رواية كسرة القانون الفصل السادس 6 بقلم أودي الفرجاني

رواية كسرة القانون الفصل السادس 6 بقلم أودي الفرجاني

رواية كسرة القانون البارت السادس

رواية كسرة القانون الجزء السادس

رواية كسرة القانون الحلقة السادسة

عند آيات
دوشت و بدلت و خشت لي مرقدها و حطت راسها ع مخده و كل تفكيرها في هيثم وشن يبي فيها و فجأة رن فونها صبت شفاته لقاته رقم غريب سكرت في وجه و ردت لي افراشها و رد رن مره ثانيه و آيات سكرت عليها وبعد اشويه جتها رساله
هيثم( آيات انا هيثم ممكن اتردي)
آيات هي شافت الرساله وقلبها قعد يرقص ما عرفتش ليش لكن افرحت و توترة
هيثم رد رن بس آيات ما ردتش الرنه الأولى و رد علق مره ثانيه
آيات خضت نفس عميق: بسم الله و افتحت
هيثم ابفرحه: ايوا
آيات: الو
هيثم: هلا آيات كيف حالك
آيات: اهلين الحمدالله انت كيف حالك
هيثم: الحمدالله ميه فالميه مادبينك انتِ ابخير انا ابخير
آيات ابخجل: دومات
هيثم: دوم عزك
آيات: انشالله خير نسرين قالتلي تبيني
هيثم: كنت نبي نسأل عليك لأن من يوم يالي بكيتي فالجامعه معش شفتك ف قلقتْ عليك ف هضا عليش سألت صحبتك
آيات: اهاا لا انا الحمدالله بس ….
هيثم: بس شنو
آيات: بس استغربت سؤالك عليا

