رواية ورده في المزبله الفصل الحادي والعشرون 21 بقلم منه محمد

رواية ورده في المزبله الفصل الحادي والعشرون 21 بقلم منه محمد

رواية ورده في المزبله البارت الحادي والعشرون

رواية ورده في المزبله الجزء الحادي والعشرون

رواية ورده في المزبله الحلقة الحادية والعشرون

 

البارت ٢١
ورده في مزبله
قصص منه محمد
•••°°°•••
مشت خطوتين وبعدها وقفت وهزت راسها بالرفض الفكره الاولى مش هتقدر تنفذها بعدها دخلت البيت ونادت مرفت وهي في بالها الفكره التانيه وطلبت منها تيجي معها بعد ما اخدت العنوان
وبعدها بصت لنفسها فالمرايه الموجوده ببدايه الصاله وعيونها منتفخه من البكاء وانفها محمر ،،وبسرعه راحت الحمام غسلت وشها ونشفته وظبطت الميكب والطرحه وبصت لنفسها ورمت بوسه في الهوا كتعبير انها راضيه عن جمالها وحالها و بعدها طلعت مع ميرفت ورحوا لغرفة السواق وطلبت منه يوديها للعنوان المكتوب بالكارت !!
صحيح هي حزينه وقلبها مجروح بس مستحيل تبين لهم ضعفها لازم تكون قويه وياريم ما يهمك ريح

 

 

كانت قاعده في العربيه وطول الطريق عيونها علي الشباك وحاسه نار نبذهم ليها جرحها جدا…. ……وصلوا القاعه ونزلت كان فيه رجاله قريبين من باب القاعه
ولاول مره تحس بالخجل بس طنشت الشعور ودخلت من بوابه القاعه وقبل ما تدخل القاعه دخلت الحمام وخلعت الجاكات والطرحه ورتبت نفسها وحطيت مكياج بطريقه تخليها بنت كبيره
وبعدها دخلت القاعه بثقه كانت كل النظرات حواليها بس طنشت ووقفتها عصمت بدهشه وبصوت هامس : ازاي جيتي هنا؟
ردت عليها بغرور ومن غير نفس : ما يخصكيش
قاطعتهم واحده ست : ما شاء الله تبارك الرحمن دي حفيدتك وشاورت علي ريم
كانت لسه ريم مضايقة من الموقف وكره كل الناس بس صممت تحضر عند فيهم كلهم وغصب عنهم وحبت تكسف عصمت لانها لو كانت صممت تركب معها ماكانش النسر رفض انها تركب معاه وحلف كمان الفهد المتوحش (تقصد صقر)
بصت ريم للست وعصمت بتعالي وكبر وبعدها سابتهم ومشت مع انه مش من طبعها كدا بس هي الفيوزات كانوا عندها ضربين شويه والفولت عالي
**قصص منه محمد***
عصمت باحراج من تصرف ريم : ااااه دي ريم بنت نادر

 

 

صفيه ام زياد غضبت : وليه نافشه ريشها كدا وكأننا مش من مستواها
عصمت بطيبه زائفه : دي كل حياتها كدا ونافشه ريشها علينا بنت ساره حسبي الله ونعم الوكيل
ام زياد كشرت جدا واستحلفت لريم
*****قصص منه محمد****
كانت باصه للناس بكره بعديها راحت لطربيزه بعيد عن البنات وأأعدت عليها وهي حاسه بنفسها عاوزه تبكي ع حالها ونفسها تصرخ وترمي كرسي في الكلوب قطع عليها خلوتها وتفكيرها بعض الحريم
ست ما : انتي يا حلوه مخطوبه
ريم : لاء مش مخطوبه ….هي مش عارفه ليه جاوبت كدا من الغل الي جواها وكل الانظار عليها حتي بنات عمها حبت تغظهم وتفضحهم زياده
ست تانيه : سنك كام سنه ؟؟
فكرت وردت : اولى ثانوي
ست تالته: مش كأنها صغيره ؟
الست الاولى : لا لا مش صغيره السنه قربت تنتهي يعني الثانويه مناسبه
الست التانيه : مناسبه اممم اسمك ايه يا حلوه واسم ابوكي ؟؟
ردت بابتسامة تجهل سببها : اسمي ريم نادر سليمان شديد !!!!!!!

