رواية 30 يوم حياة الفصل التاسع والعشرون 29 بقلم أميرة اسامة

رواية 30 يوم حياة الفصل التاسع والعشرون 29 بقلم أميرة اسامة

رواية 30 يوم حياة البارت التاسع والعشرون

رواية 30 يوم حياة الجزء التاسع والعشرون

رواية 30 يوم حياة الحلقة التاسعة والعشرون

الموت صعب بس هوحقيقه ولاكن الاصعب من الموت هو الفراق …..الفراق بشع أحساس صعب اوي لما يوحشك أكتر حد كان قريب من قلبك وفجأه ومن غير مقدمات يروح منك و تتحرم من أنك تشوفه او تلمسه او تسمع صوته أحساس صعب لما تقضي فتره طويله وعمر تاني خالص وسنين كتير مع حد بتحبه وفجأه اللي يبقالك منه شويه ذكريات علي حبه صور علي أسمه اللي بي يتذكر كل أعده او تجمع بجمله من كلمتين لا بتوجع اوي (الله يرحمه) علي أد ما اغلبنا يتمني الدعوه دي لما يروح لاكن علي اد ماهي بتوجع اوي اللي عايش احساسها صعب نطقها اصعب الفراق لعنه بتصيب العايش و بترحم اللي راح..💔
…………
عدي أسبوع علي موت كريم وفضل العزاء مستمر 3 ايام سواء في بيت حاج سعيد وتوافد الناس عليه لتقديم واجب العزاء لوالدته او فالشارع ماكنش حد بيفوت يوم ميروحش ولا يعزي الناس كانت كتير اوي حاله من الحزن اللي سيطرت علي كل الناس مش بس المقربين ليه…موت كريم كان بمثابه صدمه كبيره عالكل مكنش حد أبدا يتوقعها الكل كان في حاله توهان وصدمه غريبه أصحابه كانوا في حاله لا يرثي لها صدمه علي زهول علي توهان علي عدم إستيعاب الصمت كان ملازمهم مكانوش بيعملوا أي حاجه غير أنهم حابسين نفسهم في أوضهم ومعتزلين الناس غير اول ثلاث أيام كانوا يخرجوا يستقبلوا الناس لحد ما العزاء يخلص ويدخلوا علي بيوتهم من غير ولا كلمه مع اي حد كان واضح عليهم التعب والحزن قله أكل الهزيان دقنهم طولت وشهم بهتان مكانوش قادرين يصدقوا أنهم خلاص نقصوا واحد حالتهم كانت صعبه ولكن اصعب حاله فيهم كانت عامر اللي مش بيتكلم مع اي حد موبايله مقفول مش بيخرج من أوضته حتي بعد عزاء اول يوم ما نزلش معاهم باقي الايام كان حابس نفسه في اوضته ديما نايم ولو صاحي قافل علي نفسه ومش بيكلم اي حد مطفي الانوار والشبابيك كان شبه منقطع عن الطعام دموعه مش بتقف
مش قادر يقف علي رجله وكأنه أصبح من شاب مليئ بالطاقه والحيويه لأنسان شبه عايش لشخص حوله الحزن الي شخص كبير فالسن.

 

 

