رواية ورده في المزبله الفصل العاشر 10 بقلم منه محمد

رواية ورده في المزبله الفصل العاشر 10 بقلم منه محمد

رواية ورده في المزبله البارت العاشر

رواية ورده في المزبله الجزء العاشر

رواية ورده في المزبله الحلقة العاشرة

دخل البيت المكون من طابق واحد اشتراه نادر لما سافر كان مكون من صاله متوسطة الحجم اول ما تدخل علي اليمين تلات غرف وبالوسط مطبخ وناحيه الشمال غرفتين
دخل بهدوء بعد ما قال السلام وقعد بهدوء جنب ساميه اللي كانت قاعده في الصاله
ساميه بهدوء : وعليكم السلام
نادر بهدوء والتفت على بناته وبابتسامه : يالا جهزوا نفسكم علشان نطلع نغير جو
ساميه باعتراض: الدنيا برد بعدين البنات يبردوا وبعدين سيف نايم
نادر : لا مش هيحصلهم حاجة لبسيهم بس كويس ودفيهم وسيف انا هشيله بس دفيه خليهم ينبسطوا بكره العيد وهنقعد نعيد هنا خلينا نفرفش ونضيع وقت
سلمى بصت لابوها بابتسامة وبعدها وقفت : يلا يا ماما جهزينا
ساميه نفخت بضيق : اهلا بدأت تزن فوق نفوخي
نادر باستغراب : ليه مضايقة ؟؟!
ساميه بضيق : مش متصورة العيد ونكون بعيد عن اهلنا ازاي هيكون له طعم بس من غيرهم وكشرت
نادر : يا بنت الحلال بلاش تعقديها وان شاء الله العيد الجاي هنسافرو نعيد هناك
ساميه بتذكر : صح افتكرت اخوك خالد بكره راجع هو وعياله علشان العيد
نادر باشتياق : ياالله من زمان ما شفتهوش علشان وانا مسافر قرر يرجع بكره
ساميه باستغراب : مش عارفه ايه الي عاجبه خالد اخوك في الغربه ؟؟؟
نادر بضيق بص لساميه بحزن: ماانتي عارفه من بعد ما راح الغالي ما قدرش يبقى هنا وما يشوفهوش وبعدها قرر يسافر وبقي يجي بالقطاره اتنهد بحزن ومسح على وشه وعيونه مدمعه لذكرى اقرب انسان على روحه
سلمى بضجر : بابا امتى هنخرج ؟؟؟
نفخ لعله يزول الضيق وبعدها قال : يالا انا جاهز مستنيكم
قامت ساميه بتكاسل مشيت خطوتين وبعدها لفت على نادر : صحيح كمان اختك هيفاء بكره راجعه من السفر هي وجوزها وخلاص قرروا يستقروا هناك
نادر برفعة حاجب : انا شايفك النهارده وكاله انباء منين جاتلك الاخبار دي كلها؟
ساميه بضحكه خفيفه : اتصلت النهارده مع سها مرات خالد وهي إلي قالتلي كل حاجه
سلمى ولينا بضجر وبصوت واحد : ماما وبعدين عاوزين نروح
سلمى : خلاص في الطريق بلغيه
ضحك نادر وساميه على شكل سلمى ولينا
ساميه اتجهت لغرفة النوم : سيف نايم علشان تشيله انا ماليش دعوه
سلمى ولينا مشوا وري امهم علشان تجهزهم ….
كان واقف نادر ويتابع ضحكهم وفرحتهم ودعي ربنا يحفظ اطفاله
جه في باله طيف ريم هز راسه وكأنه بيطردها من تفكيره .
