رواية ورده في المزبله الفصل العشرون 20 بقلم منه محمد

رواية ورده في المزبله الفصل العشرون 20 بقلم منه محمد

رواية ورده في المزبله البارت العشرون

رواية ورده في المزبله الجزء العشرون

رواية ورده في المزبله الحلقة العشرون

راحوا اوضتها وفتحت الباب ودخلت جدتها وسها وشهقت : ليه اوضتك كدا ولا مقلب الزباله ؟؟
ريم حكت راسها باحراج : بعدين ارتبها (كانت طبعا راميه الهدوم وكل حاجه ع الارض غيظ من صقر)
قفلت الباب وطلبت من جدتها تغسل وشها وتحط مزيل المكياج
وطلبت من سها تقعد على السرير وتلف وشها ناحيه الحيط ومش تبص لحد ما تخلص هي لمستها!
وطبعا اول شيء بدئت بشعر جدتها سحبته وبعدين سرحته بطريقه تناسب عمرها وبدأت تحط علي وشها المكياج وهي تبتسم وعصمت تتوعد فيها اذا شلفطت خلقتها ويكون ده مقلب فيها
وبعد مرور من الوقت كملت وعملت اللمسات الاخيره على شعرها
وابتسمت: خلصت يا ام فخفخ
كانت جدتها نفسها تشوف نفسها فالمرايه بس ريم رفضت وطلبت من سها تلف و تشوف حماتها الي لفت و فتحت بؤها وعيونها وهي مندهشه
جدتها اتخضت وسالت سها : قوليلي الحقيقه اكيد مقصوفه الرقبه عملت فيا العجب قليله الربايه
سها باندهاش : يا مقروده فين اتعلمتي كل ده
ابتسمت وغمزت لها : سر المهنه

سها باعجاب : تعرفي يا خالتي خلاص مش هقولك رأي تعالي ننزل تحت ونشوف ردت فعل الكل حالا تلاقيهم تحت كلهم في الصالون
كانت عصمت نفسها تعترض بس مسكتها سها من ايدها وسحبتها بره الاوضه
وطبعا بسرعة ريم وراهم
قصص منه محمد
تسالني من اين تعلمتي هذا
كبرت واكتشفت لغة مواهبي ،،كبرت وتعلمت كيف كون انسانة قوية ،، صابرة ،، ناجحة ،، موهوبة ،، طموحة …كبرت وبإرادتي تعلمت كيف انسى همومي واعرف ان حياتي هذه مجرد حلم مزعج وسوف افيق منه غدا بالجنة ان شاء الله ،،كبرت وعرفت ان الحياة للصبر فقط !!
دخلوا الصالون واول ما دخلو كانت النظرات على جدتها والكل مستغرب شكلها
دخلت بابتسامة وبصت لجدها : ايه رايك في العروسه وشاورت علي جدتها
جدها بمرح : والله فالبدايه ما عرفتها ما كنتش اعرف ان المكياج يصغر كدا
بدأت كلمات المدح تنزل وتهل على جدتها والكل يمدحها
وبعدها قربت منها وهمست : خليكي قد كلمتك انتي وخالتي ومن يوم ورايح اناصحبتكم ومش تطردوني اوك
عصمت عوجت بوزها : ان شاء الله

وبعدها راحت عند جدها وباسته على راسه وبابتسامه : اخبارك ياشايب
قعدها جنبه وبابتسامه مد ايده وقرص خدها : كام مره قلت لك ما تئوليش الكلمه دي
ضحكت : خلاص خلاص سيب خدي يا شايب ووعد مش هكررها
ساب خدها : مجنونه
وبعدها همس في ودنها : زياد النهارده اتصل بيا
ريم بدهشه وبصوت عالي : احلف
ضربها على راسها : يعني بكدب عليكي
وبلهفه سالته : ما قالش امتى هايجي يزورني
الجد بهدوء : طلب زيارة بس انا رفضت
ريم عصبت وبصوت عالي : ليييييه رفضت ؟؟؟
دخل خالد : تطرشي ان شاء الله (رفع ايده بتهديد) صوتك ده لو عالي كدا تاني هامحيه من الوجود
طنشته وسالت جدها بزعل : ليه رفضت ؟؟
جدها بهدوء قربها له : خلاص اسكتي بعدين نتناقش في الموضوع
هزت راسها باستسلام
خالد الي قاعد يبصلها وهو رافع حاجب : ليه مبوزه وزعلانه ؟؟؟؟
ردت عليه من غير نفس : ابدا ياغالي مش زعلانه بس طبعي اذا ما شفتش بعض ناس وقعدت معاهم اتنكد اه والله زي ما بقولك كدا