 

 

الست التالته : ده النسب اللي يشرف
نغزتها واحده من الحريم وبعدها استأذنوا وراحوا
وفضل كل شويه تيجي ست وتسالها نفس الاسئله وتجاوب نفس الاجوبه!
وهي مبسوطه لفت نظرها بنات اول مره تشوفهم بيبصولها بحقد بس طنشت يمكن غاروا منها وبعدها وقفت وراحت نص القاعه ونزلت رقص وهز وكل الانظار عليها وبنات عمها الحقد والكره ملاهم وخصوصا بنت عمها روان بنت خالد
بعد ما خلصت الفقره قالوا ان العروسه والعريس وصلوا وده خلاه ريم اتجننت وفضلت تجري بسرعه ولبست الجاكت ومسحت كل المكياج ليعرفوا انها فتاه المول ويتهموها انها كانت بترقم مع بنات خالها تلفونات شباب ورجعت لبست الجاكت ولا كأنها عملت حاجه
شويه ودخلوا العرسان وكل عمامها والشباب وابوها والكل كان موجود
حاسه بالقهر جواها ليه ايهاب ونسرين عملوا حفله وهي لا،،حتى خطيبها ما شفتهوش ومنعوها تشوفه طيب لو هنا هيعرفها وهي هتعرفه اكيد الاجابه ب لأ،قعدت علي واحده من الطربيزات في زاويا بعيد ونفسها تنفجر من العياط وعيونها مليانه دموع وحاسه بالغربه عضت علي شفايفها من الحزن والوجع امتي تتجوز وتبعد عنهم بقي!!!!!!
وبعد ما انتهت الحفله
طلعت برا القاعه وفضلت تدور علي ميرفت فين اختفت مش عارفه وهي ماشيه تدورعلي مرفت لقت اتنين شباب واقفين
الشاب الاول:ايه البنات الجامده دي لو اختي كنت خَفتها عن العالم كله والله بنات عاوزه الكسر
ريم في سرها: ان شاء الله يتلموا عليه عشره ويكسروه تكسير
طلعت عصمت وسها ونجوي بس ريم ولا كأنها شيفاهم وراحوا علي عربيه صقر يركبوا وطبعا البيه هيفكرها هاتروحوا وتبوس ايده وش وضهر علشان ترجع معاه بس مين داهيه تاخدهم كلهم والعربيه في اقرب ترعه تتحدف
لفت وشها لمحت طيف ميرفت وبسرعه مشيت خطوه لجهتها بس في ايد مسكتها!!!!!!

 

 

وده كان زياد ..بعد ما مشي صديقه وقف عند العربيه مستني امه واخواته البنات لانه اتأخر في اجتماعه بالشركه ووصل اخر الحفله وعينه علي قليله الحيا الي واقفه برا ولا ادب ولا احتشام وفوق كل ده لابسه فستان ظاهر من تحت الجاكيت لانها مش قفلاه وضيق وملفت وكان يتمني انها تقربله علشان يروح ويكسر دماغها تكسير لكن ما باليد الحيله
بعدها ركب العربيه لما شاف امه واخواته طالعين بعد دقيقتين ركبوا اهله وقعد يستني خالته
امه بغضب : مش عارفه مفيش بنات في الدنيا دي كلها عشان ابوك يبليك بالجوازه دي
بصلها باستغراب :ليه فيه ايه ؟؟!!
امه بقهر : خطيبتك الحيوانه نافشه ريشها عليا وكلمتني من طرف مناخيرها بتكلمني وكأني حشره عندها
وبعدها لفت لاخواته : احكولوا عمايلها بنت الحسب والنسب
اتكلمت اخته : خطيبتك الستات يسألوها مخطوبه ترد عليهم انها مش مخطوبه واخدوا اسمها عشان يخطبوها فيه بنت محترمه تعمل كدا
قاطعتها امه : حتى قدام اولاد عمها حاطه مكياج ينقط تنقيط ولابسه فستان لفوق الركبه بصراحه اتعصبت انها لابسه كدا قدام عمامها وولاد عمها بس حاولت امسك اعصابي واحط اعذار مش بحب احكم علي الشخص من غير ما يدافع عن نفسه او اسمع منه
زياد هز راسه بهدوء
امه بعصبية : مش مصدقنا شوفها اهي قدامك وشاورت على البنت اللي واقفه قدام القاعه :دي خطيبتك مش مصدقنا روح اسألها
زياد هنا وجن جنونه عنده غيره مش طبيعيه نهار اسود دي خطيبتي وتلبس كدا

