رواية هيلين وألجوس الجزء الثاني الفصل الثالث 3 بقلم سمية عامر

رواية هيلين وألجوس الجزء الثاني الفصل الثالث 3 بقلم سمية عامر

رواية هيلين وألجوس الجزء الثاني البارت الثالث

رواية هيلين وألجوس الجزء الثاني الجزء الثالث

رواية هيلين وألجوس الجزء الثاني الحلقة الثالثة

رفع مالك الحديدة و لسه هينزل بيها على مصطفى ولكن فجأة صوت عربيه البوليس وصل
ضحك مصطفى : معلش المره الجايه بقى
ولكن نزل كريم عليه بقلم حكومي خلاه يقع عالارض : انا تخ”طف اختي يابن ال ****
كان مالك هيكمل عليه ولكن هيلين مسكت أيده وهي بتترعش : ارجوك خلينا نروح مش قادرة
اخدها في حضنه و باس راسها : اهدي
اخد البوليس مصطفى و ركب مالك و هيلين العربيه و فضل كريم واقف بره
نزلت هيلين منها و حضنته : ارجوك انسى اي حاجه فاتت تعالى معانا
بصلها كريم بحزن : مش قادر اتخيل انك كان ممكن تروحي بسببي انا مكنتش اقصد
– انا عارفة ، انت اخويا و صاحبي و اعز ما عندي خلينا نبدأ صفحه جديدة
بصت على مالك و ابتسمت : صح
نزل مالك و دخلها جوا العربيه لان شكلها تعبان و مسك ايد كريم : ارجع عشان اختك إنما انا مش طايقك
ضحك كريم : و من امتى انت ليك قيمه عندي
هيلين بتأفف : خلاص بقى عشان خاطري ونبي
ركبوا سوا و روح كريم على بيت أمه عشان يطمنهم و كمل مالك طريقه لعشهم
هيلين : مالك كنت نزلنا مع كريم يتطمنوا عليا
– ولا كريم ولا مش كريم احنا هنروح و مش هخرج من البيت تاني خطفك ابن ال****
الحمدلله ان كريم انقذني
وقف بالعربيه فجأة : كريم اللي انقذك .؟ كريم ها اللي كان واقع في الأرض زي الفرخه
ضحكت و مسكت أيده : انت بطلي
وصلوا البيت و كان فستانها كله طينه و حتى مكياجها اتبهدل
شالها و خدها لاوضتهم اللي كان ليها حمام خاص و نزلها على السرير : يلا بقى
– يلا ايه ؟!
يلا ادخلي استحمي ياللي دماغك ضايعة انتي فاكره ايه
قامت هيلين و دخلت الحمام و فضل هو واقف
غمض عينه و حط أيده على وشه : الحمدلله انها بخير
فلاش باك…
بدأ يفتكر لما اخت مصطفى اتصلت عليه و طلبت تقابله في الطريق اول ما مصطفى خطف هيلين
نزل من عربيته و جري عليها كان هيخنقها : فين هيلين فين مراتي
– ابعد ايدك عشان اقولك ..
نزل مالك أيده : انطقي
– انا موافقة اقولك على مكانها بس بشرط تطلقها و متلمسهاش
مسكها مالك من شعرها : انتي مين عشان اسمع شروطك دي انا اصلا عمري ما قابلتك غير يوم المركز
مريم : و من وقتها وانا بحبك مش قادرة اتخيلها معاك
مسكها من رقبتها : خلاص تخيلي في النار بقى لما تم”وتي
قعدت تكح و عيطت لحد ما سابها
– انطقي مراتي فين
هقولك …..
خرجت هيلين من الحمام وهي لابسه بيجامه مقفولة و قعدت على السرير
قعد مالك جنبها اخدها في حضنه : لو كان حصلك حاجه مكنتش هعيش
– طول ما انت موجود انا هبقى بخير
…..
في بيت احمد
كريم : ازاي تتخطف وانتو واقفين في الفرح يا معاتيه
فارس : بقولك ايه متعملش فيها بطل م انت كنت كمان واقف انا شايفك
سيده : خلاص بقى كفايه تعب الاعصاب ده
هدى : الحمدلله انها رجعت و محصلهاش حاجه انا هطلع انام عشان تعبانة
طلعت اوضتها هي و مروان و طلع مروان وراها و قفل الباب : و حضرتك زعلانة ليه
– في ايه يا مروان مش زعلانة بقول تعبانة
و التعب جالك لما عرفتي أنهم قبضوا عليه صح ؟!
– قبضوا على مين ؟ انت بدأت تخرف
انا اللي بخرف و لا انتي اللي حنيتي
– مروان بعد اذنك عايزة انام و بلاش التخاريف دي بجد تعبانة
ياريتني ما اتجوزتك و استحملت كل ده انا عارف ان نهايتنا قربت
– قصدك ايه ؟
..هتطلقني ؟!
خرج مروان من الاوضه و قعدت هدى تعيط و تفكر أنها فعلا بتحبه بس هو غيرته زيادة حبتين .
……
فات يومين و كان مالك مانع أي حد يجي عندهم لانه عايز يكون معاها لوحدهم بعيد عن دوشه العالم
– صباح الورد و الياسمين
صباح النور يا حبيبي انت صحيت بدري ليه
قرب منها باسها : عشان اشوف شروق الشمس اللي نايم جنبي ده
ضحكت و اتكسفت : طب كفايه دلع عشان هتعود على كده هقوم اعملك فطار
– بنت عيب انا اللي هحضر فطار انهاردة
ايدا و بكره و باقي العمر عليا ولا ايه النظام ؟؟
– اه مهو انا بعلمك بس امال انا متجوز ليه ؟
يراااجل ؟ طب ما اعمل انا بتاع اول يوم و انت خد الباقي
ضحك و شالها : موافق بس على شرط
الاول : كل يوم بوسه
التاني …..
ايدا مش كان شرط واحد ؟
خليني اكمل بقى
التاني انك تجيبيلي مجموعات من الأطفال مجموعة أ، مجموعة ب و هكذا يعني كل مجموعة ١٥ واحد
ضحكت بصوت عالي : ارنبه فاكر انك اتجوزت ارنبه اه و مالو
وهما بيضحكوا سمعوا صوت برا و ……..

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية هيلين وألجوس الجزء الثاني)