رواية عذاب الحب الفصل السادس 6 بقلم شيماء أشرف

رواية عذاب الحب الفصل السادس 6 بقلم شيماء أشرف

رواية عذاب الحب البارت السادس

رواية عذاب الحب الجزء السادس

رواية عذاب الحب الحلقة السادسة

دخلت جانا مكتب سكرتيرة مالك
جانا لشاهى/عاوزة ادخل لمالك
شاهى/فى ميعاد
جانا/لا انا مش محتاجة اخد ميعاد
شاهى/اسفة البشمهندس مشغول ومانع اى حد يدخلة
حياة/عن اذنك يا شاهى هدخل انا
جانا بنرفزة/اشمعنى دى ياعنى
شاهى/عشان البشمهندس هو اللى طلبها
جانا/انا اللى هدخل مش دى
حياة/بصى يا بتاعة انتى انا هنا فى شغل ومديرى طلبنى ومعنديش وقت اضيعو معاكى ماشى
دخلت حياة مكتب مالك بعد ان دقت الباب
حياة/افندم يا مالك بية
مالك/اية اللى اخرك كدة مش قلت لما اطلبك تيجى على طول
حياة/اسفة المرة الجاية هبقى اركب عجل فى رجلى
مالك وهو يشير باصبعة محذرا/اتكلمى باسلوب احسن من كدة ودة اخر تحذير ليكى
عمر/ما خلاص يا جماعة اهدوا شوية
مالك بعصبية/انت مش شايف بتتكلم ازاى لولا ابويا كان زمانى موريها مقامها
حياة وهى تعقد يدها امام صدرها/اظن انك طلبتنى فى شغل خير
تعجب مالك من ردها فهى عادة لا تضيع حقها وترد علية كلمة بكلمة
مالك بجدية/انتى عارفة انك هتسافرى معايا بكرة شرم الشيخ
حياة/ايوة عارفة
مالك/خدى دى التصاميم والورق بتاع المشروع عاوزك تدرسيهم كويس وتشتغلى عليهم
حياة وهى تاخذ الملف/حاضر بس انا دلوقتى بشتغل فى الارشيف

مالك/ماهو انتى هتسيبى الارشيف وهتبقى المساعدة بتاعتى مش دة اللى انتى كنتى عاوزا بس بحذرك ان الشغل معايا صعب جدا ياعنى مش هتساهل معاكى مهما حصل ولا هيهمنى انك تعرفى ابويا
حياة بثقة /اطمن يا بشمهندس لأن انا اللى مش هسمح لنفسى انى اغلط فى شغلى
مالك/اتمنى دة
حياة/حاجة تانية
مالك/لأ روحى لشاهى وهى هدلك على مكتبك الجديد اتفضلى
خرجت حياة من مكتب مالك وهى تشعر بسعادة لانها سوف تثبت كفاءتها فى عملها كان عمر معجب كثير بحياة وثقتها فى نفسها
عمر /تعرف يا مالك انا عمرى ما شوفت واحدة زى حياة دى
مالك/لية ياعنى
عمر/عندها ثقة فى نفسها عجبانى اوى
مالك وهو يضع يدة اسفل ذقنة/واية كمان
عمر/وجميلة اوى
اغتاظ مالك من اعجاب عمر الواضح لحياة فحدث عمر محذرا
مالك/عمر لما تيجى تتكلم عن المساعدة بتاعتى تتكلم بطريقة كويسة
عمر/ياريتها تشتغل معايا انا
مالك بنرفزة/يووووة عمر سمعت قلتلك اية
عمر/خلاص الا انا عرفك لما تتعصب
دخلت شاهى مكتب مالك بعد ان استاذنت
شاهى/فى واحدة عاوزة تقبلك يا مالك بية
مالك/مين دى
شاهى/بتقول اسمها جانا
مالك/جانا دخليها
خرجت شاهى واذنت لجانا بدخول دخلت جانا مكتب مالك فهب مالك واقفا وتقدم تجاة جانا وهو يبتسم
جانا وهى تحتضن مالك/عامل اية يا مالك
مالك وهو يحتضن جانا/انا كويس الحمد لله انتى اخبارك اية وجيتى امتى
جانا/لسة واصلة قلت هاجى القيك مستنينى لكن طلع العكس
مالك/معلش يا جنا
جانا/على العموم انا مش زعلانة عشان هو دة مالك على طول متأخر
مالك بضحك/ههههههه دة كان زمان لكن دلوقتى انا صاحب اكبر شركة للاستثمار والتطوير العقارى فى مصر
جانا/يظهر انك اتحسنت لما سافرت
مالك/يظهر كدة

