رواية أقوى نوع الفصل الأول 1 بقلم أحمد سمير حسن

رواية أقوى نوع الفصل الأول 1 بقلم أحمد سمير حسن

رواية أقوى نوع البارت الأول

رواية أقوى نوع الجزء الأول

رواية أقوى نوع الحلقة الأولى

20 ديسمبر 2019
خرج فادي من قسم الشرطة وهو لا يدري ما الذي يحدث
بعد أن قُبض عليه كان يظن أن حياته قد انتهت وأنه لن يخرج من السجن أبدًا
ولكن ما هي إلا ساعات ووجد ضابط الشرطة (هشام) يُخرجه بنفسه من (الحجز)
نظر له فادي بتعجب وقال:
– هو في ايه؟
فتأفف الضابط هشام وهو يُقلب في بعض الاوراق وقال:
– هخرج
لم يَكُن شكل هشام الكئيب ولا أسلوبه يسمحان لفادي بأن يُلقي المزيد من الأسئلة
كتم فضوله داخله
حتى اعطاه الضابط هاتفه وبطاقة تحقيق الشخصية خاصته
خرج فادي من قسم الشرطة وهو لا يُصدق ما حدث ككل
نظر إلى هاتفه بعد أن قام بتشغيله فوجد رسالة من ندى تقول فيها:
– أول ما تخرج تعالالي عـ البيت علطول.. أنا عرفت كُل حاجة، ومظبطة كُل حاجة متقلقش .. كمان كام ساعة هنكون في الأردن .. أقوى نوع
ابتسم بعد فهمت الأمر .. ندى هي من تسببت في اخراجه، ولكن كيف؟
قرر أن يؤجل الأسئلة حتى يراها، فقام بكتابة رسالة قصيرة لها وقال:
– أنا في السكة، أقوى نوع

23 ديسمبر 2019
فتح الكاتب عمرو رمزي عينيه فوجد زوجته (دينا) جالة على يساره على نفس السرير
تتصفح الإنترنت من خلال (اللاب توب) الخاص بها بتركيز شديد
وضع يده على ليتحسس كتفها
فأنتفضت ذُعرًا ابتسم وقال:
– مالك؟ بتقري رعب ولا ايه؟
= حرام عليك والله .. مش تعمل أي صوت! .. لا مش رعب بقرأ عن جريمة قتل حصلت في القاهرة .. بنت في العشرينات قتلت أبوها
قال عمرو رمزي بعدم اهتمام:
– عادي بتحصل
= لأ مش عادي، البنت أبوها لواء شرطة وكان بيحقق في مجموعة جرايم بتتعمل بنفس الأسلوب واكتشف إنها هي إللي بتعمل الجرايم دي، ولما واجهها قتلته هو كمان
– ايه التفاصيل دي كلها هم منزلين خبر ولا قصة حياتها؟
= بتتريق؟ هم فعلًا منزلين قصة حياتها، البنت دي كانت مُدمنة أغاني أردني زيك .. فكانت عاملة مُذكرات ليها تحت اسم مرسال، وكانت كل يوم تكتب يومها بالتفصيل ولما اتقبض عليها الحكومة نشرت المُذكرات
مط عمرو شفتيه ورفع كتفه الذي لم يستفيق بعض وقال:
– غريبة
فضول عمرو رمزي ككاتب جعله يضع في خطته قراءة مُذكرات (ندى السويفي) الكاتبة المُتسلسلة
خاصة وأن هذه المُذكرات تُسمى مرسال
مُنذ متى ومُستمعي أوتوستراد بهذه القسوة؟ .. غريبة!

