رواية التضحية الفصل السادس 6 بقلم آية حسن

رواية التضحية الفصل السادس 6 بقلم آية حسن

رواية التضحية البارت السادس

رواية التضحية الجزء السادس

رواية التضحية الحلقة السادسة

في السيارة كان الجو مضطرب بين شهد وعبدو هلبا 😰
عبدو: حبي، حبي ردي عليا، اسف وربي هذا كله مني اني 😔
شهد خانقتها العبرة: لالا مش منك اني خشيت فيكم هلبا 😔
عبدو: ماتقوليش هكي وامسحي دموعك واسمعيني شن بنقول …
نبيك تعرفي ان اني مايفرقني عليك الا الموت، الموت بس هو اللي يخليني مانوصلش فيك،❤
شهد: بعيد السو عليك، بعد عمر طويل، لكن اني منبيش المشاكل بينك وبين امك ولابيني وبين عيلتك، اني نبي نحبك بسلام بس 😔💔
عبدو: ربي معانا انشالله لان ربي يعرفنا صادقين اكيد حيكون معانا 🤲🏻
شهد: انشالله يارب، هيا سلام رد بالك علي روحك ❤
عبدو: امسحي دموعك وخلي روحك عادية تمام؟! 🥺
خشت شهد للحوش، امها كانت فوق في حوش عمها عبدو مشي لصاحبه كان يسكن في الحوش اللي لاصق في حوش شهد وروشن الدار اللي فيها شهد تطل علي قدام باب حوش الولد عبدو طبعا قعمز تحت الروشن بالزبط يبي يعرف شن بيصير
نزلت امل وكانت كل درجة تنزلها تزيد توتر شهد 😰
امل: روحتي، باهي الحمد لله لتفكرتي عندك حوش اني خليتك علي راحتك هلباا راهو، كلمتني نورية امبكري علي خاطرك 🤨

شهد: ي ماما ندى بروحها من عندها غيري لاصاحبات لا خوات منقدرش نخليها، وحتى خويلة نورية تعودت عليها🥺
امل: باهي ماعنديش مانع فيه هدا لكن نورية ماتشوفش فيك زي بنتها تبيك لولدها واني قلتلك بش تعرفي حدودك وترزني واسمعي هذا ما يعنيش انك تفلتي راهو نقدر في اي وقت نمنعك منهم والدوة الرسمية مزال يعني ماوافقناش راهو ولو بوك يسمع بشي حيمنعك من زيارتك ليهم 😒
شهد: اني حبيت العيلة لانها عيلت ندى مافي بالي شي من ناحية تانية وخويلة نورية حبيتها لانها بمعنى الكلمة ام ونشوف فيها قدوتي مستقبلا ❤
امل: هي حباتك ويوم الاثنين الجاي جايينهم ضيوف تبيك معاهم من الصبح هي هكي قالتلي بس هدا هو💛
ركبت امل لحوش عم شهد ووصتها تكنس قدام الباب لان في شوية تراب 🧹
شهد طول كلمت عبدو بكل راحة وكأن جبل عليها وتنحى 💕
طلعت شهد وكانت لابسة طرحة الصلاة وشادة المكنسة موجهتها لجيهة عبدو ماشافاتاش في الاول ظلام😅
عبدو: ت لاا مش هكي معقولة اخرتها بتضربيني 😂
شهد: حرام عليك مش حنضربك لكن اني فرخانة ان مافي شي صار ووو كنت خايفة رسمي 🥺💔
عبدو: سمعت كل شي بينكم لكن هلبا للاثنين مش حنشوفك ديري عليا دورة غدوة في المحل 😏
شهد: جمعة غدوة بنمشي لخوالي، هيا روح ورد بالك علي روحك 😁💕
روح عبدو واول ماخش شاف امه واحمد مقعمزين ندى راقدة 🛌
عبدو: ممكن نعرف الغاية والغرض من التمتيلية اللي صارت نكدتي عليا وعالبنت علاش فهميني ياامي؟ 🤔😔
نورية: اسمعوني انتو الزوز كويس اني مادرتش شي من فراغ، وباهي ندى رقدت بش نقوللكم انتو

