رواية ورده في المزبله الفصل الخامس عشر 15 بقلم منه محمد

رواية ورده في المزبله الفصل الخامس عشر 15 بقلم منه محمد

رواية ورده في المزبله البارت الخامس عشر

رواية ورده في المزبله الجزء الخامس عشر

رواية ورده في المزبله الحلقة الخامسة عشر

صحيت على دقات الباب قامت مفزوعه وبسرعة وقفت وراي الباب. سألت مين من غير ما تفتح الباب ردت الخدامه وهي بتبلغها ان جدها طالبها وطالب كمان تلبس هدوم واسعه وطرحه وتنزل تحت استغربت وكانت عاوزه تطنش بس اترجعت وقررت تنزل بس احتارت تحط كريم ولا لأ وافتكرت اشكالهم الاسبوع الي فات وازاي كانوا بيبصولها هي وسوادها هههههه وفكرت خليها تنبسط طلاما ولا اكتشفوا الحيله وبدأت ترمي علي وشها وتزود العيار وعملته بمهاره حتى اللي يشوفه ولا يخطر عالباله انه مكياج وبعدها لبست النضاره وافتكرت شكل بنات خالها قبل ما تطلع لما شافوها كدا حاولوا يعرفوا ايه السبب بس طنشتهم وفضولهم قاتلهم يااااااه مشتاقلهم جدا ولقعدتهم وضعت اللمسات الاخيره وهي تردد شعارها في الحياه
– فنش -عش- تنتعش – ونزلت لتحت بهدوء كان المكان فاضي بس في صوت
بالغرفه الي جوه دخلت وهي راسمه البسمه ومقرره تعيش حياتها وتطنش كل حاجه اهم شيء شي انبساطها وراحتها دخلت كانت جدتها وتوقعت انها مرات عمها خالد ونجوي الظاهر ان نازله عليهم مصيبه من اشكالهم دخلت وهي تبتسم بهبل ورفعت ايدها وبصوت عالي : هاااااااااااااي انا جيت وابتسمت بعباطه وهي بتسبل في عيونها
بصت لها نجوي بناظرات ناريه : يمه والله تخوف وقالت بكرهه و هي تردح لها ربنا كان كسر الطريق الي جابك
ريم ببراءه : تؤ تؤ تؤ لا يا خالتي ما ستنتهاش منك ومدت شفايفها لقدام وهي بتدلع
عصمت بكره ومن ملامحها كأنها شايفه عفريت : غوري من خلقتي يا حيوانه ربنا ينتقم منك يا وحشه منك لله زي ما دمرتي نفسية الواد ايه ذنبه يبتلى بيكي
عقدت حواجبها وهي مش فاهمه قصدهم بس طنشت وقعدت جنب عصمت وقربت منها وبستها : امواه وطلعت صوت عالي ليه زعلانه يا عجوزه النار ؟؟
عصمت طبعا وشها ولع نار واحمر جدا وطبعا مع الوان الطيف الي على وشها من المكياج اتحولت لتحفه فنيه : انتي قليله الادب ولا بتتكسفي ولا بتحترمي الي اكبر منك غوري برا استني جدك علشان تغوري معاه
ريم حطت ايدها على قلبها وغمضت عيونها بألم معقول هيرميها كمان مره بس ياتري المره دي فين وسألت بهدوء عكس برودها اللي كان قبل شوي : هياخدني فين ؟؟؟
نجوي بغل وبشراسه لريم : بت ماتعمليش نفسك بريئه و مش عارفه حاجه وكله من تحت راسك يا حيه انتي اخخخخخخ منك حسبي الله ونعم الوكيل فيكي
ريم عقدت حواجبها وهي مش فاهمه القصد من كلامهم وببراءه : والله ماانا فاهمه قصدك ايه؟؟
سها بتكبر: يعني متعرفيش ان اليوم كتب كتابك على المسكين تعيس الحظ ابنها وشاورت على نجوي وعمي مستنيكي ياخدك عالمستشفى علشان الفحص الطبي خدك عزرائيل
بصراحة كانت صدمه كبيره لريم ولا خطر علي بالها تكون كتب كتابها هي مش بتنكر ان بعد ما اتخطبت الجوري اتمنت انها تتخطب علشان محدش يقول عنها صغيره لانها بصراحة نفسها تستقر … كرهت حياة التشتت خلاص واخيرا هتشوف وتعيش الاستقرار بغض النظر عن الشخص هو مين …من الفرحه نطت لفوق ومدت ايدها بالهوى وهي بتنط لفوق : ياااااهو
وبصوت عالي بقت مش مصدقه اليوم كتب كتابي مش مصدقه ونطت علي حجر سها تبوس فيها : امواه امواه الهي يسعدك اشيك اشك انا هجبلك هديه لانك انتي بشرتيني امواه
وقفت سها مرات خالد ووزقتها عنها وبقرف : ابعدي عني قرفتيني مش هقول غير الله يكون بعونك يا نجوي على البلوى دي وراحت تبعد ووقعدت جنب نجوي علشان تبعد عن ريم
وقفت ريم وهي تبتسم علشان بس تقهرهم !!!