أما…في بيت حاج سعيد
كانت والدته دموعها مش بتقف والحزن كسر ضهرها لاكن كانت بتحاول تقاوم علي امل انها تلتقي بيه فالجنه
حاج سعيد…علي اد حزنه اللي كان بيحاول يداريه عن الكل لاكن كان ربنا مديله قوه تحمل وصبر كبيره مكنش بيقول اي حاجه غير الحمد لله
عادل ….كان في حاله إكتئاب شديد لاكن كان بيحاول يضغط علي نفسه عشان والدته ووالدته ومنار
اللي كانت حالتها تشبه الي حد كبير حاله عامر واللي تعبت مرتين وجابولها الدكتور بسبب قله الاكل والحاله النفسيه اللي كانت فيها…اما عن الحاله اللي كانت في كل بيت مكنش فيه غير صمت ودموع وحزن مكنش في حد فالشارع من محلات لبيوت مش مشغليين قرآن طول الوقت..وفجأه أنطفت فرحه الشارع وبهجته واتحول الشارع لمعزي كبير ولحاله حزن اكبر ودعاء مستمر لكريم بالرحمه وأتفق كل الشارع علي صدقه يوميه تطلع من كل بيت يوم علي روح كريم المقتدر واللي حاله علي أده كان الكل بيشارك…راح كريم وفضل منه السيره الطيبه الجدعنه الحنيه والرحمه وفضلت صورته متعلقه بطول بيت حاج سعيد …..عاش جدع ومات شهيد…💔
……..
حضرت توته الغدا دخلت لأدهم كان اعد علي كرسي ومطفي النور ودخان السجاير ماللي الاوضه.
فتحت توته النور وهي بتكح
توته….ادهم كفايه سجاير ياحبيبي صدرك هيتعب كده الاوضه مليانه دخان
أدهم ساكت ولا بيرد ولا بيعلق جسمه هزيل وعضلاته مختفيه دقنه طولت اكتر والحزن مالي عنيه وبمجرد ما سمع توته مسح دموعه بسرعه
راحت توته فتحت الشباك
وراحت أعدت عالارض ادامه
توته…بصوت باكي أدهم انا مش قادره أشوفك كده كفايه ياحبيبي انت كده هيجرالك حاجه.
أدهم…………

 

 

توته…رد عليا يا أدهم انا عارفه أنك حزين علي كيمو وحاسه بالوجع اللي في قلبك كريم كان غالي عند الكل والله يا ادهم انا كمان مصدومه زيك مش قادره أصدق أن كريم راح من وسطنا فجأه كده.. بس لحد امته ياحبيبي صحابك كلهم حالتهم تصعب عالكافر انت الكبير يا ادهم المفروض تروح تاخدهم في حضنك وتقويهم وتخليهم يقفوا علي رجلهم من تاني الدنيا لازم تمشي يا ادعم ياريت الوجع والحزن والدموع بيرجعوا غالي كان زماننا مبطلناش ولا وجع ولا حزن ولا دموع بس اللي راح مش بيرجع يا ادهم قوم عشان خاطري وفوق صحابك من الحاله اللي هما فيها كل واحد فيهم قافل علي نفسه الكل منهار يا ادهم عامر ميت علي كريم ويوسف حالته صعبه وزين مبيطلعش من اوضته ولا بيكلم حد عادل اخوه لازم تقفوا جمبه وتقوه حتي صالح ولاحه مش بيفتحوا قهوتهم وقافلين علي نفسهم فات 8 ايام يا ادهم وحالتكم زي ماهي قوم يا ادهم احنا اتعودنا عليك كبير وبتلم انتوا كنتوا بتسندوا بعض والوقت كلكم وقعتوا لازم حد فيكم يقوم يا ادهم ويقوم الباقي
أدهم…عيزاني أعمل ايه ياتوته كريم راح من وسطنا فجأه اللي جوايا وجواهم ياتوته مش ممكن تقدري تفهميه انا عايز اعمل حاجه ومش عارف ايه هي عايز اخرج من الحاله دي ومش قادر عايز اصرخ لحد ما احس ان كتله الوجع اللي فوق قلبي دي أتشالت حاسس ان في نار جوه صدري مش قادر أطفيها
توته…اصرخ يا ادهم عيط قوم طلع اللي فيك ده في اي حاجه أنشالله حتي تكسر البيت ده كله كسره يمكن ترتاح
نزلت دموع ادهم….كريم كسرنا كلنا يا توته انا عايز اعمل اللي بتقولي عليه ده عايز اروح اقف معاهم بس مش قادر انا حتي معرفش عنهم اي حاجه مسمعتش صوتهم من خمس ايام ياتوته هتكلم اقول ايه مش قادر معنديش حاجه اقولها
قامت توته وخدته في حضنها فضل ادهم يعيط بصوت كله وجع
أدهم…كريم راح يا توته كريم سابنا ومش راجع تاني
توته…عيط يا ادهم
ادهم….كريم مات يا توته.
توته…بعياط عيط يا ادهم
أدهم…كرييييم اااااااااه ااااااااه💔
فضل ادهم يصرخ ويعيط لحد ما هدي ونام في حضن توته وهي فضلت تعيط وتمشي ايديها علي شعره وتقرأله قرأن
……………..

