رواية اين زوجي الفصل التاسع 9 بقلم ايه عطيه

رواية اين زوجي الفصل التاسع 9 بقلم ايه عطيه

رواية اين زوجي البارت التاسع

رواية اين زوجي الجزء التاسع

رواية اين زوجي الحلقة التاسعة

كانت ميار في الامام تحمل حقيبتها و حقيبه زينه و في الخلف زينه تمشي ببطئ شديد من اثر الاجهاد و اثناء انتظارهم لاحدي السيارت التي تنقلهم الي منزل ميار

فجأه سقطت زينه بجانب الطريق فاقده للوعي مما جعل ميار تصرخ بفزع و جلست بجوارها تحاول افاقتها و لكن بدون فائده

و تجمع بعض الماره من حولهم منهم من يقف يري ماذا حدث بدون تدخل و منهم القليل من يعرض المساعده

حتي اتي احدهم و حملها في سيارته و ذهبوا الي المستشفي

________________________

اما زين فقد استلم السياره و ذهب الي معتز لنقل متعلقاتهم من الفندق الي منزلهم الجديد

معتز/ايه رأيك في الشقه يا زين

زين /الشقه جميله جدا و العفش كمان زوقه حلو قوي

معتز /دي اقل حاجه عندي يا ابني

زين /ابنك…… ماشي…. طب انا داخل افضي الشنط و اخد شور و اطلب غدا

معتز /و انت هتطلب لنفسك و انا قاطع فرجه

زين /طب اخلص رتب حاجتك و بعدين ناكل

معتز /ماشي…. بس هتغديني ايه

زين /انت همك دايما علي بطنك

معتز /امال هيبقي همي علي بطنك انت

زين /شوف عايز تاكل ايه و اطلبه انت

معتز /بس انت اللي هتدفع

زين /ما هو انا اللي بدفع علي طول هو جديد يعني

معتز /انت هتعيرني يعني

زين /لا اعيرك و لا تعيرني……. و

في ذلك الوقت رن جرس الباب

زين /روح افتح شوف مين

ذهب معتز لفتح الباب وجده جاره الاستاذ اكرم

معتز /اهلا استاذ اكرم اتفضل حضرتك ادخل

اكرم /السلام عليكم

زين /و عليكم السلام

دخل اكرم و وضع الحقائب البلاستكيه علي السفره و خلفه معتز و زين يقف كما هو

معتز /اعرف يا زين حضرته يبقي الاستاذ اكرم جارنا هنا في الشقه اللي قصدنا دي

زين /اهلا و سهلا بحضرتك

اكرم /اهلا بيك يا ابني

زين /اتفضل حضرتك اقعد

معتز /اعرفك يا استاذ اكرم دا زين اخويا و صاحبي و صديقي و شريكي في الشقه و الشركه اللي بنقسسها

اكرم /ربنا يكرمكم و يوسع رزقكم……. عموما دي حاجه بسيطه كدا للغدا اكيد لسه مجبتوش خزين للمطبخ

معتز /ليه التعب دا بس يا استاذ اكرم

اكرم /لا تعب و لا حاجه دي حاجه بسيطه

زين /متشكرين جدا لحضرتك

اكرم /مفيش شكر بنا و انتم زي ولادي و ان احتاجتم اي حاجه في اي وقت متترددوش

معتز /اد القول

اكرم /و شركتكم دي بقه شغاله في ايه

معتز/شركه هندسيه للديكور

اكرم /ربنا يوفقكم

زين /و حضرتك شغال ايه

اكرم /لا انا علي المعاش كنت شغال محاسب في شركه كبيره و طلعت علي المعاش

زين/ ربنا يديك الصحه و لو معندكش مانع ممكن تنورنا و تشرفنا في الشغل معانا في شركتنا المتواضعه

اكرم /انا انا خلاص يا بني معدتش فيا صحه للشغل

زين/ليه كدا يا استاذ اكرم دا انت لسه شباب

اكرم /و انا هشتغل معاكم اعمل ايه

زين /تمسكلنا الحسابات و كدا

اكرم /طب اديني فرصه افكر و ارد عليك

زين /مش هقبل غير بالموافقه

اكرم /سبها لله

و في ذلك الوقت تصاعد رنين هاتف اكرم اخرجه من جيب قميصه و نظر به و ابتسم و هو يضغط علي زر الرد