23 ديسمبر 2019
فيلا جيفارا
نظر رجل الأعمال المصري جيفارا إلى حلبة المُلاكمة داخل فيلته
وبدى الحماس على وجهه وهذا ما لاحظه كُل المُحيطين ..
فبعد ايام ستتنطلق بطولة (رهانات الملاكمة) الذي اسسها هو
والذي يتوقع أن تضر عليه دخلًا ماهولًا
قد تسألني هل يحتاج جيفارا إلى المال؟
بالتأكيد لا .. ولكنه مهووس بجمعه
اقترب طارق الصديق المُقرب لجيفارا منه وقال:
– واحشني والله يا بني .. بس حقيقي زعلان منك شهور متسألش عني!
= وهو أنا إللي قولتلك سافر ومتقولش لحد؟
– إكتئاب بقى بعيد عنك!
= المهم إنك بقيت كويس
– هو فين البنات المجانين صحباتك دول؟
= سافروا الخليج
– جالهم شغل؟
= لا اتشقطوا كُلهم

نظر طارق إلى جيفارا بتعجب وقال:
– مالك؟ أنت زعلان مني ولا بتكلمني بالأسلوب ده ليه؟
= لو زعلان هقولك، بس حقيقي مشغول .. البطولة الجاية دي هتبقى كبيرة جدًا .. هيشارك فيها كل أوساخ البلد
– هي شرعية؟
= أكيد لا، مخالف لكل قوانين العالم مش بس مصر، كل ماتش هنجيب اتنين ملاكمين وكل رجل أعمال من الحضور هيراهن بمبلغ على لاعب والماتش هيبدأ وهيفضل شغال لحد ما لا عب من الأتنين يفقد الوعي .. اللاعب إللي يكسب وإللي راهن عليه من رجال الأعمال ياخدوا فلوس رجل الأعمال إللي راهن على الخسران الحد الأدنى للرهان مليون جنية
– طيب ما الموضوع حلو اهوه، انت بقى قلقان ليه؟ خايف من الحكومة؟
= أنا الحكومة يا طارق! .. لكن حاسس أن اللعبة بتكبر زمان لما كنت بعمل كده كنت بجيب حرامية صغيرين اللعب عليهم والبسهم في حيط أو اوقعهم واخليهم يتبحسوا، لكن المره دي الموضوع أكبر بكتير .. من ضمن الناس إللي هدعيهم (عمرو رمزي) وده رئيس واحدة من أكبر العصابات في مصر .. حرامية محترفين!
– ما أنت إللي مختار لنفسك الطريق ده، زعلان ليه؟ عامة انت لسه فيها .. تقدر تفض كل حاجه، بس انت حابب تعيش روبن هود وجالب حقوق الغلابة
= المشكلة يا طارق إنك عمرك ما هتفهم دوافعي .. لأنك عارفني من 8 سنين بس! تعرف لو عارفني من 10 كنت فهمت
قالها وابتسم
فضحك طارق مُجاملًا على الرغم من عدم فهمه لهذه الجُملة الغير مُحضكة أو مُتزنه، فقال طارق:
– ليه يعني، ايه إللي حصل في السنتين دول؟
= بنتي اتقتلت وهي عندها سنة

20 ديسمبر 2019
وصل فادي إلى منزل ندى وقف أمام الباب فوجده مفتوح!
شعر بعدم الأرتياح .. لا تفتح ندى الباب قبل قدومه عادة
فأرسل لها رسالة عبر تطبيق واتساب
فسمع صوت الاشعار يأتي من الداخل
فنادى على ندى لم يجيبه أحد
دفع الباب ببطء
ثم دخل إلى الداخل
جميع الأنوار مغلقه
هدوء غريب يخيم على المكان
فتح فادي النور
فوجد أمامه مفاجأة لم يكن يتوقعها .. كادت أن تجعل قلبه يقف خوفًا وفزعًا!
ندى السويفي ووالدها مُلقيان على الأرض
والدم ينزف منهم!
ندى قُتلت!! ..

يتبع ..

لقراءة الفصل التالي : اضغط هنا 

لقراءة جميع فصول الرواية اضغط على ( رواية أقوى نوع  )