رواية أنت مرادي الفصل العشرون 20 بقلم علا عبدالعظيم

في المستشفى….

عمر : انا هروح الشركة ، مينفعش احنا الاتنين نسيب الشغل كدا .

مراد : تمام. ، متحسيش حد ب اي حاجه ..

عمر : حاضر ، و لو في اخبار جديده عرفني .

مراد : تمام .

نزل عمر من المستشفى و ركب عربيته و راح على الشركة .

  و في شقه قديمة في القاهرة، فتح هادي الباب

(هادي عنده 24 سنه طويل و قمحاوي شعره اسود وعيونه سود جسمه رياضي + لاعب سله لكنه متعرض ل إصابة و بيتعالج منها من فتره طويله دمه خفيف و طيب زي أمه بس بيكره أبوه و اي حد قاسي، أبوه اسماعيل رجل أعمال معروف عنه شطارته في الشغل وبرضو معروف عنه قساوة قلبه واللي كان بسببها ماتت مراته . )

دخل هادي الشقه وكان بيفتكر ذكرياته فيها وهو طفل وبيلعب في كل ركن في البيت مع أمه وقرب من صورة أمه اللي متعلقه على الحيطه وكان التراب مغطيها ، مسح التراب ب ايده و نزلت دموع من عينه : انا عمري ما هسامحه . (يقصد أبوه)

وبعدين دخل الاوضه وحط الشنط و نفض السرير ونام وهو حزين على اللي بيحصله و حصل ل أمه .

و في شركة ابراهيم السيوفي..

السكرتيره : يا انسه مش هينفع تدخلي من غير ما اخد إذن .

مريم : ابعدي انا عاوزه ادخل لعمر.

السكرتيرة : مش هنا ، لسه مجاش

ولكن صوت عمر قطعهم : اي الدوشه دي .

جريت مريم عليه : عمر انا عاوزه اتكلم معاك .

عمر : انا مش فاضي يا مريم .

مريم : مش هاخد من وقتك كتير .

عمر بضيق : اتفضلي .

دخلوا المكتب ..

عمر : تشربي اي !

مريم : مش عاوزه ، انا جايه اتكلم بس .

عمر : اتفضلي اتكلمي ..

مريم بدموع : انا اسفه .

عمر بجمود : خلاص مفيش حاجه حصلت .

مريم وهي بتمسح دموعها : بس انت مش بترد عليا ..

عمر : لما تتأدبي و تسمعي كلامي و ميحصليش مشاكل بسببك هرد .

مريم : كدا مش هترد خالص .

عمر كان بيكتم ضحكته : لا هرد بس لما تسمعي الكلام .

مريم بطفوله : هسمعه ..

عمر : مال وشك بقا عامل كدا ليه ؟

مريم وكانت هتعيط تاني : عشان منمتش .

عمر بسرعه : بس بس اوعي تعيطي يخربيت نكدك ، قومي روحي ونامي ولما الاقيكي عملتي كدا هرد عليكي .

مريم بفرحه : بجد ؟؟

عمر ب إبتسامة: بجد .

مريم وهي بتقوم وخارجه بسرعه : انا ماشيه ..

خرجت مريم من المكتب بسرعه .

عمر في نفسه : خاطب واحده عبيطه .

وعند داليدا …

داليدا بصدمه : اي اللي انت بتقوله دا !!!

الرجاله : زي ما بنقولك كدا يا هانم دول كانوا كأنهم عارفين اننا رايحين وكانوا مستنينا ..

داليدا : و ملك محصلهاش حاجه ؟

الرجاله : انتي قولتي هاتوها مقولتيش اعملوا حاجه ..

واحد من الرجاله بخبث : ولا انتي كنتي عاوزه نعملها حاجه ؟

داليدا بإنفعال : معرفتوش تجيبوها ، اقتلوها .. انا مش عاوزه مراد يفرح بيها .

الرجاله : تحبي نعمل خطه جديده ..

داليدا بشر :هنعمل ……….

و في المستشفى خرج الدكتور من عند ملك ..

مراد بقلق : خير يا دكتور ..

الدكتور : هو خير فعلا .. المدام حالتها بدأت تستقر .

مراد بفرحه : ينفع ادخلها ؟

الدكتور : بليل هنطمن عليها تاني و لو كويسه هننقلها اوضه عاديه و تقدر تدخلها وقتها .

مراد : يارب تبقا كويسه ..

الدكتور : بإذن الله ..

مشي الدكتور و مراد قعد لكن في شخص قعد جمبه ..

مراد بص عليه وكان ابراهيم .

ابراهيم ب لوم : بقا دا كله يحصلك ومتعرفش ابوك !

مراد بغضب : عمر اللي قالك صح ؟

ابراهيم بثقة : تصدق اني عارف قبل عمر  ..!

مراد : مين عرفك ؟؟

ابراهيم : انا ابراهيم السيوفي ومفيش حاجه تستخبى عني في البلد ، فاكرني مش هعرف مشاكل عيالي ؟

مراد اتنهد بحزن : كل دا حصلها بسببي ، انا خايف عليها اوي يا بابا ..

ابراهيم : ملك هتبقا كويسه و قويه بيك لما تكون قوي ، مش ضعيف و قاعد جمب اوضتها تعيط..

مراد : هاخد حقها

ابراهيم: برضو عارف ، انا لازم أمشي دلوقتي ..

‏مراد : في حاجه ؟

‏ابراهيم : لا عندي مشوار بس. .

‏مراد : تمام ..

‏

‏خرج ابراهيم من المستشفى وركب عربيته ومشي ..

‏

‏

‏  و في بيت محمود و عبير

‏عبير :ملك فيها حاجه ..

‏محمود : في اي يا عبير؟ ما جوزها قال انها كويسه ونايمه ..

‏عبير : نايمه بقالها يومين ؟ انا هلبس واروح لبنتي ..