك لين قلت ربي الله وانتي طال عمرك نايمة
نور وهي تحط يدها على جبتها : وش اسوي من متى ما نمت ..
سارة : ريم توها تدري ان فيه حفلة ..
نور : طيب , انا كنت ابي منك ميكب و أي فستان , ما عندي شي
سارة بشك : من جدك
نور : أي والله , موب وقتك يا بنتي امي بـ تجلدني
سارة : طيب , طيب انا وريم جاين الحين
نور : بتروش عبال ماتجون لا تتأخرون
سكرت نور من سارة , يالله على هالنومه بتموتها أمها أكيد ..
وقفت وهي تدخل دورات المياة ” أكرمكم الله ” مافيه ولا شي لها .. كل شي منحاس فوق بعضه حتى ما تدري وين ودت شنطتها , اخذت ” منشفة سيف ودخلت تتروش ..
طلعت من دورات المياة وهي تنشف شعرها , ماعندها وقت , رفعت جوالها وهي تشوف 5 مكالمات من أمها ..
اخذت جوالها و لبست عبايتها وهي تطـلع لـ فيلا عمها ..
نداء الحق, reehab, القمر الجديد 1 and 5 others like this.
رد مع اقتباس
#170
قديم 02-02-16, 06:18 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
دخلت الفيلا وهي تتوجه لـ غرفة سارة , وقفت عند غرفة سارة لـ لحظة , لفت براسها وهي تشوف غرفة سيف , قربت من غرفته وهي تفتحها , سكرت الباب و فتحت اللمبات , ناظرت في الغرفة زين , شعور الـغرابة يطغى عليها مع انه سيف , جلست على سريره , لـفت براسها للجهة الثانية , عقدت حواجبها وهي تشوف ألبوم طايح , قربت منه وهي تشيله ..
صور لـ سيف وهو صغير مع امه آمنه ” أم سيف ” جلست على الأرض , فجأة تحسست المكان اللي هي جالسه عليه , فيه موية مكبوبه على الأرض
هذا يعني , ان الألبوم فيه احد شايفة من وقت قصير , تصفحت الألبوم وهي تناظر في الصور , سيف كان يناظر فيها , و الواضح انه يحاول يسترجع الحنين لـ امه بعد ماكشف كذبتهم الكبيرة عليه , رفعت يدها وهي تهف على وجها تمنع تساقط الدموع , كـافي ما صار لـ سيف من وجع , كافي اللي حصل له من صدمات , كـافي تغيير , كافي حقد , لام تفتح معه صفحة جديدة , تحاول تسترد سيف الأول , حتى لو كان هالشي مستحيل ..
سيف من وراها : وش تسوين هنا
لفت برعب : بسم الله ..
سيف كل شي مجتمع في قلبه , كل اللي سمعه اليوم ما يقدر يتحمله : وش شفتي عشان تسمين , شفتي جني , شفتي مارد
نور استغربت من رده , صحيح انه قاسي , بس ماعمره رد عليها كذا , قالت بهدوءها و ابتسامه خفيفة : ولا شي .. خوفتني بس
سيف وهو يشوف الألبوم في يدها سحبه منها بقوة وهو يقول : من سمح لك تشوفينها .. من ســـــمــــح لك تدخليـــــن هنا
نور ارتاعت من شكله : انا .. كنت بروح لـ سارة
سيف نطل الألبوم بقوة على الأرض وهو يناظر فيها : أنـتـي وش أخرتك واخرت حركاتك هذي ..
نور مندهشه من كلامه : سيف .. فيك شي ..
سيف وهو يناظر فيها : وش رايـــك انتي , وش تشوفين
نور متشتته : انا .. مـ…..
سيف بقهر من كل شي , قال بصوت عالي : لــلـحين تبين تفضحينني لا تخافين , كل شيب ينفضح , والله العـظيم كل شي بيبان
نور قربت منه وهي تناظر شكله , مرهق : سيف .. اهدى
سيف كل شي اجتمع عليه : بعـــدي عني , روحي افضـحيني قدام خلق الله , اليوم فرصتك , عندكم حفله جامعين فيها كل خلق الله , افضحي بـراحتك على كيف كيفك
نور وهي تاخذ نفس : اهـدى , انت فيك شي , بس وشو
سيف بصوت عالي : بـتعرفينني أكثر من نفسي ..