 

 

وبسرعة نزل من العربيه وبسرعه الريح طار عليها وقرب منها وفجاه مسك ايدها ولفها له لفت وشها وبصتلو وبعدها كشرت ملامحها وحاولت تحرر ايدها: يا قليل الادب سيب ايدي عاوز ايه مني يا جدع
بص في عيونها كانت واسعه ومع الكحل ولونهم المحير كانوا فتنه لاء هي كلها فتنه
رد عليها وهو كاتم غيظه:لو تعرفي الادب ماكنتيش طلعتي كدا وبصلها بنظرات ناريه
ريم بعصبيه وبريق الدموع بعيونها : اوعي سبني عاوز ايه مني يالي مش متربي (وزعقت وصرخت ) بقولك اوعي سيب ايدي انت مجنون ولا متخلف
وصرخت ونادت علي ابن عمها رامي الي كان واقف قريب منها بشويه رامي انتبه وراح بسرعه لمصدر الصرخه هو وبدر ولما شاف زياد ماسك ريم من ايدها قرب عليه لقي ريم عيونها مليانه دموع وزياد ماسك ايدها بقوه
رامي بحده : ايه ده ماسك ايدها كدا لييييه وبعصبيه سيبها قبل ما اكسرلك ايدك
زياد ببرود : بصفتك ايه تكسرلي ايدي ؟؟
رامي بعصبية يعني بيستظرف دمه وهو عارف انه ابن عمها : ابن عمها
رد ببرود : وانا جوزها
رامي بعصبية : في احلامك تتجوزها لو على جثتي وبأمر ريم تعالي هنا
التفت زياد على ريم بعصبية : اياك تتحركي
رامي جن جنونه بيتامر عليها ودي زي الهبله خايفه من صوته العالي: ريم تعالي هنا وسيبك منه
زياد وهو يكتم عصبيته : اذا سمحت اخرج منها واحد ومراته بلاش تتدخل بينا ده لمصلحتك
رامي بعصبية : لما تتجوزها يا شاطر ابقي قول ساعتها انها مراتك اما دلوقت انت ولا حاجه ليها ونصيحه ليك في اقرب وقت ياريت تبعت ورقه طلاقها وبعصبيه ريم اتهببي وتعالي هنا بسرعه وعطاه نظرة تحدي
ريم واقفه متنحه
بدر قرب منها وشد ايدها من زياد بس زياد زقه بعصبيه وتهديد
و رفع صباعه في وشه: اذا قربت مرة تانيه من مراتي هكسرلك وشك قبل ايدك
رامي وعيونه حمر من العصبيه : بدر استنى بس دقيقة نبعد ريم وبعدين نفضاله
وبامر ريم تعالي هنا

 

 

هزت راسها بالرفض
رامي اتنرفز منها وصرخ عليها : يا حيوانه تعالي هنا انتي لزقه في عريس الغفله تعالي هنا بقولك
زياد بغرور : اسمع انا مش فاضيلك دلوقت عندي كلام بيني وبين مراتي بالعربي كدا فارقنا انت والي معاك
كلامه وطريقته استفزت بدر وبدون وعي هجم عليه وضربه بوكس في وشه
ساب زياد ايد ريم وهجم علي بدر وناوله لكمه في وشه وطبعا اتحر رامي لبدر وهجموا الاتنين عليه
كان صراخهم مالي المكان كله اتجمع الناس حواليهم وولاد عمهم سمعوا بالخناقه ووقفوا معاهم طبعا ضد زياد وقريبهم وصحابهم محدش قصر وطبعا ام زياد اتصلت بصحاب ابنها الي جم وبرضه محدش قصر وبقت ليله كبيره وخناقه للجو حاولوا ناس يوقفوا الخناق بس لا حياه لمن تنادي وبعدين حضرت عربيات الشرطه وبصعوبه بالغه فرقوا بينهم واخدوا رامي وبدر وزياد لمركز الشرطه علشان يشوفوا سبب المشكله
اضطريت ريم ترجع مع عصمت وحريم اعمامها ومرات ابوها مع السواق
عصمت وهي حاطه ايدها على صدرها : يا رب استر واحفظ عيالي يا رب يا رب يا رب
ساميه : طيب ايه سبب الخناقه ومع مين متخانقين ؟؟؟؟
سها : علمي علمك بس قلبي ناغزني على رامي بيقولوا كان هو في بدايه الخناقه
نجوي : لا حول ولا قوه الا بالله
كانت ريم سامعه كلامهم وساكته لو يجيلهم خبر انها سبب الخناقه كانو دفنوها هنا
خليها ساكته احسن يا رب احفظ زياد من كل مكروه
حطت ايدها على قلبها وهو يدق بسرعه خايفه وقلبها ناغزها حست بالاختناق
عصمت بصت لريم بكره : وانتي يا قليله الحيا كدا تحرجيني قدام الست
ريم بصتلها بدون نفس بمعني انا في ايه وانتي في ايه
عصمت لنجوي وسها : قليله الحيا حماتها ام زياد واقفه عاوزه تسلم عليها بصتلها بغرور وعنطزه
ريم قاطعت عصمت باندهاش : الست اللي كانت واقفه معاكي نفسها ام زياد خطيبي ؟؟؟
عصمت بدون نفس :اه ياختي هي نفسها وبعد ما غورتي قعدت تذم فيكي
ريم حطت راسها بين رجليها وايدها علي راسها وهي خلاص فقدت اخر امل العريس طار طار
ريم لعصمت:والله ما كنتش اعرف انها ام زياد

