رواية خائنة و شكراً الفصل الرابع 4 بقلم مي علي
رواية خائنة و شكراً الفصل الرابع 4 بقلم مي علي
رواية خائنة و شكراً البارت الرابع
رواية خائنة و شكراً الجزء الرابع
رواية خائنة و شكراً الحلقة الرابعة
راحت مروه عشان تسأل
عليه
طلعت وخبطت محدش فتح
كذا مره وفضلت واقفه قدام الباب شويه
طلع واحد ع السلم
راجل كبير ف السن
قال ..
واقفه كده ليه يا بنتي عاوز حد
– اه انا بخبط بس مفيش حد بيرد
هما نزلو
– الجماعه مش هنا يا بنتي
عقبال عندك ده النهارده عندهم فرح
– فرح !
فرح مين
– فرح ابنهم علي
– اييييييي ؟! بتقوووول ايييي
– مالك يابنتي جرالك اي …
الله الله الله مالك يا بنتي اصلبي طولك
– م مفيش حاجه
– مفيش حاجه ازاي يا بنتي انتي مش قادره تقفي
– انا كويسه يا حاج
بس قولي الله يسترك
دي خطوبه ولا دخله
– لا دخله
مسكت قلبها جامد اوي
وبصتله وقالت …
تعرف يا حاج الفرح فين
– الجماعه عندي راحو هما والعيال
…
فهميني يابنتي بس مالك يمكن اساعدك
– انا بس عاوزه اعرف الفرح فين يا حاجه
– دقيقه واحده يا بنتي كارت الدعوه والعنوان كانو معايا
دقيقه واحده
دخل جاب الدعوه وادهالو وقال العنوان
اهو
قرت العنوان ونزلت
جري بعد ما اخدت كارت الدعوه منه وشكرته
اخدت تاكس وطلعت علي الفرح
والقاعه
دخلت الساحه ولقت كذا قاعه جمب بعض
فضلت تدور بعينها لحد ما لقت البالون اللي مكتوب عليه اسمه
واسمها
لقت علي ودينا
راحت ناحية القاعه وحاولت تخش
لكن في ناس واقفين بره منعوها تدخل من غير الدعوه
بس هي كانت معاها قدمتها ودخلت
وقفت بعيد وهي شايفاهم بيرقصو سلو
ومنسجمين والناس حواليهم ف كوشه ومعازيم
الدم غلي ف عروقه ودخلت هجم ع الفرح
وهوب علي لقاها قصاده
برق اول ما شافها ..
وقبل ما ينطق انتي اي اللي جابك
كان واخد كف علي وشه ادد كده
الكل أنصدم والمزيكا وقفت
والناس ابتدت تزعق وأمه الحيزبونه
سكت الناس دي وجراها من ايدها لبره القاعه
بس العروسه مكنتش باين انها متفاجاه كأنها عارفه أن ده هيحصل
وهو بيجرها بصت عليها
بس مشفتهاش قبل كده
ولقيتها بتبتسم ابتسامه سخريه
والكل واقف ف زهول محدش فاهم في اي
خرج بره خالص ووقفها علي جمب وبصلها وقال …
انا مش هعاتبك ولا هحاسبك علي اللي انتي عملتيه ده
هتوقع منك اي يعني انتي واهلك
واظن انا فهمتك وعرفتك أن مفيش نصيب بنا اخر مره
وعملت بأصلي اللي مكنش عاجب امك وحاولت اهديكي وروحتك
كان لازم تفهمي أن انا وأهلي مش لعبه ولا مهزأه
جايز انتي كنتي صريحه معايا
بس انا عمري مكنت هجيب واحده امها شايفه اهلي بالطريقه دي
وان احنا مش ادد المقام
مع العلم أن مراتي اللي جوا دي أهلها ناس أكابر ومحترمين
ومش أقل من أهلك ولا هما بيبصولنا علي اننا بيئه ولا هما اعلي مننا
– علي انت ازاي .. ازاي
بعد كل ده
اخدتني بذنب كلام قالته امي
– كان لازم اعمل ده والا هكون عديم الكرامه
واظن انتي عارفه اني كنت بحبك وعاوزك
وجيت وبينت حسن نيتي
وانتي عارفه ده
بس أنا مقدرتش استحمل
دلوقتي خلاص الكلام ده ملوش فايده
روحي يا مروه وانسيني انا دلوقتي راجل متجوز وسايب فرحي وواقف معاكي وده بردو من اصلي
– انتتتت كده بتعاقبنييييي انت بتدمرني يا علي بالطريقه دي
وانا مليش ذنب
– امك مكنتش هتوافق بيا اصلا ولا هي بتحبني
وكنا هنفضل طول الوقت ف مشاكل
وغير اهلي اللي اتهانو
بصي يابنتي
اللي ليكي عندي دلوقتي
دين كبير هردهولك أن شاء الله
وهي الفلوس الي أنتي حطتيها ف الشقه
إن شاء الله ربنا يقدرني واسددلك الدين ده
مبقتش قادره ترد
بصت ف عينه وقالها ..
