رواية وحدة شغف الحلقة الثانية والعشرون 22 بقلم ندى
رواية وحدة شغف الحلقة الثانية والعشرون 22 بقلم ندى
 |
| رواية وحدة شغف الحلقة الثانية والعشرون 22 بقلم ندى |
رواية وحدة شغف الحلقة الثانية والعشرون 22 بقلم ندى
دخلت شغف اوضة شهد وفي ايديها فستان اخضر فيه ورود بيضاء. لقيتها قاعدة في البلكونة ساكتة خاالص مش بتتحرك
-شهد ، انتي يابت فوقي
=شغف مالك فيه حاجة حصلت ولا ايه
-قومي البسي الفستان ده بسرعة عشر دقايق الاقيكي لابساه .
حطته شغف علي السرير وخرجت بسرعة قبل ما شهد تسأل اي سؤال وسابتها واقفة متنحة
مسكت شهد الفستان كان رقيق بشكل يوجع العين من فتنته وبدأت في تجهيز نفسها وافكار كتير وأسئلة اكتر بتروح وتيجي في بالها
نزلت بقلق مش عارفة فيه ايه لقت شغف لابسه فستان أزرق واقفة مستنياها قدام اوضه الضيوف
– ايه القمر ده ماشاء الله شكلك حلو اوي ياحببتي
شهد بحيرة = هو احنا خارجين او رايحين فرح ولا ايه
شغف بمكر – حاجة زي كدة .. تعالي ندخل لاحمد
شهد وبدأت تقلق بدون اسباب دخلت لقت عمر قاعد وقام وقف فاجاة مع دخولها
احمد بابتسامة : انا هخرج دقيقتين و جاي
——
احمد خرج وحضن شغف جدا : ربنا يخليكي ليا انا مكنتش هعرف اتصرف معاها واخليها تنزل ، بقولك ايه ما تيجي نطلع
ضحكت شغف وقالت بمكر : طبعا ممكن نطلع نخرج مثلا ممكن نتغدي برة
ضحك احمد : ماااشي هعديها ،بس انتي وحشتيني
باسته شغف بحب : بحبك
احمد بهزار : انا بحبك اكتر علفكرة
ضحكوا سوا وكانوا بيراقبوا عمر وشهد
——-
شهد واقفة بتوتر ومش عارفة اتصرف ازاي عقلها رافض فكرة ان عمر جاي اساسا وسرحانة في شكله وكذالك هو .
عمر بابتسامة : هتفضلي مبحلقة كتير كدة
شهد : هااا
قرب عمر منها ومسك ايديها وقعدها علي كرسي قدام الكرسي بتاعه
عمر: شهد تتجوزيني
شهد مش مدركة باللي بتقوله : مش عارفة
عمر ابتسم : مش عارفة ايه
شهد قامت بسرعة بتوتر بعد إدراكها باللي قالته وكانت هتخرج
عمر بسرعة : استنااااي خدي هنا انا مصدقت بقي
شهد وقفت عطياله ضهرها : مصدقت ايه
عمر : اني اتقدملك.. شهد انا بعدت عنك عشان اظبط اموري الاول واقدر اجيلك
شهد بدموع رقيقة : وايه هي الأمور دي اللي تخليك تبعد بسهولة كدة
عمر : هتعرفي بعد ما توافقي
شهد بدموع : انت معملتليش عيدميلاد مختلف زي كل سنة وسيبتني
عمر : انا اسف بس انا منسيتكيش والله وده ضايقني بعد ما اخدت قرار اني ابعد فترة
شهد : تبعد ليه
عمر وقف وراها وقرب منها وهمس : شهد انا بحبك ارجوكي توافقي وهتعرفي كل حاجة
سكتت شهد وقلبها بيدق بسرعة من كتر كسوفها
عمر : هااا موافقة ولاااا
ابتسمت شهد وبكسوف قالت : احمد هيبقي يبلغك اذا هوافق ولااا .
جريت شهد وخرجت
قابلها احمد بابتسامته الجميلة : البت دي بقت عروسة انا مش مصدق
شهد بخجل قالت بهزار: ما انت بقيت عريس
احمد: ها اقول للولا اللي جوة اللي هيموت ده ايه
شهد اومأت بنعم
حضنتها شغف بفرحة : مبروك يا حببتي.
