رواية خدعة حب الفصل الخامس 5 بقلم أمنية حاتم

رواية خدعة حب الفصل الخامس 5 بقلم أمنية حاتم

رواية خدعة حب البارت الخامس

رواية خدعة حب الجزء الخامس

رواية خدعة حب الحلقة الخامسة

كريم و رضوي في نفس الوقت:ليه؟؟
ضحكتنا كلنا ومازن قال: علشان هخطب
رضوي: مين بقا
مازن: لأ مش هقول مين
لكن انا نفسي اخطب واستقر كده
كريم: امم ربنا يوفقك
رضوي:طيب هنسيبكم بقا علشان نلحق نمشي ونتغدا
مازن: طيب يلا احنا كمان نتغدا علشان انا مش جعان خااااالص
كارما بضحك: يلا بسرعه
________________________________
رضوي: تعال نروح المطعم اللي انا بحبه،قولتلك كذا مره مش بحب قعده الكورنيش ولا الأماكن اللي فيها ناس كتير دي
كريم: بس انا بحبها وبحس براحه وسعادة فيها
رضوي: خلاص بقا يا كيمو تعالي نروح المطعم ده المره دي علشان خاطري
كريم بإبتسامة: من عنيا
رضوي: انت مش بتفكر تغير عربيتك!!
كريم: لأ، اغيرها ليه؟
رضوي: عادي يعني، تجيب موديل احسن وشكل واحلي
كريم: يابنتي احنا داخلين علي جواز يعني المفروض نوفر فلوس مش اسرف فلوس ملهاش لازمه
رضوي بدلع: ايوه صح عندك حق
كريم: أي رايك البس في فرح زميلي كاچول ولا بدله
رضوي: البس اي حاجه مش هتفرق
كريم: طيب انهي احلي فيا
رضوي: اممم البس بدله هتكون حلوه عليك
كريم: تمام… يلا نطلب الاكل بقا
رضوي: هطلب انا علي ذوقي المره دي
كريم بإبتسامة: ماشي يا حبيبتي
_______________________________

اليوم كان حلو اوي مع مازن وهزارنا وفضلنا نتمشي شويه خرجت الطاقه السلبيه
فاطمه: أهلاً بالهانم إللي مبقتش تسأل عليا
كارما: ده انا مقدرش استغني عنك يا بطوط
فاطمه: بس بس ده كلام منغير أفعال
ده حتي دور البرد قاعد معايا بقالو اسبوع وتقريبا كده حب المناعه عندي وأنتي مفكرتيش تتطلعي تزوريني ب اتنين كليو سفندي
كارما بضحك: حاضر هجبلك سفندي وبرتقان كمان واطلع اكلهم معاكي
قفلت معاها واخدت الشال وقولت ماما اني هطلع وهي تبقا تطلع براحتها
كارما بهزار: مساء الخير يا خالتو فين بنتك المرضيه
ناديه بضحك: قاعده في الاوضه مع المناديل والعصير
كارما: سالخير يا بطوط
فاطمه: سالنور ياللي بتحبي الشتا والجو التلج ده سالنور ياختي
كارما: خليكي انتي في الصيف وتلزيقه ده
فاطمه: انتي تسكتي خالص بدور البرد اللي لزق فيا ده زي ما رضوي لزقه في كريم كده
كارما: طب وانتي مضايقه كده ليه
فاطمه: يابنتي دي بتتصل تقوله صباح الخير تاخد ساعه
لو هتقوله تصبح علي خير تاخد ساعه برضو…. اييييه دي هي جمله واحده
كارما بضحك: حلاوه البدايات بقا
فاطمه: دي خلصت محل الحلويات كله…
تقريبا كده حكيتله عن ذكريات الطفوله كمان
كارما: يمكن بتحبه اوي وبتكلمه عن تفاصيل او ترتيبات الفرح
فاطمه: اسكتي يا كارما بدل ما اعطس في وشك اسكتيييي
سمعت صوت كريم برا والغريب اني محستش بأي حاجه يعنى مزعلتش ولا فرحت بوجوده…كنت عاديه
كريم: ممكن ادخل ولا بتقولو اسرار
فاطمه: لأ تعالي انت زي اخويا برضو
كريم بهزار: الله يكرمك والله
انا هعمل نسكافيه اعملك معايا يا كارما!!!