انا بحبك جدا بس اسف كرامتي وكرامة اهلي عندي بالدنيا
انا اسف يا بنت الناس
واشوفك علي خير
عن اذنك
وسابها ومشي وهي مش مستوعبه
للاسف حتي متخدعتش فيه عشان تفهم أنه كان اصلا مخطط الجواز من بدري
المخ وقتها مجمعش
غير أن مروه بشخصيتها
حملت نفسها هي وامها وبالذات الأم ذنب اللي حصل ده
واتسجل الحدث ده أنه كان عنده حق وأنها لو مكانه كانت عملت كده
وان أمها السبب في كل اللي حصل
وللأسف هتفضل طول عمرها تحبه
بشخصيتها اللي مبتقدرش تتخطي البشر بسهوله
مشيت وجواها غل وحزن وقهره
وروحت البيت قابلتها أمها بغضب …
انتي كنتي فين يا هانم ومبترديش علي تليفونك ليه
رمت مروه الشنطه ف الأرض وصرخت ف وشها …
اسكوووتي اسكووووووووتي انتي السبب ف كل اللي حصلي
انتي السبب
قرفانه منه ومن أهله وعمرك محبتيه
مين طلب منك تحبيه
مييييين انا اللي هتجوز مش انتي
طول عمرك ممشياني علي كيفك ف كل حاجه
تحت امرك طول الوقت
حتي الحاجه الوحيده اللي حبتها ضيعتيه مني عشان قنعرتك الكدابه
الام …
انتي ازاي تكلميني بالطريقه دي
– انا مش عاوزه اتكلم معااااااكي انااااا مش هساااامحك
اتجووووووووووووووز اتجوووووز ارتاحي بقي
– اتجوز !
خير وبركه والله طلع عنده دم اهو والكلام جاب معاه نتيجه
– كلام ..
كلام اي !!
– مكنتش اتوقع بس أنه هيتخطي بالسرعه دي
ومش يبعد بس لا يتجوز كمان والله جدع
– رديييييي علياااااا كلام ايييي
– اناااا قولتله يبعد عنك
ويخلي عنده كرامه لاني عمري مقبل بيه هو ولا أهله هو اي انتي فاكره انك لعبه وانا مستغنيه عنك و …
– مش عاوزه اسمع صوتك اسكتي
اه طبعا
وانا بقول ليه
اكيد مكنش هيستحمل
دمرتيييييينيييييي ووجعتي قلبي عشان عجرفتك
المقرفه
كانت منهاره الام حاولت تستوعب أن كلامها من قهرتها حاولت تقرب …
مروه بصريخ …
ابعديييي عني انا بكرهك بكرههههههههككككككك وعمري مهسامحك ولا عاوزه اعيش معاكي
ابعدي عني متقربيش وانسي اصلا انك ليكي بنتتتتتتتتتتتتتت
مش عملتي اللي انتي عوزاه عشان كيفك ومهتمتيش انا عاوزه اي ولا لوجعي
وديني لأحرق قلبك وابكيكي زي ما بكيتيني
من النهارده انا مليش امممم انا مش عاوزه اشوف وشك تاني
جريت ع السلم والأم طلعت تجري وراها
كانت زي العامية مش عارفه بتقول اي ولا بتعمل اييي
والدنيا اسودت
الام مقدرتش تلحقها
اتصلت بأخوها تستنجد بيه
مروه مبقتش عارفه تعمل اي ولا تروح فين
فضلت ف الشارع لحد نص الليل لحد ما ابتدت تخاف من الشوارع الفاضيه واشكال الناس دي
اخدت بعضها وراحت لصاحبتها الوحيده
اهل البنت اتخضو طبعا الوقت كان متأخر والبنت جايه منهاره
صحبتها اتفاجئت بمنظرها ودخلتها تهديها
وسابتها خالص لحد
ما حكتلها اللي حصل
البنت زعلت اوي
علي صحبتها ومبقتش عارفه تعمل اي
وامها حاولت تفهمها أنها عملت كده عشان خايفه عليها وعاوزه مستقبله
بس ريم طلبت من امها تسكت لانها عارفه انها مش هتتقبل الكلام ده دلوقتي
ريم كانت عارفه شخصيه صحبتها كويس اوي