**********قصص منه محمد*********
ريم تنعي نفسها….. تعبت اشكي تعبت احكي تعبت اشرح بايه الشكوي هتفيد قلب متجرح
طلعت من الحمام بعد ما اخدت دش بارد وراحت للبلكونه كان الجو فيه نسمه هواء بارده اتعمدت تعمل كدا علشان تمرض مش عاوزه تحضر العيد
قعدت على ارضيه البلكونه البارده وهي تدعي انها تمرض اتكورت على نفسها وافتكرت احداث المول
……
-باك
الجد نزل لمستواها ومسك راسها ورفعه وبحنيه غير معهوده بالنسبة لاحفاده : متعيطيش بدال الفستان اشتريلك ميه فستان وقربها منه ومسح دموعها وحضنها و مسح على راسها
كانت ريم شهقاتها الخفيفه تتسمع يا كفاره
الجد بأمر لنجوي : حالا تاخدي معاكي ايهاب وتروحي تشتري الفستان اللي اختارته ريم
نجوي باعتراض : بس يا عمي
سليمان بعصبية : من غير بسبسه بسرعة متتاخروش وبص لايهاب بحده يالا استعجل خد امك وروح
مشت نجوي تشتري الفستان وهي تشتم ريم وايهاب الشياطين تنط فوق راسه
خرج الجد ريم عن حضنه وبهدوء : ارتحتي دلوقت
هزت ريم راسها بالموافقة وعيونها ما زالت مدمعه ولها شهقات خفيفه
وقف الجد ومسك ايد ريم وقعد على طربيزه فاضيه بهدوء بعد ما قعد ريم قصاده
كانت ريم قاعده بهدوء وتمسح دموعها اللي رفضت تقف .
ريم لنفسها….. من الاخر بلاش احسن يبان الحزن علي وشي
*********قصص منه محمد*******
كانوا الشباب قاعدين مش طايقين نفسهم عالاخير
عمر بعصبيه : انا ما قاهرني غير الجوكر دي بتدلل وقعت عليها حيطه ولا لايق عليها
بدر بحسد : شوف شوف ازاي جدي بيدلعها واحنا دايما يبهدلنا ويوصفنا بالبقر
رامي بعقلانيه : شوفو انا مش بطقها وخاصة بعد ما فتنت علينا بس حرام عليك يا بدر حاسدها على حنية جدي ليها ياريت ماتنساش انها تعتبر يتيمه لا اب ولا ام وحيده في الدنيا وفوق كل ده الاغلبيه نبذهاخليها تدلع عند جدي عاوز انت ايه منهم
عمر بدون نفس : ماشاء الله علي حكمك اللي بتنزل مرة واحده بصراحه مش طايقها
رامي هز كتافه : براحتك تطيق ولا ما تطيقش بس دي الحقيقة والواقع …
بدر : ده ايهاب رجع وقسم بالله شكله يخوف من العصبيه
رامي بنص ابتسامه : صدقت والله ….الله يكون في عونك يا ريم فالمستقبل
*********
وقف الجد بعد ما شاف ايهاب وامه : يالا يا ريم
قامت ريم وهي تمسك بايد جدها
قربت نجوي وبدون نفس : اتفضلي يا ست ريم خدي فستانك
ريم لنفسها….. انا وسط الدنيا الكبيره انا بحس اني ماليش مطرح
مسك الجد الكيس وفتحه وسأل ريم بهدوء : ده الفستان الي عاوزاه
بصت ريم للفستان بهدوء
وبصوت مبحوح من البكاء : ايوه
رجع الجد الفستان بالكيس وبعدها بص لاولاده واحفاده اللي موزعين نفسهم على الطربيزات : يالا نمشي
قام سلطان بهدوء وتوجه لابوه : بابا احنا لسه ما تعشينا استني شوي
الجد بلامبالاه : عاوزين تتعشو اتعشوا انا مروح وبص لمراته الي كانت قاعده على الطربيزه: يلا يا عصمت
قامت الجده واتجهت بهدوء للجد
فخري : بابا خلي ريم طيب هنا تتعشى مع العيال
الجد بنغزه : مالوش داعي ريم ترجع من غير عشا لان يمكن مش معاكم فكه تعشوها وعطي نظرة حاده لنجوي ومشي خرج بره المطعم برفقة ريم والجده
اما نجوي عرفت انه قصدها فضلت تدعي على ريم في سرها لانها دمرت العلاقة مع عمها
فخري وهو يشد على سنانه : عجبك كدا اتفضلي يا مدام وشاور على الطربيزه
قعدوا بهدوء والوضع متكهرب بينهم
ندي كانت بتمسح دموعها من بداية الموقف وهي مقهورة على ريم
ونفسها تضرب نجوي الف قلم علي وشها
اما سلطان حاس بالندم على تهوره بحلفان اليمين .
