رواية الليل وسماه 2 الفصل الخامس 5 بقلم ليل أحمد

رواية الليل وسماه 2 الفصل الخامس 5 بقلم ليل أحمد

رواية الليل وسماه 2 البارت الخامس

رواية الليل وسماه 2 الجزء الخامس

رواية الليل وسماه 2 الحلقة الخامسة

#حكايات_ليل_احمد
“الليل وسماه”
البارت الخامس وما قبل الاخير من الجزء الثانى🖤✨
أصعب احساس ممكن نمر به هو الخزلان ومن اقرب الناس لنا، خزلان الحبيب اصعبهم كون انك بنيت احلام حابب تعيشها معاه وفى لحظه الاحلام دى تتهدم مش بس بيدمر لاء ده بيقتل الشخص ويحوله لجسد بلا روح اشبه بالميتين، الخزلان شئ مُتعب ووحش قاتل………
فتحت ليل باب المكتب بعد صراع مع نفسها
وقفت متسمره فى مكانها من اللى بيحصل وكأن الصدمه شلت جميع حواسها كانت السكرتيره قاعدة فى حضن أركان وهو كان اشبه بالمُغيب
قامت جيهان بصدمة مصطنعه: مين حضرتك وازاى تدخلي مكتب حبيبى من غير اذن.

فاقت ليل من صدمتها واتحركت تجاه السكرتيره ووقفت قدامها وضربتها بالقلم لدرجة انها وقعت على الارض رمت ليل الشنطه ومسكتها من شعرها كل ده وأركان بيحاول يفوق بس مش قادر حاسس بكل حاجه مابين اليقظه والسكون، قومتها ليل ومازالت مسكاها من شعرها واتكلمت باستنكار: حبيبك
جيهان السكرتيره بغضب وبتحاول تفلت نفسها: ايوا حبيبى اوعى كده هو بيحبنى وانا بحبه وزقت ليل بقوه وطلعت تجرى
كانت ليل لسه هاتخرج وراها بس افتكرت اركان اللى كان نايم وراسه على المكتب وقدامه زجاجتين خمرة وكاسات شبه فارغه وكل ده لعبه طبعاً علشان يبان انه سكر بمزاجه بس اللى حصل ان:
اركان طلب من جيهان اول ما وصل المكتب قهوته وهى حطت فيها من الحبوب اللى اخذتها من الشيطان هادى وصبرت لما شربها وبدأت مفعولها يظهر عليه ويغيب عن الوعى دخلت حطت الكاسات الفاضيه وفيها اثر للمشروب بحيث اللى يشوفهم يقول انهم شربوا منها.
وقفت ليل بثبات حوالي خمس دقايق ودموعها على وشك النزول فتحت باب صغير موجود فى المكتب كان موجود حجرة صغيره فيها ثلاجة وسرير ودولاب فيه بدل لاركان
فتحت التلاجه وخرجت منها ازازتين ميه وخرجت لاركان فتحتهم الاتنين وكبتهم عليه

بدأت اركان يفوق ويفتح عيونه قام وقف بضعف ولسه هايمسك ايد ليل: ليل
زقته ليل بقوه قعد على الكرسي من تانى ورفعت سبابتها فى وشه: اوعى! اوعى تجيب اسمى على لسانك..واكملت بحسره وشبه انهيار..طلاما بتحبها قوى كده متجوزتهاش هى ليه؟ طب اتجوزتنى ليه ها اتجوزتنى علشان تحمينى لاء برافوا عليك قدرت تحمينى احييك والله، من اللحظه دى تنسي حد اسمه ليل مالك خرجنى من حياتك لاء ثوانى! مش ادخلها اصلاً حياتك دى، بس معلش الغلط منى انا علشان قبلت من البدايه بالوضع، للاسف ضيعتنى من ايدك ومش هاتعرف قيمة وجودى غير ماتفوق من الارف اللى شاربة عن اذنك.
خرجت ليل بعد ما مسحت دموعها بقوه وكانت ماشيه فى الشركة بكبرياء وصلت جنينة الشركة وعملت اتصال وبعدها ركبت العربيه ورجعت على الفيلا
دخلت الجناح بتاعهم وبدأت تلم لبسها بسرعه قبل رجوع اركان ونجحت فعلاً فى كده نزلت بهدوء من الباب الخلفى للفيلا
وقتها كان انس معدى بعربيته وشافها وهى خارجة بتتلفت حواليها ومعاها شنطة سفر نزل بعدها وقرب منها وهى شافته
أنس باستغراب: ايه ده يا ليل رايحه فين وايه الشنطة دى؟
ليل بهدوء: فاضى كام ساعه؟
انس: افضالك بس قوليلى مالك وشك اصفر وعيونك حمره كده ليه؟
ليل:هاحكيلك بس اتأكد ان مافيش حراس ولا حد شافنا سوا؟