 

 

وعضت على شفايفها بقهر دلوقت عرفت ليه البنات كانوا بيبصولها بحقد لانهم بناتها كانوا واقفين معها خلاص طار العريس علشان كدا كان متعصب عليها معاه حق طبعا اكيد امه الحيه واخواته الفتانين بلغوه يا ربي هي كل ما تروح في حته تلاقي في خلقتها ناس حقوده لئيمه فتانه مين مسلطهم عليها ودموعها نزلت مش قادره تستوعب انه خلاص طار العريس
مش عارفه امتى وصلو نزلت وبسرعة جريت طلعت علي اوضتها
وقفلت بالمفتاح ودموعها على خدودها كل ما تقول عدت يارب لطفك
وقعدت جنب السرير على الارض وسندت راسها علي الجدار
وغمضت عيونها وهي خلاص انتهت دمروا حياتها
*******قصص منه محمد*************
في القسم
كانت الدنيا مقلوبه اضطر الظابط يدخل المشاركين بالشجار عشان يتم التحقيق معاهم
وأثناء التحقيق وصلوا انه بدايه الشجار كان بين زياد ورامي وبدر
فاستدعوهم للمكتب
الظابط بهدوء للثلاثه : ممكن اعرف ايه سبب المشكله ؟؟؟
رامي وهو بيحاول يمسك نفسه عشان مايقومش يرفس زياد : حضرته ماسك ايد بنت عمي وعالي صوته عليها فالشارع وضربها
زياد بعصبية : فوق قله ادبك و تكدب كمان
زياد للظابط : كلامه مظبوط انا كنت ماسك ايدها بس انا لا عليت صوتي عليها ولا ضربتها اسمحلي ده واحد كذاب
الظابط باحتقار لزياد : وبتقولها كمان ببرود ماسك ايد بنت عمه عادي كدا
زياد بابتسامة نصر للظابط: فالاول قبل ما تبصلي كدا يا سياده الظابط إسأل ايه هي علاقتي بالبنت وبعدين تحكم على الناس لان البنت تبقي مراتييييي وشدد على الكلمه
بص الظابط لبدر : صحيح كلامه ؟؟
بدر بقهر : صحيح انه كتب عليها بس والله ليطلقها
الظابط بحزم شاور لبدر يسكت وبعدها التفت لزياد : كمل وايه سبب الخناقه ؟؟
زياد:كنت واقف مع مراتي ومسكت ايدها بس هي كانت لفه وشها ناحيه تانيه ولما اتخضت وخافت ولمحت ده وشاور على رامي ونادت باسمه
طبعا قرب الكائن ده وشاور على بدر لقيته هجم عليا وضربني بوكس في وشي وبعدها هجمت عليه ارد له الضربه وبعدين حصل الي حصل
*****قصص منه محمد********
بمكان اخر في بلاد الغرب في بيت بسيط جدا يتكون من غرفتين ومطبخ وحمام في قريه نائيه لا توجد فيها خدمات مثاليه كان جون قاعد بغرفه بسيطه فرشها قديم خاليه من الاثاث تقريبا كان باصص علي ابنه الصغير
الكلام بعد الترجمه

 

 