——-
احمد دخل لعمر ووشه غاضب
عمر بصدمة من ملامحه: فيه ايه
احمد: عمر انت ضغطت عليها في حاجة زي كدة ازاي
عمر بعدم فهم : مش فاهم
ضحك احمد مقدرش يتماسك:شكلك فظيع .. مبروك يابني شهد وافقت
حط عمر ايديه علي صدره واتنهد وقال: اوووف وقعت قلبي .. شكلك بالغضب ده يخض بلد بحالها
عمر كمل بسرعة: ممكن الخطوبة وكتب الكتاب يبقوا الاسبوع الجاي
احمد رفع حاجبه : ايه السرعة دي .. ابتدينا نطمع
عمر : اخلص بقي انا مصدقت وافقت
احمد بضحك : أختي بهدلتك خاالص .. موافق ..
وقام احمد حضنه وقال : مبروك ياصحبي
———
عدي الاسبوع بسرعة وشغف واحمد ومنة ظبطوا كل حاجة .
شهد كانت لابسه فستان فضي رقيق
وشغف فستان كشمير
و منة لبست فستان كحلي
منة بدموع : ايه ده .. ايه الجمال ده .. خسارة في عمر والله
شهد بضحك : روحي قوليله كدة هينفخك
منة : بجد هموته عشان هياخدك مني
شهد : محدش يقدر ياخدني منك انت يا جميل . الا قوليلي ايه الجمال ده ، كل ده عشان عُدي
منة بنرفزة : الواد الرخم الحيطة ده ، لا طبعا ده عشانك انتي يا قمر ، متجيبيش سيرته بقي
شغف دخلت مع اخر جملة وقالت بغمز : مين ده اللي منجبش سيرته .. يكونش قصدها عُدي
ضحكت شهد وشغف سوا
منة بزعل مصطنع : اووف منكوا انتوا بتتضحكوا علي ايه
شغف : ولا حاجة خاالص بس اللي بتقولي عليه ده وصل تحت ، روحي اضربيه بقي
منة بشر : ده انا هضربه واغلس عليه بقي انا يقولي اوزعه .. هو مشافش نفسه عامل ازاي
شهد : طب روحي انتقمي بقي وسيبيني عشان بدأت اتوتر
شغف : هتتوتري ليه بس .. متخليش التوتر يقلل من سعادتك .. افرحي النهاردة وبس
حضنتها شهد بسعادة ومنة اتحشرت في الحضن : ربنا يخليكوا ليا .
——-
عُدي : مالك ياض متوتر كدة ليه
عمر: مش عارف
ضحك عُدي عليه
عمر : اشوفك يوم متوتر كدة زيي يارب
عُدي لسه هيرد شاف منة وهي نازلة تنح في جمالها وفتح بقة كدة ايوة زي ما انتوا عملتوا????
: عمر انا شكلي هتوتر زيك قريب فعلا
ضحك عمر وقال : يااارب .. اخيرا دعوتي استجابت.. امك هتفرح بيا اوي
عُدي واقف مش بيتكلم واحمد جيه كلمه ومشي وهو ولا سامع ولا بيرد وساعتها كان واقف قدام باب المطبخ .
منة قربت منه : انت يا حلوف انت ..انت دايما واقف في السكة كدة اركن في اي حته
عُدي : يخربيتك جمالك يا شيخة
منة بتدور علي اي حاجة تضربه بيها وجابت كوباية فيها عصير وقربت : هتعديني ولاااا
عُدي : ولا ايه يا اوزعة
منة: انا اوزعة طب خد
كبت منة الكوباية كلها عليه ووقفت بخضة
عُدي بص علي بدلته اللي بقت لون تاني وقال بهزار : ياختاي اعمل ايه انا دلوقتي ، والله لاقول لامك
ضحكت منة علي طريقته وجريت للمطبخ وقالت في سرها : يخربيتك جمالك ، هو فيه بشر كدة .
———
دخل احمد لشغف وشهد
حضن شهد وقال : مبروك يا حببتي ، يارب دايما اشوفك مبسوطة
شهد : الله يبارك فيك يارب
احمد: لو احتاجتي اي حاجة او لو حصل اي حاجة انا موجود و شغف موجودة
شهد : طبعا من غير ما تقول
احمد اخد ايديها في جانب وشغف في جانب التاني ونزلوا
عمر واقف مبهور بجمالها وحبه ليها بيزيد كل يوم اكتر عن اللي قبله .
