رواية لعبة الغدر 2 الفصل الأول 1 بقلم محمد منصور

رواية لعبة الغدر 2 الفصل الأول 1 بقلم محمد منصور

رواية لعبة الغدر 2 البارت الأول

رواية لعبة الغدر 2 الجزء الأول

رواية لعبة الغدر 2 الحلقة الأولى

**خلص الموسم الاول. واحنا جوة اوضة الاعدام. وشناوي يتشاهد والمفتي بيلقنة الكلامات الاخيرة قبل الاعدام وعشماوي بيلف الحبل حوالين رقبة شناوي بعد ما لبسة غطاة الوش ومسك عشماوي باليد الخاصة بالمشنقة وسحب اليد. وبقي شناوي متعلق في الهواء من رقبتة
وهنا يصحي شناوي من نومة وهو بيصرخ فيصحي كل اللي في الحجز علي صوت صرخة شناوي ويروح ناحيتة سكر بسرعه ويقول له
شناوي. مالك في اية
شناوي
اشهد ان لا اله الا الله. وأشهد ان محمد عبده ورسوله
سكر
انت كنت بتحلم بكابوس شكلك كدة
فيبص له شناوي وهو يقول
كابوس في روحي بتطلع
سكر
بعد الشر عليك يا راجل طيب
شناوي
الشر مابقاش بعيد عني. وحاسس ان حبل المشنقة بيقرب من اللف حوالين راقبتي
سكر
ماتقولش كدة. انت راجل طيب وربنا مش هايسيبك
شناوي
عارف ان ربنا معايا. ودة اللي مطمئني.
سكر
طيب يالا نام. وتبات نار تصبح رماد
شناوي
انام ازاي بس. وكل مابلع ريقي احس بطعم الظلم ومش قادر اعمل حاجة
سكر
انا معاك يا شناوي. ونخرج بس من وراء الحديد دة ونجيب لك حقك من اللي عمل فيك كدة. ،،،،،،،،

 

 

 

وتاني يوم الصبح ومن جوة شقة عزت كان عزت مع جابر. وجابر يقول له بعصبية
يعني لعبتها خرساء من ورايا ورحت ومضيت شناوي علي توكيل عام
عزت بعصبية
ودة وقتة يعني. شوف انا بقول لك اية وانت بتقولي اية. دة انا هاتجنن وهاموت واعرف مين اللي وصل لفلوس شناوي قبل مني
جابر
هي حاجة تحير الصراحة. بس لية ما تعملش حساب ان يكون في حد شافك وانت بتمضي علي ورقة التوكيل
عزت
أنا متاكد ان ماحدش شافنا. لان جيهان ساعتها كانت مشغولة في الكلام مع المحامي اللي اسمه فؤاد
جابر
طيب هايكون مين بس اللي عمل كدة
فيفكر عزت للحظات ثم يقول
مع اني متاكد ان ماحدش شافني. بس برضو ماحدش يلحق يتحرك بالسرعة دي غير جيهان او المحامي فؤاد
جابر
او يكونو الاثنين ظبتوها مع بعض
عزت
صح. لية لا.
جابر
طيب ولو دة اللي حصل نعمل اية
عزت
نخليهم يتخلبطو. وكل واحد منهم يدور علي التاني
جابر
تقصد اية
عزت
انا اتصل بجيهان واقول لها أن عزت وصل لفلوس شناوي وعرف انتي خبيتهم فين. وهي طبعا هاتسال وتقول. الو مين معايا. ساعتها ارد واقول انا من طرف. وهوب الخط يتقطع.
جابر باستغراب
مش فاهم حاجة
عزت يكمل
وفي نفس الوقت انت هاتتصل بفؤاد دة في مكتبة وتقول له أن عزت وصل لفلوس شناوي. وطبعا هيسال ويقول الو مين بيتكلم. تقول انت،،،،،
جابر يكمل
انا من طرف. وهوب المكالمة تنقطع.

 

 

 

