رواية طفلتي العنيدة الفصل التاسع عشر 19 بقلم نانسي

رواية طفلتي العنيدة الفصل التاسع عشر 19 بقلم نانسي

رواية طفلتي العنيدة البارت التاسع عشر

رواية طفلتي العنيدة الجزء التاسع عشر

رواية طفلتي العنيدة الحلقة التاسعة عشر

جاك بتفكير: اممم كل دا حصل طيب قومي معايا
روز باستغراب: على فين
جاك وهو يسحبها من يدها خلفه: هنروح للي هيعرف يحل الموضوع دا
روز بعدم فهم: ومين بقى اللي هيعرف يحله
جاك بغموض : ادم
………………………💖…………………….
وعلى الناحية الاخرى في غرفة ادم دلفت نانسي الى غرفته بهدوء ولكنها لم تجده بها بحثت عنه جيدا في الغرفة ولكنها لم تجده ايضا لتنزل الى الاسفل وتقابل والدة ادم في طريقها
نانسي بتساؤل: طنط هو فين ادم دورت عليه كتير ملقيتهوش
والدة ادم بابتسامة: تلاقيه في اوضة المكتب يا حبيبتي
نانسي بابتسامة مرحة : تشكرات هطير انا بقى عشان عايزاه في حاجة مهمة
لتذهب نانسي الى غرفة مكتب ادم وتطرق الباب بهدوء ليسمح لها هو بالدخول
نانسي بمرح وهي تجلس امامه: اسملله عليا مؤدبة من يومي وبخبط قبل ما اقتحم المكان
ادم بسخرية: حصل انتي هتقوليلي
نانسي بمرح: ادم ياريت لما اكون بكلمك ماتبصش في الورق وانا لا مش عارفة انا قادر تقاوم جمالي دا ازاي
ادم بضحك وهو مازال ينظر الى الملفات امامه: جمالك ولا جمال عبد الناصر
نانسي وهي تنهض من مكانها لتقف امامه وتسحب هذا الملف منه بغيظ:لا مانا لازم اشوف الملفات اللي شاغلاك اووي كد
لم تكمل جملتها حيث قام ادم بسحبها من يدها لتقع هي بين احضانه وهو يجلسها على قدميه ليردف بابتسامة خبيثة وهو يرى علامات الخجل والصدمة على وجهها: كنتي بتقولي ايه بقى
نانسي وهي تنظر لعيونه الخضراء بتوهان: هااا