********قصص منه محمد ********
في صباح يوم العيد كان برنامج الجد كالاتي صلوا الصبح وبعدها صلاة العيد وبعدها دبحوا ووزعوا الاضاحي عالفقراء والاقارب وبعدها رجعوا للبيت
جهزوا نفسهم وقعدوا في الصالون الكبير
كانت عصمت قاعده جنب سليمان الجد دخلوا الشباب وسلموا على جدهم وجدتهم واعمامهم وقعدوا بعد ما اخد عيدياتهم وبعدها دخل الاطفال وسلموا على الحاضرين واخدوا عيدياتهم
كان الجو سعيد جدا وخاصة بعد ما حضر خالد وعائلته وهيفاء واولادها
كان المكان يضج بالموجودين دخل صقر
قام الجد والجده وسلموا عليه بحراره وسلم على الموجودين وقعد وهو حاسس بسعاده
الجد : ما توقعتكش تيجي وخاصة العيد الصغير ما جيتش
صقر بسعاده : ما تتصورش سعادتي اني حضرت العيد هنا لو بقيت هناك بموت
خالد بابتسامه : ربنا يوفقك هاه يا رامي مستعد لنتيجه الثانويه قربت
رامي بارتباك : ان شاء الله يابابا
الجد بسعاده وهو شايف اغلب اولاده واحفاده حواليه كان حاسس بالسعادة وقف وبصوت جهوري : يالا دلوقت معاد اذان الظهر توكلنا على الله
خرج الجد واولاده واحفاده للصلاه
اما الحريم قعدوا يحكوا وبعدها قاموا للصلاة
اما البنات بره في الجنينه بيلعبوا والاولاد في الشوارع بقياده المعلم عبود
بعد الظهر حضرت هند وكان الكل مبسوط وكان سلطان وندي غير موجودين لانهم من الصبح عيدوا وطلعوا للمستشفى لان ندي تعبت فجأه
دخل عبود الصالون وكان وشه احمر من اللعب في الشمس بص للموجودين وبعدها سأل جدته : فين ريم مش شايفها ؟؟
عصمت بقرف:تشوف السعد ولا تشوفها عاوزه منها ايه ؟
عبود ببراءة : اشتريت لها حلاوه وعاوز اعيد عليها كمان
الجد افتكر لانه لسه مش متعود على وجود ريم وخاصه بالاعياد : صحيح فين ريم ما شفتهاش حتى ما سلمتش علينا
عصمت بكره : الحمد لله شفت بعينك حتى ما كلفت نفسها تعيد علينا !!!
الجد بحزم التفت لعبود : نادي لي ميرفت بسرعه
طلع عبود بسرعه
خالد باستغراب : مين ريم ؟؟
عصمت بحقد : بنت سارة
خالد بكرهه : غريبه ما حدش قالي ومن امتى عايشه هنا بنت سارة ؟؟
عصمت بقرف : مش مهم تعرف اخبار الحثاله دي
دخلت ميرفت بهدوء : نعم يا بيه
الجد بحزم : فين ريم ؟؟
ميرفت : انا من الصبح بخبط علي باب اوضتها بس مش بترد
وقف الجد وبصراخ : وليه ما قلتيليش من وقتها
ميرفت بخوف : ما اعرفش
الجد بعصبية : خلاص غوري من هنا
وقفت هند وبصت لابوها : بابابا من فضلك بلاش تتعصب دلوقت اروح اشوفها
الجد بقهر : قسم بالله لتندمي يا ريم على تطنيشك
مشت هند بسرعه خارج الصالون وسالت الخدم عن غرفة ريم وبلغوها انها بغرفتها القديمة
*********قصص منه محمد***************
الشباب انبسطوا ايهاب بهمس للشباب : واخيرا هنشمت فيها الفتانه
عمر وهو بيضحك : انا هصور بهدلتها علشان اضحك عليها ههههه
صقر باستغراب : ليه كلكم ضد البنت ؟؟
بدر : اصلك متعرفش عن خباثتها حاجة دي اكبر خباصه وفتانه