قلعت الطرحه ورفعت فستانها وربطته على وسطها ومشيت لحد عصمت وسحبت منها السبحه اعترضت بس ريم طنشتها ووقفت في نص الصاله ونزلت رقص وهز وتغني ووتتمايل بليونه وتزغرد وتلوح بالسبحه لمده عده دقايق
بعديها قامت عصمت وبصوت عالي صرخت : باااااس بااااس

< عارفين انك مش قليله يا ريم🤪🤪)
وقفت سها مرات خالد ووزقتها عنها وبقرف : ابعدي عني قرفتيني مش هقول غير الله يكون في عونك يا نجوي على البلوى دي وراحت تبعد ووقعدت جنب نجوي علشان تبعد عن ريم
وقفت ريم وهي تبتسم علشان بس تقهرهم
قلعت الطرحه ورفعت فستانها وربطته على وسطها ومشيت لحد عصمت وسحبت منها السبحه اعترضت بس ريم طنشتها ووقفت في نص الصاله ونزلت رقص وهز وتغني ووتتمايل بليونه وتزغرد وتلوح بالسبحه لمده دقايق
بعديها قامت عصمت وبصوت عالي صرخت : باااااس بااااس
وقفت تبصلها وهي مكشره اتكلمت عصمت بعصبيه : بس يا قليله الربايه مافيش كسوف انا اعرف لما البنت بيقولولها هتتجوز تتكسف وشها يحمر وتدوب في هدومها من الخجل مش زيك قايمه تترقصي وضربت ايدها ببعض انتي خلااااص مفيش منك فايده !
قربت منها ريم وهي واقفه على طراطيف صوابعهاعلشان تطولها وبنص عين ووشها قريب من وشها وبرقتلها : يعني لما خطبك الشايب عاوزه تقنعيني انك دوبتي في خلجاتك من حمره الخجل ياعصوم،، وبعدت عنها كم خطوه اممم بصراحه اشك فالموضوع ده يا عجوزه النار
ولعت عصمت وكانت عاوزه تردح لها بكل لغات العالم بس قاطعتها ريم : ما علينا من الكلام ده ووجهت نظراتها لنجوي الي يشوفها يقول دفنت جوزها من الحزن والضيقه ههههه بصراحه منظرها مضحك للدرجه دي بتكرهها ماعلينا ياريم سيبك منهم وافتكري شعارك طنش فنش عش تتنعتش وكملي قهر فيهم
قربت ريم منها وهي بتسبل بعيونها وتدلع : خالتي مائلتليش المحروس ابنك بيشتغل ايه واسمه ايه ؟؟
نجوي بكره وبصتلها بحده : لا والله ادلعي كمان اصلا انتي ما تستهليش تاخدي ايهاب الف وحده تتمناه ده دكتور كل البنات يتمنوه بس هقول ايه غير حسبي الله ونعم الوكيل زي ما كسرتي احلامه
سها تزيد النار: هو فيه شاب زي ايهاب كل البنات مستنين منه نظره يتجوز دي وشاورت علي ريم بقرف وحشششه وحششششه اللهم لا اعتراض يارب على خلقتك بس مش هقول غير الله يكون في العون
بصتلهم ريم بنص عين وورفعت حواجبها بستفزاز : كإنك بتتكلمي عليا وانا واقفه بس مش مهم همشيها بمزاجي لان في حاجات عاوزه اسال عنها اهم