 

 

في بيت يوسف
كان اعد تحت الشباك قافله ويادوب شعاع نور بسيط داخل منه ودموعه نازله
جت روحيه بحزن .
روحيه….يوسف
مسح يوسف دموعه بسرعه وهو بيبتسم بحزن أيوه يا اما ايه ياحبيبتي عايزه حاجه عايزه تاكلي
روحيه….لا يا حبيبي عيزاك طيب عايزه اشوفك كويس
يوسف…انا كويس يا ست الكل فيا ايه بس انا زي الفل اهو
روحيه…..بدموع أعدت جمبه هو انت فاكرني مش حاسه بيك ياولا وبحزنك ولا شايفني كبرت وخرفت خلاص ومبقتش اعرف انا كمان احزن علي فكره انا عارفه انك زعلان علي كريم وموته مأثر فيك
يوسف….بحزن نزلت دموعه انا قلبي واجعني اوي يا أما حاسس ان هيجرالي حاجه
روحيه…بعد الشر ياواد ماتقولش كده
يوسف….احضنيني ياأما
روحيه…خدته في حضنها تعالي ياحبيبي
نام يوسف علي رجلها زي الاطفال وهو دموعه نازله
روحيه…فضلت تمشي ايدها علي شعره..انا اول مره أشوفك عامل كده انت ياواد علي طول بتضحك وبتفرحني
يوسف….كريم راح وهد الضحكه معاه يااما خد كل حاجه حلوه معاه
روحيه…ادعيله يا ابني وبعدين انت لو بتحبه بصحيح مش هتعمل في روحك كده هما مش بيقولوا الميت بيحس يعني هو كده حاسس بيك واكيد زعلان عليك يرضيك تزعله قوم ياحبيبي وارجع لشغلك يمكن يلهيك شويه كلم صحابك اعد عالقهوه اخرج اعمل اي حاجه….عارف يا يوسف يوم مابوك الله يرحمه مات كانت حالتي نفس حالتك وفضلت علي حالتي دي شهر بحاله لحد ما حلمت بأبوك في يوم جاي زعلان مني ومش راضي يكلمني عشان الحاله اللي كنت فيها بعدها قولت لازم اعيش واكمل عشانك وربيتك وكبرتك الحزن في قلبي موجود بس قدرت وكملت حياتي وكملت بصوت باكي. عايز امك تبقي اقوي ياولا🥺
مسك ايدها يوسف وباسها وفضل نايم في حضنها ودموعه نازله💔
………..
في بيت حاج فاروق
نعمه….ماتقوم يا حاج شوف العيال دي

 

 