عزت
وساعتها لو هما الاتنين مع بعض هايتصلو ببعض علشان يفهموا اية معني الكلام دة
جابر
طيب وانت هاتعرف ازاي انهم كلمو بعض
عزت
هاخلي واحد معرفة ليا في السنترال العمومي يدخلني علي الخط بتاع جيهان وهاسمع كل اللي هايتقال وبكدة اعرف هما اللي خبو الفلوس ولا في حد تاني
جابر
وهانجيب ازاي رقم تيلفون مكتب فؤاد المحامي
عزت
من دليل التيلفونات.
جابر
يا ابن ابليس. انت اية يا خي راضعت الشر دة كله من صدر مين
عزت
من صدر الدنيا اللي خلتني ابقي جاحد وادوس علي قلبي قصاد مصلحتي
جابر
انت جاحد بصراحة بس قصاد حب جيهان الديب السعران اللي جواك بيبقي حمل وديع
فيرتبك عزت ويقول
عزت ما بيعرفش يحب. انا بس عايزاها علشان هي حلوة وعجباني
فيبتسم جابر ويقول
بتكذب يا عزت. انت بتقول كدة علشان تكذب علي نفسك ولا علشان تكذب علية
عزت بصرامة
جابر انسي الحكاية دي. وخلينا نركز في فلوس شناوي
بتنهد جابر ويقول
وماله. وبعد بقي ما نعرف ان الفلوس جيهان هي اللي خبتها هاتعمل اية
عزت
ساعتها بقي هايبقي في كلام تاني
جابر
الا صحيح عملت اية مع عوف
فيفتكر عزت عوف اللي كان ناسي. مع انه هو اللي حبسة في اوضة الكراكيب ويقول
عوف. دة انا نسيتة خالص.
جابر
مصيبة ليكون مات
فيقوم عزت بسرعه. ومن وراء منه جابر ويروحو ناحية اوضة الكراكيب ويفتح عزت الاوضة فيلاقي بالفعل عوف قد مات. فيبص جابر لعزت ويقول
وادي كمان واحد مات بسبب لعبة الغدر بتاعتك
عزت بعصبية

 

 

 

بقول لك اية هو مات بسبب غبائة ويستاهل
جابر
واخرة الدم دة اية
عزت باصرار مخيف
اخرتة فلوس شناوي ومراتة يبقوا ملكي.
ويفك عزت. عوف وهو يبص لجابر ويقول
ممكن تساعدني ولا هاتفضل واقف كدة تتفرج علية
فيساعدة جابر في فك قيود عوف وهو يقول
ناوي علي اية
عزت
الليل يدخل وناخدة ندفنة في الصحراء
جابر خائفا
بقول لك اية انا ماليش دعوي بدفنة دة
عزت بحدة
بقول لك انا اية. كلمة تاني وهادفنك معه النهاردة في نفس القبر.
فيسكت جابر خائفة. ،،،،،،،،
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
وفعلا بالليل يدفنو عوف في قلب الصحراء. وتعدي الليلة ويطلع النهار ومع اذان الظهر يرن التيلفون الارضي الخاص بشقة شناوي فتروح ناحية التيلفون جيهان وترد
السلام عليكم
صوت عزت وهو متغير
عزت وصل لفلوس جوزك شناوي
جيهان بخضة
مين اللي بيتكلم
عزت
انا من طرف، ،،،،،،
ويحط عزت صباعة علي اللسان الخاص بالحرارة وينهي المكالمة وجيهان تقول
الو الو الو.
ولا تسمع رد. وفي نفس الوقت كان جابر بيكلم المحامي فؤاد في مكتبة ويقول نفس الكلام ولكن فؤاد كان لايعلم أي حاجة عن فلوس شناوي. وعلي الجانب الاخر جيهان تطلب رقم معين وتقول

 

 

الو
فيرد عليها رشدي قائلا
الو يا مدام جيهان
جيهان
استاذ رشدي. انت خليت حد من طرفك يكلمني
رشدي باستغراب
انا. لا خالص
جيهان
اومال مين اللي لسة قافل معايا دلوقتي
رشدي
ممكن افهم في اية
جيهان
في حد كلمني من ثواني وقال. عزت وصل للفلوس
رشدي
دة كمين يا مدام جبهان وانتي وقعتي في. واكيد اللي عمل الكمين دة عزت
في الوقت دة يدخل معاهم عزت علي الخط ويقول
برافو عليك. ويالا بقي نكشف ورقنا طالما وقعته في الكمين. فين الفلوس
جيهان
اة يا واطي يا خسيس يا ندل
عزت
عيب كدة لما تشتمي جوزك الجديد
جيهان باستحقار
انا اتجوزك انت
عزت
هاتتجوزيني بعد ما الاهطل ياخد اعدام
رشدي
انا كنت من الاول شاكك فيك ولما شوفتك وانت بتمضي شناوي علي الورقة اللي كانت في ايدك حسيت انها توكيل رسمي يحق لك التصرف في كل املاكة
عزت

 

 

 