وبحماس طيب امتي هلبس الفستان وغمضت عيونها بحالميه امتى انزف وانا ماسكه ايد خطيبي _وشبكت ايدها وهي رافعهم _وكملت احلامها وانزل وارقص وسط الناس اه امتى امتى والناس تقول سبحان الله ريم الدلوعه الاموره تاخد ابن المتوحشه دي
نطت من مكانها على صرخه نجوي وفضلت تردحلها : اخرسي اصلا الناس هيقولوا مسكين الله يعينه على ما ابتلاه وبعدين انتي ما عندكيش حياء وخجل تتكلمي في الامور دي وباسلوب تحقيق ايه عرفك بالافراح والي بيحصل فيها ها؟؟
قربت منها وهي ماشيه بغنج وقعدت على الارض قدامها ونجوي قاعده على الكنبه وربعت وتسبل لها عيونها بطريقه غريبه: اممم لاني بكل بساطه ما خليتش فرح قريب ولا بعيد الا حضرته ورقصت فيه رقص والناس كلها شاورت عليا وتقول يا صلاه النبي احسن
وفجأة افتكرت شئ وبصت لعصمت الي كانت بصلها ونظراتها هاتقتل ريم
ريم بدلع : صحيح يا عجوزه النار في فرح قريبتكم دي نزلت ارقص ورقصت رقص من الاخر بعد ما خلصت الفقره قربت مني حُرمه اسمها نرجس سألتني بنت مين انتي قلت لها بنت نادر سليمان …..
الوليه قالت لي انتي جدتك الحيزبون عصمت قلتها ايوه قالت سبحان الله نفس الشكل تشبهيها جدا وسبلت عيونها لعصمت
وقفت عصمت بعصبيه : اخرسي انت بتشبهيني بيكي والوليه نرجس دي ده انا هروح اقطع لها شعرها تشبها شبه وشها….يا فضيحة الفضيحه دي مش هتسيب ولا ست غير لما تقولها ان حفيده عصمت تطلع رقاصه ووحشه وفضلت تروح وتيجي في الصاله وكأنها في عزاء
نجوي تحاول تهدي حماتها : يا خالتي فرح الست الي بتقول عليها كان من سنتين يعني الظاهر انها ما اتكلمتش ولا كنا سمعنا بلاش تردي عليها ده شغل خرابين البيوت وبصت لريم بكره: قومي ابعدي عننا مش طيقينك يا وحشششششه
وقفت ريم: اصلا قايمه اكمل رقصي بمناسبه كتب كتابي
نجوي هتموت : ما تفرحيش اوي ايهاب بيكرههك ولا بيطيقك متفكريش اخدك محبه لا ياعين امه مغصوب عليكي
طنشت كلامها الي زي سحنتها وحبت تقهرها وقفت بغنج : عادي يا حماتي الحب يجي براحته بعد الجواز ورفعت حواجبها ونزلتهم وبعدين ابتسمت
نجوي بقهر وتوعد : والله لتندمي والايام بينا يا ام سحنه مقشقه محتاجة ليفه لالالا سلك مواعين وتنجلط بيه
ريم طنشتها ونزلت رقص وتلوح بالسبحه وتغني وتلعب حواجبها علشان بس تقهرهم وكانت مناظرهم تضحك مولعين من المصيبه الي حطت عليهم وريم نازله رقص وعماله تغني اغنيه سعد الصغير النهارده فرحي يا جدعان واتحمست بزياده وفضلت تزرغد وانطلقت منها زغروده عاليه هزت البيت هز!!!
