رواية ورده في المزبله الفصل الخامس والعشرون 25 بقلم منه محمد

رواية ورده في المزبله الفصل الخامس والعشرون 25 بقلم منه محمد

رواية ورده في المزبله البارت الخامس والعشرون

رواية ورده في المزبله الجزء الخامس والعشرون

رواية ورده في المزبله الحلقة الخامسة والعشرون

دخلوا الرجاله البيت ووششهم متبشرش بالخير
قعد الجد واتنهد بتعب ونفسه مخنوق : لا حول ولا قوة الا بالله
فخري يهدي ابوه : ارميها علي الله وان شاء الله خير وانشاء الله نلاقيه
الجد حط راسه بين ايده : الشباب لهم ساعه بيدوره عليه ولا لقوه فين راح و البنت فين ااااه وفضل يخبط بايده ع رجل الكرسي بعنف
خالد وهو رايح جاي في المكان وقلبه وجعه ويدعي من قلبه انه يرجع نادر بالسلامه كفايه انهم فقدوا عماد مش عاوزين يفقدوا نادر كمان
دخل صقر البيت وقال السلام بصوت خالي من الحياه
وقف الجد بلهفه : طمني يا صقر لقيتوهم ؟؟
هز صقر راسه بالرفض وقعد وعقله مشوش اخد نفس وغمض عيونه بألم
بصلهم امير ببرود : انا مش عارف ليه مكبرين الموضوع اب وبنته مش هيضربها يعني مهما اتعصب مش هيأذيها في النهايه تبقي ضناه و…
قاطعه صقر بصراخ : بقولك ايه انت اسكت احنا على اعصابنا وانت يا برودك بتقول الكلام ده لانك ما تعرفش نادر..روح شوف جسم البنت لحد الان علامات الضرب والتعذيب ع جسمها من عمك الزفت الي مفيش في قلبه ذره رحمه،، ده الوقت ده وكانت طفله لكن دلوقت ياعالم عمل فيها ايه
انصعق امير معقول عمه نادر كدا ليه يفرق بالمعامله بين بنت ساره وبين سلمى ولينا غريب كل الحقد ده بص لـ صقر ببرود : مهما كان في النهايه هي تبقى بنته ويخاف عليها اكتر منك ومن الكل لانها بنته من لحمه ودمه
صقر من بين اسنانه : قسم بالله اذا ما قفلت على فلسفتك دي لاخد دماغك ارزعها في الازاز افتحهالك نصين
امير ببروده المعتاد ابتسم وبألش: حاضر يا عمو صقر مع اني اكبر منك بس يالا نمشيها للحلوين وغمز له بابتسامة
بصله صقر بنظره ناريه وسكت لان الوقت مش وقت خناق والا كان كسره تكسير على بروده ……..
((الكل بيعتبر صقر واحد منهم لانه متربي معاهم من صغره والكل بيثق فيه ثقه عمياء لانه عاقل جدا حتي الجد بيعتبره واحد من احفاده اصغر من امير بيوم)
******قصص منه محمد*******
قاعد مع امه وحكلها انه قدم معاد الجواز
صفيه : والله يابني منلحقش نخلص تجهيزات
زياد ببرود : معاكم اسبوعين
سوسن باعتراض : لا منلحقش مش مناسب ابدا