يوم الاثنين جايين عماتكم وبناتهم وخالات احمد وخواتي ومرت عمكم (ام خنساء) واني اللي قلتلهم كلهم يجو 😒
احمد: اني عارف ان مرت عمي بتشوف حوش بنتها لكن الباقي علاش جيتهم وعزومتهم مش عارف 🤨
نورية: في دوة طالعة علينا واني نغرف كيف نسكت كل واحد ولازم من لمتهم بش نحط حد للي صار 😒
عبدو: دوة شني؟ علي منو بالزبط اكيد اني ولا لان مافيش حد ديما حاطين راسهم راسي الا اني 🤨🤨
نورية: بنقولك لكن بلا عار من فضلك ومش كل شي لازم شهد تعرفه،
عبدو: مدامك جبتي سيرة شهد معناها هي فيها الدوة 😶
نورية: روبين بنت عمتك مطلعة عليك انت وشهد دوة انها تبات معاك في حوش احمد لوطة دارتنا عيلة منحلة 🔞😒
عبدو: بنت الكلب هذا كله علي خاطر قلتلا مانبيكش دارت العار ويوم اللي خشت عليا في الدار واني كيف طالع من الدوش 🤬
احمد: كيييف؟ فهمني امتا صار هدا كله؟ 😡
عبدو حكي مواقف روبين لاحمد وامه بش يزيد يفهم امه كيف تتصرف
عبدو يتكلم: في لحظتها مارضيتش وحدة نحبها سمعتها تتشوه بسببي وحلفت ننتقم من روبين بموضوع قديم شاده عليها 😡
مر يوم الجمعة والسبت وشهد وعبدو كلامم قليل وعادي💕
يوم الاحد…..
شهد: انت وين؟ اني كيف طلعت من المدرسة مش حنروح للحوش امي طالعة فكني من مرت عمي بنجيك تغديت؟🤔
عبدو: اني في المحل تعالي مستاحشك ندرزو شوية، لامزال لين بعدين نروح للحوش ناكل مراات مش اكيد نروح ❤
شهد: افتحلي باب المخزن الكيسة رزينة واني جعانة 🤤
فتحلها الباب لقاها جايبة معاها شاورما ومشروب ومدلعة الجو عمتكم شهد 🤤❤😁
عبدو: جوعتيني معاك اصبري نسكر المحل فكيني من الزبونات ونجي هي ❤😁

شهد : اي حسن برا وتعالا تلقى كل شي واتي هي🤤
مشي عبدو يسكر في المحل وشهد خدت الوجبات فتحتهم ورتبت السفرة والمشروب وجي عبدو قعد يتفرج عليها وي حايسة في وشاحها جاها نحاهولها احسن مايضايقها 😅
عبدو: المحل مسكر عادي نحيه ❤
شهد: باهي هاته خلي نحطه بعيد احسن ما يتلبز 😅❤
عبدو شدها من يديها ونحالها كل شي في يديها وقربها منه وحضنها بكل حب ❤❤
عبدو: سلمها اللي مفكرة فيا وحاسبتني محلاها
شهد وخرت من بين يديه: هيا تعالى كول اني جعت☺️😅
عبدو: يا لطيف منك حتى الجوع خاش في الرومنسية، تعرفي بنديرلك اعادة تاهيل انتي، تو تشوفي 😂😂❤
شهد: اي بااهي انشالله غر يثمر فيا بس الكورس 😂❤
عبدو: نعرفك حبيبي تفهمي ع الطاير. 😅🤤💕
تغدو الزوز وبعدين شد روحت لقت امها مزال ماروحتش وعمتها تستنى فيها ومشغولة عليها طمنتها انها كانت مع البنات وخشت رقدت طول🛌😴
عبدو فوت ساعة وروح يبي يرتاح اول ماخش لقي امه وندى لابسين يبو يمشو للسوق يشرو حاجات للناس اللي جاية غدوة.
نورية: انت واحمد غدوة لازم تمشو للخمس عمكم يبيكم نيابة علي بوكم شكله بيبيع ارض جدك اللي غادي ☺️
عبدو: مالقيتي الا غدوة صقع راهو بنموتو يصير خير باهي 🤨
مشو للسوق وشرو شن يبو وعبدو خدي حاجات تسلية وشكلاطة وحطهم بروحهم في كيسة سودة بغض النظر ع الكيسات التانية 🤤🤤