وبعدها انخرست لما سمعت صرخه عمها خالد يصرخ من ورى الباب : انتي يابت مش بتتكسفي علي دمك مفكره نفسك لوحدك في البيت ترقصي وتغني قسم بالله اذا سمعت حسك ولا حتي همسك لدخل وامرمطك مكانك
بصت ريم علي نجوي لقتها قاعده من غير طرحه فاخدت راحتها فالكلام وبتحدي وهي متكتفه : اتحداك تدخل وبعدين جدي قال ممنوع تمدوا ايدكم عليا
خالد بعصبية: والله ما خرب عقلك بزياده غير دلال ابويا فيكي

وبعصبيه اكبر ريم اختصريني وبلاش تتحديني ماشي لادخل ووقتها اترحمي على نفسك وزعق فيها سمعتي انا قلت ايه
ردت عليه وهي ناوي تستفزه وتولعه وتقهره وتنتقم منه وبصوت عالي : مش سامعه واعلى جحش عندك اركبه < ريم عارفه انه غلط ولازم تحترم الي اكبر منها بس متعرفش وقتها كان كل افكارها تنتقم وتقهره زي ما قهرها((خالد عمره 45 سنه))
خالد بعصبية : سها فضي لي طريق خليني اوريها قليله الحياء
عصمت بفرحه : دقيقه ياحبيبي اوسعلك طريق وتناولها كام قلم وكام شلوت يعدلوها وقامت عصمت وسها وناولوا نجوي خمار علشان تتغطي
ريم حست حالها خلاص النهارده بعد ماكان مأذون والنهارده فرحي ياجدعان هتبقي جنازتها ياجدعان وكله بسبب لسانها الطويل وخلال دقايق سمعت صوت عصمت الماكر : ادخل يا روحي وناولها كام ضربه وكام شلوت تلتزم بيهم
وخلال ثواني كان عمها عند الباب وريم في وسط الصاله حاسه حالها بحصار تروح فين وتهرب فين خلاص اكلت حنضل وخاصة عصمت وسها واقفين عند الباب علشان ماتهربش برا
غمضت عيونها خلاص قررت تستسلم وتقنع نفسها وتقويها انه ما يقطع الراس الا الي ركبها ولما حسيته قريب منها
وتيجيلها فكره وتجري بسرعه عند نجوي ووتستخبي وراها ومسكت في هدومها
وقف خالد متغاظ وعجز مش هيقدر يقرب من نجوي وبصريخ : ريم تعالي هنا
بصتله بصراحه بني ادم غريب عاوز يضربها ويطلب منها تروح له برجليها اكيد في عقله خلل،، اتمسكت اكتر بنجوي الي كانت بتحاول تبعدها عنها وبدلع جلط الموجودين : حماتي ابعديه عني انا خطيبة ابنك ترضي يعني انه يضربني وانا كمان شويه هبقي عروسه ولعبت حواجبها باسلوب مستفز لخالد
ريم عارفه ومقتنعه انها بتلعب في عداد عمرها بس مقدرتش تمسك لسانها
خالد وكل الشياطين بتتنطط فوق راسه وبصريخ هز البيت : ريييييييييم
نطت ريم وقلبها دق طبول من الخوف وحست قلبها نزل لعند ركبها بس حطت ايدها على قلبها براحه لما شافت جدها دخل الصاله وبحزم : فيه ايه ياخالد
خالد : الحيوانه بترقص وتغني بصوت عالي ومبسوطه ان النهارده كتب كتابها ولا فيه حيا ولا احترام ولا اي بدنجان
بصلها جدها وبحزم : صحيح الكلام ده؟؟
خالد بدهشه : يعني يابابا انا بكدب ؟؟
الجد بحده : انا سألت ريم صحيح الكلام ده؟؟
ريم بتوتر وبتردد : صحيح وفركت ايدها ورفعت راسها بابتسامة لجدها امممم كنت مبسوطة ونسيت نفسي من الفرحه ان النهارده فرحي يا جدعان قصدي كتب كتابي
خالد بغل : شفت يا بابا شفت بعينك ما فيش كسوف عند البت دي