نوفه : وعندنا مدرسه ازاي بس نلحق نحضر ما فيش وقت ابدا لا ء ما فيش وقت واتقمصت
وقف زياد بهدوء : انا عطيتكم خبر وجهزوا اموركم وبابا اتصلت بيه في تركيا وبلغته وما عندوش اعتراض بالعكس انبسط جدا
سابهم زياد وهما مش عاجبهم الوضع وطلع للجنينه وقعد على كرسي منزوي ورفع عيونه للسماء وهو بيفكر ياتري ايه سبب استعجالهم علي معاد الفرح ؟؟ قرار مفاجئ جدا
غمض عيونه وافتكر صوت الجد سليمان كان تعبان معقول حصلت مشاكل علي جوازه منها يمكن احفاده اعترضوا وقرر يقدم المعاد عشان تنتهي المشكله
قاطعه رنين الموبيل استغرب رقم غريب
رد بهدوء: الو السلام عليكم
رد المتصل بتهديد : كلمتين اسمععععني كويس تطلق ريم غصب عنك فاهم
زياد بهدوء وعرف انه توقعاته صح : من الادب ترد السلام وبعدين تعرف بنفسك ا
قاطعه المتصل : لما تحترم نفسك وتطلق بنت عمي وقتها افكر ارد عليك السلام
اتكلم شخص تاني بهمجيه : وقسمن بالله يا زياد اذا ما طلقت البنت غير يوم فرحك يزفوك ويرجعو يزفوك في نعشك فاهم
زياد ببرود : اعلى ما في خيلك اركبه وقفل الموبيل في وش المتصل
وشد على الموبيل بعنف ووقف يفكر دول ليييه بيعملوا كدا
*********قصص منه محمد******
في الصاله قاعدين على اعصابهم رن موبيل الجد
كل الموجودين بصوا بخوف
شاف الجد رقم المتصل ارتاح شوي
ورد بهدوء : الو …………..الله يسلمك ………… الجد اتحولت نظراته لغضب مين منهم ؟؟
الموجودين بصوا لبعض بخوف
ما قالش اسمه …………عندك حق في كلامك وليك حق تزعل ……….لالا متهتمش عقابهم عندي ………….عارف عارف لو بلغت فيهم يعتبر تهديد ويتسجن فيها عارف ……..بارك الله فيك ……….خلاص اعتبر الموضوع انتهي …….ان شاء الله خير ………مع السلامه
قفل الموبيل وبص لـ جهة الشباب اربعه منهم مش موجودين
الجد بص لـ عبود بعصبيه : قول للكلاب الي برا يجوني حالا (وصرخ) بسرعه
خالد وعلى راسه علامات استفهام : فيه ايه يا بابا فجعتنا مين اللي اتصل
طنشه الجد وبص للبعيد وشدد على اسنانه بغضب اسود
**********قصص منه محمد*******
في الجنينه واقفين الشباب لا علي حامي ولا علي بارد
ايهاب : قسم بالله ليندم
بدر : يمكن يخاف من تهديدنا
عمر بتفكير : لا ما ظنش يخاف بس يمكن اختصار للمشاكل يطلق
رامي بتفكير : انا حاسس يا شباب اننا اتسرعنا لازم نفكر بعقلانيه من غير طيش لانه اكيد هيقول الحيوان لجدي عننا
ايهاب بلامبالاه : لا مفتكرش لانه جبان
قاطعه عبود : شباب جدي عاوزكم بسرعه تعالوا يلا
بدر : عمي نادر اتصل
ابتسم عبود نص ابتسامه : لا ما اتصلش انتم تعالوا وتعرفوا الحكايه
سابهم وراح وطول الطريق الشباب بيفكروا
دخلوا البيت وقف الجد بعصبية : انتم اغبيا مجانين تتصلوا بزياد تهددوه بالقتل
بصوا الموجودين للشباب باندهاش
الجد بعصبيه : مين الحيوان اللي اتصل فيكم ؟؟ انتو عارفين ان المكالمه متسجله ويقدر يقدم فيكم شكوى تهديد بالقتل
اتفاجئوا الشباب فاق كل توقعاتهم كانوا متعصبين واتصرفوا بدون وعي
وقف خالد بعصبيه : ربنا يخدكم اخده عزيز مقتدر انتو عاوزين تنزلوا راسنا فالارض ما عنديش علم اننا مربين في بيتنا مجرمين سفاحين