انس باستغراب: لا متخافيش اركبى بسرعه وانا هاشتتهم
ليل: طب والحراسة التانيه
انس: عيب عليكى عارفهم كويس وهاعرف اشتت انتباههم وافلت منهم المهم اقفلى الشباك علشان مايشوفوكيش( زجاج السيارة من النوع المُعتم)
ركبت ليل بهدوء وقفلت الشباك واخد انس الشنطه حطها فى شنطه العربيه وركب خلف عجلة القياده وبدأت يتحرك
بعد حوالي نص ساعه قدر يفلت من الحراسه بعدها اتحرك بحرية ووقف
انس: احكى بقى
ليل: بص يا انس انا ماكنتش حابه اعرف حد مكانى بس انا عارفاك كويس وعارفه انك قدها وكويس علشان تقولى اخبار العيله اول باول وبدأت تحكى له من بداية الرساله اللى جت لوجودها معاه حالياً
انس بعقلانيه: بس دى ممكن تكون لعبه يا ليل او حد عايز يوقعكوا فى بعض وغالباً السكرتيره دى وراها حد اصل بالعقل محدش بيطلع الدور اللى فيه مكتب اركان غيرها علشان يعرف اذا كان بيخونك ولا لاء، وانتى بتقولى انه كان مُغيب عن الواقع يبقى دى لعبه وبعدين اللى بعت المسدج عرف منين انه بيخونك؟
ليل بدموع: بقولك كان قدامه خمرة وهى قاعدة فى حضنه مالازم يسكر ويغيب عن الوعى من اللى شربه، بص من الاخر كده انا حجزت وهاسافر تركيا الطياره بعد ساعتين محدش يعرف مكانى يا انس غيرك علشان لو حد عرف هاتخسرنى..انا هاسجل فيديو وابعته قبل ماركب الطياره لادهم ويستحسن انك توصلنى وترجع على طول وتتفاجئ لو حد قال انى مش موجوده.
انس: براحتك وانا معاكى بس راجعى نفسك.
ليل برفض: الموضوع منتهى خلاص معلش اطلع على المطار.
اتحرك انس بحزن وقلة حيله تجاه المطار
عند اركان بعد ماسابته ليل قعد على الكرسي بضعف وبعدها قام بدل لبسه الغرقان ميه وخرج من الشركه ووصل الفيلا، طلع الجناح لاقاه فاضى ودخل غرفة الملابس مالاقاش لبسها، مسح على شعره بغضب من نفسه وقرر ينزل يدور على ليل الاول
___________________________________
عند هادى وجيهان سكرتيرة اركان

كانوا موجودين فى المكان اللى اتفق معاها عليه
جيهان بخوف: طب انا هربت واركان مش سهل وممكن يوصلى.
هادى بشر: لا متخافيش عمره ما هايوصل لك اشربى اللمون علشان اعصابك
بدأت تشرب وهو كان بيبص عليها بشر
بعدها فضلت تصوت من وجع بطنها سابها وخرج بعد ما وصي واحد من رجالته يدفنها فى مكان بعيد بعد ما يتأكد انها ماتت( قمة الجحود والشر وعمى القلب)
بعد ما خرج من عندها ركب عربيته واتجه للشركة الخاصه به ودخل مكتب صاحبه بدون استئذان وقعد بأريحيه على الكرسي
صديقه بشر: نفذت.
هادى: عيب عليك يا برو.
صديقه: كده يبقى خلصنا من الدليل وكمان شتتنا اركان وادهم ولاهيناهم عن الصفقه
هادى بضحك: يبقى يقابلنى، محدش يقدر يقف قصادى وهما عارفين كده وادينى ضربت تلات عصافير بحجر واحد مش عصفورين بس شتت انتباههم وخسرتهم بعض وكسبت الصفقه
صديقه: اهدى يا برو ماتنساش ان الصفقه لسه مش فى ايدنا.
هادى: اعتبرها فى ايدنا خلاص
الشر مش بيدوم وحتماً الخير ينتصر عليه بس فى الوقت المناسب، وصاحب الحقد والشر مسيرة يفوق بس بعد فوات الاوان
_______________________________
كان ادهم فى مكتبه مشغول وفحأه سمع صوت مسدج على موبايله بس من ليل لانه عامل لها نغمه مميزه عن الكل، فتحها بسرعه وكان فيديو