جون : جوليا تعالي بسرعه وانظري ماذا فعل ابنك
دخلت الغرفه جوليا وكشرت ملامحها : يا إلهي لقد نظفت الغرفه للتو
ضحك جون بصوت عالي : ابنك هذا مشاغب جدا وليس كباقي اخوته
دخل الغرفه البسيطه الابن الاكبر : امي متى وقت الغداء اشعر بالجوع
جوليا وهي تنظف الغرفه : اصبر قليلا
**********قصص منه محمد *********
فات شهر كامل على الخناقه انتهى بصلح بين العائلتين والجد جهز عشا صلح كبير وخلال الفتره دي جدها ولا فاتحها بالموضوع ولا سألها عن حاجه بس ما خلصتش من تحقيق عمها خالد وطبعا صقر الي هيموت ويعرف سبب الخناقه وطبعا اتهموها علي انها متواصله مع زياد وطبعا ريم بيضحكها طريقتهم وتفكيرهم العقيم وماخلصتش من نظرات الاحتقار من الاتنين وخاصه لما جه الظابط انكرت ان زياد ضربها ووقفت في صف زياد لان اولاد عمها هما المخطئين يمكن فعلا ريم نادت رامي تستنجد بيه وبعدين وقفت ضده
صحيح انها نادت رامي لانها ما كنتش تعرف ان الشخص نفسه زياد
بس الغلط على اولاد عمها المفروض كانوا قالوا لها ان الشخص ده هو زياد مش يتخانقوا معاه ويتسببو في مشكلة كبيره
يعني عاوزنها تشهد زور علشان يرضوا عليها
وطلعت منها ااااااه بالم لما افتكرت موقف ابوها وقتها قوم الدنيا وولعها واخدت منه كام قلم وفضل يدعي عليها بالموت ولا الفضيحه ،،،بجد احيانا ريم بتحس ان عقلهم فيه تخلف عقلي فين الفضيحه متعرفش ولا عصمت عباره عن شريط كل ما تشوفها تعيد نفس الاسطوانه تعرفوا يالي بتقروه قصتي قسم بالله حفظتها عن غيب كلامها
(يا قليله الحيا تتواعدي معاه وتقفي مع الغريب ضد ولاد عمك ربنا ما يوفقك عجبك لو كان رموا احفادي فالسجن علشان تقابليه……
وموشحات طويله عريضه وكأني مش حفيدتها وطبعا الجوز الثلاثي نفس الكلام يزيدوا ويعيدوا نفس الكلام …مع كللل ده طنشت كلامهم وزادت الحكايه عارفين اخدت 3 انذارات من المدرسه بقيت مزعجه ومشاغبه وكسوله علاماتي كلها صفر واحيانا واحد
متلومنيش وتقولولي ده مستقبلك لانها خلاص ما عادتش تفرق معايا ما تهمنيش لا دراسه ولا غيرها بقت كل الضغوطات الي بحسها افرغها فالمدرسه اتخانق وارد علي المدرسين ده غير المقالب او اتخانق مع البنات الظاهر كدا هتاخر عن المدرسة وانا بفهمكم كتاب حياتي

 

 

 