رامي : ءءء بابا
قاطعه ابوه بعصبية : اخرس وانا بقول رامي الهادي الفاهمان العاقل بينهم المهندس ويطلع منك الكلام ده تهدد بالقتل وانت واولاد عمك مش هلومك انت يا ايهاب طول ما انتو ماشين مع الجوز دول وشاور علي بدر وعمر فاشلين دراسيا واخلاقيا
فخري بعضب : يحصل كل خير بس خليها تنتهي حكايه نادر وبعدها كل خير
الجد بتهديد : قسم بالله لو اسمع انكم تتعرضوا لزياد لو بنظره يمين بالله لتشوفوا مني رد فعل مش هتعجبكم
صقر مسك الجد وبهدوء :ياجدي ريح نفسك صحتك اهم والعيال دول حسابهم بعدين
ايهاب لـ جده : والله العظيم بس مجرد تخويف ما قصدنا حاجه
الجد هز راسه بتعب واعصابه خلاص مش قادره تتحمل غمض عيونه بتعب
رن موبيل صقر استغرب وبصوت هامس :المستشفى
بص الجد لصقر وفتح عيونه على وسعهم وشاور له يفتح سبيكر
وقف صقر ورد بهدوء عكس قلبه اللي نازل دق بخوف وحط الموبيل على سبيكر
= الو فينك يا صقر
رد صقر بهدوء وقلبه يدق :فالبيت
= تعال للمستشفى ضروري
صقر بخوف : ليه
=حاله طارئه
صقر وهو يبلع ريقه : يعني حادثه
= لا جريمه قتل والضحيه بنت في حاله حرجه محتاجه لعمليه ضروري بسرعة ماتتاخرش بسرعه
وقف الجد بخوف وخلاص اخر امل عنده اتبخر عض على شفته بقهر وهو يردد انا لله وانا اليه راجعون
وقعد على الارض وخلاص ما عندهوش قوه يتحمل اكتر من كدا
قفل صقر الموبيل وهو منصعق مش قادر يستوعب خلاص اكيد المجنون عملها
غمض عيونه بألم مش قادر يتحمل طفلة بريئه مالهش ذنب تروح لازم يساعدها
فتح عيونه وبص علي الموجودين ملامحهم شاحبه خلاص كل شي انتهى وعم المكان الصمت
طفلة في عمر الزهور انتهت حياتها بص لعصمت الي بتبكي في صمت وبص للحريم الي حالتهم يرثي لها
وخالد ملامحه جامده ساكت وكأنه تمثال
رفع راسه للسقف وغمض عيونه بألم مش هيقدر يشوفها مقتوله بين الحياه والموت مش هيقدر والابشع القاتل صاحبه واخوه الكبير وابو المغدوره اااااااااه رحمتك يارب
مسك موبيله ورفعه تاني وايده الاتنين ترتجف ودموعه بعيونه رن على المستشفى واعتذر عن الحضور وطلب منهم يتصلوا بدكتور زميله
قفل الخط وبص للي حواليه وكأن الزمن وقف كل شيء حواليه ساكن الا من صوت بكاء خفيف
مسح بعض قطرات العرق عن جبينه حاول ياخد اكسجين مش قادر حاسس الاكسجين بالغرفه انتهى اخد نفس بصعوبه بالغه واتفاجئ من دخول الشخص القاتل!
حس بالدم فار جواه بصله بنظرات ناريه :جاي بقوه عين شد على قبضه ايده بقوه .
وقف الجد بقهر وكره وهو بيبص لنادر : خلاص هانت عليك بنتك يا خساره تربيتي فيك وهز راسه بأسف يا خساره
نادر ببرود : مش ده اللي كان نفسك فيه اهوه انا نفذته
صقر وجن جنونه من بروده وفقد اعصابه وهجم على نادرو بدون وعي وهو يصرخ : دبحتها قتلتها يا مجرم وفضل يضرب فيه بوكس في بطنه ووشه يا مجرم انا هبلغ عنك البوليس بنفسي
عصمت وقفت بهلع : كفااااايه يا صقرسيب ضنايا (من بين دموعها) اكيد ندم يابني اكيد ما كانش قصده سيبه هتموتني بعده
خالد واقف عاجز مش عارف مش مستوعب حاجه كأنه في حلم مش قادر يصحى منه بس اهم شيء ما يفقدش اخوه ما يفقدش اخوه كفايه الي راح#عماد
بص لـ صقر بانكسار : سيبه يا صقر سيبه (وبص لنادر بدموع) ليه يا نادرليه عملت كدا ليه ؟؟ (وبصرخه) ليييييييييييييييه ؟؟ الضنه غالي يا اخويا ليه عملت كدا ليه ؟؟؟؟ دي طفله طول الاسبوع الي فات اكتشفت انها طفله تفكيرها طفولي نزل عيونه للارض طفلة بريئه في عمر الزهور ليه تقتل احلامها وتدبحها بتسرعك وغبائك وقعد على الارض خلاص مش قادر يسمع اكتر او يلوم اكتر مش قادر
الجد بقهر : حسبي الله فيك حسبي الله فيك
وبحزم بص لصقر : اتصل بالبوليس وبلغهم
قاطعته عصمت وهي تمسك ايده ومقطعه نفسها عياط : لالالا كفايه يا سليمان كفايه عاوز تحرمني من ابني التاني
فخري بعد امه بلطف : ياامي نادر غلط ولازم يتحمل عواقب اخطائه
كانوا الشباب بصين ببهوت مش مستوعبين الاحداث كأنهم في حلم مخيف ومنتظرين بأي لحظه يصحوا منه
مش مصدقين ان نادر يقتل بنته وبدون سبب كل ذنبها انها غلطه !!!
مش مصدقين ان نادر يزفها بالكفن الابيض بدل الفستان الابيض المقرر بعد اسبوعين !!!

