رواية قمر مشوه الفصل الثاني عشر 12 بقلم عزة يحيى

رواية قمر مشوه الفصل الثاني عشر 12 بقلم عزة يحيى

رواية قمر مشوه البارت الثاني عشر

رواية قمر مشوه الجزء الثاني عشر

رواية قمر مشوه الحلقة الثانية عشر

بعد مده طويله من الوقت وصلو اخير الي وجهتهم
ذهبو نحو الشاليه الخاص بالعائله و صعد كل فرد نحو غرفته لكي ينالو جزءا من الراحه بعد ارهاق السفر
🌿🌿🌿🌿🌿🌿🌿🌿🌿
اما قمر فقد ذهبت الي شهد لكي تمكث معها خلال فتره سفر عائله السيوفي
شهد/انا فرحانه قوي انك هتقعدي معايا اسبوع كامل
قمر /و ممكن اكتر كمان هما اول ما يوصلو هيكلموني
شهد/يارب يقعدو شهر
قمر /هههههه شهر بحاله
شهد/ايوة انتي متعرفيش انتي وحشاني اد ايه
قمر /انا لحقت دا يدوب بس اسبوع
شهد/و الله يا قمر كانه شهر مر عليا مش اسبوع
قمر/ربنا يخليكي ليا يا شهد
شهد/و يخليكي ليا يارب بقولك ايه احنا عايزين نستغل الاسبوع دا
قمر /نستغله ازاي
شهد/فسح و خروجات و كدا
قمر /ربنا يسهل بس احنا نخلص اللي الحاجات اللي احنا عايزنها الاول
شهد/عادي نجيب و نتفسح مع بعض
قمر/ربنا يسهل قومي يلا نساعد طنط في الغدا و بعد كدا نعمل برجرام للاسبوع دا
شهد/لا البرجرام دا سبيه عليا
قمر /ماشي يلا قومي
و بعد انقضاء اليوم الاول علي الجميع
🌿🌿🌿🌿🌿🌿🌿🌿🌿
في صباح اليوم الثاني
في الشاليه الخاص بعائله السيوفي هبط الجميع الي الاسفل لتناول وجبه الافطار
و بعد انتهاء الافطار
مالك/يلا بقه يا جماعه نلحق اليوم من اوله علي البحر
كارم/يلا بينا
و ذهب الجميع الي الشاطئ و جلسو سويا مده صغير و بعد قليل تفرقو
ذهب مصطفي و وفاء لكي يتمشوا علي الشاطئ سويا
و مالك ذهب ليستمتع بالماء
و ظل كارم و معه نيلي و قسمت
و ظلت نيلي تنظر الي مالك و تتابعه بعينها و لم تنتبه للذي يتابعها بعينه
اما قسمت مالت اليها قليلا
قسمت/بدل ما انتي قاعده كدا عينك هتطلع عليه قومي انزلي معاه
نظرت لها نيلي بدون حديث و هي تفكر في حديث ولدتها
قسمت/انا قيمه اعمل تليفون و اتمشي شويه
بعد وقت قليلا من الصمت بين كارم و نيلي
كارم/قومي انزلي معاه
نيلي/نعم
كارم/بقولك قومي انزلي معاه المايه حلوه و الجو جميل قومي متعي نفسك
نيلي/بس
كارم/مبسش قومي يلا
قامت نيلي و هي متردده و ذهبت نحوه و قبل ان تصل اليه بقليل وجدته يخرج من الماء و يتجه نحو احدي الاماكن الخاصه بالمشروبات علي الشاطئ وقفت قليلا ثم حسمت امرها و ذهبت خلفه
نيلي/مالك
انتبه اليها
مالك/نيلي في حاجه
نيلي/لا ابدا انا بس جيت اقعد معاك شويه لو مش يضيقك
مالك/لا ابدا اقعدي
عم الصمت بينهم قليلا
نيلي/انت ليه ساكت دايما يا مالك و خصوصا معايا
انصدم مالك بشده منها
مالك/ابدا و الله ليه بتقولي كدا
نيلي/لاني ساعات بتتكلم مع الكل الا انا
مالك/اديكي بتقولي ساعات لما بيكون بالي مش مشغول بتكلم عادي
نيلي/و انت ايه اللي شاغل بالك دايما
مالك/…………
نيلي/انا اسفه لو بدخل في حاجه مش تخصني
مالك/لا الموضوع مش كدا
نيلي/امال ايه الموضوع
مالك/الموضوع ان جدك ضاغطني الفتره دي جامد جدا
نيلي/ليه
مالك/عايزني اتجوز
نيلي/طب و فيها ايه
مالك/عايزني اتجوز خلال شهرين
نيلي/و ايه المشكله
مالك/عارفه لو كان عارض عليا الموضوع دا قبل كدا بسنتين كنت وافقت و كان زماني مخلف دلوقت
نيلي/طب و ايه اللي حصل
مالك/انا عمري ما كنت بأمن بالحب و الحب بالنسبالي كلام فاضي و لعب عيال لحد……..
