رواية خدعة حب الفصل الأول 1 بقلم أمنية حاتم

رواية خدعة حب الفصل الأول 1 بقلم أمنية حاتم

رواية خدعة حب البارت الأول

رواية خدعة حب الجزء الأول

رواية خدعة حب الحلقة الأولى

 

كارما: يعني انا اسمع مشاكل الناس واحلها كمان، مين بقا يسمع مشاكلي انا!!!
كريم: هو انا قصرت معاكي في حاجه يابنتي
كارما: طب ما انت المشكله أصلاً احكي لمين انا دلوقتي بقا؟
كريم بضحك: تدخلي تشوفي المريضه اللي جوا وبعد كده نقعد وتشكيلي مني زي مانتي عاوزه
كارما: اتفقنا… وكمان تعزمني علي الغدا
كريم: موافق وأمري الله
( كريم دكتور نفسي عنده 28 سنه هو ابن خالتي واخويا وصحبي… وانا من كتر تعلقي بيه دخلت نفس تخصصه علشان يذاكرلي ومن حظي الحلو اتعينت في نفس المستشفى وبيقنا مع بعض كل الوقت
معنديش صحاب كتير واهم ناس في حياتي ماما وفاطمه اخته وخالتو)
كريم: قولولي بقا مضايقه ليه

 

 

كارما: مشكلتي إني بتأثر بمشاكل المرضي
كريم: بس ده غلط، المفروض تفصلي نفسك وانتي بتسمعيهم علشان تعرفي تتعاملي معاهم كمان
كارما: انا عارفه الكلام ده
بس لما اسمع البنت وهي بتقول انها مكنتش راضيه تفتح قلبها لحد ويجي واحد يفضل يلف وراها ويقتحم حياتها ووقتها ولما تتعود عليه وتحبه يقرر فجاءه يسبها في نص الطريق تايهه ومش عارفه تكمل حياتها لدرجه أن جالها اكتئاب وجت المستشفى مبعرفش اسيطر علي مشاعري
كريم: هي حاجه صعبه فعلاً
كارما: انتو كلكو كده لما نهتم بيكم ونحبكم تتغيرو علينا وتبعدو
كريم بضحك: طب انتي بتجمعي ليه دلوقتي
كارما: هو كده
كلكم مصطفى ابو حجر اصلا
كريم: طب بالنسبه اني خرجتك من يومين

 

 

البيتزا اللي هعزمك عليها دلوقتي دي!!!!
كارما: لأ بس انت برضو اكيد مش هتكون زيهم…. اكيد لسه فيه ناس كويسه في الدنيا
كريم بهزار: ايوه كده ركزي في كلامك
كارما: بس ده ميمنعش انكم غد”ارين برضو
كريم: طب قومي شوفي شغلك بقا ومش هتروحي قبل معادك زي كل يوم هااا
بصيتله بغيظ وقومت: ربنا علي الظالم والمفتري
طول عمري شايفه أن مفيش حد يستاهل نوجع قلبنا علشانه او حتي نندم عليه، لكن لما بقيت دكتوره نفسيه وشوفت وسمعت الناس إللي بتوقف حياتها بعد الفراق او الوجع من الحبيب وانهم حبو اخلصو لكن مكنش فيه مقابل لكل الإخلاص ده غير الوجع والخيانه نظرتي للحياه وللعلاقات اتغيرت تماماً وبقيت بتأثر بمشاكلهم جدا
كارما: مااااااما يا ناس ياللي هنا
صفاء: اهلاً بالازعاج ودوشه البيت
كارما: لا لا متمدحيش فيا

 

 

 

صفاء: نفسي اعرف بتدخلي البيت تعلي صوتك ليه
كارما: جعانه وزهقانه وهبطانه
صفاء: مش انتي قولتي عاوزه ابقا استرونج واعتمد علي نفسي؟؟
كارما: حصل
صفاء: يبقا متشتكيش بقا
كارما: يعني اكبت في نفسي واموت
ده انتي حتي مليكش عيال غيري
صفاء: طب ادخلي يا لمضه غيري علشان خالتك هتنزل تتغدا معانا
كارما: حلوو ونسهر مع بعض بقا
احنا عاشين في عماره واحده في دايما نازلين وطالعين عند بعض
فاطمه: هموت من الجوع يا صافي
صفاء: انا خلصت الاكل اهو… ادخلي نادي كارما من جوا
فاطمه: كارمااااااااا
كارما: انتي بتنادي علي واحده تايهه
كريم: متتريقش علي الناس وانتي بتعملي زيهم هااا
كارما: يابني احترمني شويه… وبعدين انت جاي تاكل عندنا ليه
كريم: ده بيت خالتي واجي براحتي
صفاء: طبعاً براحتك يا حبيبي
كارما: يعني انتي بتدافعي عنه وانا واقفه
انا إللي بنتك يا صافي علي فكره

 

 

 

صفاء: وهو كمان ابني وتربيتي
ناديه: سيبك منهم هما بيعاندو مع بعض ويتصلحو لوحدهم تاني
قعدنا ناكل ونهزر وانا هو زي القط والفار ومحدش فينا بيسيب للتاني كلمه
عملت الشاي ودخلت البلكونه اشوف ملفات المرضي الجداد
كريم: هتخلصيهم كلهم انهارده!!!!
كارما: ااه
علشان المدير بتاعي رخم اووي بعيد عنك
كريم: ده انتي متغاظه منه بقا
كارما: اصله مستفز وبارد كده
كريم: احم احم المهم انه بيعلمك
احسن حاجه اننا بنفصل الشغل عن علاقتنا هو في المستشفى مديري وفي البيت صاحبي اللي بحكيله وبشكيله كل حاجه
فاطمه: عامله إيه يا استرونج
كارما: متطرمطه يا حبيبتي
فاطمه: طيب سيبك من الشغل ده وقوليلي نفسك في إيه واحنا في الجو الحلو ده
كارما: نفسي اتجوز واحد صعيدي كده يقولي معندناش بنات تشتغل ويهتم بيا ويفرحني كده