عصمت من بين دموعها : ليه يابني عملت كدا ؟؟ ليه قتلت فرحتها ليه ؟؟ مهما وصل كرها عندك ما توصلش لكدا ما توصلش ؟؟ كانت راسمه احلام ليوم فرحها (بصتله عصمت بحزن )كانت مستنياك تزفها لعريسها مش تزفها لقبرها !!!
ليه قتلتها ودمرت نفسك ؟؟ انت لسه ف عز شبابك ليه تحكم على نفسك بالسجن (بهستيريه) لييييييه يابني ليييييه انا من بعدك يا بني اضيع
خفت نبره صوتها وهي تمسح دموعها المنهمره ازاي انام وانا مش مطمنه عليك وانت بعيد عني !!!
ازاي انام ولا اشوفك كل يوم بعيني !!!
وبصرخه هزت جدران البيت )ازاي ازاي ازاي
كله من ساره الي خلفت ورمت البنت دي شوكه لينا بسببها خلاص ضاع ابني وبصرخه اشد ضاع ضاع ضاع
وقف نادر وصرخ فيهم : انتو وبعدين معاكم ؟؟ مالكم كلكم عليا ليييه ؟؟؟ اخدتها اربيها عندي واعترضتو ولما رجعتها ليكم قلبتوها عليا (وبعصبيه )ايييييه المطلوب مني ؟؟؟
امير ببرود وقف وبصوت عالي : يا جماعة اتوقع فيه خلل في الموضوع وفي سوء تفاهم
صقر بعصبيه بص لنادر باحتقار : اي سوء تفاهم والبنت فالمستشفى بين الحياه والموت
نادر وخلاص قفلت معاه وبعصبيه : اي بنت فالمستشفى الي بتتكلم عنها ؟؟
صقر باحتقار : متحاولش تهرب وتخلص نفسك من الجريمه خلاص لبستك قتلك لريم ورميك ليها لا يمكن يمر بسلام البنت فالمستشفى دلوقت واكيد الشرطه بتحوم بالمكان لانها جريمه قتل وعطي نادر نظره حاده
نادر قرب من صقر والشر طاير من عيونه : انا فعلا هرتكب فيك جريمه (وبنرفزه) انتو ايه الي بتهلفطوه بيه مين قتل مين ؟؟
امير ببرود : يا عمي بنتك فين ؟؟
نادر اخد نفس يخفف من عصبيته : اي واحده ؟؟
امير بهدوء : بنت ساره معرفش ايه اسمها ديما او ريما
نادر وهو يكتم غضبه مش بيطيق حد يسأل عن بناته : في اوضتها فوق
الكل بصولوا وكأنهم انصعقوا
صقر وهو مش مصدق : والبنت الي في المستشفى ؟؟؟
نادر قعد وجاب اخره منهم : علي فكره انتو زهقتوني اي بنت ؟؟
خالد وهو يحاول يفهم الموضوع : طيب ما شفناهاش هنا لما دخلت
نادر وهو رافع حاجب : دخلت من الباب الي وراه انا طلبت منها وبعدها بص علي ابوه حاجاتها رجعتهم على اوضتها من الباب الخلفي
خالد : والطلاق؟؟
نادر ببرود : بعد بكره افوت علي ماذون واستفتيه في الامر
الجد وهو مش مصدق : ريم فوق في اوضتها ؟؟
هز نادر راسه بتأكيد خرج الجد متوجه لغرفة ريم وهو يردد الحمد لله الحمد لله
لحقه صقر الي كان متشوق يشوف ريم ويتأكد انها بخير افتكر انه خلاص انه مش هيشوفها مره تانية وافتكر قبل ما يسافر لما ضربها نادر فالشارع اتمنى انه ما يسافرش ويفضل علشان بس يدافع عنها
خلاص دلوقت استقر هنا مستحيل يقبل حد يهينها مين ماكان…هيساندها ويشجعها بكل شيء شي ويرجع لها الامل مستحيل يفرط فيها ابداآآ
غمض عيونه بألم لما افتكر لما كان بيهين ريم بوجود نادر كان بيحاول يهينها ويسمعها كلام جارح ،، كله علشان يخلي نادر يفوق لنفسه ويوقف مع ريم كان يتعمد يهين ريم قدام نادر لمجرد يثير غيرته ويخليه يوقف في وش الكل ويقول دي بنتي ما اسمحلكش يا صقر كان كل همه يسمع من نادر حدك ريم ما اسمحلكش ده سبب التناقض الي كان بيدور حوالين صقر كان بوجود نادر فقط يهينها ويضايقها …اما بغير وجود نادر كان بيضحك ويهزر معها وعلاقته مع ريم روعه بس بمجرد حضور نادر يقلب على ريم ويبقي ضدها بس بدون فايده لان نادر طول الفتره الي عدت بصمت ولا اعترض ولا وقف ولو بكلمه مع ريم
علشان كدا قرر صقر خلاص يكنسل علي الخطه ويرجع مع ريم عادي
كفايه الي جالها من اليوم هيعتبرها زي اخته الصغيره وصل لغرفه ريم وهو يردد دي اختي اختي اختي مينفعش غير كدا
***************قصص منه محمد*********
عصمت قاعده على الارض ومش مستوعبه الموقف
نادر قرب من امه ووقف وقعد على الارض ومسك ايدها وبحنان : مالك يا امي ؟؟
حضنته امه وهي بتبكي وتشهق وتقول كلام مش مفهوم الا كام كلمه ( خفت افقدك زي عماد )
وجعته بكلامها لانه افتكر رفيق روحه عماد وزاد الكره لعيله خيري وكل احفاده حتى ريم من ضمنهم
مع انها مالهاش ذنب الا انها تحمل دمهم
***************