كان عمر يتابع ما يحدث
عمر/بشمهندس مالك نحن هنا
مالك وهو يشير بيدة تجاة عمر/عمر صاحبى ودى جانا بنت عمى مصطفى
عمر وهو يصافح جانا/اهلا يا انسة جانا
جانا بابتسامة/اهلا بيك
جانا لمالك/يالا بقى عشان تعزمنى على الغدا
مالك/مش هينفع يا جانا وبعدين انتى مش لسة راجعة من السفر روحى ارتاحى
جانا/بس انا مش تعبانة ولا انت مش عاوز تعزمنى عشان معاكش فلوس.
مالك/لأ يا خفيفة عشان ورايا شغل مهم
احضرت جانا جاكيت مالك واعطتة لة
جانا/انت هتلبس الجاكيت وهتيجى معايا يالا
وبالفعل استسلم مالك لطلب جانا وذهب معها
مالك /عمر كمل انت وانا شوية وجاى
عمر/اوك
………………………………………………
اخذت حياة متعلقاتها من الارشيف وذهبت مع شاهى الى مكتبها الجديد
شاهى/دة مكتبك يا انسة حياة
لا حظت حياة وجود باب اخر بالمكتب
حياة/الباب اللى هناك دة بتاع اية
شاهى/زى ما انتى شايفة مكتبك لزق فى مكتب مالك بية والباب دة مشترك بين المكتبين عشان وقت ما يطلبك يلقى قدامو على طول عن اذنك
خرجت شاهى من المكتب بينما قررت حياة ان تبدأ عملها بجد ومهارة حتى تثبت لمالك انها على قدر كبير من الخبرة
……………………………………………….
ذهب مالك وجانا الى احدى المطاعم
جانا بابتسامة/دى مصر وحشتنى اوى
مالك/اديكى رجعتى اهو
جانا/فرحان ان انا رجعت
مالك /ايوة طبعا قوليلى بقى انا هتسافرى تانى
جانا بخبث/انت عاوز اية
مالك/القرار قرارك انتى دى حياتك وانتى حرة فيها.
حزنت جانا من رد مالك فهى كانت تعتقد انة سوف يطلب منها ان تبقى معة وانة يحبها واشتاق اليها ولا يريد ان تبتعد عنة
جانا/بفكر اقعد هنا على طول
مالك/طاب يلا نطلب الغدا عشان الحق ارجع المكتب تانى
……………………………………………..

فى مكتب حياة:.
كانت حياة تدرس ملفات التى اعطاها لها مالك فذهبت لتقوم بتصوير بعض الاوراق كان عمر يمر فى نفس الممر الذى تمر بة حياة فاصطدم عمر بحياة فوقع الورق الموجود بيدها على الارض فانحنت حياة بجسدها لتقوم بجمع الورق انحنى عمر ايضا ليساعدها فى جمع الورق
عمر/انا اسف جدا يا انسة حياة
حياة وهى تستقيم فى وقفتها/حصل خير عن اذنك
عمر وهو يعترض طريق حياة/استنى بس عملتى اية فى الشغل اللى طلبة منك مالك
حياة/بشتغل فيهم لية فى حاجة
عمر/لأ ابدا انا بسأل عشان لو عايزة مساعدة انا موجود
حياة بابتسامة/ميرسى يا استاذ عمر.
عمر/عمر بس من غير ألقاب
حياة وهى ترجع شعرها وراء اذنها/انت متاكد انك صاحب البشمهندس مالك
عمر بابتسامة/ اشمعنى ياعنى
حياة/اصل الصحاب بيكونوا زى بعض وانت غيرو خالص دة انا خبط فى قبل كدة بالغلط حسسنى انى رميت فى وشة كوباية شاى سخنة
عمر/ههههههه معلش هو مالك عصبى شوية
حياة/طاب عن اذنك بقى عشان اكمل شغلى
…………………………………………………….
فى شركة سيف عبدالرحمن:.
سليم/مالك عز الدين هيسافر بكرة شرم الشيخ يا سيف باشا
سيف/عاوزك اسافر ورا وتحاول تبوظ الصفقة دى باى شكل مالك لو مضى عقود الصفقة دى هيكبر جامد جدا ومحدش هيقدر يقف قصادو فاهم
سليم/فاهم وهكون ورا خطوة بخطوة
سيف وهو يشير بيدة /اتفضل انت
…………………………………………..

فى احدى المطاعم:.
كانت جانا ومالك يتناولون الطعام ويتبادلون الحديث بينما كانت جانا تشعر بسعادة لجلوسها مع مالك والتحدث معة بعد كل هذا الوقت
جانا بدلع/هنروح فين دلوقتى يا مالك
مالك وهو يخرج النقود من محفظتة /هوصلك على البيت واروح الشركة
جانا/بس يا مالك احنا لسة مقعدناش مع بعض
مالك بجدية/جانا قلتلك عندى شغل مهم وبعدين ما انا هشوفك فى البيت يلا بقى
……………………………………..
فى شركة عز الدين:. فى مكتب عز:.
كان عز جالسا على مكتبة يتطلع الى الاوراق التى امامة وبعدها قام بامساك سماعة التليفون
عز/مدحت تعالى عاوزك
مدحت/حاضر يا عز بية
مدحت يونس مدير مكتب عز الدين
دخل مدحت مكتب عز بعد ان استاذن
مدحت وهو يتقدم تجاة مكتب عز/خير يا عز بية
عز/جهزت اوراق الصفقة الجديدة
مدحت/جاهزة يا فندم وناقصة على توقيع سيادتك
عز/طاب ابعتها للمحامى عشان يرجعها الاول
مدحت/حاضر يا فندم
عز/اتفضل انت
……………………………………………
امام فيلا عزالدين:.
وصل مالك وجانا الى باب الفيلا الرئيسي فضغط مالك على بوق السيارة ليقوم الحارس بفتح الباب فتح الباب ودخل مالك بسيارتة الى الفيلا واقف سيارتة
جانا /انت مش هتنزل
مالك /لأ يالا انزلى وانا هشوفك بليل
جانا وهى تهز كتفيها/اوك باى
نزلت جانا من السيارة ودخلت الفيلا وبينما تحرك مالك بسيارتة الى مقر الشركة
………………………………………….