خالد اتنرفز واتعدل : اضربك على بوزك افضلي احلمي يا ماما وبعد تلات سنين يحلها المولي
ريم ببرود : عادي الله يعيني عليهم استحملهم
رامي همس للشباب : ما ظنش تقبل ريم بالطلاق
ايهاب بحده وصوت هامس : غصب عنها مش بمزاجها
دخل مصعب وهو بيجري ومسك ايدها وكان وراه احمد
دفع مصعب احمد لوري وصرخ : والله ما تاخدها امثي
مسكه احمد من تيشرته وشده : انت امثي بعيد
وقف خالد وبعدهم عن بعض وبص ل احمد ومصعب : ايه مالكم ليه تتخانقوا ها
مسك مصعب ايدها ويشدها واحمد يحاول يسحب ايد مصعب من ايدها
مصعب وهو هيعيط : انا اوز ازوز ليم بث دا يدول هو يزوزها (انا عاوز اتجوز ريم وده يقول هو يتجوزها)
ضرب احمد مصعب على راسه : اخلس ليم علوستي امثي من هنا (اخرس ريم عروستي امشي من هنا)
كل الي في الصالون انفجروا ضحك وريم وشها بقي احمر من الكسوف
فلتت ايدها منهم وبعصبيه : لا انت ولا هو وبدلع انا مخطوبه لزيزو
مصعب بعصبيه : والله لاضلبه زوزو(والله لضربه زيزو)
خالد بعصبية : احمد مصعب ايه الكلام البايخ عيب وبحزم يالا اطلعوا برا وشوف انت وهو لو سمعت الكلام ده مره تانية مش هيحصلكم طيب

وبعدها لف علي ريم وجز على اسنانه : الكل عارف انك مخطوبه ملوش داعي تعمليها نشره اخبار
لوت بوزها وسكتت الراجل ده طالعلها في البخت غلط ووقفلها زي الشوكه في الزور
نغز ايهاب بدر وعمر وبابتسامه : لكم منافسين هههههههه
بص بدر لعمر بتكبر ولف وشه
اتنرفز عمر وزعق: قسم بالله انط في بطنك حالا واعرفك مين عمر الي تتكبر عليه
وقف بدر بعصبية : لا يمامي خوفتني اقولك روح كتك نيله
صرخ الجد بعصبية : وكمان قدامي ما فيش احترام تتخانقوا قدمنا لا احترمتو حريم اعمامكم ولا بنات اعمامكم ونزل الجد بهدله فيهم وحاول يعرف سبب المشكلة بس ما حدش عرفه وقالوا مشكله بالجامعه
وبعدها طلعت ريم اوضتها ترتاح شوي
…….قصص منه محمد………….
اميره باستغراب : والله مش مصدقه بدر وعمر يتخانقوا ياتري ايه الي غيرهم
مي : صحيح 24 ساعة مع بعض وضحك ايه الي غيرهم
روان بقهر : الاهم شفتوا الكلبه ريم حاسه اني مقهوره قاعده مع جدي وتضحك معاه وتقول له يا شايب يا حسره علينا لو احنا اللي قلناله شايب كان زمانه دفنا
نسرين بكره : يا تقل دمها تتدلع وحالتها حاله
سلمى ببراءه : يمكن يدللها جدي لانها حلوه اوي

روان بغيره : يقطع حلاوتها فين جمالها معرفش عاديه واقل من العاديه انا احلى منها
نسرين بغيره : احنا احلى منها كفايه انها قزمه
مي : سبونا منها ماتنسوش بكره الحفله
نسرين وهي تخبط على راسه بالخفيف : يالهوي انا كنت ناسيه
وقعدوا البنات يخططوا للحفله
…..قصص منه محمد……..
عند الجوز الثلاثي
نجوي بانبهار وهي تتامل عصمت: والله ماصدقتها ام لسان تعرف تمكيج طالعه قمر يا حماتي
انبسطت الجده على المدح وخاصة بعد ما شافت نفسها فالمرايه : طيب ايه رايك تخلي ريم تجهز نسرين للحفله
نجوي باعتراض : لا لا يا حماتي اخاف تشلفطها من الغيره دي بنت ساره لا لا انسي
سها : انا بكره مكياجي على ريم غصب عنها تزبطني
عصمت : انا قبلك تجهزني
سها باعتراض : يا خالتي انا ام العروسه ولازم اجهز الاول علشان المعازيم
عصمت كشرت : انا الجده ولازم اكون جاهزه علشان المعازيم وعطتها نظره
سها بدون نفس : ان شاء الله
نجوي بتفكير : وانا كمان بفكر انها تجهزني
سها لنجوي : انا حجزت قبلك
نجوي بضجر : طيب طيب انتي قبلي (ياشويه مجانين)
….قصص منه محمد…..