رامي : بعدين نحكيلك اما دلوقت خلينا نشاهد الفيلم الاكشن بين جدي وريم
كان الجد متعصب من حركة ريم ومستني قدومها بفارغ الصبر
اما ناحيه الحريم كانت نجوي وهيفاء و سها مرات خالد ينموا علي ريم وامها ويشتموها *
*******قصص منه محمد**********
بعد دقايق دخلت هند وهي بتنهج من المشوار ولانها حامل
الجد بنظرة ناريه : فينها مش شايفها معاكي يا هند
هند بتردد وخوف : ءءء يابابا خبطت علي الباب بس ما حدش رد والباب مقفول من جوه
وقف الجد بذهول وقام بسرعة رايح لغرفتها راح وراه فخري وخالد وصقر وهند
عصمت بقهر : حسبي الله ونعمه الوكيل اقول ايه يارب نفسها تنكد علينا العيد زي العيد الي فات برضه نكدت علينا
هيفاء : ارموها على امها ايه الي غاصبكم تربوها
عصمت بقله حيله : لو الامر بايدي كنت زماني رميتها بس مفيش حاجه بايدي واتنهدت بغيظ …
*************
خبط الجد الباب بقوه : يا ريم قسم بالله لو ما فتحتيش مش هقولك هيحصلك ايه افتحي احسن لك
هند بخوف : يابابا يمكن البنت حصل لها حاجه
صقر : ما فيش حل غير نخلع الباب
هز راسه الجد لصقر بالموافقة
بعد جهد ووتعب خلعوا الباب ودخلوا
بص الجد بانحاء الغرفه ما لهاش اثر
دخلت بسرعة هند للحمام بس خرجت وهي تهز راسها انها مش موجوده
التفت الجد للبلكونه اللي كانت مفتوحة وبسرعة راح عليها
وانصعق لما شاف ريم نايمه في البلكونة
قعد على الارض ومسك ايدها وبسرعه نفض ايدها
خالد بص لريم وبعدها للجد : فيها ايه ما يمكن تكون بتمثل ومفهاش حاجه
الجد بعصبية : اسكت البنت مولعه
ورفعها الجد بسرعه وحطها علي السرير برفق وبص بانحاء الغرفه شاف كوبايه مايه علي طربيزه المكتب راح بسرعة جابها وبدأ يمسح على وشها وهو يسمي عليها
بص الجد لصقر بحده : انت مش دارس طب تعال شوف وضعها بسرعه
قرب صقر لريم ومسك ايدها وبذهول وبعدها حط ايده على جبينها ورفع بلوزتها وحط ايده على بطنها : درجة حرارتها مرتفعة دي تقريبا فوق الاربعين
زاح سليمان ايد صقر عن ريم بسرعة وشالها بسرعه واتكلم وهو متجه للحمام : دلوقت احطها تحت المايه تبرد شوي درجة حرارتها وبسرعة جهزوا العربيه
خالد ببرود ظاهري : يعني حالتها تحتاج لمستشفى يا دكتور صقر قالها بتريقه
صقر وقف عند باب الحمام : بقول لك درجه حرارتها فوق الاربعين والبنت غايبه عن الوعي وزعق بصوت عالي بسرعه جهز العربيه وبعدها دخل للحمام
كان خالد باصص لمكان صقر ومستغرب ازاي يرفع صوته عليه نط على صوت ابوه : اتحرك اتحرك بسرعة
بص خالد لابوه : حاضر يا بابابا وخرج بره الاوضه
هند ودموعها على خدها : كنت مفكره نادر اخدها معاه ما كنتش اعرف انها هنا ما حدش قالي والله
مسح الجد دموع هند : متخافيش يا بنتي سخونه وان شاء الله تكون بخير
هند بنهيار علي ريم : يا رب اشفيها يا رب وقعدت على السرير تدعي لريم
بعد خمس دقايق طلع صقر من الحمام وهو شايل ريم بين ايده وهدومها كلها مايه وطالع يجري بره الغرفه ولحقه الجد بسرعه ووراهم هند .