فى شركة عزالدين:.فى مكتب حياة
كانت حياة تعمل على بعض التصاميم الخاصة بالمشروع الذى كلفها بة مالك ولكنها لم تفهم بهم بعض الاشياء لانها ليست من عملت عليهم من البداية وكانت لا تريد طلب المساعدة من مالك فتذكرت حديث عمر وهو يقول اذا احتاجت الى مساعدة تطلب منة فقررت طلب المساعدة من عمر ذهبت حياة الى مكتب عمر بعد ان استاذنت
حياة بخجل /حضرتك فاضى يا بشمهندس عمر
عمر وهو يشير بيدة /أولاً مفيش بشمهندس ثانيا فاضى أمرئ
تقدمت حياة وجلست على الكرسى المقابل لمكتب عمر
حياة/التصاميم اللى طلبها منى مالك بية فى حاجات مش فهماهة فيها لانى مش انا اللى اشتغلت عليهم من الاول فكنت طلبة انك تفمهمنى اللى انا مش عارفا
عمر بابتسامة/بس كدة انا افتكرت الموضوع كبير على العموم انا تحت امرك
تقدم عمر وجلس على الكرسى المجاور لحياة وبدا يشرح لها التصاميم
…………………………………………..
وصل مالك بسيارتة امام الشركة واعطى المفاتيح للسايس ليركن السيارة بجراج الشركة دخل مالك الشركة وركب الاصانصير وضغط على زر الطابق العاشر حيث يوجد مكتبة وبعد ثوانى وصل مالك الى مكتبة ولكنة قرر دخول مكتب حياة ليراها تعمل ام لا دخل مالك مكتب حياة ولكنة لم يجدها
مالك باقتضاب/راحت فين دى اهى سايبة شغلها ومش بتشتغل ماشى يا حياة انا هوريكى ازاى تهملى شغلك
بحث مالك عن حياة وهو يتوعد لها فسأل احد الموظفين عنها فابلغة انها موجودة بمكتب عمر
مالك وهو يعقد ما بين حاجبية/بتعمل اية عند عمر
ذهب مالك الى مكتب عمر ودخل دون استاذن فوجد عمر جالس بجوار حياة والمسافة بينهما سنتيمترات
مالك بحدة وهو يتقدم بخطوات ثابتة تجاة حياة/انتى بتعملى اية هنا يا انسة
حياة وهى تشير بيدها/ابدا انا كنت جاية عشان…

مالك مقاطعا بحدة/انا كلفتك بشغل معين عشان تنفذى مش عشان تتسرمحى فى الشركة
حياة بحدة وهى تشير بيدها/اية اتسرمح دى وبعدين انا جيت للبشمهندس عمر عشان يفهمنى حاجة فى الشغل اللى سيادتك طلبتو منى
مالك/وانتى صغيرة مش عارفة تخلصى لوحدك
حياة بنبرة غاضبة /لأ اعرف بس مش انا اللى اشتغلت عليهم من الاول وبعدين انت انسان لا تطاق
مالك بعصبية وهو يجز على اسنانة/انتى اتجننتى فى عقلك يا بت انتى ولا اية
حياة/اية بت دى
عمر وهو يصفر/Time out اهدوا شوية يا جماعة مش كدة
حياة/انت مش شايف يا بشمهندس عمر بيتكلم ازاى
عمر /معلش يا حياة وبعدين احنا مش قلنا بلاش القاب
مالك بتريقة/يا حبيبى اجبلكو اتنين ليمون
عمر مازحا/ياريت يا مالك بس يكون ساقع
مالك/مفيش اسقع منك اتنيل اترزع على جنب
عمر وهى يتنحى جانبا/اوامرك يا باشا
مالك بلهجة امرة لحياة/اسمعينى كويس انا عاوز كل اللى طلبتة منك يخلص النهاردة وبكرة قبل ما اسافر تسلمهولى فاهمة
حياة بتهكم /اوك عن اذنكم
ذهبت حياة من مكتب عمر بعد ان اخذت الملفات معها
مالك بحدة لعمر/وانت تعالى ورايا عشان فى اجتماع مهم

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عذاب الحب)