رواية عائلة بالإكراه الفصل الثاني عشر 12 بقلم سلمى بسيوني
رواية عائلة بالإكراه الفصل الثاني عشر 12 بقلم سلمى بسيوني
رواية عائلة بالإكراه البارت الثاني عشر
رواية عائلة بالإكراه الجزء الثاني عشر
رواية عائلة بالإكراه الحلقة الثانية عشر
الايڤنت خلص والناس بتمشي
اديل جت عليهم واتكلمت بالفرنسيه : الورق جاهز مسيو يوسف …اتفضل معانا نمضيه
حنان ويوسف بصوا بعض
ويوسف قال فى ترقب : فين الورق
اديل بإبتسامه مصطنعه : لحظه هجيبهم من الاوضه فوق
طلعت وطلع معاها المدير
حنان : يوسف انت بتعمل اى .. دول شكلهم نصابين ..
يوسف :اصبرى عليا لحظات
حنان بنفاذ صبر :يوسف !!!
تليفون يوسف رن فى اللحظه دى
_هاا ..اى الاخبار
_كله تمام يا يوسف …الورق مش فى الاوضه الشركه اصلا وهميه على الورق بس ملهاش مقر ابدا ..ولا حد عارفلها مكان دى لعبه ملعوبه عليكوا ..
_تشكر يا حازم مش عارف اقولك اى
قفل معاه وبيبص جنبه على حنان اللى واقفه متعصبه وعايزه تفهم اى اللى بيحصل لان اكيد يوسف فى دماغه حاجه بيخططلها
اسراء قربت عليهم :فى اى يا جماعه ..حصل مشكله ولا اى
يوسف : لا ابدا مفيش حاجه
تليفون حنان رن فجأه : الو
اديل بتحاول تبان طبيعيه : حنان هانم ..حصلت مشكله فى الورق ..هيتم اصلاحها ..ممكن يتم توقيع الورق فى القاهره ؟!
يوسف شاورلها تقولهم اه
_تمام ..مفيش مشكله آنسه اديل
قفلت معاها وهى بتغلى
اديل : فين الورق والسي دى لينجوى
المدير الوهمى “لينجوى” : مش عارف ..انا كنت معاكى تحت
قربت منه بهدوء مريب وكررت : قولى حالا فين الورق والسي دى
لينجوي برعب : معنديش علم بكلامك دا صدقينى معرفش
اديل تليفونها رن وطلعت ترد عليه برا
************
حنان واقفه معاه : اه وبعدين بقا
يوسف :هنرجع ..بس كدا …اطلعوا يلا لموا هدومكم
اسراء : طيب يلا يا حنان
حنان : طب اطلعى انتى يا اسراء وانا هحصلك
اسراء طلعت وحنان ويوسف واقفين سوا
حنان : هنعمل اى …
يوسف :يا حنان قلت هنرجع خلاص الايڤنت خلص ..
حنان بعصبيه : طب والنصابين دول
يوسف بهدوء :انا هتصرف ..
حنان بعصبيه :عارف يا يوسف ..كل حاجه فيك جميله الا الكلمه الرخمه دى (قلدته وهى بتحرك سبابتها ) انا هتصرف ..
يوسف قرب منها وغمزلها : قلتى اى يا حنه
حنان بتوتر من قربه : قولت ان الكلمه دى بتعصبنى
يوسف قربلها اكتر : لا قبلها
حنان بتوهان وبعدت بسرعه: ي ..يوسف عيب كدا
يوسف حمحم : طيب هوا كدا معدش ينفع اصلا ..شوفيلنا معاد مع منيره هانم بقا
حنان ببلاهه : معاد لأيه ..وبعدين هوا انا السكرتيره بتاعتك ..ماتشوف معاد ولا تكلمها انا مالى الله !!
يوسف : انتى متعصبه ليه كدا …بقولهالك بالعربى اهو ..عايز اقابل والدتك
حنان : ليه ..ما انا مش فاه …( استوعبت كلامه بسرعه )
حنان بإرتباك : احم …انا ..هه ..هطلع ارتب حاجتى بقا
يوسف بيمسح على شعره و ضحك على كسوفها : هتجننينى يا بنت القاضى
*************
اديل فجأه اختفت ولينجوي بيدور عليها مش عارف يوصلها ..جاتله رساله منها على التليفون
_ انقذنى ..اتقفل عليا باب حمام السباحه
لينجوي استغرب جداا ازاى هتسبح والورق ضايع وفى سي دى مهم مسروق بس اتحرك بسرعه ونزل عشان يلحقها اكيد فى حاجه
نزل بسرعه بيفتح الباب اتفتح عادى
دخل جوا وندهه عليها : اديل ..اديل ..انتى فين
فى لحظه واحده حس بحاجه بتضربه على نهايه راسه ..والدنيا واحده واحده اسودت
************
حنان كانت مشاعرها متلخبطه ..فرحانه وطايره ومتوتره اول ما طلعت دخلت عند اسراء
اسراء بقلق من شكلها السرحان : فى اى يا حنان ..