فاروق…سبيهم يانعمه العيال تعبانين
نعمه…يعني هنسيبهم كده دول مابيخرجوش من اوضتهم علي طول نايمين ولا راضيين يحطوا حاجه في بوئهم ولو ضغط عليهم يكلوا لقمه بالعدد عشان يريحوني مقطعين قلبي
فاروق…اللي راح يا نعمه كان صاحب عمرهم سبيهم الحزن هياخد منهم شويه وهيرجعوا يكملوا متقلقيش الحياه مش بتقف يا نعمه علي حد يمكن الحزن مش بيروح بس مع الوقت بيقل وكريم يانعمه يتحزن عليه
نعمه…قلب امه اتخطف من وسطنا من غير اي أنذار والله ياحاج انا قلبي واجعني عليه اوي انا بعتبره هو والشباب كلهم ولادي بس كنت عيزاك تكلمهم وتحاول تاخد بأيدهم وتقويهم
فاروق…حاضر يانعمه قومي نشوفهم
راح فاروق ونعمه خبطوا علي باب اوضتهم فتحلهم صالح
صالح…تعالي ياأبا ادخلي يا اما
دخلوا واعدوا جوه
فاروق….انا جاي اشوف ايه اخرتها معاكم
صلاح…خير يا ابا احنا عملنا ايه بس
نعمه…يا ابني معملتوش بس حالتكم دي صعبه لازم تحاولوا تخرجوا من الانتوا فيه ده
صالح….احنا تمام ياما اهو عايشين
فاروق…بص ياولاد احزنوا وخدوا وقتكم فالحزن بس عايز اقولكم حاجه عمر الحزن ياحبايبي ما بيرجع اللي راح لازم تحاولوا تخرجوا من الانتوا فيه ده عشان تقدروا تكملوا الدنيا ياما ياابني هتيجي عليكم وياما هتاخد منكم غاليين كريم مش هيبقي اول ولا اخر واحد دي سنه الحياه يابني ولو كل غالي علينا راح عملنا في نفسنا كده هنبقي الاسم عايشبن بس بروح ميته
صلاح…كريم مكنش اي حد ياابا كريم وجعنا ووجع الكل
فاروق…عارف كلما اتوجعنا عليه يا ابني بس لازم نقوم ونكمل
صالح….انا مش قادر ياابا حاسس ان الدنيا وقفت مره واحده حاسس انها بقت سوده اوي. كل ما اسرح مع نفسي احس اني مش قادر استوعب اللي حصل رافضه من جوايا مش قادر ارضي اعمل ايه طيب
فاروق…استغفر الله يا ابني لازم ترضي مينفعش تعترض علي قضاء الله
صالح….مش معترض يا ابا والله بس مش راضي ده غصب عني
نعمه…حاسه بيكم ياضنايا وحاسه بوجعكم اوي
صلاح….الوجع اللي جوانا يااما والله ماهتقدري تحسي بيه
فاروق…لا حاسيين با ابني واحنا اكتر حد يحس بيكم وبعدين ايه اعدين كل ده في البيت وقافلين علي نفسكم الاوضه انا مخلف رجاله مهما يشوفوا ومهما الدنيا تيجي عليهم يقفوا مينحنوش ابدا قوموا ياحبايبي روحوا زوروه اقرأوله الفاتحه طلعوله صدقه تنفعه ادعوله اختموله المصحف هو ده اللي كريم عايزه منكم ومحتاجله
نعمه….رحوا أساله علب ابوه علب امه علي صاحبكم واخوه اقفوا معاهم أملوا البيت عليهم حسسوهم انكم معاهم زي ما كنتوا ديما روحوا لصحابكم فوقوهم هما كمان
صالح….بدموع حاضر يااما
صلاح….ربنا يرحمه يارب💔
………………

 

 