صحيت الصبح على دق على الباب فتحت عيونها
بصعوبة ورجعت قفلتهم تاني مش قادرة تفتح عيونها من النوم زادت الدقات على الباب نفخت بضيق وقعدت على السرير وهي مفتحه عين وقفله التانيه
مشت للباب تفتحه كانت ماشيه زي السكرانه وبلوزه البيجاما رافعه من ناحيه وشعرها منكوش
سالت من ورى الباب بصوت رايح في النوم : مين
سمعت صوت عصمت : افتحي بسرعه
فتحت الباب وهي شبه مغمضه : نعم
عصمت فتحت عيونها : لسه نايمه النهارده حفله نسرين وانتي نايمه
ريم وهي مغمضه: طيب ؟؟
عصمت بعصبيه : ما فيش وقت يالا يادوب تلحقي تظبطيني
فتحت عيونها نص تفتيحه : ومين قالك اني موافقه اظبطك شيفاني فاتحه صالون تجميل
فتحت عصمت عيونها : نعم نعم وانا ما حجزتش كوافيره علشان انتي تحطيلي مكياج
ريم بصوت نايم : طيب خلاص خليني انام واشبع نوم علشان اعرف اجهزك على الساعه 1.00 ناديني
عصمت باعتراض : لا لا مش هيكفي الوقت لازم يكون بدري عن كدا
ريم نفخت : بقولك ايه انا ماليش نفس بقي اجهز حد موافقه علي الساعه واحده استبينا مش عجبك بالسلامه شوفيلك كوافيره تجهزك اوك
عصمت بضيق وباستسلام : طيب طيب بس متتاخريش
هزت راسها وهي مغمضه عين ومفتحه عين
وبعدها طلعت عصمت وبسرعة جريت على السريرعشان تكمل نومها
****قصص منه محمد*****

بعد شويه
كانت مستغرقه فالنوم بس صحت مفزوعة على
صوت صراخ قريب منها : لسسسسه نايمه
قامت بسرعة وفتحت عيونها بشويش
وبصت لعصمت وبعدها غمضت عينها وفتحت عين وبصتلها
جدتها بعصبية : ريم صحصحي
ريم وهي مغمضه عين وفاتحه العين التانيه وبصوت نايم : نعم
عصمت وهي شاده على حالها جدا : نعامه تر
وبعدها سكتت ولحقت كلامها نعم الله عليكي يالا استعجلي مفيش وقت
ريم فركت عيونها : الساعة كام؟؟
ردت عصمت وهي بتحاول تكتم اعصابها :الساعه 1.00
وقفت تتاوب: دلوقت الحقك بس دقايق اسبقيني على جناحك
هزت عصمت راسها وطلعت
اما ريم وقفت تتاوب مره تانيه وبعدها دخلت للحمام وغسلت وشها عشان تصحصح واخدت شنطه المكياج وراحت لجناح جدتها
**

دخلت الجناح بعد ما خبطت الباب قعدت على كرسي التسريحه وهي تتاوب
بصتلها عصمت وعلامات الاستعجال عليها ومرتبكه : يا بنت الحلال خلصيني ما جبتكيش علشان تنامي هنا خفي مستعجله ورانا ضيوف ولازم اكون جاهزه قبل وصولهم
ريم ببرود : قبل ما ابدأ فيه شروط نفذتيها اجهزك رفضتيها انا حالا اطلع من هنا بسرعه ها ايه رايك يا ام فخفخ
بصتلها عصمت بغضب لو طلع بايدها كانت خنقتها وهي اصلا مولعه ومستعجله وريم تتكلم ببرود:يعني ضيعتي الوقت وجايه دلوقت تتشرطي وقعدت علي السرير قصادها وضربت بكفها علي فخدها حسبي الله ونعمه الوكيل فيكي خلصيني ايه هي زفت شروطك
بصتلها ريم ببرود : امممممم تشتري لي 3 كراتين عصير توت
قاطعتها بغيظ : خلاص خلاص اشتريلك يا مفجوعه 3 كراتين يالا شهلي بقي رفعتيلي ضغطي
وقفت ببطئ وشاورت لها تقعد مكانها وبدات تجهز فيها ولما قربت تجهزها دخلت سها ونجوي
سها وهي مستعجله : شهلي مفيش وقت
ريم ببرود : الوقت طويل ربع ساعه واخلصها
نجوي رفعت حاجبها : فين ده الي طويل الله يسامحك وانا وسها امتى تلحقي تخلصلنا
رفعت حاجب : نعم نعم ومين ضحك عليكي وقالك اني موافقة اجهزكم انتم وشاورت عليهم ولوت بوزها واتخصرت : اصلا يا دوب اجهز نفسي مفيش وقت
اتصلوا بالكوافيره تيجلكم وتجهزكم انا ما عنديش وقت
ولفت وشها وهي بتحط مكياج لجدتها