الجد براحه ظهرت على ملامحه : يعني ما عندكيش اعتراض علي كتب الكتاب ؟؟؟
ريم بسرعه جريت لعند جدها وبلهفه للخطوبه : لا لا ما عنديش اعتراض وبعدين فينك اتأخرت وانا مستنياك يا سولم يالا بسرعة عالمستشفى قبل ما تقفل ويتأجل كتب الكتاب
جدها بابتسامة دافيه مسك ايدها وسحبها خارج الصاله : ما تخافيش مش هتقفل المستشفى
وطلعوا خارج البيت وسابوا خالد بركان ثائر
***قصص منه محمد*****
عصمت الي هتموت وقاعده جنب خالد وتهدي فيه : يا ابني طنشها ما تخلهاش تعصبك
خالد مولع وبص لنادر الي دخل : كله بسببك انت ،،بنت طولها شبر مش قادر تادبها ولا بس شاطر على سلمى الي عندها 13 ولبستها النقاب وحجبتها عن العالم و القزمه دي مش قادر تأدبها زي باقي بنات العيله وبصوته يقلد ريم بصوت غنج عندي ضيق بالتنفس يابرودها
نادر ببرود وبص لخالد الي كان بركان مولع : يعني قولي حل اقول لك انا مش هتكلم اسأل امي ازاي ضربتها بنت مفيش منها فايده
عصمت مغلوله : والله يا خالد ضربها وكسرها تكسير ولسانها كل مادا يزيد البت دي عقلها مش طبيعي ولسانها متبري منها
وقف نادر وببرود استأذن وراح للمستشفى بملامح جامده .
قبل ما تنزل من الباب اتكلم جدها بهدوء وهو لسه ماسك ايدها : ليه حاطه الالوان دي علي وشك ؟؟
ريم انصدمت لانها ما توقعتش انه يكتشف والله مش قليل يا سليمان
ريم بابتسامة : مجرد تغيير وسكتت ما عرفتش تقول ايه!
مسح على ايدها واتكلم بهدوء : وكمان ايدك ملونها واتنهد وكأنه مش عاجبه حركاتها
تابع كلامه بهدوء : اسمعي يا ريم انتي كبرتي وبقيتي عروسه انتي في سنه كام بتدرسي حاليا ؟
جاوبت بهدوء : اولى ثانوي
الجد : جميل ربنا يوفقك وبحزم الهبل ده مش عاوز اشوفك حطاه تاني لانك هتشوفي مني تصرف مش هيعجبك فاسمعي الكلام واتلاشي عصبيتي الله يسعدك والنضاره الغبيه دي كمان ومد ايده عشان يسحبها بس قبل ما يمسكها بعدت ريم راسها بسرعه

جدها نزل ايده واتكلم وبهدوء : ادهالي لاني متأكد انك حطاها منظر وبصلها بنظرة تشكيك
ريم مقدرتش تكذب عليه : اممم صحيح مجرد تغيير
الجد بحزم : زي ما توقعت يالا بسرعه نزليها وهاتيها
اتكلمت معاه كإخر محاوله : خلاص لما نرجع من المستشفى هدهالك بس خليها دلوقت بلييييييز وسبلت رموشها بدلع
جدها بصلها وبإمر : تمام بس لما نرجع النضاره وعلبة الوانك دي انا هخدهم ودلوقت نتوكل ع الله
كانت هتعترض بس قاطعها بحزم : يلا وكلامي يتسمع
وبدون تردد مشت وهي مستغربه انها ولا عاندته نزلت من العربيه ودخلوا البوابه الرئيسية وبعدها اتصل جدها بالموبيل وكان شخص يوصف له المكان مشت ريم وراه وبعدها وقف جدها واتكلم مع شخص رفعت راسها واتأملته وافتكرته وخاصه لما قال جدها يا صقر تقريبا نفس الشكل ما تغيرش بس يمكن بقي اطول واجمل،، وقاطعهم شاب تاني قرب منهم ريم اتوقعت انه ايهاب لانها سمعتهم يرددوا الاسم كانت بعيده شوي عنهم