في بيت أحمد العربي
دخل احمد ورحاب لهيما
احمد…وبعدهالك ياهيما
هيما…خير ياحاج
احمد…مش واخد عليك كده فين الهزار والضحك اللي كان ماللي البيت
هيما…عايزني اهزر واضحك ياحاج بعد ما حته مننا راحت
احمد…مقولتش كده ياابني بس كمان اللي انت عامله ده مينفعش واخوك كمان فوق حالته وحشه واصحابكم كلهم اللي بتعملوه ده مينفعش ده اعتراض علي قضاء الله يا هيما
هيما….لا ياحاج بس تقدر تقول ان الصدمه كانت فوق احتمالنا كلنا
رحاب….الله يرحمه ياهيما كريم كان جدع وطيب وكل الناس بتحبه وبعدين انت المفروض تفرحله انت مشوفتش حب الناس ليه اد ايه
هيما….شوفت كريم محدش كان بيكرهه ولا حتي حد كان زعلان منه هو عمره ما زعل حد اصلا
رحاب….انا بكلم شهد يا هيما عشان نروح لمنار سوا بتقولي ان عامر حالته وحشه اوي مش بيكلم حد ولا بيرد علي حد روحوله يا هيما اقفوا جمب بعض
هيما….حاضر
احمد…اسندوا بعض يا ابني انتوا ملكوش غير بعض ياحبيبي انا شويه ورايح اشوف حاج سعيد
هيما…ماشي ياحاج وانا هحاول انزل اشوفهم
احمد….ربنا معاك ياحبيبي ويصبركم ويصبر قلوبنا كلنا علي فراقه
………..
في منزل حسني.
شهد….ايهاب اعملك حاجه تشربها
ايهاب…لا ياحبيبتي شكرا
شهد…ايهاب انا عارفه ان كريم كان غالي عندكم اوي وغالي علينا كلنا بس انا خايفه عليكم يا ايهاب الحزن الانتوا فيه ده مش طبيعي قلبي واجعني علي عامر حاسه ان حصله صدمه لا قادر يتكلم ولا يرد ولا حتي بيعيط اخر مره شوفته بيعيط فيها كان يوم دفنت كريم ومن بعدها مش بيعمل اي حاجه غير باصص للسقف وساكت يا ايهاب احنا بنأكلكم بالعافيه وعامر بابا بيأكله وهو بياكل وانا حاسه ان هو اصلا مش معاه تايه عامل زي العيل الصغير او الانسان الالي
ايهاب….كريم وجعنا ياشهد كلنا انتي عارفه احنا صحابنا اد ايه ميتعدوش بس احنا العشره بالذات كنا كل حاجه لبعض…كريم وعامر ويوسف كانوا قريبين اوي لبعض وديما مع بعض ويمكن كريم وعامر اكتر كمان حقه ياشهد
يحزن ويتوجع اللي بينهم كان كبير وكتير الاتنين ضحكتهم وهزارهم كانت بتكمل بالتاني والوقت كريم راح انا عارف الوجع اللي بيمر بيه لان انا حاسه بس مش عارف اقوله ايه أذا كان انا نفسي مش مصدق ان كريم خلاص راح..
حسني جه فالوقت ده دي سنه الحياه يا ابني
عيش يا ابن ادم وعاشر علي أد ما تعاشر فا مسيرك تفارق الموت علينا حق يا ابني قوم ياحبيبي وخرج عامر من اللي هو فيه انا قلبي واجعني عليه ومفيش في ايدي حاجه اعملهاله خايف يجراله حاجه رافض الاكل ورافض الكلام جسمه نزل النص مش قادر يقف علي رجله
ايهاب…مسح دموعه حاضر ياحاج هدخله
حسني ..انا مش عايزك تدخله انا عايزك تكلم صحابك وخليهم يجوا وادخلوا اعدوا معاه
ايهاب…حاضر يا حاج
حسني…ربنا يا ابني يربط علي قلوبنا كلنا. ويصبرنا
شهد…يارب بابا انا شويه وهنزل انا والبنات نروح لمنار نشوفها انت عارف هي تعبانه ومركبه محاليل وحالتها وحشه اوي
حسني…طبعا يابنتي روحولها انتوا صحابها واخواتها اقفوا معاها يا بنيتي في محنتها خرجوها من حزنها
شهد…حاضر يابابا

 

 

حسني…انا قايم اصلي ركعتين لله وادعيلنا كلنا بالصبر.
……………
في منزل زين..
منه…ماما احنا هنفضل سايبين زين كده
مديحه….حاولت معاه كتير يا منه رافض اي حاجه
وعد…وانا كمان حاولت انا بقالي يومين اصلا مشفتهوش قافل علي نفسه بالمفتاح ديما
منه…انا بقيت اشوفه صدفه لو بس معدي رايح الحمام
مديحه….انا قلبي واجعني عليه اول مره اشوف زين في الحاله دي كريم وجع والله وكل افتكر اللي حصل احس اني تعبت وقلبي وجعني اكتر ودول بقي من يوم ما وعيوا عالدنيا وهما مع بعض ما بيتفارقوش واللي بينهم وبين بعض كبير وكتير حياتهم كانت كتاب كتاب مفتوح لبعض صعب ياولاد انا قلبي واجعني عليه بس مقدره الحاله اللي هو فيها وسيباه ياخد وقته فالحزن عشان يرتاح
وعد…ايوه ياخالتو بس كنان مينفعش نسيبه كده طول ماهو لوحده الحزن بيتجدد عنده لازم حد يحاول يشغله يضيع وقته
منه…وعد عندها حق ده ياماما حتي مش بيكلم صحابه قافل موبايله بكلم توته ادهم قافل موبايله هيما قافل موبايله وشهد بتقول عامر تعبان وهو وايهاب نفس حالتهم وبتقول صلاح قافل موبايله كلهم نفس الحاله لازم حد فيهم يقوم عشان يخرج الباقي
مديحه…كلهم مش مصدقين يا حبايبي الصدمه اكبر منهم بكتير
منه…طيب تعالي نشوف زين ونحاول معاه يمكن يقوم
وعد..كأنها ما صدقت ايوه ياخالتوا يلا
مديحه….امري لله تعالوا
خبطت مديحه واستنت الرد مكنش فيه رد فتحت الباب لقيته مفتوح كان ليل اعد عالسرير وساند ضهره علي ضهر السرير..
دخلت مديحه ووراها منه ووعد شافت وعد منظره بسرعه اتجمعت الدموع في عينها سايب دقنه عينه حمرا جسمه نازل وميختلفش حالته عن حالت صحابه
مديحه….عامل ايه يا حبيبي
زين…بخير يا امي
مديحه…يارب ديما
راحت منه اعدت جمبه وهي بتحاول تبتسم…احنا جايين نطمن عليك
أبتسم زي. بملامح باهته انا بخير يا حبيبتي
منه….احنا مبقيناش نشوفك غير صدفه يازين وحشتني
زين…معلش ياحبيتي انتوا كمان وحشتوني…كان زين بيتلاشي النظر في عين وعد مش عايزها تشوفه وهي كده
مديحه…ايه يازين هتفضل كده ياحبيبي انا مش متعوده اشوفك كده
زين….انا بخير يا امي ماقلقيش عليا
مديحه….انت مش شايف شكلك ياحبيبي ولا ايه عمر الحزن ما هيرجع اللي راح يا ابن عمري وانا مش واخده عليك كده انا بشوفك ديما الراجل بتاعنا القوي السند اللي بيحتوي الكل اللي بيعدي اي أزمه الراجل زينه الرجال اللي شال مسؤليه 3 ولايا في رقبته انا ومنه ووعد واتكفل بيهم في كل حاجه اللي ياما شاف من الدنيا من قساوه وكان بيعدي