فا تلاشت ابتسامته و ظهر القلق و التوتر و الخوف علي وجهه و وقف سريعا و هو بتحدث

اكرم /طب خلاص اهدي اهدي انا جايلك حالا متقلقيش انتي في مستشفي ايه………… مع السلامه

و مع اخر كلاماته كان قد وصل الي الباب و زين و معتز خلفه

معتز /خير يا استاذ اكرم

اكرم /خير ان شاء الله

زين /طب حضرتك رايح فين…. حضرتك معاك عربيه

اكرم /لا

زين /هات مفاتيح العربيه بسرعه يا معتز

ذهب معتز و جلب مفاتيح السيار و هبط سريعا لهم عبر الدرج كانو هما وصل الي السياره عبر الاسنسير

اخذ زين المفاتيح و صعد امام عجله القياده و اكرم بجانبه و معتز بالخلف

زين /هتروح مستشفي ايه

اكرم /مستشفي(………)

قاده زين السياره و وصل في وقت قياسي

عندما توقفت السياره هبط منها اكرم و خلفه معتز و زين تاخر قليلا و هبط خلفهم

ذهب اكرم الاستقبال و سأل عن المكان المتواجد فيه ابنته

اكرم/السلام عليكم

موظف الاستقبال /و عليكم السلام اؤمورني حضرتك

اكرم /عايز اسال عن بت جات هنا من شويه

الموظف /اسمها ايه حضرتك

اكرم /زينه رشوان

الموظف /في غرفه (…..) في الدور التالت الاسنسير من هنا

و اثناء وصولهم للاسنسير قد وصل زين اليهم و صعد معهم و عند خروجهم من الاينسير وجد اكرم ابنته تقف بجوار باب الغرفه تبكي بشده

اكرم /ميار

كانت ميار تقف في ذلك الوقت خارج الغرفه بانتظار خروج الطبيب لكي يطنئنها علي صديقتها

استمعت الي صوت ولدها التفتت خلفها وجدته بالفعل ولدها بدون اي مقدمات ذهبت اليه و ارتمت في احضانه تبكي بشده خوفا علي صديقتها

اكرم /اهدي يا ميار هي هتبقي كويسه

ميار /كان باين عليها التعب جدا و الله

كانت تتحدث و هي تبكي بشهقات متقطعه

كل هذا و معتز و زين لم يفقه احدا منهم شيء

و خرج الطبيب من الغرفه

ذهبت اليه ميار و خلفها والدها و اقترب منهم زين و معتز

ميار /طمني يا دكتور

الدكتور /حصلها هبوط مفاجأ والضغط واطي جدا و في نسبه انميا و من الواضح انها مأكلتش حاجه من بدري دا غير اثار الضرب الواضحه جدا عليها

اكرم /ضرب….. ضرب ايه

نظرت له ميار

ميار /هفهمك بعدين يا بابا

اكرم /المهم دلوقت هي فايقه و لا لسه

الدكتور /ايوة فاقت

ميار /طب و هتخرج امتي

الدكتور /تخلص بس المحلول اللي متعلق ليها و تقدرو تروحوها علي طول بعد اذنكم

ميار /انا هدخلها يا بابا

اكرم /ماشي…… و انا هنزل الحسابات تمون خلص المحلول

نظر زين لمعتز و اشار له ان يهبط هو للحسابات

زين /تعالي اقعد يا استاذ اكرم ارتاح

اكرم /هنزل الحسابات و اطلع

زين /متقلقش معتز هيخلص كل حاجه

اكرم /لا مينفعش كدا

زين /مش وقته دلوقت نطمن بس علي بنت حضرتك اللي جوا

اكرم /اللي جوا مش بنتي دي تبقي صاحبه بنتي بنتي اللي كانت واقفه هنا

زين /نطمن عليها بردو

و بعد مرور وقت كافي قد انتهي فيه المحلول المعلق لزينه و قد استعاده بعض وعيها

ميار /انتي عامله ايه دلوقت يا زينه

زينه /انا بقيت احسن كتير

ميار /الحمد لله انا كنت هموت من الخوف عليكي

زينه /معلشي يا ميار تعبتك معايا يا قلبي

ميار /تعبك راحه المهم تكوني كويسه و بخير…………يلا تقدري تقومي يلا علشان نروح

زينه /ايوة

ثم تحركت و ميار بجانبها تستند عليها حتي خرجت للخارج

تحرك باتجاههم اكرم والد ميار فهذه اول مره يري بها زينه لكنه كان دائما يرها في الصور مع ابنته و يحدثها في الهاتف

و صدم بشده من ما حدث في وجهه تلك المسكينه هو استمع الي حديث الطبيب لكنه لم يتخيل كل هذا اقترب منهم و تحدث

اكرم /انتي عامله ايه دلوقتي يا بنتي

زينه /انا الحمد لله انا اسفه يا عمو تعبتكم معايا

اكرم /ايه دا انتي عايزه تزعليني كدا من اول مره اشوفك فيها

زينه /ربنا يخليك يا عمو

و اقترب منهم زين و…………

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)