هو انت بقي اللي شوفتني. لا شواف. وطبعا انت اللي خليت جيهان تبيع كل املاك شناوي في يوم وليلة
جيهان
اسم الله عليك. وكمان الفلوس كلها اتحولت باسم جميلة في حزنة في بنك ماحدش يقدر يفتحها الا جميلة نفسيها لما تم 22 سنة ومفتاح الخزنة دة مع واحد هايسلمة لي ابوة جميلة شناوي. او لجميلة نفسيها لما تتم 22 سنة
عزت
لا بجد عجبتني دماغكم ودي بقي فكرة مين فيكم فكرتك ولا فكرة رشدي
رشدي
مش مهم فكرة مين المهم ان فلوس الراجل الطيب دة بقيت بعيد عن ايدك
عزت
طيب اسمع يا عم الطيب انا كان قلبي حاسس ان انت وراء اللي حصل علشان كدة بنت اخوك المجنون اللي مات علي ايدية دي بقيت تحت ايدي لو نفسك تشوفها تاني قبل ما تتقطع حتت زي ابوها تجيب لي فلوس شناوي. واياك البوليس يعرف والا قسما عظما لقطعها ميت حتة
وينهي عزت المكالمة ورشدي يقول
لا. بنت اخويا لا. الو الو.
جيهان لرشدي
قولي عنوان حضرتك وانا اجي لك حالا علشان نلحق بنت اخوك
رشدي
خليكي مكانك وا،،،،،،
جيهان باصرار
من فضلك استاذ رشدي. انا لازم اكون معاك انت كل اللي بيحصل لك دة بسببي.
رشدي
انا دلوقتي في المحل وهامشي حالا اروح البيت ودة العنوان بتاعنا
ويقول لها عنوان المحل فتبص جيهان لجميلة بنتها وتقول لها
جميلة انا هانزل اروح مشوار ما تتحركيش من هنا وما تفتحيش لحد لغاية ماجي
جميلة
هاجي معاكي.
جيهان
لا. انا هاروح واجي علي طول
وتغير جيهان هدومها بسرعة وتنزل من الشقة ،،،،،،،
ومن قدام بيت جيهان تقف عربية عزت وينزل عزت من العربية ومعه جابر وهو يقول
انا خايف لتكون جيهان فوق
عزت وهو بيطلع السلم ناحية شقة شناوي يقول
ماتخفش. انا تعمد قول لهم اني خطفت بنت اخو رشدي علشان جيهان تقرر انها تنزل وتقف مع رشدي في ازمتة دي. اللي هي السبب فيها وانا سمعها بنفسي في التيلفون وهي بتقول له انا جاي لك يبقي جميلة فوق وبكدة نخطف جميلة ونحزن جيهان عليها. ويا أما تقول علي مكان الفلوس يا ما موت جميلة

 

 

 

ويقف عزت وجابر قدام باب شقة شناوي ويبصو حوالين منهم ويتاكدوا ان مافيش حد شايفهم فيخرج عزت مفك ويحطه بين الباب والحلق ويخبط الباب بمنتهي القوة ولكنه يخبطة خبطة مكتومة ينكسر بسببها الباب من عند اللسان ويدخل عزت الي الشقة ومن وراء منه جابر ويدورا علي جميلة في كل مكان في الشقة لكن كان التيلفزيون شغال علي الكرتون وجميلة مش موجودة وفجاة سمعو صوت المية في الحمام بتشتغل فشاور عزت لجابر انه يستخبي جنب الحمام واستخبي عزت وخرجت جميلة من الحمام وبمجرد ماعدت جميلة عليهم وهما بقوا في ظهرها هجم عزت عليها وفي ايدة منديل علية بنج وحط عزت المنديل علي مناخير جميلة، ،،،،،
وبعدها بساعة. ومن جوة شقة سالم. اخوة رشدي تقف جيهان مع رشدي وقدام منهم مرات سالم وبنتها. فتقول جيهان
لما بنت اخوك بخير اهه. تفتكر لية عزت قال انه خطفها
رشدي
بصراحة مش عارف يمكن يكون قاصد يهددني وخلاص.
جيهان
علي كل حال الحمد لله ان بنت اخوك بخير. هاستاذن انا بقي علشان سايبة جميلة لوحديها
رشدي
ماشي وانا هاتصل بعجمي وابلغة باللي قالة عزت واعترافة الرسمي بان هو اللي قتل سالم اخويا
وفي الوقت دة يرن موبيل رشدي فيخرج رشدي الموبيل ويلاقي رقم غريب فيرد قائلا
الو
صوت عزت
عرف جيهان لو لسة عندك ان بنتها جميلة معايا
رشدي
انت. جيبت رقمي منين
صوت عزت
اتصلت بالمحل بتاعك وجيبت الرقم. فبلاش بقي عجمي باشا يعرف باللي حصل علشان خاطر جميلة ما تزعلش وامها تزعل عليها
وينهي عزت المكالمة فيبص رشدي لجيهان وملامح وشة اتغيرت فتقول له جيهان
في اية يا استاذ رشدي
رشدي بحسرة شديدة
عزت خطف جميلة، ،،،،،،،،،،

