رواية سلف و دين الفصل الخامس 5 بقلم سلطان زماني

رواية سلف و دين الفصل الخامس 5 بقلم سلطان زماني

رواية سلف و دين البارت الخامس

رواية سلف و دين الجزء الخامس

رواية سلف و دين الحلقة الخامسة

ابويا مسالش في عمي وحاولوا يعقالوه وهو ولا داري بحاجه
وقلبه قسي عليهم واختي جالها عريس واتخطبت وهما عرفو
مني انا وكانو مستنين أنه يعزمهم وكانو والله هيجو أنا كنت
بحب ابن عمي كمال بنا اعجاب واستلطاف وكلام من بعيد
لبعيد وفي الفترة دي اتعلقت بيه اكتر مكنش ليا حد ولا
صحاب وامي وأخواتي مش بيتكلمو معايا علشان أنا مش
راضية عن الي بيعملوه ده وابويا كلم كذا سمسار أنه عايز
يبيع الأرض وعمي عرف وجيه فضل يتكلم معه ويحاول معه
وامي وقفه ما بينه وبينهم وبتتكلم عن لسانه اخر ما غلب
عمي معه قاله طب بعهالي أنا ونخصم بس الفلوس الي
أخدتها اختك مني امي قالتلي واحنا مالنا يا اخويا حد ضربك
ع ايدك وقالها اديها حقها في الأرض

قالها ياستي انتي ايه ..خافي ربنا واعملي حساب ل اخرتك
خافي علي عيالك وع نفسك ليتردلك ده كله سلف ودين
ابويا قاله ماشي ياكمال الي تشوفه حاضر يا اخويا امي
بصتله حتة بصه عمري ما هنسها
عمي قاله انزل يا اخويا ليه حابس نفسك في البيت عدي عليا
نتكلم مع بعض والله ياحبيبي كله رايح وملكش خير غير فينا
طبعا امي تقريبا حبسه ابويا ب بمعلمه بتعمله اكل وحلويات
وموفراله كل حاجه بتجبله سجاير ولب ومعيشاه احلي عيشة
ولا اكنه عريس جديد
اول ما نزل عمي امي حلفت عليه أنه لو بعهاله ما قعداله فيها
ويطلقها واني مش بعد التعب وطفح الدم ده يخدها أقل من
تمانها علشان المحروسة أخته ادها فلوس

وعماله تزن عليه أنه يتصل بيه يقوله مش هبعهالك وأنه حر
يبيع لاي حد وبااعلي سعر كمان
وابويا باع الأرض وحط الفلوس في البنك واشترينا شقة
ومقولتش ل ابن عمي غير واحنا ماشين من الحته
عمي اتصل ب ابويا كتير وراح شقتنا القديمة ملقاش حد
كلمه وقاله انت بعت الأرض وعملت الي في دماغك برضو
قاله اه وأنه حر وأنه المفروض بفرحله اني اخو ارتاح
عمي قاله ترتاح ..يارب يا اخويا فعلا ترتاح زاي ما بتقول ربنا يهديك لنفسك وقفل
ابويا قال ل امي ع الي قاله عمي ..امي بصتلي وقالتلي
مفيش غيرك يابنت الكلبة الي بيوصل اخبارنا طب وحياة
امك لو وقفتي ع شعر راسك ما هجوزهولك وانا هعرف المك ازاي

يتبع..

• لقراءة الفصل التالي: اضغط هنا
• لقراءة باقي حلقات الرواية اضغط على (رواية سلف و دين)