بصت لايهاب كان طويل شبه عمود السواري ونحيف بس مش كتير بشرته حنطيه شعره قصير ده الي قدرت تشوفه لانها مش عارفه تدقق فيه نفخت بضجر واقفين يرغوا ولا كأنها واقفه
وبعد دقايق شاورلها جدها راحتلو ودخلو غرفه وكان صقر معاهم سأله جدها : ايه رايك يا صقر تسحب انت العينه من ريم ؟؟
وبسرعة قبل ما يرد صقر اعترضت : لا لا انا عاوزه دكتوره او ممرضه
وقالت في سرها مستحيل اخليه يسحب مني العينه يا فضيحتي يشوف كوكتيل الألوان ولا برنامج غرائب وطرائف الي حاطها على ايدي
بصلها صقر بغضب: براحتك اوعي تفكريني ميت اسحب منك عينه بالعكس تريحيني
استغربت لهجته معها ليه يكلمها كدا وكأنها اكلت اكله سكتت ولا ردت عليه لانها كانت متوتره وخايفه من الابره وبعدها طلع ايهاب وبصلها بنظرات ناريه وكمان صقر وفضلت هي وجدها وبعدها دخلت الممرضة
وسحبت العينة بعد ما طلعت روحها من الخوف وحطت مكان الابره قطنه وفوقها لزقه وكانت الممرضه تبص لايدها ومستغربه ازاي الايدين بيضا وكف ايدها بني هههه بس الحمد لله انها مش مصريه
كانت ريم بتعدل هدومها دخل ايهاب وصقر وكانت رافعه كم الفستان دخل ايهاب وهو باين على وشه الضيقه وعلامات الدهشه على صقر متفاجئ من منظر درعها الي بلونين 😃بس سكت وما علقش
ايهاب بستنكار : بسرعه غوري استنيني برا علشان ارجعك معايا علي البيت
طنشته ولا كأنه بيكلمها وبصت لجدها : يالا خلينا نرجع
رد جدها : انا عندي كام حاجه هنا اكملها وارجع للبيت انتي ارجعي مع ايهاب علشان تجهزي نفسك لكتب الكتاب
لوت بوزها : بس من دلوقت خاليه يعدل اسلوبه معايا مش كل شويه يشخط وينطر فيا
ايهاب بصلها بازدراء : متفكريش اني بقولك هرجعك ع البيت دي غيره مني لا صححي معلوماتك لاني مكسوف امشي جنبك والناس يشفوكي معايا وبغرور وهو ينفش ريشه انا الدكتور ايهاب ليا مكانتي بالمجتمع
ريم باستهزاء: لا والنبي بقولك بلاش يكبر راسك زياده علينا راسك دي قد قدره الفول مش قادرين نرفعها لو كبرت بزياده
ايهاب بعصبية وبتهديد : حطي لسانك جوه بؤك احسن لك لا ارتكب فيكي جريمه ولا اخد عزا فيكي
ضحكت عليه بصوت عالي : هههه حلو دي ارتكب جريمه وينشروا في الاخبار عريس يرتكب جريمه بعروسته ليله الفرح بص يا دوك لو قدها تعالي اقتلني وانا ولا هقول اي واتخصرت وبصتله بتحدي
ايهاب بص لجده والظاهر ما حبش يضايقه بزياده بص لريم بكره وقال بغرور : الرد على السفهاء السكوت ويالا حصليني من غير رزاله وطلع من غير ما يستناها
الجد : ريم عيب تتحديه ومتخلنيش اتصرف تصرف ما يعجبكش الست المؤدبه ماتردش علي جوزها وبامر بسرعه الحقيه!!!!!!
ريم بوزت وطلعت من الغرفه وعند فيهم مشت بسرعه كانت شيفاه ماشي ومستعجل حتى ولا بص وراه يشوفها وقعت عليه بلكونه مصدق نفسه عريس
بس انصدمت لما وقف مع نادرالي كان الظاهر لسه داخل المستشفى
وكانوا بيتكلموا باندماج بأمور ما سمعتهاش بس لما قربت منهم بلعت ريقها لما بصلها نادر نظره قويه طنشت ولما وصلت لهم بس فيه مسافة بينها وبينهم!