 

 

 

وبعدها بكام دقيقة و من جوة شقة شناوي. كانت جيهان تقف مع رشدي وهي بتعيط فيقول لها رشدي
انا لازم اتصل بعجمي. وهو يتصرف
جيهان بانيهار
لما عزت قال لك ان بنت اخوك. هو خطفها انت ماردتش تيلغ عجمي. انما طالما بنتي هي اللي اتخطفت تبلغ عادي. ماهي لو حصل لها حاجة ماتفرقش معاك
رشدي
انا ماقصدش كدة. بس انا، ،،،،،،،،،
جيهان مقاطعة له
تقصد ولا ماتقصدش. يارتني من الاول ما سمعت كلامك. لاني اظاهر كدة بسببك هاخسر بنتي زي ما خسرت جوزي
رشدي
مدام جيهان. انا هنا علشان اساعدك لية بتكلميني زي ما اكون عدو ليكي.
جيهان
مش انت اللي قولت لي نبيع كل املاك شناوي بالتوكيل الرسمي اللي معايا. ونحولها لفلوس ونحطهم في خزنة باسم جميلة
رشدي
انا عملت كدة علشان احمي فلوس شناوي من شيطان زي عزت. غدر بي وعايز كمان ينهش لحمك. زي ما عرفت منك
جيهان
ملعون ابوة الفلوس انا عايزا بنتي وجوزي يرجعه ليا ونرجع تاني نعيش بعيد عن الشر دة
رشدي
قصدك اية. تسلمي كل حاجة بايدك لعزت
جيهان

 

 

 

هو عايز الفلوس. هادي له الفلوس
رشدي
وعايزك فوق الفلوس. هاتعملي فيها اية دي
جيهان بكسرة نفس ودموعها علي خدها
هاكون لي. بس بنتي ترجع لحضني وشناوي يخرج
رشدي
حرام عليكي نفسك. ازاي تقبلي ترمي نفسك في حضن الشيطان
جيهان وهي تمسح دموع عيونها بايدها
علشان بنتي تعيش في حضن ابوها
رشدي
بس،،،،،،،،
جيهان
من فضلك. انا مش عايزا اسمع كلام من اي حد. دي عيلتي وانا اقدر احميها بنفسي
رشدي
معني أية الكلام دة
جيهان
اتفضل. من غير مطرود
وتقوم جيهان وتقف عند باب الشقة فيبص لها رشدي لانة فهم المقصود فقال
لو انتي ناوية تستسلمي للشيطان دة بسهولة كدة انا مش هاستسلم وهاجيب حق الراجل الطيب اللي اتسجن غدر واللي لو يعرف ان ثمن خروجة برائة هو ان مراتة تكون في حضن اللي غدر بي. هايتمني يموت ولا انك تعملي كدة
فتعيط جيهان بحرقة شديدة. وتقول
من فضلك امشي.
فيقف رشدي قدامها وهو يقول
يا خسارة كنت فاكرك اقوي من كدة
فيخرج رشدي من الشقة ويقف كمان مرة وهو يقول
انا مش هابلغ عجمي وحق اخويا هاخدة من عزت وهارجع لك بنتك.
ويمشي رشدي وجيهان تقفل الباب وراء منه وتنهار من كتر العياط وتبص لفوق وتقول
يارب. انا مش قادرة استحمل. حلها من عندك. ،،،،،،
وبعد نص الليل ومن قدام بيت رشدي يركن رشدي عربيتة وينزل منها وساعة ما كان بيعدي الشارع علشان يدخل بيتة يلاقي عربية عليها غطاء ومقطوع الغطاء من قدام بس علشان سواق العربية يشوف الطريق. فيبص رشدي للعربية اللي كانت رايحة ناحيتة بمنتهي السرعة فيلاقي عزت باصص له وبيضحك ويخبط عزت. جسم رشدي بمنتهي العنف. ليصرخ رشدي من قوة الخبطة ويطير لفوق وينزل علي الاسفلت سايح في دمة ولكن عزت لف العربية وراح ناحية رشدي وداس عليه بمنتهي الغل وانطلق بالعربية مسرعا وسط صرخات من اهل الشارع اللي صحيوا علي قوة الاصطدام وصرخت رشدي. واختفي عزت بعربيتة وسط الظلام ،،،،،،،،

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية لعبة الغدر 2)