اتنهدت بتعب ولبست الطرحه على راسها ورتبتها وبصت لنفسها في المرايا اتحسست الحبوب المتواجده بطرف خدها حستها خفت عن الاول كتير وزاد طولها 2 سم وبعدها رفعت شنطه المدرسة وطلعت من الغرفه وكالعادة نزلت على الدرابزين
بعد ما نزلت عن الدرابزين لبست جزمتها لانها مسكاها في ايدها وهي بتتزحلق علشان تعرف تنط عدلت الشوز ورفعت نفسها كان ابن عمها خالد واقف
بصلها باحتقار وطلع من البيت
ريم اضايقت ودعت عليه: يجيله الساحق والماحق انا مخلصتش من ابوه يجيلي هو ولوت بوزها وطلعت من البيت بهدوء
مشيت باتجاه البوابه بس المشكله الدكتور نسر قصدي صقر واقف قريب من البوابه وبصلها بتعالي يا لطيف يا لطيف من العيله دي مشت من جنبه
ولا قالت السلام كدا مزاج سمعت صوته عمال ينادي عليها بس طنشته ولا كأن حد بنادي عليها وركبت الباص وراحت للمدرسه
******قصص منه محمد************
في المدرسه
بالفسحه قاعده مع الجوري وتسمع كلامها عن خطيبها
فاتت من جنبهم بنت دايما بصالها باحتقار وتكبر وتسكت لها بس النهارده الفيوزات كانت ضاربه معها
وقفت وناديتها طبعا وقفت البنت وهي بصالها بتكبر
وريم بتكره النظره لانها نفس نظره اهل ابوها ليها تحسسها وكأنها شئ منبوذ قذر ما يستحقش الحياه
وبدون وعي ضربتها قلم علي وشهاوبعدها هجمت عليها مع ان فارق الطول واضح بس ولا اهتمت اهم شيء تفرغ الكبت والقهر الي عاشته في حياتها
وما وعيت على نفسها الا بالاداره مين فرقهم عن بعض وايه الي حصل متعرفش وكأنها كانت بتحلم بصت ريم علي البنت وشها كله متخرشم ودم خفيف نازل منه وشعرها منكوش
ريم استغربت مش متوقعه انها قويه كدا نطت على صرخه المديره : عجبك كدا انا حالا هتصل بولي امرك
ريم ماردتش عليها لانها متأكده نادر مش هيرد او يجي لان الشهر الي فات لما ضربها جدها اتعصب عليه وقال انه لو شافها ميته قدامه مالوش دخل
قعدت على الكنبه باريحيه وهي تبتسم
المديره اتصلت وبعدها كانت بتكتب وبعدها اتصلت على رقم تاني وكلمته يجي المدرسة حالا
استغربت رقم مين ده كانت بعيده عنها بشوي وتتكلم بالموبيل بصوت هامس حتى ان ريم فكرتها بتكدب عليها ولا بتتصل بحد
بس المفاجئه بعد تلت ساعه المديره والمعلمات قاموا
رفعت نظرها للباب عشان تشوف مين اللي حضر بلعت ريقها لما شافت جدها ومعاه عمها خالد ….اعوذو بالله الراجل ده لو اعتقلوه ولا سافر مش كان اريحلها
قعد جدها وسأل المديرة بهدوء : اتصلتي بيا وطلبتيني فيه حاجه ؟؟

 

 

 

المديره بقوة شخصيه : قبل ما ادخل بالمشكله الرئيسية احب اطلعكم على امر مهم مستوى الدراسي لريم سيء علاماتها كلها اصفار
رد خالد ببرود : يعني اذا البنت غبيه نشتري لها مخ عشان تبقي ذكيه وكشر ملامحه
قاطعته المديره : اظن يا استاذ يفرق لما يكون الطالب متفوق وبعدها تبقي علاماته اصفار
ومسكت المديره كشف العلامات وناولته لجدها
واتكلمت بهدوء : شوف يا استاذ الفرق بين علامات الفصل الاول والفصل التاني
خالد والجد بصو بالكشف وبعدها بصولها بحده
المديره : لو ريم كسوله ماكانش هيبقي فيه اعتراض بس طالبه متفوقة زيها وتم نقلها مرتين لصفوف اعلى المفروض ريم في تالته اعدادي بس هي لانها متفوقه تم نقلها لاولي ثانوي
فتح الجد عيونه على وسعهم وبعدها بص في الورقه وكأنه عاوز يتاكد من المعلومه
اما عمها خالد عطاها نظره قويه : وايه السبب يا ريم علاماتك بالفصل الاول كلها كامله ودلوقت كلها اصفار ما شاء الله حاجه ترفع الراس وتشرف وبعدها هز راسه بوعيد
المديره : في أمر تاني لازم اقولكم عليه
ريم اتغاظت من المديره الفتانه
المديره بهدوء : البنت مشاغبه جدا تتطاول على المعلمات والطالبات وعطيناها تلات انذارات
جدها رفع حاجبه : بس ما وصلناش حاجه من الانذرات !!!!
المديره مسكت القلم وطلعت اوراق ومدتها للجد : شوف كل دي انذار كانت تيجي ست وتتعهدها
بصلها جدها بقوه : مين الي كانت بتضمنك ؟؟
بصت ريم للمديره نظرة بمعنى خلاص كفايه فضايح ونشر غسيل وسخ بس لا حياة لمن تنادي مديره فتانه
كملت المديره كلامها : انا النهارده استدعيتكم لان اظن ان المدرسه فتحوها للتعليم مش حلبه مصارعه
شاورت علي ريم الانسه المحترمه النهارده اتهجمت على بنت وخرشمت لها ووشها كله دم وحالتها حاله حتى اتوقع اهلها مش هيسكتوا فحبيت احطكم فالصوره قبل ما يوصل اهل الطالبه وهما دلوقت على وصول فتفاهموا معاهم انتو
خالد وعيونه حمر من العصبيه وهو يتوعد ليها : ليه تضربي البنت ؟؟