اتعمدت تحرجهم ونادت وكأنها متفاجئة بوجوده : بابا نادر انت هنا
كان في بعض الاطباء والممرضين ماشيين قريب بعد ما اتكلمت بصولها
وزادت احراجهم : بابا نادر خطيبي الدكتور ايهاب هيوصلني للبيت بلاش تتعب نفسك
ايهاب رفع راسه ولف حواليه كان فيه بعض شباب بيتدربوا معاه وقريبين ويتهامسوا اكيد سمعوا كلامها
شد على قبضه ايده وهو شايف متدربات بيتهمسوا وبعض الدكاتره الي كانوا قريبين وبعض الزوار كان حاسس بالاحراج ونادر لا يقل عنه اتكسفواا واتمنوا ان الارض تنشق وتبلعهم من الاحراج وجواهم بركان وبعصبية بصوا لريم بوعيد
اما ريم رفعت حواجبها وعطتهم نظره انتصار

نادر شد على اسنانه بغل واحراج من الموقف اتكلم بصوت منخفض : الحساب في البيت يا كلبه ليلتك زفت علي دماغك
اما ايهاب الي ما كانش يقل عن نادر فالعصبيه استأذن عمه وطلع بسرعه بره المستشفى وريم وراه ماشيه بعد ما لوحت لنادر : مع السلامه يا بابا
وكانت ماشيه وهي حاسه بالانتصار
قصص منه محمد
ركب العربيه وقفل الباب بعنف وهو خلاص مولعه معاه…!!
فتحت ريم الباب الي واري وقعدت في الكنبه الي وراه وهي حاسه بالانتصار والابتسامة ما فارقتهاش
لف ايهاب عليها وهو متعصب وعيونه تشع منها العصبيه وهو بصصلها : وقسمن بالله لتندمي بس بعد كتب الكتاب انا هعرف ازاي اربيكي بعد العشاء معادنا هفجرك واطفي ناري فيكي!!!
ولف وشه وشغل العربيه وبعدها اتحرك
وهي تضحك جواها مبسوطه يا ناس ازاي مش تنبسط واليوم احداثه روعه بدايتها قهرت الجوز الثلاثي جدتها وحريم عمامها وبعدين قهرت عمها خالد وبعدين نادر وايهاب فوق البيعه وفوق كل ده اليوم كتب كتابها مش فارقه معاها مين بيكون الشخص الي هيرتبط اسمها بيه
اهم شيء تبقي مخطوبه زي الجوري وهي بترسم احلامها كانت بتضحك مع نفسها وفاتحه بؤها وهي تبتسم
نطت على صوت ايهاب الي وقف العربيه ولف لها : الحمد لله والشكر على نعمة العقل ،،مخبوله انتي بتضحكي مع نفسك بس مش هقول غير كلمه واحده الله يكون في عوني علي ما ابتلاني وحشه ومخبوله الله لا يبلينا لا مابلاني خلاص
ورجع يشغل العربيه بس اتراجع ورجع لف عليها وبتحقيق : هو سؤال وعاوز جوابه كنتي بتحومي مع بنات خالك بالمولات تاخدي الارقام زيهم ؟؟ ما ستناش منها اجابه كمل مع اني مش متخيل انك تروحي وتحرجي نفسك لاني ما فتكرش ان فيه حد اصلا هيبصلك وبعدها احتدت ملامحه وهو يتوعد واقسم بالله لو سمعت عارفه سمعت انك متواصله معاهم او طالعه المول معاهم ما تلوميش الا نفسك فاهمه
ريم ردت عليه وهي حاسه بالملل من كلامه بصراحه ولا اثر فيها كلامه لانها عارفه ان شكلها الحقيقي مقبول صحيح البنات بالمدرسة يقولوا عنها جميله جدا بس هي مقتنعه انها عاديه واقل من عاديه ردت عليه بهدوء وهي مصممه متحطش مكياج على وشها الايام الجايه لانه لسه غطا البرطمان مش ناسي موقف المول : ان شاء الله تامر أأمر
احتدت ملامحه وزعق : اسمعي انا مش بهزر معاكي ولما اقول الكلمه تتنفذ فاهمه
نفخت بقوه منه ومن اسلوبه وردت بعصبية : وبعدين معاك اذا عاندت وما رديتش تتعصب واذا طعتك وقلت حاضر تتعصب ايه المطلوب مني يا اخي قرفتني !