 

 

زين…يارتها ياامي كانت كملت بنفس الطريقه كنت استحملت بس المرادي الدنيا داست اوي وقسيت اوي وخدت مننا واحد كريم راح مننا يا امي مش قادر انسي شكله وهو طالع من الميه مش قادر اصدق ان فات 8 ايام علينا من غير كريم مش متخيل ازاي هنتجمع من تاني ونأعد من غيره ازاي هنأعد ناقصين يا امي
مديحه…وحد الله يازين دي سنه الحياه يا حبيبي مفيش حد هيخلد فيها
زين…صورته مابتفارقنيش ياامي منظره مش قادر انساه مش قادر اصدق ان اللي كان ادامي ده كريم
مديحه….الوقت يا ابني هيخفف وجعك مش هينسيك طبعا بس الوجع شويه شويه هيخف الجرح لسه صاحي بس كفايه ياحبيبي عليك كده قوم انزل شغلك
زين…مش قادر ولا هقدر
مديحه…اعمل اي حاجه تانيه مش مهم الشغل المهم انك تلخم نفسك في اي حاجه تلهيك وتعدي يومك انت كده بتصعبها علي نفسك ياحبيبي
زين….حاضر يا امي انا كده كده كنت ناوي اروح اشوف عامر معرفش عنه اب حاجه من يوم الدفنه حتي الثلاث ايام اللي كنا فيهم تحت مكانش بينزل وانا عارف حالته الوقت
مديحه…ربنا يخليك ليهم يا زين انت صح مينفعش ياحبيبي تسيبه لوحده فوق يلا انت و صحابك روحلهم هما محتجنلك زي ما انت محتجلهم
منه….شهد بتقول انه هو تعبان اوي يازين
زين…عارف. كريم كان بالنسبه لعامر حجات كتير اوي وعامر عند كريم كان اكتر حد قريب منه
مديحه…خلاص انت روحله وعدي علي صحابك ياحبيبي وخدهم معاك رحوله واطلعه لعادل انتوا سايبينه هو كنان لو كان عامر كريم غالي عنده فا عادل يبقي اخو كريم واكيد موجوع نفس وجعه
زين…حاضر يا امي هروح
مديحه…واحنا شويه وهنروح لست فاطمه والبنات هيطلعوا لمنار عشان تعبانه اوي
زين…مالها

 

 