نور وهي تناظر فيه : انت الحين وش فيك , انا ما سويت شي , ماكنت اقصد كلامي هذا ..
سيف يقاطعها : قصـدتيه ولا ما قصدتيه , الكلام اذا طلع من اللسان ماعاد يهم اذا قاصده أو لا
نور وهي تناظر فيه : اجل كل كلامك اللي قلته لي أخذه انك قاصده
ناظر فيها وهو يرتفع نفسه
نور بقهر : يـــعنــي كل كلامك اللي قلته انت قاصده , صح , يعني لازم اخذ كلامك بعين الاعتبار لانك قاصده , كل كلمة قلتها في حقي كانت مقصوده صح , كـنـت قاصدها صح .. يا ســــلام عليك والله , ياما قلت وقلت , و سكت وعديتها , وين انا تكلمت وماكنت قاصدة اخذت كلامي بعين الاعتبار , يا سلام عليك والله
سيف وهو يناظر فيها , وحاط عينه في عينها : انا غير ..
نور انفجرت : وش اللي غـــيـــر …وش اللي يفرق بالله .. وشو اللي غير قلـي …وش كان الفرق بيني وبينك ..لما سألوك من هذي و قدام الناس كلهم قلت هذي الخدامه الجديدة , وش الفرق اللي بيني وبينك ..يوم تخليهم يتأمرون علي , تخليني انزل لـ الأرض اشي القزاز , وش الفرق بيني وبينك وانت ما فيه كلمه شينه منا قلتها لين ..كان فيه فرق بين كلامي و كلامك , تذكر وش صار لي , تذكر كيف نزل وشلت القزاز , ورجول زوجتك تخرب علي , شلون كان مطاوعك قلبك تخليني انزل اشيله من تحت رجولهم , حتى لو كنت انا غلطانه , حـتى لو كان ملعوب عليك , شلون يطاوعك قلبك , شلون قدرت تشوفهم يطولون صوتهم علي وانت ولا كلمة , شلون كان يطاوعك قلبك تسميني خدامه قدام كل الناس , سيف قبل لا اكون زوجتك انا كنت بنت عمك ابوي و ابوك اخوان , وبعدها صرت زوجتك , شلون قدرت تسوي فيني كذا ..
سيف كل شي تراكم عليه , قال وهو يناظرها : مالك ذنب , ولا انا لي ذنب , انا وش كان ذنبي طيب .. عايش في كذبه كبيرة , عشت طول عمري بين امي و ابوي , توفى ابوي و انا صرت الابو ..كبرت وعيوني دايم على امي و اخواني , وفجأة اكتشف ان لي ام ثانية , ولي قصة طويلة تنفع تصير قصة دراميه , فجأة يطلع لي واحد يقول لي ان ماجيت امريكا عايلتك كلها بتضيع , اخوك المصون ناصر بينسجن , عمي الله يرحمه متورط , جابني لين جابني لـ امريكا واخرتها يقول لي بكل بساطه انت ملعوب عليك امك الحقيقية اللي جابتك من بطنها ماتت موب امك اللي انت عايش معاها , للاسف يا سيف اللي انت عايش معاها مرت ابوك , وامك الله يرحمها ماتت , بعدين , يقول لي انا جدك , ابو امك , اللي ذبحوها اهل ابوك وحرموك منها , وفطروا قلبها لين ماتت بحسرتها , طلع لي من تحت الارض ثبوتات واجد تثبت ان اهلي ناس كأنهم من اهل جنهم على اللي سوه في امي , بعد خمس سنوات كانت مليانه تعب في تعب في تعب اكتشفت ان امي ماهي ميته عايشة , مشلوله , في مصحه عقليه وهي اصحى من مليون شخص , فجأة اكتشف ان نص الكلام كان كذب , فجأة عرفت ان كل الخمس سنين من التعب كانت كذب , كل شي فيها كان كذب , اكتشتف اشياء تشيب شعر الراس , هذا غير التعب اللي واجهت من كل الطرفين , كلنا مذنبين
نور وهي تناظر فيه : لا تقول كلنا , انا مالي ذنب , ليه مصر تخليني مذنبه …
سيف وهو يرفع صوته : لا مذنبه وانتي اكثر وحده مذنبه
نور وهي تناظر فيه بدهشه : انا مذنبه واكثر وحده بعد ..