قولى يا بت قلقتينى
حنان : اخوكى طلب يقابل ماما
اسراء ضحكت : بجد ؟!!!
حنان بساعده واضحه في عيونها :اه والله
اسراء حضنتها اوى :الله هيبقى عندنا فرح ..الف مبروك يا روح قلبى ….لولولولى
حنان ضحكت : انا مش مستوعبه لغايه حالا اصلا والله
اسراء بعدت عنهاوابتسمت واتكلمت بجديه : لا استوعبى …يوسف بيحبك اوى ..انا متأكده من حبه ..ومتأكده انه هيسعدك ..الف مبروك يا حنونه
ربنا يسعدكوا يارب
حنان دعوه جواها ان يطلع يوسف فعلا بيحبها زى ما بتحبه ..
*************
اسلام قاعد يذاكر الماده اللى بعدها ومقديها قهوه نوعا ما صداعه ابتدا يهدى شويه عن الاول بس قرر يتصل يسأل عماد على الدواء
_عماد …لقيت الدواء ولا لسه
عماد مش عارف يرد عليه خصوصا ان سمير بقاله اسبوع مش بيرد عليه ومش عارف يتصرف ولا يعمل معاه اى
_لا لسه يا صاحبي ..هحاول اجيبهولك
اسلام قفل فى وشه وحاول يرجع يذاكر تانى
************
حنان جهزت نفسها واسراء ويوسف كمان خلصوا
واتحركوا فى طريقهم المليان هزار وضحك
وصلوا القاهره على الفجر مرهقين يوسف وصل حنان وروح هو واسراء
اخد شاور وصلى الفجر ولسه هينام تليفونه رن وكان على
_الو ..ايوا يا على ..اسف يا بنى والله نسيت
_طب يلا انزل
_حالا ؟!
_معلش الوضع مستعجل
يوسف قام عشان ينزل ل على واتقابلوا فى كافيه
_هاا يا سيدي اى الموضوع اللى منزلنى عشانه دلوقتي
على بترقب :اسلام
يوسف بإستفهام وركز : اسلاام ؟!
على اتنهد : اسلام كلمنى اول امبارح بيسأل على دواء
يوسف :هاا ؟!
على :الدواء دا ممنوع اصلا ..ولو موجود فى صيدليه الدكتور المسؤل عنها بيتحول للتحقيق
يوسف اتعدل فى قعدته : اوعى تقول انه مخدر
على بأسف : مخدر ..وقوى ومش عارف جابه منين اصلا
يوسف بتفكير : هو اكيد لو مدمنه بمزاجه استحاله يتصل يسألك عليه..
على :دا اللى فكرت فيه وقولت لازم اشوفك واكلمك لان اكيد فى حاجه غلط
يوسف :طب اى العمل دلوقتى
على : انت لازم تتكلم معاه وتعرف الموضوع وقبل اى تصرف لازم نعمله تحاليل عشان نعرف نسبه المخدر فى دمه
يوسف : تمام ..انا هتكلم معاه وهجيبه بكرا بعد الامتحان يحلل
على : تمام اوى كدا اتفقنا …هستناكم
يوسف اتفق هو وعلى وكل واحد روح بيته
الصبح طلع واسلام نزل امتحانه وحنان وساره وعبير ومنيره قعدوا يفطروا الصبح
فحنان مسكت خياره ووجهتها ناحيه فمها كأنها ميكرفون
حنان : احم احم …هناك خبر عاجل
كلهم ضحكوا عليها
ساره بضحك :ربنا يستر
عبير ومنيره اتحمسوا : قولى قولى
حنان بضحكه خفيفه ومستنيه رد فعلهم : يوسف عايز يحدد معاد مع ماما
ساره ضحكت :قولى والله
حنان :والله يبنتى
ساره قامت من كرسيها وحضنتها : يا ام نيازى صحى نيازى وقوليله عندنا فرح
القعده كلها كانت ضحك وهزار وعبير اخدت حنان فى حضنها : الف مبروك يا روح قلبى ..ربنا يتمملموا على خير
حنان :ربنا يخليكى يا بيبوو وعقبال الهبله بنتك
ساره : انا يا بنتى ؟! …. شكراً على ثقتك الغاليه
منيره قربت من بنتها وعيونها مدمعه حسست على شعر حنان الطويل : الف مبروك يا نور عينى …مش مصدقه ان بنتى الصغير خلاص كبرت دا احنا كأننا كنا امبارح ..