مديحه….دي تعبت مرتين والدكتور كان عندها اول امبارح ركبلها محاليل من قله الاكل والحزن
زين….ربنا يستر ويعدي الايام دي علي خير
مديحه…يارب ياحبيبي انا هقوم احضرلكم حاجه تاكلوها ومتقولش لا تعالي يامنه معايا وسيبي وعد مع زين تحاول تتكلم معاه شويه وتسليه
منه…حاضر يا امي
خرجت مديحه ومنه وفضلت وعد واقفه مكانها ولسه زين مش عايز يجيب عينه في عينها
راحت وعد بخطوات بطيئه لحد ما وصلت عنده وقفت ادامه ونزلت غصب عنها دمعه رفع زين عينه بصلها وهو من جواه حاسس انه خلاص عايز ينهار وماسك نفسه عشانهم وعشان مايشفهوش في حالته دي.
اتكلمت وعد وزين كان بيحاول ميبصلهاش وبيبص بعيد عنها ورجله مش مبطله هز..
وعد….مش متعوده اشوفك كده ولا حتي قادره اشوفك بالمنظر ده علي فكره انا عارفه انك بتحاول تظهر عكس اللي جواك عشان احنا منزعلش عليك بس ده مش صح يازين انت لازم اللي جواك ده يخرج عشان تقدر تكمل
بصلها زين…وهو بيحاول يمنع الدموع تنزل وابتسم
انا محتاجلك اوي ياوعد غمض عينه وفتحها وبمجرد ما غمضها نزلت دموعه فاللحظه دي
نزلت دموع وعد اكتر وبدون مقدمات قربت منه وهو اعد حضنته حضنها زين من وسطها وانهار وكانت المره الاولي اللي وعد تشوفه في حالته دي
بعد وقت عدي هدي خالص زين وحس براحه بسيطه
وعد فضلت تمشي ايدها علي ضهره
زين رفع نفسه ومسح دموعه
انا اسف يا وعد عارف اني مقصر معاكي بس والله انا تعبان اوي
وعد…اعدت جمبه ومسكت ايده انت عمرك نا قصرت معايا في اي حاجه انا بس مش قادره اشوفك كده يازين
زين….باس ايدها انا بخير يا حبيبي انتي بس ادعيلي
وعد….بدعيلك بس بردو مش عايزه اشوفك كده انا بستقوي بيك يازين ومقدرش اشوفك كده
خدها زين في حضنها طيب كفايه عياط صدقيني انا بخير بس كريم واجعني اوي والله العظيم بحاول استحمليني شويه
قامت وعد من حضنه…متقولش يا كده يازين مش معني اني عيزاك تكون احسن ابقي مضايقه انا بس خايفه عليك لاكن طبعا انت من حقك تزعل وتحزن كريم ميتعوضش انا عارفه بس انت لازم تقدر وتقاوم
زين….حاضر ياوعد
وعد….طيب اوعدني
زين…اوعدك بأيه

 

 

وعد…انك تقوم وتلف علي صحابك كلهم وتروحوا لعامر وتحاول تخرج انت وهما من اللي انتوا فيه ده
زين…بحب حاضر ياحبيبي اوعدك واسف عشان دي اول مره تشوفيني في حالتي دي
وعد….متتأسفش يازين وبعدين هو انت مضايق اني شيفاك فالحاله دي
زين….لا خالص ياوعد بس انا عارف انك عمرك ما شوفتيني ضعيف
وعد….وانا مبسوطه اني بشوفك في كل حالاتك يازين انا بحبك مهما مانت حالتك
زين…ربنا يخليكي ليا
وعد…ويخليك ليا يازين يلا قوم ياحبيبي اغسل وشك وخد شاور عشان تفوق
زين…مش قادر يا وعد
وعد…لا هتقدر وهتقوم يازين ومش هسيبك بالمنظر ده تاني ابدا نزلت دموعها تاني وهي بتحاول تقومه
أبتسملها زين وحاول يقوم معاها.
قام زين خد شاور وكل معاهم حاجه بسيطه وقرر انه لازم ياخد الخطوه ويعدي ياخد صحابه ويروحه لعامر
ومديحه ونعمه وسهير وناريمان والبنات بيجهزوا عشان يروحوا لفاطمه ومنار
لبس زين وخرج من باب شقتهم وهو مقرر يعدي علي صحابه واحد واحد

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية 30 يوم حياة)