ومتأكده أن الموضوع هيأثر معاها بشكل سلبي جدا ولمده طويله
بعد معاناه نامت مروه
ام ريم طلبت من بنتها يطمنو امها لأنها اكيد هتبقي قلقانه
وفعلا ده اللي حصل
كلموها وطمنوها
وكانت هتتجنن
ريم قالتلها …
طنط انا عاوزه اقولك كلمتين
الموضوع كان ممكن ينتهي بشكل يخليها هي تكرهه
انما اللي انتي عملتيه ده هيخليها طول الوقت شايفه انك انتي السبب
وكمان هي مش هتنساه
هتفضل تحبه طول عمرها ومش هتنسي انك انتي اللي فرقتيهم
وده كان كلام ريم لام مروه اللي كانت شايفه أن الأيام كفيلة تنسي
بس هل ده فعلا حقيقي والايام كفيلة تنسي
ام مروه طلبت تروح تاخدها الصبح ورأسها والف سيف لتاخد خالها وتروح تجبها
بس ريم وأمها كانو شايفين أن الطريقه دي غلط وأنها لازم تحتويها
وتاخدها ف حضنها وتطبطب عليها
عشان تنسي وتعدي الفتره دي بسلام
لكن الام للاسف اضطرت تلجأ للطرف الآخر
واللي هو وجود راجل يشكم
ف استعانت بأخوها اللي كان متزمت جدا ف المعامله
واتعصب وبالنسباله الموضوع كان قلة ادب وعار وأنها فرجت الناس عليهم
تاني يوم راحو اخدوها
بالعافيه وقامت فضيحه ف بيت ريم
بسبب صريخ مروه اللي مش عاوزه تروح معاهم
ومحاولة أهل ريم أنهم يخلوهم يسيبوها لحد ما تهدي أعصابها
لكن خالها شاف أن عيارها فلت
وضربها ونزلها جر ف الشارع ركبها العربيه
وروحها البيت وحبسها والأم مقدرتش تتكلم
لانها كانت شايفه أن بنتها مش هتوصل لكل ده لو كان في راجل ف البيت
بدأت تصرخ وتزعق وترد وتهاجم
وتقول انها بتكرهههم
وبقت عدوانية جدا وبتكرههم فعلا
هما استعملوا معاها اسلوب مينفعش للفتره دي نهائي
وكانت مروه للاسف ابتدت دماغها تتعب وكرهت فعلا
ووقت ما الأم بدأت تقدر وتلين كانت مروه بتفكر حرفيا تقتلها
من كتر الغل اللي جواها والكره ليهم
بالذات لما خالها مد ايده عليها اكتر من مره وهي واقفه
وف يوم جه خالها وهي عندها ف الأوضه وصوتهم كان عالي جدا
ومروه كانت شرسه بشكل مش طبيعي
ف المره دي
خالها ضربها لدرجة أنها اغمي عليها
الام هنا قررت توقف اللي حصل ده
وتخرجه من الموضوع
نهائي عشان تعرف تتعامل مع بنتها
لتعمل ف نفسها حاجه
لكنه كان ليه رأي تاني خالص
وقرر أنه إذا البيت ده ملوش حد يشكمه
هو هيشكمه
وسمع أخته كلام وحش وقالها أن تربية الستات فعلا مبتنفعش
وقالها ف وشها …
بنتك عمرها ما كانت هتبقي بالكدب والفجر ده لكن هنقول اي مهي تربية واحده ست
وجع أخته بالكلام وقالها ..
البت دي مسؤليتي من النهارده
دلعتيها كفاية
هنسترها ونغورها لاول واحد يجي يخبط ع الباب ومش عاوز اسمع نقاش تاني ف الموضوع ده
مش هستني لما تجبلنا العار وقبل ما بنتك تكسرلنا ضلع
قسما بربي لهخلعلها ضلوعها
وسابها ومشي
وبدأت رحله معاناة مروه
لما خالها قرر فعلا ينفذ كلمته ومع اول واحد خبط ع الباب قرر يجوزها …
يتبع ..
- لقراءة الفصل التالي: اضغط هنا
- لقراءة باقي حلقات الرواية اضغط على (رواية خائنة و شكراً)