 

 

ريم ردت بثقه عكس قلبها الي بيضرب من الخوف : هي الي بدأت في الاول ودايما اسكت لها واسأل البنات
هز راسه بتوعد : وتضربيها وكأنك خريجه سجون ما شاء الله طالعه لخطيبك
ريم بدفاع : بدر هو الي بدأ وضربه الاول
قاطعها وصرخ : اخرسي حاطينك افكاتو عنه
وبتوعد صبرك عليا محضرلك كلللل خير
الجد بحزم بص علي المديره : اذا سمحتي تدينا ملفها احنا هننقلها لمدرسه تانيه
خالد بغضب : من زمان قلت لك انقلها من المدرسه دي لان ما حدش بوظها غير المدرسه دي
كانت المديرة عاوز تدافع عن المدرسه بس قاطعتها ريم : انا مش هتنقل من المدرسه هنا
خالد عطاها نظره : وليكي عين تعترضي بس حسابك فالبيت
ريم قرت الفاتحه على روحها من دلوقت لان اكيد جدها وعمها هيدفنوها في الجنينه……!!!!!!!!
ركبت بالعربيه من الخلف بعد ما اتحلت المشكله مع ولي امر البنت واخد جدها ملفها من المدرسه
بعد ما حرك خالد العربيه وجدها جنبه وساكتين

 

 

 

حبت تكسر الصمت تنحنحت وبابتسامه : عمي وقف عند اي سوبر ماركت اشتريلي عصير عطشانه
وقف فجأة خالد ولف عليها : ليكي نفس تشربي عصير …بت اتلاشيني خالص انا مفقوع منك والنهارده ناويت اعدلك بجد
ريم بابتسامة تقهر : طيب قبل ما تدفني اكسب فيا ثواب وجيب لي عصير
بما انها مدفونه مدفونة خليها تقهره قبل ما يقهرها
رد عليها بصرخه : ولا نفس متخلنيش انزل من العربيه
ردت بتلقائية : انزل
فتح الباب اتكلمت بسرعة : خلاص خلاص بهزر معاك
مسك ايده الجد قبل ما ينزل : مش عاوزين فضايح نوصل البيت ويحصل كل خير
اتردد خالد فالاول وبعدها رجع وحرك العربيه واتكلم وهو يكتم غضبه : انا راي يا بابا ننقلها مع البنات علشان اي غلط عليها فالمدرسه يبلغونا البنات
هز الجد راسه وهو يتوعد لها
ريم لنفسها….. ربنا يستر النهارده لا والله ماهو كدب وبحق وحقيقي النهارده هتطلع جنازتي
غمضت عيونها بالم وبعدها وصلت البيت ووهي حاسه انها وصلت لحد المقبره النهارده فعلا هيدفنوها
يا رتهم يدبحوها وتموت وترتاح من الحياة وصرخت جواها يارييييت
نزلت من العربيه بهدوء وهي حاسه بنفسها ماشيه للموت برجليها
خالد بعصبية : امشي قدامي لما اشوف
مشيت بهدوء وراهم دخلو البيت
خالد للجد : خليني بس النهارده اربيها واعدلها
بصلها الجد والعصبية تشع من عيونه ومسك ايدها وطلع السلم حاولت تفلت ايدها منه وتهرب بس تهرب فين تروح فين
كانت سامعه عصمت وسها بيسألوا عمها خالد وكانت سامعه كلامهم خليها تستاهل يمكن تتعدل
وصلها لغرفتها ودخل هو وعمها خالد وقفلوا الباب بالمفتاح

 

 