نروح جري لغرفه ريم ونطمن عليها
فتح الباب من غير ما يخبط عليه ودخل الغرفه مندفع وهو نفسه يريح قلبه ويشوفها
شافها قاعده على السرير …..حمد الله بصوت هامس
وقرب بهدوء عكس قلبه الي بيرقص من الفرحه
رفعت ريم وبصتله باستغراب وبعدها بصت ل صقر الي واقف بره قدام الباب
كانوا بيبصولها ومش مصدقين كأنهم في حلم
قرب الجد منها وحضنها وبصوت متعب : فينك يا بنتي ما جيتيش تسلمي عليا ولا نسيتيني
خرجت ريم عن حضنه وباسته على راسه : والله ما نسيتك بس
قاطعها جدها : كنت فين قلقت عليكي ؟؟
ريم بهدوء : اخدني معاه شوف يا ابو فخفخ اشترالي هدية الفرح وشاورت على الهديه فوق التسريحه
وبحالميه وهي شابكه ايدها ببعض ورافعتهم في الهواء ومغمضه عيونها
ياه مش مصدقه اني بعد اسبوعين هلبس الفستان الابيض واقعد على الكوشه وانزف وا …
قاطعها الجد بضربه خفيفه على راسها : بنت اتكسفي
ابتسمت ريم : اطلع بيها
الجد بحيره: هي ايه دي
ريم ببتسامه: هديه الفرح يا بو فخفخ ؟؟؟
اتنهد الجد براحه وبعدها وقف وهو يبتسم براحه : مفاجئه
اتعلقت ريم برقبته وهو طالع من الغرفه : والنبي والنبي فين هديتي ؟؟
نزلها الجد بهدوء وهي تتدلع: اتقلي يا بنت ما تخلنيش الغيها اهه
ضحكت ريم ببراءه وهي تقلد الاطفال : توبه توبه والله مش اعيدها بس اوعي تلغيها
ابتسم لها الجد ونزل
بصلها صقر وهو يحمد ربنا انه مجرد سوء فهم
قرب منها وباسها على راسها وبصوت كله حنيه ومحبه : حمد لله على سلامتك يا قمر
وبعدها نزلت ودموعه بعيونه …بصتلهم ريم وهي مستغربه تصرفاتهم
*************
دخل الجد الصالون براحه وبعدها دخل صقر بعد ما مسح دموعه قبل ما يدخل
بص نادر للموجودين وبعدها اتكتف : ممكن اعرف مين مؤلف الفلم الاكشن اللي عملتوه ؟؟؟؟
بصوا لبعض وشاورا على صقر
فتح صقر عيونه على وسعهم وهو واقف وسط الصالون : انا
هز اغلب الموجودين روسهم
قعد صقر بابتسامة صفراء : انت السبب قبل ما تتطلع اتوعدت تحرق قلب ابوك عليها ولما طلعنا وراك حركت عربيتك وطلعت وريم مش في اوضتها … ونرن عليك موبيلك مقفول، واتاخر الوقت وحضرتك ما رجعتش وبعدها اتصلت المستشفى وبلغتنا ان في جريمه قتل والبنت بين الحياه والموت (حك راسه باحراج )وطبعا ربطنا الاحداث ببعض ووصلتنا لنتيجه انك القاتل (وابتسم صقر بعباطه )