نيلي/لحد ايه كمل
مالك/لحد ما قابلتها
نيلي/هي مين
مالك/معرفش
نظرت له باستغراب
مالك/متستغربيش انا فعلا معرفش حاجه عنها
نيلي/طب حصل ايه لما قابلتها
مالك/اول ما عيني و قعت عليها حسيت نفسي في دنيا تانيه خالص حسيت اني لوحدي في الدنيا مفيش غيري و غيرها قلب دق جامد اول مره احس ان قلبي لسه في الروح دايما كانو صاحبي بيقولولي اني معنديش قلب و من كتر ما كانت الجمله دي بتتقالي صدقتها لحد ما شوفتها هي كانت زي الانعاش لقلبي
نيلي/طب و هي راحت فين
مالك/معرفش معرفش مشوفتهاش غير مره واحده و من ساعاتها و انا عايش علي امل اشوفها تاني
نيلي/طب مدورتش عليها
مالك!/مخلتش مكان الا لما دورت عليها فيه اني اعرف طريقها و لا اي حاجه
نيلي/طب شكلها ايه
مالك/هتصدقيني
نيلي/هصدقك
مالك/ملاك قمر حاجه كدا زي الحلم جمالها مش طبيعي
نيلي/شوقني اشوفها
مالك/مش اما اشوفها انا الاول تاني
نيلي/طب ايه اللي حصل بعد ما شوفتها
مالك/كان في شاب بيديقها و انا قومت و دافعت عنها و لقتها واقفه تعيط جامد و ترتعش و حالتها دي قطعت قلبي كان نفسي اخدها في حضني و اطمنها انها في امان و جت ليها صاحبتها اخدتها هي في حضنها و هدتها شويه و بعد كدا عرضت عليها اوصلها و بعد رفض كتير منها صاحبتها اقنعتها و وصلتهم لمكان في الاول فكرتو بيتها وصلتها و سبتها و سبت قلبي معاها و روحت تاني يوم و عامل الجراج بيغسل العربيه لقه سلسه وقعه في العربيه مخدتش وقت علشان افتكر دى بتاع مين علشان محدش ركب معايا العربيه غيرها
نيلي/و صاحبتها
مالك/بس دي بتاعتها
نيلي/و انت ايه عرفك
مالك/لان هي اللي كانت ركبه جمبي و لما سالت العامل قالي انه لقاها قدام فتاكدت انها بتاعتها
نيلي/طب و عاملت ايه بعد كدا
مالك/مكدبتش خبر روحت للمكان اللي وصلتها فيه و دخلت العماره اللي دخلتها بس وقفت شويه زي الصنم مش عارف اعمل ايه
نيلي/ليه
مالك/علشان العماره كانت من خمس ادوار و كل دور شقتين تفتكري هعرف ازاي اي شقه بتاعتها
نيلي/طب و عاملت ايه
مالك/مكنش قدامي غير حل واحد
نيلي/اوعي تقول انك فكرت تخبط علي شقه شقه
مالك/مكنش قدامي غير كدا
نيلي/و بعدين
مالك/ابتديت بالشقه الاولي ثم التانيه ثم التالته ثم الربعه و الخمسه كانت اخر شقه
نيلي/ليه
مالك/علشان كانت شقه صاحب العماره و طبعا هو عارف كل اللي ساكنين عنده و مفيش حد بالمواصفات دي موجود في بيته دا حتي قالي ان انهم كلهم ناس كبيره او ناس لسه متجوزه او ناس معندهمش غير اولاد بس
يعني احتمال انها تكون كانت جايه لوحده صاحبتها فدا كمان بح
نيلي/طب و عاملت ايه بعد كدا
مالك/فضلت ادور عليها في كل مكان المطعم اللي شوفتها فيه يوميا في نفس الميعاد بكون فيه يمكن القيها تاني لكن كانها فص ملح و داب
نيلي/و بعدين
مالك/و لا قبلين من يومها و انا زي ما انا كدا
نيلي/طب و هتعمل ايه مع جدي
مالك/اعمل ايه في ايه
نيلي/في موضوع الجواز
مالك/انا مش هتجوز لمجرد ان جدي عايز كدا الجواز مش صفقه الجواز حياه و ان مش مستغني عن حياتي عايز حياتي تمشي زي ما انا عايز و عندي امل اني هلاقيها
نيلي/يارب يعطرك فيها
مالك/من قلبك
نيلي/ايوة من قلبي ليه بتقول كدا