مسك ايديها ودخلوا للمأزون وكتبوا كتب كتابهم ، واشتغلت المباركات من الجميع .
عُدي همس لاحمد : بقولك هي ام منة فين
احمد بضحك: ليه هتتجوزها ولا ايه
عُدي بجدية : بصراحة اه
صدم احمد : انت بتتكلم بجد
عُدي بابتسامة : بصراحة خطفت قلبي وقررت اتجوزها دي غرقتني عصير
ضحك احمد وفرح جدا بصاحبه : مبروك اخيرا بجد فرحتلك وقد ايه اتحايلت عليك لو اعرف منه هتعمل فيك كدة كنت خليتك تقابلها من زمان
ضحك عُدي : اخلص هي فين
احمد شاورله عليها
مشي عُدي وقعد جانب مامته وقال – امي مش انتي عايزة تشوفي ابنك عريس
ابتسمت مامته = اكيد يا حبيبي ، قولتلك شاور وانا اخطبهالك
عُدي – وانا هشاور فعلا .. بصي البت اللي هناك دي انا هتقدملها دلوقتي
مامته باندهاش = دلوقتي ازاي يعني يا مجنون انت
عُدي – زي ما سمعتي مش هي عجبتك
= اه شكلها عسولة وامورة ومؤدبة
– حلو المهم رضاكي .. انا هاروح اتقدملها دلوقتي وانتي اتفرجي
ضحكت بصوت عالي = يعني يوم ما تتجوز تتجنن روح يابني ده انا ما صدقت .
عُدي قرب من مامت منة وقال -حضرتك مامت منة
= ايوة خير ، هي عملت حاجة
ضحك وقال – لا او اه بصي بنتك غرقتني عصير وبهدلتني
صدمت مامت منة = يا خبر يا حبيبي حقك عليا انا .. هي طايشة كدة علطول دايما مغلباني
عُدي – ماهو عشان كدة بقي انا مش هخليها تغلبك تاني
= مش فاهمة
– انا طالب ايد منة وامي قاعدة هناك اهي مستنية موافقتك نيجي اتقدملها في الوقت اللي تحدديه
مامتها بفرح = حبيبي تيجوا في اي وقت طب اسال منة الاول طيب
عُدي بسرعة – لااا خليها مفاجأة عشان خاطري
= طيب طالما كدة تيجوا في اي وقت تنوروا
———-
شغف واقفة في المطبخ حاسه بحزن علي حالها قد ايه كان نفسها في فستان و خاتم و فرح وحاجات كتير متحققتش .. وبدأت تدعي لشهد بالسعادة
دخل احمد وقرب منها وقال بقلق – مالك يا شغف
= مفيش بس كنت جاية اشرب
-عشر دقايق بتشربي
=عشر دقايق اشمعني
-انا شوفتك دخلتي المطبخ واتاخرتي كل ده بتشربي
ضحكت شغف = يالهوي منك ، انت مراقبني بقي
احمد – قلبي اللي مراقبك ، انا بحبك اوي يا شغف بعشقك بجد
حضنته شغف بحب – وانا كمان بحبك اوي
———
فات اليوم بلحظاته السعيدة وخرج عمر وشهد يتعشوا برة
عمر : بجد مش قادر اوصفلك سعادتي وانتي بقيتي ملكي، بحبك
شهد بكسوف : وانا كمان
ابتسم عمر : وانتي كمان ايه
شهد: وانا كمان وخلاص
ضحك عمر : لا قولي وانتي كمان ايه لازم
شهد بكسوف : وانا كمان بحبك
عمر : بعشقك والله
شهد.: عمر كنت عايزة اسال سؤال
عمر: عارف سؤالك .. لما تخلصي امتحانات هتعرفي كل حاجة بقي بلاش تحرقي المفاجأة
———–
في البيت احمد طلع يغير هدومه وشغف تحت بتجهز العشا .
جرس الباب رن
خرجت شغف تفتح لقت بوكس صغير علي الباب وملقتش اي حد
اترددت شوية وبعدها فتحته واتصدمت …
يتبع..
لقراءة الحلقة الثالثة والعشرون : اضغط هنا
لقراءة باقي حلقات الرواية : اضغط هنا