ايهاب بصلها بقرف ولف وشه : خلاص صوتك مش عاوز اسمعه وشغل العربيه وحركها بهدوء …..
صدت وشها للشباك وهي بتفكر بمستقبلها
…قصص منه محمد…..
وصوا البيت ودخلت قبل ايهاب ووهي بتجري هي مش عارفه ايه هو السبب انها مبسوطه
ريم لنفسها: امتى اقعد على الكوشه والبس الفستان الابيض واعمل تسريحه كبيره سمعت صوت نادها قطع عليها انبساطها بس طنشته لانه كان ايهاب بيصرخ بكل حنجرته

وبعدين راحت للصاله التانيه ودخلت كان الجوز الثلاثي
المرح لسه قاعدين وفي بنات اول مره تشوفهم قاعدين بالزاويه
وقفت على باب الصاله ومن سعادتها اطلقت زغروده بصوت هز البيت محدش يلومها فرحانه
اتخضت لما سمعت صريخ ايهاب شكله واقف برا بالهول وسمع زغرودتها : طنشت ودخلت الصاله بغنج : هاااااي
بصولها الجوز الثلاثي نظره ناريه طنشتهم وقربت من الجوز الثلاثي وهي بتدلع : مش هتبركولي بعد العشاء كتب كتابي
سها بكره : الله لا يبارك لك رجعتي مع مين؟؟؟
ردت ريم وهي ناوي تقهرهم وبدلع مصطنع : مع هوبا خطيبي
واحده من البنات متعرفهاش اتكلمت بحقد : والنبي شبه ظريفه
ريم ردت عليها بدلع : ليه يا حبيبتي مقهوره لانه حجزني من وانا صغيره وسبلت رموشها وهي بتدلع
سها بحقد : نسرين ما تتكلميش معها ولا تعبريها ربنا ما يبلينا واحده مخبوله عمرها ما توقعت انها تنخطب
عصمت شاورت علي نسرين : حد يسيب الورده ويروح عالشوك بس اقول ايه حسبي الله ونعمه الوكيل
اتكلمت بنت تانيه : مسكينه خليها تفرح دلوقت بس افتكري كويس والله ما هتتهني وما اكون اميره ان ما طينت عيشتك
احتارت تعمل ايه مع الناس دي كلهم ضدها والحقد عامل يشع من عيونهم
قررت تطنشهم وما تنكدش على نفسها _ طنش فنش عش تنتعش _ رفعت فستانها وربطته على وسطها ونزلت رقص وتغني مع نفسها وكأنها في فرح
وقفت عصمت وبصوت عالي: دلوقت ارن على عمك خالد يجي يديكي كام علقه تعدلك وبتهديد تعرفي هو اصلا مفقوع وحالف لك من الصبح
وقفت عن الرقص وومثلت عدم المباليه : اصلا عادي اتصلي لاني اصلا طالعه لاوضتي اجهز نفسي لكتب كتابي اصلا مفيش وقت وابتسمت بطريقه استفزازيه وراحت للباب ولوحت بايدها بدلع : سلاااااااااااام وعطتهم بوسه بالهوى وجريت بسرعه على غرفتها ..
عصمت حطت ايدها على صدرها وهي تشهق : قليله الحيا البنت دي قلعه برقع الحيا
سها : انا متأكده يا خالتي ان البت دي مخبوله وعقلها مش طبيعي انا اول مره اشوف عروسه تغني وترقص
نجوي : امال لو سمعتيها قالت ايه الصبح ماخلتش فرح الا وحضرته ورقصت فيه البنت خلاص طار حيائها بس انا هخلي ابني ايهاب يسكعها فوق دماغها و يعدلها
عصمت اتكلمت وهي مغمضه عيونها : عايزه قهوه على الله يروح الصداع صدعت راسي قليله الحياء
ورجعوا ينموا علي ريم
◇◇◇◇◇◇
رايكم في الحلقه
يا تري هيتم كتب الكتاب ولا مش هيتم
ايه رايكم لما صقر كشف ريم

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ورده في المزبله)