هيثم ابرفعت حاجب: عليش استغربتي
آيات: مش عارفه
هيثم: باهي مش هضا موضوعنا
آيات: و شن هو موضوعنا
هيثم: كنك معش جيتِ للجامعه
آيات: بيني وبينك نفسيتي zero و انفكر انوقف قيدي السنه و سنه الجايه نبدى من جديد
هيثم ابعصبيه: لالالالا شنو اتوقفي قيدك لالا مافيش توقيف قيد
آيات بستغراب: كيف
هيثم فطن لي روحه حب ينقض الموقف: قصدي حرآم انتِ شاطره ليش اتضيعي سنه كامله
آيات ابحزن: حتى سينو قالتها ليا
هيثم: سينو
آيات تضحك: قصدي نسرين نحن انقولوها سينو
هيثم يضحك: اهاا
هيثم في عقله: حي علي امي عليك ضحكه
آيات: بس واللهي ماعندي نيه انرد مره ثانيه و انرد نقرى و ما ايصير شي
هيثم سكت
آيات: الو امعايا
هيثم: اها امعاك كنت انفكر في فكره ممكن اتفيدك
آيات: شنو قولي
هيثم: غيري كليتك
آيات: اممممم فكرت لكن ما عرفتش شن الكليه يالي انخشلها
هيثم: خشي كيف تخصصي
آيات: شنو تخصصك
هيثم: هندسه
آيات اسكتت و اقعدت اتفكر
هيثم: مش عشان تخصصي نشكر فيه لكن واللهي حلو و لاه مستقبل و في نفس الوقت يالي اديريه تلقيه
آيات: بس توا لنا اقريب ثلاث اشهور الا بديين اكيده فاتني واجد من يبي يشرحلي المحاضرات يالي فاتاً
وكيف نبي انلحق نقرا و الأمتحانات الجزئيه ع أبواب
لالا مشروع فاشل
هيثم: انا مستعد نشرحلك المحضرات كلهن و نساعدك فالقرايه و اي معلومه مش عارفتيها مش ح انقصر امعاك آيات هضا مستقبلك فكري فيه
آيات: بس مزلت خايفه
هيثم: يا قلبي افهميني
آيات في حالة صدمهمن الكلمه
هيثم في عقله: عن جد فسخة جدي بكل
آيات: احم باهي
هيثم: اااااا قتلك مستعد نقعد امعاك و نشرحلك و في كل وقت تبيه كلميني و انا حاضر ب يالي تبيه
آيات ابتسمت: باهي تمام خليني انفكر وبعدين انرد عليك
هيثم: تمام نرجى في ردك
آيات: تبي حاجه توا
هيثم: سلامتك تصبحي علي خير
آيات: وانت من أهل الخير بيباي
هيثم: باي
و سكرو هما الأثنين
هيثم خضى الفون و حطه علي قلبه
هيثم تنهد تنهيده طوييييييله و غمض اعيونه و ابتسم و قعد ايفكر في آيات و في صوتها و في ضحكتها
وفي كل تفاصيلها و غدر بيه النوم و رقد
…..
عند آيات
سكرت من هيثم و ابتسمت و ماكانت عارفه ليش الأبتسامه هذي هل لأن هيثم صبى امعاها في الوقت يالي هي كانت محتاجه فيه حد ايكون جنبها و لا كلمة هيثم هزت فيها حاجه جواتها ولا فيه سبب أخر و هي مش عارفته و ارقدت و هي مبتسمه
…..
صباح يوم جديد
وعت آيات ابكل نشاط خشت دوشت و توضت و صلت
وبدلة دبشها و اطلعت لقت هلها يفطرو
آيات بأمل و سرور: صباحؤؤؤؤؤ
كلهم: صباح الخير
آيات جت قعمزت و بدت تفطر
خليفه: كيف ماشيه للجامعه
آيات تاكل: اهاا بس نبي انقوللكم حاجه
خليفه: شنو
آيات: قررت نبي انغير كُليتي
كلهم ابصدمه: شنوووو
خليفه: بس الوقت تأخر كيف ح اتلحقي ع أقرايتك يالي فاتك
آيات: بابيتي انا شطورة و نقدر نقرى و انلحق عليهم
خليفه: ويته ابراحتك و يالي اتريحك ديريها انا اهم حاجه عندي أنك تقعدي متريحه و راضيه
آيات: نجك ليا
مراد: شن تبي اتغيري
آيات: كلية هندسه
فريحه: اللللللللله نقعد أخت المهندسه
آيات
و كملو فطورهم و صبت آيات تلبس في ويشاحها
و قررت ادز لي هيثم رساله
آيات(صباحؤؤؤ الخير أنا فكرت في كلامك و قررت انغير الكليه و انخش هندسه و انتحدى الصعاب عشان نوصل لي هدفي انا أشويه و جايه للجامعه انتلاقو)
و البسة و اطلعت تستنى في باتها يطلع
…..
عند هيثم
كان دوبه واعي خش دوش و لبس ادبشه و جا خضى شيتاته و فونه لقى رساله من آيات فتحها و قراها
و فرح واجد لأن قدر يقنع آيات و ايغيرلها رايها و طلع فيسع عشان آيات تلقاه قدامها
……
عند آيات
وصلت هي و باتها للجامعه و نزلو هما الأثنين
و توجهو شور الشؤون العامه( الأدارة)
هيثم كان امقعمز فالساحه الوسطيه و شاف آيات
وباتها و هما خشين و قعد ايبحت فيهم لعند خشو للشؤون
خليفه: السلام عليكم
الراجل: وعليكم السلام تفضل
خليفه: هذي بنتِ آيات تقرى في قسم
الأحصاء