مالك/لا مش قصدى حاجه
نيلي/لو قصدك علي تلميحات مامي علي انك تجوزني
نظر لها مالك طويلا و لم يتحدث
نيلي/بص انا ممكن كنت في الاول مشدودة لك بس مش حب قلبي مدقش و انا هعمل زيك مش هضيع حياتي علشان حد انا اللي هعيش مش هما
مالك/عين القعل ربنا يوعدك بابن الحلال بس لسه بدري انتى قدامك دراسه لسه عايزك تبقي متفوقه
نيلي/اوعدك انت كمان زي ما وعدت جدي انك هتشوف نيلي تانيه خالص
مالك/اتمني
و انتها اليوم و عاد الجميع الي الشاليه
و مر اليوم الثالث كما حدث في الامس و لم يحدث فيه اي جديد
اما في اليوم الرابع جاء اتصال الي مالك بوجود بعض المشاكل في العمل الخاص به
فجمع ملابسه و عاد الي القاهره بعد ان استئذن والده و جده ليري ما الذي حدث
و عندما وصل الي القاهره علم ان فيه بعض الاخطاء بالشركه الخاصه بهم في الاسكندريه انهى عمله بالشركه التي بالقاهره و عزم علي ان غدا سوف يسافر الي الاسكندريه ليحل تلك الاخطاء
و في اليوم الخامس سافر مالك من الصباح الباكر الي الاسكندريه نحو الشركه الخاصه بهم و عمل طول اليوم حتي حل تلك المشاكل و صحح بعض الاخطاء و اتجه بنحو فندق ما لينال بعض الراحه لاكمال عمله غدا و يعود الي القاهره
و في اليوم السادس ذهب مالك الي العمل و انهى عمله اليوم سريعا و قرر بانه يتناول الغداء و بعد ذلك يعود الي القاهره
وجد اتصال من صديقه ادم قبل ان يغادر الشركه
ادم/باشا مروق بالك انت و سايبني مطحون
مالك/تصدق انا عرفت دلوقت مين اللي عينه راشقه في حياتي
ادم/مين
مالك/انت طبعا
ادم/ليه كدا
مالك/علشان يا اخويا انا مقعدتش غير يومين و رجعت علشان في مشاكل في الشغل
ادم/دا بجد
مالك/ايوة يا اخويا
ادم/و انت خلصت و لا لسه
مالك/ايوة خلاص كنت نازل اتغدا قبل ما ارجع
ادم/لو كنت عندك كنت جيت اتغديت معاك
مالك/انت رجعت لاهلك
ادم/لا انا في اسكندريه
مالك/ما انا كمان في الاسكندريه
ادم/و الله طب خلاص تعالي نتغدا سوا
مالك/ماشي انت عارف مطعم(……. )
ادم/ليه مطعم ما تيجي نتغدا علي البحر
مالك/ماشي
ادم/خلاص نتقابل عند(……. )
مالك/تمام بس هات انت الاكل و انت جي
ادم/تاكل ايه
مالك/اي حاجه
ادم/خلاص ماشي
و ذهب مالك الي الشاطئ المكان الذي حدده ادم و جلس بانتظار ادم
لفت انتظاره صوت عالي بالقرب منه
و جد فتاه تعطي ظهرها له و امامها يوجد ثلاثه من الشباب من الواضح انهم يقومون بمضيقاتها
قام هو اتجه اليهم و هو ينظر الي الشباب و لم ينظر اليها
مالك /مالك انت و هو بيها مش عيب كدا
احدي الشباب/و انت مالك انت خليك في حالك
مالك/دا انت شكلك قليل الادب
شباب اخر /انا بقه هوريك قله الادب
قبل هذا بقليل جاء ادم و ظل يبحث عن مالك و لم يجده اخرج هاتفه و قام بالاتصال به عاده مره اخري و لم يوجد رد
ادم/هو راح فين يعني ممكن يكون في الحمام انا هستني شويه هنا و ارجع ارن تاني
ولكن لفت نظره تجمع بعض الاهالي ذهب نحو التجمع هذا وجد صديقه هو من يتعارك ازاح الاهالي في سرعه و ذهب باتجاه الشاب الذي تحدث و علي غفله منه
ادم/لا و ريني انا ياروح امك
و اخذ يضربه و مالك هكذا و ذهب الشاب الثالث باتجاه الفتاه و ايد حركتها