كارما: اه ياريت انا مشربتش انهارده
مشي خطوطين ورجع بصلي تاني
كريم: فرح إسلام صاحبي بكرا ومحتار البس كاچول ولا بدله
فاطمه: لأ انا مليش دعوه ب الحاجات دي
كريم: أي رايك يا كارما
كارما بتفكير: البس القميص الابيض وبنطلون چينز وعليه چاكت البدله اللي اشتريته معاك
كريم: حلو اوي كده
هعملك احلي نسكافيه يا كارميلا
قعدنا نتكلم ونضحك وخلصنا السهره ونزلت نمت ع طول
كارما: صباح الخير ياهدي
معلش ابعتيلي فنجان قهوه علي اوضه اسيل
هدي: حاضر يا دكتوره
كارما: صباح الخير يا قمر
أسيل: صباح النور
كانت قاعده وضمه رجلها ورميه الألوان والكتب علي الارض بعيد عنها
كارما: مالك؟ حاسه ب إيه؟
أسيل: مش حاسه ومش عاوزه حاجه
كارما: طب بتفكري في ايه؟؟
اسيل: بفكر أنا ليه بيحصلي كده؟ ليه عندي كل المشاكل والامراض النفسيه والجسديه دي؟ عندي اسئله كتيره ملهاش أجابه…تقدري انتي تقوليلي اجابه؟
كارما بهدوء: مش كل حاجه بتحصلنا بيكون ليها أجابه مباشره ومش كل حاجه لازم نعرف إجابتها… بس اكيد هتتعوضي خير عن كل اللي انتي مريتي بيه
أسيل: انا مبقتش فاهمه حاجه ولا عندي شغف ل حاجه…انا نفسي ارتاح
هي دي حاجه صعبه؟؟
كارما: مفيش حاجه صعبه علي ربنا هو اللي عالم بيكي ومُطلع علي قلبك
﴿‏إِنَّ اللَّهَ عَلِيمٌ بِذَاتِ الصُّدُورِ﴾

أسيل بهدوء: طب ليه بيحصلي كل ده؟؟
كارما: اوقات كتير ربنا بيكتب علينا اقدار منتوقعش اننا نعيشها او نتحملها
بس بعد كده بنشوف رزق وفرج مكُناش نتوقعه برضو…فلازم نحمد ربنا في كل الاحوال
أسيل: الحمدلله
وانا هكمل وهقاوم علشان رزقي وسعادتي تكون اكبر
كارما: خلي فاكره الآيه دي:
“يُؤتِكُم خيرًا مما أُخذَ منكُم” ف متزعليش علي اي حاجه راحت منك
أسيل بإبتسامة: حاضر
مريض الاكتئاب بيكون محتاج صبر علشان بيكون كل يوم بل كل ساعه بحاله مختلفه
واوقات بيغلب عليه اليأس في كل حاجه ف بيحتاج يسمع كلام يهدي تفكيره وتطمن قلبه شويه…المهم انه يخرج الكلام اللي جواه ويلاقي حد يطبطب عليه ويفهمه….
مازن: تيجي اخطفك ساعتين وارجعك تاني
كارما بإبتسامة: اه موافقه بس ترجعني بسرعه لو سمحت
مازن: متخافيش هخطفك واشربك حاجه وارجعك تاني
خرجنا وساب العربيه بتاعته وفضلنا نتمشي ونتكلم في حاجات ملهاش علاقه ببعض
كارما: هيحصل إيه يعني لما اكون بحب شغلي وفي نفس الوقت بحب الراحه الروقان وقعده البيت الرايقه
مازن: طب وهيحصل إيه يعني لما اقولك اني بحبك ونفسي اقعد معاكي في قعده البيت الرايقه
كارما…………….

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية خدعة حب)