نجوي : نجيب منين دلوقت كوافيره يا مهبوله
ريم بلامبالاه.: اظن انا ما اتفقتش مع حد اني اجهزه لو اتفقتم معايا وبعدين انسحبت حقكم تعترضوا حتى ام فخفخ ما اتفقتش معها
نجوي باعتراض : طيب ليه خالتي رغم انك ما تقفتيش معها ودلوقت جهزتيها
عصمت وهي قاعده على كرسي التسريحه ومجمده
ملامحها خايفه يخرب المكياج : اسكتي اسكتي رفعتلي ضغطي لحد ما وافقت وكمان بشروط مش لله تشتغل المقروده
ريم بتهديد : انا مقروده وضيقت عيونها
لما شافتها وهي بتهدد ومش هتكمل لها ضحكت بتصنع : ههههه لا لا بهزر معاكي
سها : طيب اشرطي علينا واحنا ننفذ بس خفي مش عاوزين نتاخر
اتكتفت وبتفكير : اممممممم دلوقت مش فاكره بس وعد اول ما افتكر وعد تنفذوهم
سها بسرعه : وعد ننفذهم بس استعجلي شويه
ريم بنص عين : وانت يا خالتي ام ايهاب موافقه
نجوي وهي تكتم غيظها : موافقة
عصمت صرخت : خلصيني رفعتي ضغطي
حكت راسها وبعدها رجعت تكمل لها
وبعد ربع ساعه انتهت

وراحت طلعت علي السرير وقعدت عليه وهي تماطل فيهم
نجوي بغضب مكتوم : يالا استعجلي يا ريم دوري مفيش وقت
وقفت وحطت ايدها في وسطها : لحظه لحظه اجهزكم وبعدين تروحوا على القاعه وتسبوني هنا لوحدي ومين يوديني ؟؟
نجوي : يا بنت الحلال وعد هنستناكي لحد ما تجهزي وتروحي معنا
وقفت عند الباب : انا مش مغفله فوريره اروح اوضتي البس واجهز قبل ما اجهزكم
وطلعت من الغرفه قبل ما يعترضوا
سها وهي تعض على شفايفها بقهر : ااااااااااه ياني مفروسه نفسي انتف شعرها ذلتنا بنت الجزمه
نجوي بضيق وهي تبص في الساعه : قلت لك خلينا نشوف كوافيره تيجي لحد عندنا واحنا الي نطلع عنيها مش تذلنا زي الحيوانه
سها بتنهيده : المشكله الحيوانه مبدعة بالمكياج شوفي خالتي ما تصدقيش انها هي نفسها
نجوي عيونها ع عصمت : عندك حق
عصمت دخلت اوضه اللبس تلبس عبايه الحفله
وبعد دقايق دخلت على نجوي وسها : ها رايكم ؟؟
سها بصت لعصمت وهي لابسه عبايه لونها ازرق وكلها ترتر واكمامها عريضه ومن عند الوسط ضيقه : واو روعه لاول مره تكوني كدا
عطتها عصمت نظره قويه : تقصدي ايه ؟؟
نجوي بانبهار : مش قصدها حاجه بس روعه المكياج ناعم ومناسب ليكي مش زي كل مره بيكون تقيل
عصمت بصت لنفسها فالمرايه ومبهوره بنفسها : يالا طلع من وراها فايده بنت ساره
**********قصص منه محمد*******