ليل بدموع: ازيك يا ادهم انا عارفه ان اللى هاقوله ده انت مالكش ذنب فيه بس انت اللى قلت لى من الاول وافقى وسيبى القدر يرسم طريقك بس القدر ماكنش فى صفى يا ادهم انت كنت ضامن صاحبك وجوزتنى له على امل انه يحافظ على قلبى بس اللى حصل ايه انه كسره قلت لك يا ادهم مش موافقه وهاحاول اتعافى من حبى له بلاش الجواز علشان هاتكسر بعدها الضعف وياريت كان الضعف انا قلبى اتكسر مليون حته يا ادهم صاحبك خانى مع السكرتيره وشوفتهم بعيونى فى مكتبه، صاحبك اللى قلت هايحافظ على قلبى كسرة عارف مع ان انت مالكش ذنب بس انا مش مسمحاكوا كلكوا على كسرة قلبي دى ولا مسامحه اى حد اتدخل فى الجوازه دى انسونى وماتدوروش عليا انا هارجع بعد ما اتعافى من كسرة قلبى وهاكون حد تانى مع السلامه يا ادهم وخلي بالك من نفسك ومن ماما وبابا.
قفل ادهم الموبايل بصدمه وعيونه كانت مدمعه وبيتنفس بسرعه رهيبه ووشه احمر من العصبيه، كان قابض جامد علي ايده خرج من المكتب بسرعه بس وقف مكانه قبل ما يتحرك ويعمل شئ يندم عليه افتكر كاميرات المراقبه اللى محدش يعرف عنها حاجه غيره هو واركان رجع مكتبه وفتح اللابتوب وبدأ يراجع شريط الكاميرات بتوتر وهو بيدعى ان يكون فيه شئ غلط لحد ما وقف عند لحظه ذهاب السكرتيره لاحضار القهوه الخاصه باركان وتتبع مسار الكاميرات ووقف عندها وهى بتحضر القهوه بنفسها وبعدها خرجت شريط وفتحته وحطت منه فى القهوه واخدتها ودخلتها لاركان، بعد حوالى ربع ساعه بدأ اركان يغيب عن الوعى ودخلت السكرتيره وبدأت تنفذ خطتها لحد ما ليل وصلت وخناقتهم سوا وخروجها وبعدها خروج ليل بهدوء واركان بعد ماغير بدلته.
قفل اللابتوب بعصبيه: يا بنت الكلـ*ـب
مسك موبايله واتصل باركان

ادهم بعصبيه: انت فين؟
اركان بتوتر: عايز ايه يا ادهم مش فايق لك.
ادهم: ربع ساعه وتكون فى مكتبى وقفل فى وشه
اتنهد اركان بتعب لانه تااكد من نبرة ادهم انه عرف اللى حصل…….
دخل اركان المكتب بهدوء وتعب واترمى على الكرسي ورفع راسه لفوق وهو بيتنفس بتعب وهدوء: اكيد عرفت باللى حصل وراجعت الكاميرات زيي.
ادهم بعصبيه: يا برودك يا اخى يا برودك والله.
اركان بتعب: ادهم انا تعبان ومش عارف بنت الكلـ*ب دى حطت لى ايه فالقهوة.
ادهم بخوف: مالك
اركان بتعب: تعبان مش قادر ومش قادر اتحمل الصداع وكمان ليل مش فالبيت.
ادهم: طب قوم معايا دلوقتى على المستشفى كويس ان ادم مش موجود هناك يلا.
سنده وخرج من الشركه وركبه العربيه وطلع على المستشفى نزل بهدوء وبعدها نزل اركان ودخلوا، وصلوا عند مكتب الين ودخلوا
الين بخوف: ادهم واركان مالكوا فيه ايه وانت يا اركان مال وشك اصغر كده ليه
ادهم: اخد حبوب بالغلط شوفيه لو محتاج غسيل معدة.
الين بخوف: وليل عرفت هى مش فى المستشفى من الصبح.
ادهم بهدوء: اعملى اللى قلت لك عليه.
استغربت الين لهجته وبالفعل بدأت فى فحص اركان وسط نظرات ادهم الغاضبه فطابع الغيره سيسطر حتماً
ادهم بغضب: شوفى دكتور
اركان بتعب: ادهم مش وقت غيره اسكت.

ادهم: اتنيل واسكت بقى.
هل للوداع مكان أم أنّه سفينة بلا شراع؟
في يوم الفراق، تركت لك في يدك رسالة حبٍ، كنت قد سهرت الليل في كتابتها.

لقراءة الفصل التالي : اضغط هنا

لقراءة باقي حلقات الرواية اضغط على (رواية الليل وسماه 2)