نادر بتريقه : لا يا كونان انت حرام مواهبك تروح عالفاضي لازم تكون درست بمجال التحقيق
وبحده وقسم بالله الضربات لاردها لك انا اكبر منك وتمد ايدك عليا لكن ملحوقه يا زفت
خالد بابتسامة : خلص امسحها فيا وسامحه
نادر : متهمني بجريمه قتل وضاربني وكان عاوز يسلمني للبوليس وعاوزني اسامحه !!!
صقر بابتسامة : يا اخي قهرتني ببرودك
امير بابتسامه : يعني لما جيت عملتوا فلم الاكشن ده (وغمز لعمه نادر وابتسم )
تصدق يا عمي انا قولتلهم عمي نادر مايعملهاش وفضلت ادافع عنك بس ما حدش صدقني
صقر لامير : تعرف كنت ماسك نفسي عشان ما هجمش عليك
عصمت بابتسامه : في احلامك تضرب اغلى احفادي
صقر بنغزه : ايه التمييز ده ليه انتي وجدي بتفضلوا امير عن باقي الاحفاد ده يعتبر ظلم
خالد : انت اتجوز بسرعه والحق تكون جد لتموت كدا …وعلي فكره ولادي فيهم ميزه يتحبوا بسرعه ولعب حواجبه يستفزه
صقر نفخ : تعرف انت وعيالك وبالاخص امير بكرهكم بغباء!
امير بابتسامة تقهر صقر : احترمني انا اكبر منك وعندي عيال
صقر لوى بوزه : وكسه عليك انت وعيالك وخاصة لطيفه خدودها كانها كيس مغذي
ضحك اغلب الموجودين
انقهر امير بس مستحيل يظهر ابتسم ببرود :هات انت بس بنت في حلاوتها
الجد لكل الموجودين : بما ان حكايه نادر وانحلت والحمد لله
وسيبوكم بقي من موضوع مين اغلي ومين اهم لان فيه موضوع تاني اهم
مساله المجرمين السفاحين التانيين
ابتسم نادر : يعني مش لوحدي قاتل مين مجرم زي ؟؟؟
خالد شاور على الاربعه بحواجبه : ما شاء الله البقر دول متصلين بزياد يهددوه بالقتل
الجد بحزم وقف وشاور علي الاربعه يتبعوه للمكتب …..
وقف ايهاب بغضب بعد ما طلع الجد : قلنا له بس مجرد تهديد بس
نادر بعصبية : وانت مالك ومال بنتي وجوازتها ايه علاقتك انت عشان تطلقها وعطاه نظره قويه
خالد دفعهم بغضب : قدامي على المكتب نشوف ايه اخرتها
طلع فخري بعد ما سحب الاربعه معاه
اتنهد نادر بحده وطلع ومعاه خالد وصقر