ندى تتبرد: سلم وخيي شراهملي، وخيتي سلمه هات 😁
عبدو: حولي ايدك كسرة مش ليك ليا اني هادو 😒
ندى: سبحاان الله كلهم تحبهم شهد، سعدها قوي هالبنت 😏
عبدو: وانتي مالك ومالهم تحبهم شهد ولا لا كل واحد حر 😒
ندى: حق اي حتى اني حرة شوف الولد اللي غادي طرف 🤤
عبدو: اطلعي يا عيلة اطلعي، تفو عليك اركبي السيارة 😡
روحو وعبدو دس الكيسة في دولابه علي صوت احمد جي
احمد: للخمس، معقولة في هالصقع؟ شني يا عبدو الحل؟🤔
عبدو: امك هكي قالت شن بنديرلها، هلبا بعيدة مش حنلحق 😔
احمد: علي شنو بتلحق؟ عندك موضوع غدوة؟ 🤔🤔
عبدو: شهد غدوة جاية هني من الصبح قداش ليها معش جت وروبين حتى هيا جاية اكيد مش خنلحق نحب وننتقم النم 😡😔
احمد: اي عندك حق، حتى اني بنطلع اني وخنساء غدوة مدام امها جاية هني وهي ماتقدرش تجي للعادات 🥴🥴
عبدو: تعرف كيف عندي فكرة مليحة 😈🥴
عبدو: تعرف كيف، نديرو روحنا ماشيين وبعد الظهر كل واحد يمشي وين يبي ومدامه الجو صقع خلي نفوتوها توا بنجمدو كان مشينا وربي 🥶🥶
احمد: اي مليح هكي انت روح واني نمشي نطلع خنساء لانها بتنكد عليا مش ناقص😂
عبدو: وهو كذلك، نوض تعشى تلقا ماكلتك فوق الطاولة💕
ثاني يوم…… ناضت شهد لبست وطلعت رفعت معاها جامبسوت نازك لان اهل العروسة جايين وطبعا ماتعرفش بموضوع روبين ونورية شن بادير 😶💛
وصلت لحوش ندى جابت معاها بريوش سخون من الكوشة تبي نورية اديرهولها بالعسل من تحت يدياتها 🤤🍯
شهد: ديريهولي زي مرة درتيه لندى حلو، عبدو وين؟ 🤔❤

نورية: مشو لعمهم يبيهم برا طرابلس، سامحيني يابنتي عالرعشة اللي حصلتيها مني يوم الخميس كله حتعرفي بعدين علاش درته صدقيني😔
شهد: عمرك سمعتي ببنت زعلت من امها؟ وانتي زي امي ومانزعل منك لو تضربيني حتى الضرب ❤
ندى: احم احم صباح الخير اني مزال موجودة راه بتستولي حتى علي امي سادك خوي ايواااه 😂❤هاتي بوسة 💋
ضحكو وفطرو وبعدها نزلت شهد وندى للدور الارضي طبعا كان فيه صالون كبير هلبا ومفرش عالذوق المغربي يجنن🤤
ومقابل الصالون كان حوش العرسان احمد وخنساء🖇💍
لبسو زي بعض كالعادة ولانهم بيضمو الصالون كانت لبستهم كت وشورت بالرغم من الصقع 🥶🥶
عارفين ان عبدو واحمد مش حيجو فتحو اغاني وجوهم مليح 💃🏼🎶
في مكان تاني……… احمد وعبدو كانو في الكافي يفطروا🤤
احمد: اني صقعان واااك بنتجمد 🥶مسرع جي الشتي
عبدو: الساعة 12هيا نروحو عييت دوران من الصبح🥴
احمد: عييت ولا مستاحش شهد غر قول الحق😁
عبدو: اكيد جت هي، مزال دور الكلبة روبين بعدين، هيا نوض روح بيا بعدين نظم امورك 😒
احمد: اي نحطك في الحوش بعدين بنمشي ناخد خنساء نطلعو نكملو حاجاتنا للحوش وبنتغدو ونروح بيها 💛
احمد حط عبدو وهرب خاف من نورية تفصل عليه 😂😂
عبدو قعد يشوف من الروشن منو اللي لوطة لان صوت الاغاني قالب الدنيا عااالي🎶🤨
شاف شهد لقاها لابسة كت وشورت والروشن مفتوح 😶
خش خبط الباب ندى هربت فوق وشهد حصلت 😶