الشاب الثالث/سبوهم و الا هخلص علي الحلوة دي
التفت اليه كلا من مالك و ادم
و لكن جحظت عين مالك للحظه خيل له انه يحلم او يتوهم هل هي تلك الملاك لا يعلم تسمر مكانه لثواني شل تفكيره عن التفكير
ادم/سبناهم اهو سيبها انت بقه
الشاب الثالث/معلش يا باشا هي تلزمني
ادم/نعم يا روح امممممممك
علو صوت ادم ادي لانتباه مالك وجد ادم يتحدث مع الشاب الممسك بملاكه لم ينتبه له و انتباه كله مع ادم استغل مالك هذا و بعد بظره قليلا ببطء حتي لا يلفت النظر اليه و جار من خلفه و امسك يده التي كانت تمسك بالفتاه و عندما حلت يده من عليها بعدت قليلا عنهم و اتفتت تنظر لما يحدث و جدته يمسك الشاب بقوه و لكمه بقوه في جميع انحاء جسده و وجهه حتي لم يعد له القدره علي الوقف وقع علي الرمال فاقد وعيه تركه و ذهب باتجاهها
مالك/انتي كويسه
هي/………….
ظلت تنظر اليه و هي تبكي بشده
مالك/هو عملك حاجه
هي/…………
مالك/طب اتكلمي طمنيني
هي/………..
جاء ادم اليه
ادم/في ايه
مالك/مش عارف مش بتتكلم
ادم نظر اليها و بهدوء
ادم/طب تحبي نوصلك في حته
هي/………….
ظلت كما هي لدقائق حتي جاء اليها رجل
الرجل/ايه في ايه الخناقه دي معاكي
مالك/هو حضرتك تعرفها
الرجا/ايوه
ثم نظر اليها و اكمل
الرجل/هو ايه اللي حصل
مالك/كان في شباب بيضيقوها بس الحمد لله عدت علي خير
الرجل/الحمد لله بعد اذنك
مالك/اتفضل
ذهبت ملاكه مع هذا الرجل و ظل مالك متابعهم حتي اختفو عن انظاره
ادم/مالك يا مالك متنح ليه
مالك/مفيش
ادم /طب يلا نتغدا
مالك/لا انا ماشي مليش نفس
ادم/نعااااااام امال انا جايب الاكل دا لمين
مالك/قولت انا ماشي
ادم/طب استني جي معاك
مالك/لا عايز ابقي لوحدي
و ذهب مالك دون انتظار رد من مالك و عند صعوده السياره وجد الرجل و معاه ملاكه و معاه اثنين اخرين يصعدون الي سياره اجري ذعب خالفهم دون تفكير حتي وجدهم يهبطون وقف سيارته و ظل يتابعهم حتي وجدهم يصعدون الي احدي المنزل التي يتم ايجارها للمصيفين
فعلم انهم ليسو من مقيمين في البلد و انهم من مكان اخر
ظل كما هو بالسياره اسفل المنزل حتي انزل اليل ستائره و غفي بداخل السياره حتي الصباح استيقظ و ظل ينظر في كل اتجاه حتي وجد الرجل الذي كان مع ملاكه يهبط و معه بعض الحقائب و يضعهم فوق سياره اجري و نزل الجميع ولكنه لم يري وجه ملاكه لوقف السياره حاجز بينه و بينهم ظل كما هو حتي تحركت السياره و هو خلفها وجد انهم يتركون الاسكندريه ظل كما هو خلفهم حتي وجدهم يهبطون من السياره باحدي مناطق القاهره وجدهم يصعدون بداخل المنزل ذهب الي منزله لكي يغير ملابسه و يذهب لعمله و يفكر ما عليه فعله انه بالفعل منزلها انها لم تراه و الجميع هبط هنا فلا يمكن ان تكون خدعه كما حدث في الماضي
و اخرج هاتفه و قام بالتصال بادم و طلب منه بان يذهب نحو الفندق يقوم بتخليص حسابه و جلب اشيائه التي بالغرفه الذي مكثه بها
و اغلق معه و جاء اليه اتصال من جده يعلمه انهم سوف ياتون في الصباح و طلب منه الاتصال علي قمر يعلمها بيمعاد حضورهم
قام مالك بالاتصال علي قمر
مالك/السلام عليكم
قمر /……………

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قمر مشوه)