وقف امير وقرب من كاترين وبالانجليزي : انتظري هنا لن اتاخر
هزت راسها بهدوء
عصمت لامير : يابني مالقتش غير دي وتتجوزها والله لو تشتمنا ولا هنعرف ويمكن كمان نضحك في وشها ونفكرها بتمدح فينا
امير بابتسامة : جايز هههههههه
عصمت : عاجبك ومبسوط انها تشتمنا
نسرين : مش عارفه ايه عجبك فيها دي بلوه
امير رفع حاجب وببرود مستفز : عجباني انا وما طلبتش رايك اوكي
وبعدها طلع للمكتب
وقفت عصمت بهدوء وبصت لنسرين : قولي لمقصوفة الرقبه كرتونه دي تحصلن على فوق خلينا نشوف اخرتها
طلعت الجده والحريم لفوق
################
ستوب اطمنا علي ريم صح بس معرفناش عملت ايه في بيت نادر بس اكيد هنعرف طبعا
اظن عرفنا حكايه صقر ان كان ليه بيعامل ريم كدا وطلعت ريم اخته فقط لا غير
بس لسه هنا دور الشباب مع عريس الغفله وابن العم الي بيحبها حب الطفوله
وياتري هيتم الجواز فعلا من زياد ولا هتحصل حاجه تكنسله
ولسه دور خالد مع ريم والصراعات الي مش بتخلص
والبنات وخصوصا روان لانها بتغير جدا من ريم
وكاترين مرات امير وحكايتها معنا
ومين جون الي ظهرت معنا مين دي وايه حكايتها بقصه ريم
الملحمه هترد ع كللللل ده

يتبع….

لقراءة الفصل التالي : اضغط هنا

لقراءة باقي حلقات الرواية اضغط على (رواية ورده في المزبله)