عند ريم دخلت غرفتها ودخلت للحمام اخدت دش عالسريع وجففت شعرها
وبسرعة راحت للدولاب احتارت في الاول تلبس ايه اختارت فستان لونه عنابي ماسك على الجسم كله قصير لنصف الركبه ومخصر وله سير فضي على الخصر
و لبست صندل كعبه عالي لونه فضي وبعدها سرحت شعرها وعملت فيه حركه بسيطه وحطت فله لونها فضي ولبست سلسلة فضيه فيها حرف اسمها وخاتم فضي ناعم وطلعت بسرعه على جناح جدتها بعد ما اخدت جاكت طويل تلبسه فوق الفستان
دخلت بعجله وهي تبتسم وسمعت صوت جدتها الهامس : بسم الله ما شاء الله
طنشت نظراتهم المبهوره وطلبت من سها تقعد عشان تبدء تجهزها وطلبت منها تشتري لها لاب توب ووافقت بدون تردد مقابل تخلصها بسرعة
**
بعد مرور وقت طويل خلصت وهي حاسه ان ضهرها انكسر قعدت على طرف السرير وهي تتاملهم وتقول لنفسها…. الله يخلي المكياج صحيح هما حلوين بس بعد المكياج متوقعه يغطوا علي علبه السردين (تقصد نسرين)
بعد ما قفلت عصمت الموبيل بصتلها : يالا شهلوا صقر واقف تحت
نجوي وهي بتلبس الطرحه: ساميه راحت ؟؟
سها وهي بتلبس الشوز : راحت مع بناتها على القاعه
وبسرعه جهزوا ونزلوا
وصلو عند العربيه نزل صقر من العربيه وفتح الباب الامامي وركبت عصمت ومن الباب الخلفي ركبت نجوي وسها
ولما قربت ريم تركب وقفتها ايد صقر الممدوده : ع فين ؟؟

ريم ببراءة : هركب معاكم
صقر رفع حاجب وقفل الباب وبصلها بحده : اسف انا مش سواق عندك
ريم بقهر : طيب مع مين اروح ؟؟
هز صقر كتافه بلامبالاه : والله دي مش مشكلتي
جدتها كانت فاتحه الباب وبتتكلم بالموبيل بعدت الموبيل عن ودنها وسالت صقر : ليه واقف ؟؟
صقر اتكتف : دي وشاور علي ريم مش هتركب معنا
عصمت بهدوء : ما فيش حد تيجي معاه كل عمامها فالقاعه خلاص مشيها
صقر بصوت عالي مالوش داعي : والله ماهي راكبه انا مش سواق عندها لأ يعني لأ واهه انا حلفت مش هتركب يعني مش هتركب
ريم بصوت واطي بس سمعها صقر:يعني ميته اركب معاك بشبه وشك الي يقطع الخميره من البيت
صقر : سمعتك ع فكره
عصمت كلمت الي كان معها علي الموبيل : سمعت يا نادر بودانك صقر مش قابل البت تعال
انت وخد بنتك ……. ازاي مش فاضيلها مين ياخدها للقاعه ……….بصتلها ببرود ده نادر بيقولك ارجعي على البيت ما فيش داعي تحضري وبعدها كملت كلامها على الموبيل وصقر متعصب وراكب راسه ……….خلاص قلت لها ترجع ……..ان شاء الله ……..مع السلامه قفلت الموبيل والتفتت على صقر : يالا يابني استعجل اتاخرنا
قفل صقر الباب وبعدها لف الناحيه التانيه وحرك العربيه وغادر المكان

ريم… واقفه تبص لاثار العربيه نزلت دمعه من عيونها غصب عنها الدمعه خانقتها
الموقف الي كانت فيه صعب صعب في الاول افتكرت ان صقر بيهزر معاها ما توقعته لئيم كدا رفعت نظرها للسما وغمضت عيونها بألم وهي محتار من العيله الحقوده كلهم حقودين لئمه حتي اصحابهم بتكرهم بتكرهم نزلت دموعها على خدها وهي رافعه راسها للسما ومغمضه عيونها
لو وحده من بنات عمها ما كانوش سبوها فالبيت لوحدها بس هي مين هي مين عشان حد يسال عنها او فيها حتى ابوها لو سلمى يرضي انها تبقى فالبيت لوحدها
ليه بناته ومراته بنفسه ووداهم للقاعه وهي ما حدش سأل عنها !!!!
قعدت على الارض وعضت ايدها ودموعها نازله وجواها دوامه غرقتها من الافكار وقررت تنفذ الي في بالها ولا يمكن تضعف ولا تبكي زي العيال ابدا
وقفت ومسحت دموعها وشهقاتها تعلي لكن خطرت ع بالها فكره جهنميه
رايكم وتعالوا نتفرج ع أول مقابله لزياد وخناقه للجو مع ولاد عمها ويركبوه البوكس لمجرد انه مسك ايديها وتبقي ليله منيله عليهم كلهم وفرحه انتصار رييييييمو

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ورده في المزبله)