^^^^^^^^^^
دخل عبود عند الحريم بينهج : جده جده ريم عاوزين ياخدوها للمستشفى
وقفت الجده بسرعة اتوقعت جوزها ضرب ريم وعلشان كدا هياخدوها للمستشفى راحت تجري للباب الخارجي بسرعه شافت صقر وهو شايل ريم
الجده ملامحها بهتت :فيه ايه ؟؟؟
تجاوزها صقر وما ردش عليها مستعجل
عصمت بعصبية لما شافت الجد طالع وري صقر : عرفوني فيه ايييه ؟ بشروني وقولولي انها ماتت
وقف الجد لثواني وعطي عصمت نظرة ناريه ووراح لعربيه خالد وكانت هند تجري جري علشان تقدر تجاري مشيتهم
اتجاوزت هند عصمت من غير ما ترد على تساؤلات امها .
ركبوا العربيه الجد : بسرعة يا خالد بسرعه يا بني
خالد مستغرب ليه مهتمين ببنت ساره ما في ستين داهيه هي وامها بس مش قادر يتكلم خاف من عصبية ابوه فما كان رده إلا انه هز راسه وزاد السرعه
صقر كان خايف جدا لالالا كتييير وخاصة ان نبضها ضعيف كان واخدها جوه حضنه ويهز رجله بتوتر
اما هند كالعاده دموعها تفسر حالها!!
…………..قصص منه محمد……
اما عند عصمت الوضع نار متعصبه علي الاخير : انا عيله يتجهلوني ومحدش فيهم يرد يعبرني علشان دي ربنا ياخدها اخخخخخ يا قهري ياني
بدر يزيد النار : والله يا تيته ما لهمش حق يتجهلوكي وانتي سلطانه الحريم وعلشان مين يتجهلوكي علشان واحده ما تسوى تعريفه وإلا ايه رايكم يا شباب ؟؟؟
وبص للشباب وغمز لهم بضحكه ماكره
عمرحب يولعها : اه والله عندك حق على الاقل يقولولك في ايه مش يسبوكي كانك شغاله تسأليهم ولا يعبروكي!!!
ايهاب الي نفسه ينتقم من عمته هند لانها دايما تلطعهم بكلام سئ: وما تنسوش ام دمعه قريبه عمتي هند عامله حنونه ووجه كلامه للشباب تصدقوا جدتي تسألها وهي مطنشه عالاخر والله لولا انها عمتي كنت كسرت دماغها
بص رامي لجدته وشافها من العصبيه الشياطين بدأت تتنطنط فوق راسها فما حبش يزيد عليها وتتعب فعطي للشباب نظرة بمعنى اختصروا
وطلع موبيله ورن على صقر
الكل سكت لما شافوا رامي طلع موبيله
رامي بعد عده رنات : الو
صقر : ايوه
رامي : فيه ايه ؟؟
اتنهد صقر : ما فيش حاجه بس ريم حطوها تحت الملاحظه
رامي باستغراب : ليه فيها ايه؟؟
صقر : درجه حرارتها مرتفعة جدا وجسمها ماتحملش وعندها التهاب بالرئه يالا يا رامي انا مستعجل اكلمك بعدين وقفل الخط
بص رامي للموبيل وهو ماسكه ولوى بوزه وبعدها بص للموجودين وبلغهم بحالتها
………قصص منه محمد…….
بالمستشفى كانت حالتها تعبانه وطلب منهم الدكتور تبات بالمستشفى لحد ما يتحسن وضعها
بعد ما غادر الدكتور اتكلمت هند بحزن : انا هفضل معاها الليله
خالد عطاها نظرة حاده وبعصبيه : ناسيه يا مدام انك متجوزه وجوزك قبل ساعة اتصل علشان ترجعي وتروحي عند اهله وناسيه انك حامل وممكن تتعبي وكشر بملامحه امشي قدامي احسن ما اجرك جر
هند بمعارضة : بس خـ,,,
الجد بحزم : انتي امشي ولا تهتمي انا هدبر امورها مش هيحصلها حاجه والممرضات جنبها ومسك ايدها قبل ما تعارض لكن هند رمت نظره على ريم الي كانت نايمه وتتنفس بصوت عالي شوي ووشها اصفر وصدرها طالع نازل كان شكلها يقطع القلب لكن لاحول ولا قوه الا بالله
ياريم انتي بطله القصه والجمهور والمسرّح انتي الصُورة إللي مكسوره في بروازهَا ولا حاجه من الاتنين بتتصلح

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ورده في المزبله)