الراجل بحت في آيات: اهلين شرفتونا
خليفه: نبو منك خدمه بسيطه و معنى عرفينها أشويه صعبه
الراجل: تفضل و لو قدرت مش ح انقصر
خليفه: بنتِ تبي اتغير قسمها و ضروري بكل
الراجل: بس تغيير القسم في وقت زي هضا صعب أشويه بس هي ليش تبي اتغير قسمها
خليفه: ما انسجمتش مع الماده و واجهة صعوبات مع الدكاتره
الراجل: باهي شنو القسم يالي تبي تنقلي فيه
آيات: كلية الهندسه
الراجل: باهي دقيقه تو انجي
وطلع الراجل و خليفه و آيات يستنو فيه بعد نص ساعه تقريباً خش الراجل
الراجل: موضوعكم تم وتقدري من اليوم اتباشري
آيات: تحكي جدياتالراجل: اهاا معنى أشوية عصو امعايا لأن الوقت متأخر
لكن قدرة نقنعهم بس ابشرط
خليفه: شنو
الراجل: انتِ عارفه إن الأمتحانات الجزئيه السبوع الجاي ف همه قالو انك ح تمتحني
آيات: اهاا عارفه و ح انكمل اقراية يالي فاتني قبل الأمتحانات
الراجل: كان هكِ مبروك عليك
آيات و خليفه: الله ايبارك فيك
وبعد أشوية تمو أوراق آيات و اطلعو و عدى خليفه
و آيات عدت شور نسرين
آيات: حبي
نسرين أرفعت أعيونها: يا روحي أنا و صبت اضبطتها
نسرين: كيف صار و أخيراً قررتِ اتردي
آيات: رديت بس … و اسكتت
نسرين: بس شنو
آيات: سينو آسفه
نسرين: عليش آسفه احكِ كنك
آيات: غيرت من القسم لي قسم الهندسه
نسرين
آيات: آسفه والله لكن أنا معش عندي قدره نقعد في نفس القسم بعد يالي صار
نسرين: و حلمنا يا ويته مش حلمنا ان انتخرجو من نفس القسم
آيات: الله غالب بس واللهي مضطره
نسرين: باهي شنو يالي غير رايك و من يبي يشرحلك يالي فاتك و الأمتحانات الجزئيه الأسبوع الجاي
آيات: يالي صار ….. و تقعدت تحكيلها
نسرين: حي حي وين يا ويته أول مره تسمعي كلام حد
شن في و ولااااااا ….
آيات: ولا شنو
نسرين: شي شي
علي جيت هيثم
هيثم: صباح الخير
آيات و نسرين: صباح النور
نسرين
آيات فنصت فيها
هيثم: شن صار أمعاك
آيات: قبلوني
هيثم ابفرحه: باهي مبروك مبروك
آيات: الله ايبارك فيككك بس أشرطو عليا أن نمتحن
امعاهم
هيثم: مش مشكله نقدرو انكملو بدري
نسرين: تقدرو
آيات: اهاا ما قتلكش أن هيثم يبي
يشرحلي يالي فات
نسرين: اهاا
هيثم: خلاص بعد تاخذي جدول محاضراتك
عطيه ليا بيش انشوفه مع جدولي
آيات: باهي تمام
و اقعدو يحكو أشويه وبعدها كل واحد لي محاضرته بس لي أول مره آيات اتخش ابروحها
و نسرين ابروحها
…..
احضرت آيات محاضرتها و انسجمت و بعد خضت جدولها و عطاته لي هيثم وبعد شافوه اتفقو إن قبل المحاضره يقرو ساعه و بعد يطلعو من المحاضره يقرو ساعه
….
ثاني يوم
بدت آيات وهيثم فالقرايه و كان هيثم يشرحلها و ايعلمها ع حاجات المهمه و كانو كل يوم لازم ايكملو جزئيه كبيره عشان الأمتحانات قرباً
في يوم كان يوم ثلاث
كان هيثم و آيات فالمكتبه و يشرحلها
طبعاً كان تخصصهم هندسة المعمارية (Architectural Engineering)
هيثم: أول حاجه لازم تعرفيها الفرق بين العمارة والهندسة المعمارية تمام
آيات: اوكي تمام
هيثم: ثاني حاجه شنو هو الهندس المعماري
آيات: اهاا تمام حفظته تعريفه
هيثم: ممكن اتقوليه ليا
آيات: هو المسئول عن إخراج هذه الصورة التي رسمها المعماري في خياله إلى أرض الواقع ..
1 – يهتم بشكل كبير بالنواحي الهندسية في المباني (الأساسات والتربة والأوزان والخرسانة والتمديدات الكهربائية والتكييف في المباني)
2 – يمر المهندس المعماري على بعض الأساسيات في الرسم والتصميم
هيثم: ميه فالميه و حافظه باقي النقاط
آيات: اهاا اكيده
هيثم: عارفك شطوره
آيات
هيثم رد يشرحلها بعدين رفع أعيونه فيها وقعد ايبحت
آيات بعد وقف شرح بحتت فيه
آيات: كنك
هيثم: ممكن نسألك سؤال
آيات: أكيده تفضل
هيثم: تؤمني بالحب من أول نظرة
آيات استكت و اقعدت ساكته و انحرجت
هيثم فطن الروحه ان لبز فالكلام
هيثم: احم باهي فهمتي هذي
آيات وهي مزالت مستكه: اهاا تمام
و اقعدو ايكملو في الشرح
…..
ثاني يوم
عدت آيات للجامعه و تقعدت اتهدرز هي و نسرين
