رواية بين اثنان الفصل الثاني 2 بقلم أمل صالح
رواية بين اثنان الفصل الثاني 2 بقلم أمل صالح
رواية بين اثنان البارت الثاني
رواية بين اثنان الجزء الثاني
رواية بين اثنان الحلقة الثانية
#بينَ_اثنان2
– إي!! يعني مقولتش ليها إنك متجوز وعندك إبن عنده 6 سنين!
– لأ طبعًا مِش هينفع أقولها كِدا مرة واحدة، لازم أمهدلها الموضوع الأول.
بتريقة – يا حنين، وكانت فين طيبتك دي وأنت بتتجوز عليها!
قام وقف قصادها بعصـ ـبية – أنتِ عارفة إني متجوزك بعدها وعارفة برضو لي فبلاش قِلة أدب وأنتِ عارفة إني بحبها.
مِشت لحد باب الأوضة وقالت قبل ما تدخل – دي واحدة سِت يعني زيي زيها، وعارفة كويس اوي مهما كُنت بتحبها مِش هتسامحك أبدًا ولا بسهولة عشان كرامتها.
شوَّح بإيده – طب خشي وملكيش دعوة أنتِ يا سمر.
دخلت وقفلت الباب وحامد قعد مكانه تاني بيسترجع اللي حصل من 7 سنين…
كان قاعد جنب أمه بعد عزومة عملتها هي وجابت فيها سمر جارتهم وأخته ونهلة مراته اللي كانت في المطبخ بتعمل شاي…
– في إي يا ماما، وسمر دي لي عازماها معايا أنا ومراتى!
– أنتَ متجوز بقالك قد إي!
باستغراب من سؤالها رد رغم خو فه من بعد كدا – سنة واحدة، لي بتسألي؟
– بصراحة كِدا بقى أنا عايزة أجوزك سمر…
بص حواليه بسرعة لقى سمر مشغولة في الكلام مع أخته ونهلة في المطبخ لسة، بص لمامته تاني وقال بعصـ ـبية وصوت مكتوم – أتجوز إي يا ماما؟!
– إي تتجوز إي دي! تتجوز سمر! مراتك شكلها معيوبة وأنا كنت خايفة اقولك أصلك واقع على عينك بعدين سمر موافقة أنت بس قول ماشي.
– لأ.
خرجت نهلة من المطبخ وقالت بإستغراب لما وصلها كلمته اللي قالها بعصبية – لأ إي!
قالت مامته بسرعة – بقوله أجوزك عشان أشوف عيالك بس مِش عايز.
يُتبع ..
- لقراءة الفصل التالي : اضغط هنا
- لقراءة باقي حلقات الرواية اضغط على (رواية بين اثنان)