ادم بهيام وهو يقترب منها اكثر: هاا ايه بس
نانسي بابتسامة بلهاء: هي دي عينك ولا لينسيز
ادم بضحك وهو يزيل شعرها من على وجهها: لا لينسيز
لتظل نانسي تنظر له بنفس الابتسامة البلهاء تلك وهو يقترب من وجهها ببطئ حتى كاد ان ولكن قطع لحظتهم تلك خبطات على باب المكتب جعلت نانسي تبتعد عنه بخجل وهم يستفيقه من عالم الحب الذي كانه به منذ قليل (ايوة انا فصيلة وبحب اقطع اي لحظة رومانسية اعترضه بقى😂😂)
ادم بغضب فهو يعرف من الذي يطرق الباب هكذا: ادخل يا زفت
جاك بمرح وهو يدلف هو وروز : ياعم انا نفسي في مرة تحترمني خليت بريستيجي بقى في الارض قدام خطيبتي
ادم بغضب: مانت اللي بتيجي في اوقات غلط وبعدين عايز ايه خش في الموضوع على طول
جاك بتذكر : اه صح كنا عايزينك في موضوع محدش غيرك هيساعدنا فيه
ادم باستغراب: موضوع ايه دا
جاك بجدية: هقولك
ليحكي له جاك كل شيئ قالته له روز
ادم بتفكير : امم طب قومه معايا
نانسي بمرح: على فين بس يا محقق كونان
ادم بضحك: انتي تسكتي خالص ويفضل ماتجيش اصلا
نانسي بمرح:ولو ولو انا لازم اتحشر معاكم طبعا
ليضحك الجميع عليها ثم يذهبه جميعهم وراء ادم ليتوقفه فجأة امام مكتبة صغيرة نوعا ما موجودة في مكتب ادم
نانسي بمرح وتعجب: واو يا خطيبي ماكنتش اعرف انك بتحب القراية كدا انت كل يوم بتفاجأني يا جدع
لينظر لها ادم بثقة قبل ان يزيل كتاب معين لتنفتح هذه المكتبة ويظهر منها باب سري لغرفة صغيرة بلون الحائط تماما
نانسي وروز بأنبهار: وااااااو ايه دا
لينظره لهم ادم وجاك بضحك ثم يدلفه جميعا من هذا الباب ليتبين انها غرفة مراقبة سرية خاصة بادم
نانسي بأنبهار اكتر: واااااو ايه شغل المخابرات دا بس سؤال انت جايبنا هنا ليه يعني
ادم بغيظ من غباءها: هنلعب هكون جايبكم هنا ليه يعني
ليكمل بذكاء وثقة: زي مانتو شايفين كدا دي اوضة مراقبة سرية خاصة بالكاميرات اللي انا حاططها في القصر كله عشان لو فيه حاجة هتبان طبعا في تسجيلات الكاميرات
نانسي باعجاب وصفير: الله عليك ايه الذكاء دا يابني احييك بجد
روز بهمس لجاك: ولااا هو انت كنت عارف بموضوع الكاميرات دا
جاك بثقة: ايوة طبعا انا مفيش حاجة بتستخبى عليا
روز بغيظ:يا سلام ومقولتليش ليه بقى
جاك باستفزاز: واقولك ليه يا حشرية انتي
روز بغضب: انا حشرية يا مستفز احيييه انا خايفة لتكون الكاميرات لقطتني وانا بسرق برطمان النوتيلا من التلاجة بليل اصله كان حلو ومن الغالي
جاك بصدمة : نعم بقى انتي اللي سرقتي برطمان النوتيلا بتاعي اه مش عارف انا ايه اللي ممكن يحصلي اكتر من كدا
روز بتشفي: ايه دا هو كان بتاعك يلا فدايا مانت على قلبك قد كدا وماعبرتنيش بمصاصة حتى وقال ايه خطشيبي
ليقاطع شجارهم هذا صوت ادم الذي كان ينظر الى التسجيلات امامه بتركيز
ادم بلهفة: جاك تعالى بسرعة
ليتوجه جميعهم نحو ادم لكي يره ما الذي في التسجيلات فما هو ياترى
………..بقلمي ملكة التشويق نانسي…………

في منزل ليلى صلاح دلفت ليلى الى منزلها بتعب وحزن بسبب ما مرت به من احداث ليلة امس اتجهت نحو غرفتها مباشرة حتى انها لم تستمع الى ندائات والدتها لها فقط دخلت غرفتها واغلقتها عليها من الداخل وجلست على فراشها بارهاق
ليلى وهي تردف في نفسها بحزن ودموعها تنساب على خديها بغزارة: انا اسفة اسفة اووي يا نادر سامحني على اللي قولتهولك لكن انا قلت كدا عشان ميحصلكش مشاكل بسببي او تتخانق مع مامتك بسببي وكمان عشان انا لسة متخطتش اتهامتها ليا واللي عملته معايا لكن لما شوفت نظرة الحزن والخذلان اللي كانت في عيونك حسيت ان قلبي بيتوجع اووي انا ليه لما شوفت لهفتك عليا ونظراتك ليا اتوجعت اووي بالشكل دا كنت حاسة ان قلبي هيخرج من مكانه اه يا يارب انا حاسة اني ضايعة اووي ارجوك كون معايا وشيل الوجع دا من قلبي كفاية اووي الوجع اللي في حياتي يارب انا مش مستحملة وجع تاني
لتمسح دموعها بهدوء وهي تتجه لأخذ حماما دافئا يريح من المها والم قلبها الذي لا تعلم بعد ما سبب كل هذا الالم التي تشعر به ايمكن ان يكون لانها قد جرحته كثيرا بكلامها له ولكن حتى وان جرحته فلما يا قلبي انت الموجوع هكذا لما لما انتفضت واردت التراجع امام نظراته
كانت كل تلك الاسئلة على بال ليلى ولكنها لم تتوصل لاجابة مقنعة فنفضت تلك الاسئلة سريعا وقررت ان تتخطى هذا الموضوع باكمله
………………………💜…………………….
وعلى الناحية الاخرى في سلسلة مطاعم الهواري جروب كان نادر يجلس في مكتبه بشرود وهو غير منتبه الى اي شيئ اخر فقط كان شاردا في هذه الليلة التي يحاول بجميع الطرق تذكر ما الذي حدث بها ولما هو يشعر انه يوجد شيئا ناقصا يوجد شيئ حدث ولكن هو لا يتذكره ابدا تعب من كثرة التفكير ليقرر الذهاب الى ادم وهو بالتاكيد الذي سيخبره بكل شيئ ليجمع متعلقاته ويذهب الى سيارته ليقودها متجها الى قصر الحديدي
……………………….❤…………………….