 

 

كريم: هو ده اقصي طموحك!!!
كارما: مكلش دعوه انت دلوقتي علشان انا متغاظه منك من الصبح
كريم: والله حاسس بكده
كارما: لأ اتأكد يا اخويا
واقف تتضحك وتهزر مع رضوي وتيجي عندي انا وتعاملني برسميه وتزعق حسبي الله
كريم بضحك: علشان انا بعلمك ومينفعش اتساهل معاكي علشان محدش من زمايلك يقولو ان في وسطه وكده
كارما: ياااسلام، طب اشمعنا هي بقا
كريم: علشان انا مش مديرها وكمان احنا وزمايل من زمان اقتنعتي بقا!!
كارما بعند: لأ برضو
كريم: خلاص ياستي بكرا اجازه وهخرجك
كارما بفرحه: بجد والله!!!
كريم: اه والله
فاطمه: طب وانا يا حلو انت وهي
ده انا حتي اختك
كارما: هتيجي طبعا
وكمان هيعزمنا علي كريب
كريم بهزار: اركي توزعي من مالك

 

 

كارما بضحك: لأ هو مالك انت
بس انا قررت خلاص
اكتر واحد بيعرف يفرحني وضحكني من زمان وهو مهتم بيا وبيخرجني من اي مود وحش.. رغم اننا بنعاند مع بعض بس كل اسرارنا مع بعض برضو
كارما: عاوزه حمص الشام وايس كريم
كريم: هتاكليهم مع بعض ازاي يعني
كارما: ملكش دعوه انت، انا بحبهم
كريم: يا شيخه ده انتي بطنك هتدعي عليكي
كل حاجه مجنونه وغريبه بعملها معاه وهو بيطاوعني ويتجنن معايا عادي
فاطمه: تيجو نروح نقعد في كافيه
كارما: لا عاوزه اركب مركب في النيل
فاطمه: هي فكره حلوه بس انا بخاف
كارما بتلاقئيه: طالما كريم معانا يبقا متخافيش
كريم بإبتسامة: يبقا يلا نروح يا كارميلا
فاطمه: يعنى هي تقولها يا كارميلا وانا تقولي يا بطه!!!!
كارما بضحك: ده انتي احلي بطوط في الدنيا
روحنا ركبنا مركب شكلها حلو اووي ولقينا مركب تاني كبيره فيها انتين مخطوبين تقريبا وبيتفسحو
كارما: الله شكلهم حلو اووي
عارف انا لما اتخطب مش هعمل فرح كبير وقاعه وكده
انا هخليه يخرجني ونركب مركب ونفرح كده

 

 

 

كريم: فكره حلوه والله
بس ياتري هو هسمع كلامك!!!
كارما: طالما بيحبني يبقا هيحب هيفرحني
فاطمه: عندك حق…. ولو مواقفش كريم يبقا يقنعه بقا
كارما: حلو اوي كده…عملنا عصابه عليه قبل ما يجي يا عيني
كملنا الخروجه واتمشينا وضحكنا وروحنا علشان لازم نصحي بدري بكرا
فاطمه: احنا كده عرفنا هتعملي فرحك انتي وكريم فين
كارما: إيه الكلام ده
كريم زي اخويا
فاطمه بغمز: عليا انا برضو الكلام ده
كارما: هو انا علشان بحكيله وبهتم بتفاصيله وبحب اشوف ضحكته وبزعل علي زعله وبحب اخرج معاه يبقا بحبه!!!
فاطمه: لا مش بتحبيه خااااالص
كارما: اطعلي كلمي ناديه يا فاطمه علشان انا عندي شغل الصبح
دخلت اغير هدومي وانام بس كلام فاطمه شغل بالي
هو انا ممكن اكون بحبه بجد!! ولا ده تعود علشان متربين مع بعض وانا مليش حد غيره اصلا!!!
قررت انام واسيب الافكار دي عشان لو اتاخرت الصبح هينفخني
صحيت متأخر برضو ونزلت بسرعه منغير فطار وهو انهارده هيروح قبلي علشان فيه اجتماع وده من حسن حظي علشان ميزعقش
كريم: صباح التأخير
كارما: يا صباح الروقان
اصلا انت كنت في الاجتماع ف متزعقش بقا
كريم بضحك: ماشي هعديها المره دي
بدءت اشوف الحالات واسلم شويه تقارير وانا ماشيه شوفت كريم واقف مع رضوي ومبتسم كده

 

 

كارما لنفسها: هي بتقوله نكت ولا إيه
والله ل انكد عليك ياابن ناديه
دخلت اعمل نسكافيه وعملتله معايا علشان مياخدش بتاعي
كريم: بتحسي بيا والله
كنت جاي اعمل نسكافيه
كارما: عد الجمايل
كريم: انا كنت عاوز اقولك حاجه مهمه
كارما: إيه!!
كريم: انا عاوز اتقدم واطلب ايد رضوي
كارما………

 

يُتبع ..

 

• لقراءة الفصل التالي : اضغط هنا
• لقراءة باقي حلقات الرواية اضغط على (رواية خدعة حب)