سيف وهو يناظر فيها بصرامه :……………………
نور اخذت نفس وهي تناظر فيه : تدري , صادق انا اكثر وحدة مذنبه , بس موب فيك , انا مذنبه في نفسي .. لاني للحين معك ..

سيف يناظر فيها : …………….
نور اخذت نفس وهي تناظر فيه : فيه شي لازم يصير , كان مفروض انه يصير قبل خمس سنوات …والحين بيصير … طـلـقـني .. ما عاد فيني اتحمل اكثر ..
سيف وهو يناظر فيها , يا ثقل كلمة الطلاق على لسانها , ناظر فيها مره ثانية : طلاق ..
نور بـقهر وبصوت عالي : طــــــلاقي … أبـــغــــــى أتطــــلـــق
سيف شد على يدينه وهو يقول : ما ابي اطلقك …
نور ناظرت فيه : ما اقدر اعيش معك اكثر , طلقني , خلني اتركك وانا في قلبي شوية عرفان لك
سيف وهو شاد على يدينه : طلاق , لا
نور دفته بقوة وهي تقول : انت …شلون تبيني ابـقـى معك , تبي تموتني , تبيني اموت ….. طــــلـــــقني , أقـــســـم بالله يا سيف لو ما طلـقتني لـ اذبح نفسي ..
ناظر فيها بدهشه , لـ هذي الدرجة , يا تطلق منه او تموت , بلع ريقة وهو يناظر فيها , وبتفكير سريع , قال بصدق : لك ما بغيتي .. بـطـلقك .. لكن ..عندي طلب ..
حاولت تهدي نفسها وتنظمه : وش
سيف وهو يناظر فيها : خليك ..هالاسبوعين بس .. امي ..بـتجي لـ الرياض
نور بضياع : امك .. وش دخلني انا
سيف ناظر فيها قال وقلبه يعصره وجع : بطـلـقك والله العظيم بطلقك لو كانت هذي رغبتك .. بس اجلسي هالاسبوعين .. بس هالاسبوعين وبعدها ..ورقة طلاقك بتجيك
اخذت نور نفس , وكلمة طلاق قوية عليها , لكن هذا اللي لازم يصير : تم ..
لف بظهره , ماعاد يبي يتكلم اكثر : انا .. طـالع
طلع سيف من الغرفة , وهو يتنفس بقوة , طلع حبته رفيقة دربة وهو ياكل منها حبه , صعبه فكرة انه يطلقها , لكن كلامها كله صح , ماعاد فيها تتحمل العيشة معه .. أنتهى كل شي
جالس عند باب بيتهم في سيارته , مدخل يده بين شعره , ماهو قادر يستوعب ان فرح صارت زوجته الحين , عبدالله الـضابط يتزوج أبنه مجرم , حـتى لو كان مظلوم فـ الأخير اسمه مجرم في حق شخص , كيف بيتقبلون اهله الفكرة , كيف بيستوعبون اللي صار , هو الآن كيف بيستوعب ..
نزل من سيارته وهو متضايق , دخل البيت واتجهت عيونه على الملحق
و كـ عادت فرح , جالسة على الدريشة , تنتظره تبي تعرف وش صار ..
رفعت نظرها لـ عبدالله , اخيراً جاء , وان شاءلله انه حل الموضوع , وقفت بسرعه وهي تقول : عبدالله … وش صار
عبدالله وهو مركز عيونه في عيونها , ويناظر فيها بـ شكل غريب : مبـروك ..
ــــــــــــــــــــــــــــــــــــــــــــــــــ ـــــ

• لقراءة الفصل التالي:اضغط هنا
• لقراءة باقي حلقات الرواية اضغط على ( لو تعرفين وش يعني قهر الرجآل ما ابتسم ثغرك لـغيري رجل )