وعلى الناحية الاخرى في القصر وفي غرفة الكاميرات السرية كان كلا من ادم ونانسي وجاك وروز يتابعون التسجيلات بتركيز وهم يره ناريمان تذهب الى المطبخ وهي تتلفت حولها مثل اللصوص وتضع ذلك المخدر بالعصير ووهي ترشي الجرسون ايضا لكي يذهب ويعطيه الى الشخص المطلوب واخيرا رؤه كل شيئ واتضحت الصورة امامهم وان ناريمان هي من فعلت هذا ووضعت المخدر بالعصير بالاتفاق مع والدتها ناهد ايضا وانها كانت تقصد روز ولكن للاسف نادر هو من وقع بفخها ليغلق جاك اللاب بغضب من هذان الحيات على هيئة بشر وهو يتخيل ماذا وان كانت روز هي التي شربت العصير وفعلت شيئا وهي غير واعية لما تفعله ولكن بداخله حزن ايضا على صديقه الذي لا ذنب له في اي شيئ سوى انه ابن تلك الحية المسماة ناهد هانم
نانسي بغضب وتوعد: مانصدمتش ابدا من الموضوع دا واصلا مش بعيد انها تعمل اكتر من كدا عشان تحقق اللي في بالها بس يا ناهد هانم انتي ماتعرفيش انك لعبتي في عداد عمرك يا حيه انتي وهي انتو الظاهر لسة ماتعرفوش مين هي نانسي انا بقى هوريكم مستحيل اسكتلهم تاني انا اصلا مستنيالهم الغلطة وانا الغلطة عندي بفورة واللي يمس حد يخصني امحيه خالص من الوجود
روز بغضب وعصبية ايضا: بقى الحيه الصفرا دي تعمل كل دا ماشي ان ماربيتها مايبقاش اسمي روز الحديدي
ليخرجه روز ونانسي من الغرفة باكملها ويذهبه الى ساحة القصر حيث يجلس الجد ووالد ووالدة ادم ووالد ووالدة نانسي ايضا
روز بغضب وصوت عالي: هي فين فين الحيه الصفرا اللي اسمها ناريمان
نانسي بعصبية وصوت عالي ايضا: انتي يا مايعه ياللي اسمك ناريمان انزلي هنا فورا
لتجتمع العائلة على اصواتهم وكذلك ادم وجاك الذين اته للتو
الجد بصرامة: فيه ايه مال صوتكم عالي كدا ليه وايه اللي بيحصل هنا
لينزله ناهد وناريمان على اصواتهم ايضا
ناريمان بمياعه: ايه فيه ايه صوتكم جايب اخر القصر الواحد مش عارف يرتاح منكم
روز بسخرية وردح: ترتاحي ترتاحي دا ايه يا روح امك هو بعد اللي انتي عملتيه دا ليكي عين تتكلمي يا حرباية انتي
والد روز بهدوء: روز اهدي وماتعليش صوتك كدا ولو كانت حصلت حاجة قوليلنا عليها بهدوء
روز وهي تحاول الا تنفعل: اسفة يا بابا بس مقدرتش اسكت على كل اللي حصل واللي عملته الحرباية دي هي وامها
ناريمان بغضب: مين دي اللي حرباية يا بيئة انتي
الجد بغضب: اسكته خالص انتو الاتنين ليوجه الجد حديثه الى روز التي كانت تنظر لناريمان بغضب وتود ان تمسكها وتضربها بشدة على كل ما فعلته ولكنها فضلت السكوت لانها تحترم والدها وجدها ايضا
الجد بصرامة: ايه اللي حصل يا روز مالك
روز وهي تنظر لناريمان بغضب: هي السبب في كل اللي حصل امبارح يا جدو هي اللي خططت لكل دا هي وناهد هانم ولبسوها لليلى صاحبتي وحطوها في موقف وحش قدامكم
وفي هذا الوقت كان نادر دخل من باب القصر وسمع اخر الحديث
ناريمان بصدمة وتلعثم: د ددي واحدة كدابة ماتصدقوهاش انا معرفش هي بتتكلم عن ايه اصلا
روز بسخرية وهي على وشك ان تضرب هذه المحتالة: بيجاااد عاملة نفسك بريئة وماتعرفيش حاجة هاا
جاك وهو يتدخل بينهما بسرعة:روز مش كدابة وانا هثبت دا بنفسي
ليخرج هاتفه من جيبه ويضغط على بعض الازرار ليشتغل الفيديو تبع ناريمان الذي يظهر بوضوح خطتهم الماكرة الذي فعلوها وحمله الذنب لليلى ايضا وهي بريئة من كل هذه الاتهامات لينتهي الفيديو تحت استغراب وصدمة الجميع خاصة ناهد وناريمان الذين كانه مصدومين بشدة من هذا الفيديو كيف ومتى ومن اين حصله عليه
لتردف ناهد بخوف وتلعثم: ل لا ا ا انا معرفش حاجة عن الفيديو دا صدقو
الجد وهو يقاطعها بغضب وصرامة: انتي تسكتي خالص يا ناهد ويفضل انك تلمي هدومك وتطلعي من البيت دا فورا انتي وبنتك والا بعد اللي انتي عملتيه دا انا كان زماني مبلغ عنك البوليس لكن انا عامل اعتبار لابنك اللي انا بعتبره واحد من احفادي لكن ياريتك انتي كمان خوفتي عليه وعملتيله اعتبار حتى مكانش كل دا حصل لا وكمان لبستيها لبنت غلبانة ملهاش ذنب غير انها كانت خايفة على ابنك بجد
ناهد بدموع وتمثيل: يا عمي اسمعني ب
الجد بغضب ونبرة لا تقبل النقاش: انا قولت كلمة واحدة ماتخلينيش ارجع فيها احسنلك
لتتجه كلا من ناهد وناريمان بغضب الى الاعلى لكي يأخذه حقائبهم ويذهبه من البيت كما امرهم الجد
نادر بحزن شديد بسبب ما فعلوه: انا اسف بجد على كل اللي حصل دا يا جدي