آيات: مش عارفه بس يومتها قطع الشرح سألني سؤال أشوية غريب
نسرين: شنو سألك
آيات: قالي تؤمني بالحب من أول نظرة
نسرين: نا علي شكله أيحبك
آيات: حبك برص ان شالله حبني شنو دوتها
علي أساس نعرفو بعضنا من كم سنه
نسرين: حبي انتِ ركزي فالسؤال قالك
الحب من أول نظرة يعني مش من اسنين
آيات
و فجأة
نسرين: بحتِ من يالي جاي شورنا
آيات: أكيده هيثم
شاهين: صباح الخير
آيات بحتت فيه: شن جابك انت هنا
شاهين: كيف شن جيبني جاي انشوف فيك
آيات صبت قربت شوره: هنا ميكان أقرايه مش مربوعه عشان اتجي اتشوفني
شاهين: علي أساس بعد انجيكم فالمربوعه اتعبريني
آيات: اناا حره عارف شنو حره يعني ابجوي انشوفك ولا ما انشوفك
شاهين ابعصبيه: تعالي نبيك أشويه بعيد
و مسك يدها
آيات ابعصبيه: فك يدي و مانبش ماشيه امعاك ولا نبي أنشوفك مره اخرى
شاهين: مش ابجوك هي انا ولد عمك و حاجرك يعني انا يالي ابجوي
آيات: فك يدي ولا واللهي ايجيك منِ كف علي خلقتك
وبدت العركه بين شاهين و آيات و صوتهم علا
علي جيت هيثم
شاهين: ماشي يا آيات واللهي اتشوفيها
آيات: وجك هيا و ياريت اتخطاني و كرت يدها من شاهين
شاهين عدى و هو راقيله أمسكه هيثم
هيثم: كنك امعاها
شاهين: و انت شن دخلك
هيثم: نسألك جاوبني كنك امعاها
شاهين: كذا حول من قدام فسختي
و عدى شاهين و طلع برا الجامعه
وهيثم عدى شور آيات
آيات كان راقيله للألف
نسرين مدتلها شيشة أميه: خلاص ويته اهدي
فوتيه
آيات جت تبي تحكي قطعها هيثم
هيثم ابعصبيه: آيات من هضا
آيات: نعم
هيثم: سألتك من يالي كان أمعاك
آيات صبت و جت شوره: وانت شن دخلك
هيثم: كيف شن دخلني
آيات: كلامي واضح انت شن دخلك فالنص
وبعدين من انت عشان تدخل بيا
و ابرمت خضت شنطتها وعدت هي و نسرين
وهيثم قعد راقيله من آيات
هيثم
……
آيات احضرت محاظرتها و اطلعت روحت مع نسرين
و مابتش تقعد عشان هيثم يشرحلها
وحطوها فالحوش و عدو
…..
فالعشيه قيس الساعه ٥
كانت تقرا اسمعت هرجه برا اطلعت تجري
خليفه ابصوت عالي: شاهين احترم نفسك
شاهين ابصوت عالي: عدي أسأل بنتك يا عمي
جايني واحد و ايقولي كنك امعاها
مراد: تعرف اتسكر فمك ولا واللهي ايجيك كف علي رمتك
شاهين قدم و قعد يضارب هو و مراد و خليفه ايحز بيناتهم و لز شاهين و خشش مراد
سهام ابخوف: كنكم شن في
مراد ابصوت عالي و كان راقيله: النسب الزفت هضا معش نبوه عارف كلمة معش نبوه
خليفه ابعصبيه: مراد لم روحك و فالنهاية هو راجلها
و أختك ماهيش محترمته بكل حتى قدام جدك أختك مش امديرتله احساب
مراد طلع و سيبه
خليفه اينادي: آيات آيات
آيات: نعم
خليفه: انتِ شن حاكيه مع الراجل
آيات: راجل ههخليفه ضغط علي أسنونه: آيااااااااات
آيات: يا بابا جايني قدام الناس وامصبي امعايا
كيف مافيش حوش ايجيني فيه وبعدين انا ماقلت شي
خاطي قتله هذي جامعه مش مربوعه عشان اتجي تحكي امعايا
خليفه: وشن قصة الشاب يالي حكى امعاه
آيات: الشاب شافه كيف ايعيط و امعصب سأله قاله في حاجه هضا يالي صار غير ولد خوك امكبر الموضوع
خايفه طلع وسيب آيات و آيات خشت جوا الدار وهي امعصبه خضت الفون و رنة علي هيثم
…..
عند هيثم
كان يقرا و هو غمتله من آيات
رن فونه لقاها هي رد طول
هيثم: ايوا
آيات: تريحت هكِ تريحت بعد درتلي مشكله مع ولد عمي و بابا
هيثم: أين ولد عمك
آيات: يالي هزبته امبدري و انهبلة عليه
هيثم: قصدك هضا ولد عمك
آيات: اها ولد عمي و انت ماشالله ماقصرتش هزبته و عصبت عليه و هو جا هنا و فتح فمه و دنيا حاسة عندي
هيثم: بس أنا ما درت شي غلط شفته ايعلي في صوته عليك جيت و سألته
آيات ابصوت عالي: أنت مادخلكش بيا وياريت معش تدخل
هيثم: لا دخلني و مزلت ح ندخل
آيات كانت راقيلها للألف: و من انت عشان تدخل و بصفتك شنو تدخل
هيثم ابصوت عالي: أبصفتي أنحبك عارفه شنو
أنحبك يعني
أنحببببببببببببببببببببببببببببببببببببك

آيات

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية كسرة القانون)