وبعدها مسكها جدها من شعرها وهو يشد على اسنانه : لحد امتي هسكت عنك وعن تصرفاتك الطايشه ها لامتي
ورماها على الارض وبعدها مسك السلك وحست بلسعات السلك على جسمها
غطت وشها بايدها كانت حاسه بالالم بكل انحاء جسمها بس ما صرختش ولا طلبت منهم يوقفوا عن الضرب مستحيل تذل نفسها لناس قلوبها حجر وحقوده
مسك الجد ايد خالد الي كان عاوز يكمل عليها ووقفه وبتعب : كفايه اللي جالها وبصريخ وقسم بالله يا ريم اذا كررتي حركاتك دي ليكون موتك علي ايدي انا
وبعدها طلع الجد وخالد وقفلوا الباب عليها بالمفتاح
ما تحركتش من مكانها وهي مغطيه وشها ودموعها ما وقفتش……..!!!!!!!!!!
بكت وجعها وحزنها ،،بكت يتمها وهي حاسه انها يتيمه واهلها عايشين ريم صرخت بكبت ….فينك يا امي تعالي شوفي غلطتك انتي و ابويا تعالوا بس عيشوا معاناتي للحظه بس عايشين حياتكم ومبسوطين وانا وانا اتجرع مر الغربه،، اتجرع مر الضياع،، مر النبذ ،،نفسي اعيش زي باقي البنات اقول فالمدرسه بابا قال وبابا عمل وبابا اشترى لي وبابا وبابا وبابا لما اجي ااعوز اقول قدام البنات بابا ما فيش حاجه اقولها الا بابا ضربني بابا اتبرى مني عضت علي شفايفها بقهر
حاولت تكتم شهقاتها مقدرتش بتكرهم كلهم ايه الفرق بينها وبين حفيداتهم مدللينهم وهي مبهدلينها
طول الشهر الي عدي تسمع الشتايم عليها ومع ذلك تببتسم وتنطنش لامتي لامتي تصبر على العيشه دي
اخدت نفس وهي روحها بتطلع ومخنوقه وبعدها غمضت عيونها بألم
**************قصص منه محمد*****************

 

 

قفل الجد الباب على ريم بالمفتاح وبعدها بص لعصمت اللي كانت واقفه هي سها وبعدها نزل بدون اي كلمه ولحقه خالد
دخلوا الصاله وقعد الجد في مقدمه الصاله ووقعد خالد جنبه وبعدها دخلت سها والجده
وبعد سكوت دام ربع ساعه دخل صقر قال السلام واستغرب السكوت وقعد جنب خالد وبهدوء : فيه ايه وبص للجده؟؟
عصمت : والله يابني علمي علمك بالظبط بقول زيك بس رجع جدك وخالد ومعاهم ريم ودخلوا اوضتها ونزلوا فيها ضرب
اتفاجئ صقر وقلبه وجعه وبص لسليمان باستفسار
الجد بقهر : الحيوانه فاكره نفسها خريجة سجون نازله ببنت ضرب ومستقويه عليها وبالموت اهل البنت اتنازلوا لحد ما دفعنا لهم تعويض كبير

 

 

وشد على اسنانه بقهر انا اخر العمر تشوه سمعتي وتستدعيني مدرسه حكوميه على امور تشرف زي دي
خالد يهدي ابوه : خلاص يا بابا هدي نفسك
بص الجد لصقر بحزم : اسمع احنا اخدنا ملفها وهننقلها لمدرسة بنات عمها و انت بنفسك تاخدها وترجعها لانك بتقدر تتحكم في اعصابك عن خالد وانت تتابع سلوكها المدرسي ويا ويلها اذا وصلتني شكوى عنها
صقر بهدوء : طيب فين ريم دلوقت ؟؟

 

 

خالدبكره : متلقحه في اوضتها وابويا قفل الباب عليها
وقف صقر وهو يكتم عصبيته : يعني ايه الحل معاكم كل مشكله عندكم تتحل بالضرب وبص للجد مالقتش الا الوحش يدخل معاك وشاور علي خالد
خالد احتدت ملامحه وقام مسك فيه: احترم نفسك مين انت انا عمها انت بقي مين ها اوزن كلامك قبل ما تكلمني
طنشه صقر وبص للجد : هات المفتاح
عصمت عوجت بوزها : خايف على مشاعرها

 

 

اخد صقر المفتاح وطنش كلام عمته وراح لغرفه ريم فتح الغرفه وشافها نايمه على الارض ووشها متغطى بشعرها
قرب منها وقعد على الارض وبعد شعرها عن وشها وعيونه اتملت دموع عليها
واتنهد بقهر وحسره بعدها رفعها بشويش وحطها على السرير وغطاها وطلع بهدوء من الغرفه
وبعدها طلع من البيت كله لانه ما يضمنش نفسه ويمسك فيهم كلهم!!!!!!!!!

• لقراءة الفصل التالي : اضغط هنا
• لقراءة باقي حلقات الرواية اضغط على (رواية ورده في المزبله)