حضنتها :حبيبتى ممكن متعيطيش ..
منيره بعدت عن حضنها ومسحت دموعها : لا خلاص مفيش الكلام دا .. قدامنا حاجات كتير تتعمل ..هو طلب منك يقابلنى صح
حنان :اها
منيره : تمام قوليله يجى بكرا بليل على ٨ كدا
حنان :تمام اتفقنا
ساره : ايوا كدا احسن …عشان هروح افك الجبس النهارده
حنان : تمام هنزل الشركه واعدى اخدك بعد الظهر نروح نفكه
ح
ساره :تمام ..عرفتى نور
حنان :اه كنا بنتكلم النهارده الصبح وقولتلها
حنان طلعت عشان تجهز ونزلت الشركه
داخله مكتبها
منى السكرتيره : حمدالله على السلامه يا استاذه حنان
حنان بإبتسامه :الله يسلمك يا منى … فنجان قهوه بقا كدا وادعيلك
منى بضحك :عنيا
يوسف وصل الشركه طلب من هادى “سكرتيره” قهوه ودخل لحنان مكتبها
_صباح الخير
حنان بإبتسامتها الجميله : صباح النور …عملت اى فى موضوع اديل
قال متعمد :انا هتصرف
حنان بإبتسامه خفيفه : يوسف
يوسف :عيونه
حنان اتأثرت بس مبينتش : روح عشان نكمل شغل ..
_كلمتى مدام منيره طيب ؟!
حنان اتكسفت : كلمتها
_اها …قالت اى ..
_بتقول تعالوا بكرا الساعه ٨
يوسف الفرحه باينه فى عيونه واتكلم بهدوء :٨ بالدقيقه هبقى قدام بابك ..
يوسف تليفونه رن وكان حازم
_الو ..ايوا يا حازم اى الاخبار
_ وصلنا الفجر كدا ..رميناهم فى المخزن اللى قدام البنزينه اللى عالطريق ..
_تمام كويس اوى
قفل معاه وراح يكمل شغله ..وشويه ونزل عشان يعدى على اسلام
اسلام خرج من الامتحان لقى يوسف
_يوسف !! .. بتعمل ايه هنا
_عملت اى فى الامتحان
_الحمدلله كان كويس ..انت بتعمل اى هنا
_على كلمنى يا اسلام
_فى اى مش فاهم
_الدواء اللى طلبته منه ..مين قالك عليه .ومين بيجيبهولك ..
اسلام بإستغراب : واحد صحبى عادى يعنى
_طب بص تعالا فى حته نتكلم فيها
اخده على الكورنيش
_ممكن تفهمنى فى اى ..انا قلقت والله
_ اسلام …الدواء اللى بتاخده دا مخدر ..وقوى وممنوع ..انت بتدمن
_انت بتقول اى ..اكيد لاء ..دا صاحبى اللى بيجيبه وانا واثق فيه استحاله يعمل فيا كدا ..
_الدواء دا مخدر يا اسلام ..وخطر وصاحبك اكيد عايز يضرك …والا مكنش عمل كدا ..
اسلام مصدوم من عمايل صاحبه اللى عمره ما شك فيه ..
_انا ..انا مش مستوعب ان صاحبى يعمل فيا كدا
..طب والعمل ..هنعمل اى
_ الاول اسم صاحبك دا اى
اسلام بتردد :عماد الشاطر ..عماد مؤمن الشاطر
_تمام معاك صوره ليه
_ انت هتعمل اى
_طلع صوره بس
اسلام طلعله صوره بعتهاله على الواتس
يوسف بعتها لحازم وبعتله اسمه ورقمه ..
وبعتله رساله (حازم ..محتاج راجل يراقبلى الولا دا …عايز بيعمل اى فى يومه من اول مايفتح عينه لغايه ما يقفلها)
بعتها والتفت لاسلام :قوم يلا هنروح نحلل
_نحلل اى
_هنحللك دم ..عشان نعرف نسبه المخدر فى دمك
_حاضر ..بس متعرفش حد حاجه يا يوسف ..حتى حنان ..نتأكد الاول بس
_تمام يلا بينا
********
حنان عدت على ساره واخدتها عشان يفكوا الجبس وهم فى المستشفى لقوا يوسف واسلام عند على فى الاوضه فدخلوا عندهم
ساره : انتوا بتعملوا اى هناا
يتبع …
يا ترى اى رد فعل حنان وساره ؟!
ويوسف ناوى على اى ؟!
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)