رواية احببت مجهولة الفصل الأول 1 بقلم إيمان شلبي

رواية احببت مجهولة الفصل الأول 1 بقلم إيمان شلبي

رواية احببت مجهولة البارت الأول

رواية احببت مجهولة الجزء الأول

رواية احببت مجهولة الحلقة الأولى

“تعرف انك كنت حلو اوي النهارده ”
فاتح الواتس كالعاده وبيكلم صحابه لقي الماسدج ديه مبعوته من رقم غريب ..
رد باستغراب : انتي مين !
شافت الماسدج في نفس الثانيه وكأنها فاتحه الشات مستنيه الرد ..
هي : مش مهم
هو باستغراب : يعني ايه مش مهم ؟
هي : عارف يادكتور باسم انا اترددت كتير قبل ما ادخل ابعت الماسدج ديه
باسم سند ظهره علي السرير ورد بابتسامه صغيره اترسمت علي شفايفه : انتي معجبه بقي !
هي ابتسمت وسندت ايديها علي خدها وردت : امممم تقدر تقول حاجه زي كده
باسم : انتي في سنه كام ؟
هي : مقدرش اقولك
باسم : طب اسمك ايه ؟
هي : برضو مقدرش اقولك
باسم باستغراب: الله اومال هعرفك ازاي !
هي : بقلبك
باسم : هههه قلبي ايه يابنتي هو انا عاشقك في الضلمه؟
هي : يمكن تحس في يوم بيا
باسم : وانا هحس بيكي ازاي وانا معرفكيش
هي: انت تعرفني علي فكره واوي
باسم : طب ما تقولي انتي مين ،مش يمكن اكون انا كمان معجب !
هي : لا
باسم وهو بيرفع حواجبه : هو ايه اللي لا
هي : انت مش معجب ،هو تقريبا انت مش بتطقني

باسم بضحك : يابنتي وايه الجديد انا مش طايق حد اصلا
هي : تصبح علي خير يادكتور
باسم وهو بيكتب بسرعه : استني
هي: نعم
باسم: ولما انتي مش عايزه تعرفيني بنفسك كلمتيني ليه!
هي : كلمتين كنت نفسى اقولهم ،تصبح علي خير
باسم وهو بيتنهد ونفسه يعرف مين ديه : وانتي من أهله
قفل معاها وقفل الفون خالص وسندت رأسه علي السرير وهو عنده فضول رهيب يعرف مين ديه ولو معجبه بيه ليه معرفتهوش بنفسها !
غلبه النوم ونام لتاني اليوم وصحي علي صوت المنبه ولبس بدله كحلي وتحتها قميص ابيض ورفع شعره لفوق بطريقه خلته وسيم اكتر ماهو وسيم خرج من البيت من غير ما يعمل صوت عشان الكل كان نايم ونزل ركب عربيته وراح علي الكليه …
وصل الكليه ونزل من عربيته وكالعاده الكل وقف يبصله وكأن مفيش شباب في الدنيا غيره ،حقيقي بيحتقر البنات وبيحتقر وقاحتهم ،دخل المدرج والكل وقف اللي بيعمله وأصبح المدرج في حاله من الصمت خوفا منه لأنه معروف عن باسم أنه شديد اوي ….
بدء يشرح وفي الاخر كانوا في بنتين صحاب قاعدين
واحده منهم بهمس: شوفتي قمر ازاي
التانيه وهي بتبصله بقرف : عادي يعني انتوا بنات ملزقه اوي
صاحبتها بغمزه وكان اسمها ملك : يانوور
نور: نينينيني والله عادي
انتي ياانسه انتي وهي

ملك وهي بتشاور علي نفسها بخوف : ا انا
باسم بزعيق : ايوه انتي وصاحبتك قومي اقفي
وقفت ملك ونور اللي وقفت بتوتر وهي عماله تبص لصاحبتها ..
باسم : انا كنت بقول ايه !
ملك بتوتر : ا احنا اسفين يادكتور مكناش مركزين
باسم وهو بيبص لنور بسخريه : كنتوا بتتكلموا في ايه بقي !
نور بسرعه : ك كنت بقولها انا جعانه
المدرج كله ضحك عليها وهي بصتلهم بتوتر ..
باسم بزعيق: بس مش عايز اسمع صوت
احد الطلاب بضحك : طلعها تاكل يادكتور لحسن تبلعنا انت مش شايف حجمها عامل ازاي
الكل ضحك عليه ونور واقفه في نص هدومها بصتلهم ودموعها نزلت من غير ما تحس واتحرجت جدا …
باسم بزعيق وغضب : قوم اطلع برررا
قام الطالب يمشي ونور فضلت واقفه هي وصاحبتها ومستحملتش نظرات اصحابها ليها وخرجت من المدرج وهي بتجري وملك بتجري وراها …
ملك : نور نور استني بس
خرجت نور ووقفت في مكان مفهوش ناس كتير وفضلت تعيط زي الاطفال
ملك بحزن وهي بتاخدها في حضنها: نور حبيبتي اهدي عشان خاطري..
نور بشهقات : ا انا ليه بيحصل معايا كده ، ا انا ذنبي ايه اني تخينه ليه الناس بتبص علي المظهر الخارجي ،ليه ميفكروش في اللي جوا الإنسان الشكل ممكن يروح إنما الروح الحلوه الطيبه هي اللي بتفضل ليه الناس بقت مؤذيه بالشكل ده ،انا بكره نفسي وبكره شكلي بسبب نظرات الناس ليا ،انا تعبت ياملك تعبت اوي ،ح حتي الشخص الوحيد اللي بحبه بكلمه من رقم مجهول ،خايفه اعترفله اني بحبه هو اصلا ميعرفنيش ولا يعرف عني حاجه ،متأكده أنه لو شافني مش هيحبني ولا هيحب جسمي عشان انا تخينه ،هو دكتور وحلو وبنات اجمل مني هتموت عليه ايه يخليه يبصلي ،هيبصلي علي ايه بس انا بكره نفسي …

فضلت نور تعيط وملك تهديها لحد ما استأذنت منها أنها هتمشي عشان تعبانه وروحت …
جه بليل عند باسم كان قاعد علي السرير بيفكر بشرود
جت ماسدج علي الواتس فتحها بلهفه وكانت هي …
نور : ازيك يادكتور
باسم : كويس
نور : كنت حلو النهارده بس ليه كنت عصبي
باسم وهو بيبتسم : شكرا ،انتي معايا في سنه رابعه !
نور : اه
باسم : طب كويس عرفت حاجه عنك
نور : بس زعلت علي نور
باسم بجهل: نور مين !
نور : البنت اللي الولا اتريق عليها
باسم: امممم ،مانا كرشت الولد
نور بغيظ : بس البنت اكيد متأثره باللي قاله
باسم : اكيد
نور : بس جميله
باسم باستغراب : هي مين !
نور : نور جميله
باسم بضحك : اه
نور : بتضحك علي ايه !

باسم : نرجسيه اوي انتي
نور باستغراب : ليه ؟
باسم : عشان بتحبي نفسك يانور ،مش نور برضو ولا انا غلطان !!

يتبع..

لقراءة الفصل التالي : اضغط هنا

لقراءة الرواية كاملة اضغط علي : (رواية احببت مجهولة)