الجد بحنان: ماتعتذرش يابني انت ملكش ذنب في حاجة
جاك بتأكيد وهو يربت على كتفه بمرح: فيه ايه ياض مالك قلبت على سوسن كدا ليه لا انا مش متعود عليكي كدا اضحكي بقى يا بطة ياختي حلوة امواااه
ليقاطع حديثهم هذا نزول ناهد وناريمان بعد ان اخذه جميع حقائبهم ليذهبه مع نادر
ليأخذهم نادر في سيارته ويذهب بهم الى الفندق الذي حجز لهم به ولكن قبل ان يخرجه من الباب نظره الى القصر نظره سريعة نظرة لا توحي بالخير نظرة توعد وانتقام لكل افراد هذه العائلة وكأنهم يقولون ان الامر لن ينتهي هنا بعد وسترون جميعا
فماذا سيفعلون يااترى وهل سيعودون الى القصر مرة اخرى هذا ما سنعرفه لاحقا
………..بقلمي ملكة التشويق نانسي………….
تيرارارا خلص البارت يا حلوين اشوفكم المرة الجاية بقى
توقعاتكم
ياترى دور ناهد وناريمان انتهى على كدا ولا هيرجعه من تاني
وهل ياترى هيقدره يحققه هدفهم ولا

يتبع …

لقراءة الفصل التالي : اضغط هنا 

لقراءة جميع فصول الرواية اضغط على ( رواية طفلتي العنيدة )